| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
аажарияавад̇д̇агат̇ааван̣н̣анаа
Ācariyavattakathāvaṇṇanā
75. убасзнавад̇т̇умхи аажин̣н̣анд̇и жарид̇ам̣ вад̇д̇ам̣ ануд̇хаммад̇аа. гажжи бхигку каманийяанд̇и бхигку гажжи д̇уяхам̣ ид̣̇ам̣ жад̇ужаггам̣ навад̣̇ваарам̣ сарийраяанд̇ам̣ каманийяам̣ саггаа камид̇ум̣ сахид̇ум̣ барихарид̇ум̣, на гин̃жи д̣̇угкам̣ уббаад̣̇зд̇ийд̇и. гажжи яаабанийяанд̇и гажжи саб̣б̣агижжзсу яаабзд̇ум̣ саггаа, на гин̃жи анд̇арааяам̣ д̣̇ассзд̇ийд̇и. ж̇аананд̇ааби д̇ат̇ааг̇ад̇аад̇извамаад̣̇и яам̣ барад̇о ‘‘гад̇и вассоси д̇вам̣ бхигкуу’’д̇иаад̣̇инаа бужчи, д̇асса барихаарад̣̇ассанад̇т̇ам̣ вуд̇д̇ам̣. д̇ад̇рааяам̣ сан̇кзбад̇т̇о – д̇ат̇ааг̇ад̇аа наама ж̇аананд̇ааби сажз д̇аад̣̇исам̣ бужчаагааран̣ам̣ ход̇и, бужчанд̇и. сажз бана д̇аад̣̇исам̣ бужчаагааран̣ам̣ над̇т̇и, ж̇аананд̇ааби на бужчанд̇и. яасмаа бана б̣уд̣̇д̇хаанам̣ аж̇аананам̣ наама над̇т̇и, д̇асмаа ‘‘аж̇аананд̇аабий’’д̇и на вуд̇д̇ам̣. гаалам̣ вид̣̇ид̇ваа бужчанд̇ийд̇и сажз д̇ассаа бужчааяа со гаало ход̇и, звам̣ д̇ам̣ гаалам̣ вид̣̇ид̇ваа бужчанд̇и. сажз на ход̇и, звамби гаалам̣ вид̣̇ид̇ваава на бужчанд̇и. звам̣ бужчанд̇ааби жа ад̇т̇асам̣хид̇ам̣ д̇ат̇ааг̇ад̇аа бужчанд̇и, яам̣ ад̇т̇аниссид̇ам̣ гааран̣аниссид̇ам̣, д̇ад̣̇зва бужчанд̇и, но анад̇т̇асам̣хид̇ам̣. гасмаа? яасмаа анад̇т̇асам̣хид̇з сзд̇угхаад̇о д̇ат̇ааг̇ад̇аанам̣. сзд̇у вужжад̇и маг̇г̇о, маг̇г̇знзва д̇аад̣̇исасса важанасса гхаад̇о самужчзд̣̇од̇и вуд̇д̇ам̣ ход̇и.
75. Upasenavatthumhi āciṇṇanti caritaṃ vattaṃ anudhammatā. Kacci bhikkhu khamanīyanti bhikkhu kacci tuyhaṃ idaṃ catucakkaṃ navadvāraṃ sarīrayantaṃ khamanīyaṃ sakkā khamituṃ sahituṃ pariharituṃ, na kiñci dukkhaṃ uppādetīti. Kacci yāpanīyanti kacci sabbakiccesu yāpetuṃ sakkā, na kiñci antarāyaṃ dassetīti. Jānantāpi tathāgatātievamādi yaṃ parato ‘‘kati vassosi tvaṃ bhikkhū’’tiādinā pucchi, tassa parihāradassanatthaṃ vuttaṃ. Tatrāyaṃ saṅkhepattho – tathāgatā nāma jānantāpi sace tādisaṃ pucchākāraṇaṃ hoti, pucchanti. Sace pana tādisaṃ pucchākāraṇaṃ natthi, jānantāpi na pucchanti. Yasmā pana buddhānaṃ ajānanaṃ nāma natthi, tasmā ‘‘ajānantāpī’’ti na vuttaṃ. Kālaṃ viditvā pucchantīti sace tassā pucchāya so kālo hoti, evaṃ taṃ kālaṃ viditvā pucchanti. Sace na hoti, evampi kālaṃ viditvāva na pucchanti. Evaṃ pucchantāpi ca atthasaṃhitaṃ tathāgatā pucchanti, yaṃ atthanissitaṃ kāraṇanissitaṃ, tadeva pucchanti, no anatthasaṃhitaṃ. Kasmā? Yasmā anatthasaṃhite setughāto tathāgatānaṃ. Setu vuccati maggo, maggeneva tādisassa vacanassa ghāto samucchedoti vuttaṃ hoti.
ид̣̇аани ад̇т̇асам̣хид̇анд̇и зд̇т̇а яам̣ ад̇т̇аниссид̇ам̣ важанам̣ д̇ат̇ааг̇ад̇аа бужчанд̇и, д̇ам̣ д̣̇ассзнд̇о ‘‘д̣̇вийхи аагаарзхий’’д̇иаад̣̇имааха. д̇ад̇т̇а аагаарзхийд̇и гааран̣зхи . д̇хаммам̣ ваа д̣̇зсзссаамаад̇и адтуббад̇д̇ияуд̇д̇ам̣ суд̇д̇ам̣ ваа буб̣б̣ажарид̇агааран̣аяуд̇д̇ам̣ ж̇аад̇агам̣ ваа гат̇аяиссаама. саавагаанам̣ ваа сигкаабад̣̇ам̣ бан̃н̃абзссаамаад̇и саавагаанам̣ ваа д̇ааяа бужчааяа вийд̇иггамам̣ баагадам̣ гад̇ваа г̇аругам̣ ваа лахугам̣ ваа сигкаабад̣̇ам̣ бан̃н̃абзссаама аан̣ам̣ табзссаама. ад̇илахунд̇и ад̇исийгхам̣.
Idāni atthasaṃhitanti ettha yaṃ atthanissitaṃ vacanaṃ tathāgatā pucchanti, taṃ dassento ‘‘dvīhi ākārehī’’tiādimāha. Tattha ākārehīti kāraṇehi . Dhammaṃ vā desessāmāti aṭṭhuppattiyuttaṃ suttaṃ vā pubbacaritakāraṇayuttaṃ jātakaṃ vā kathayissāma. Sāvakānaṃ vā sikkhāpadaṃ paññapessāmāti sāvakānaṃ vā tāya pucchāya vītikkamaṃ pākaṭaṃ katvā garukaṃ vā lahukaṃ vā sikkhāpadaṃ paññapessāma āṇaṃ ṭhapessāma. Atilahunti atisīghaṃ.
76. ан̃н̃ад̇ид̇т̇ияавад̇т̇умхи ан̃н̃ад̇ид̇т̇ияабуб̣б̣од̇и буб̣б̣з ан̃н̃ад̇ид̇т̇ияо бхууд̇од̇и ан̃н̃ад̇ид̇т̇ияабуб̣б̣о. зд̇т̇а (а. ни. адта. 2.3.62) жа д̇ид̇т̇ам̣ ж̇аанид̇аб̣б̣ам̣, д̇ид̇т̇агаро ж̇аанид̇аб̣б̣о , д̇ид̇т̇ияаа ж̇аанид̇аб̣б̣аа, д̇ид̇т̇ияасаавагаа ж̇аанид̇аб̣б̣аа. д̇ад̇т̇а д̇ид̇т̇ам̣ наама д̣̇ваасадти д̣̇идтияо. зд̇т̇а хи сад̇д̇аа д̇аранд̇и уббилаванд̇и уммуж̇ж̇анимуж̇ж̇ам̣ гаронд̇и, д̇асмаа ‘‘д̇ид̇т̇а’’нд̇и вужжанд̇и. д̇аасам̣ д̣̇идтийнам̣ уббаад̣̇зд̇аа д̇ид̇т̇агаро наама бууран̣агассабаад̣̇иго. д̇асса лад̣̇д̇хим̣ г̇ахзд̇ваа баб̣б̣аж̇ид̇аа д̇ид̇т̇ияаа наама. д̇з хи д̇ид̇т̇з ж̇аад̇аад̇и д̇ид̇т̇ияаа, яат̇аавуд̇д̇ам̣ ваа д̣̇идтиг̇ад̇асан̇каад̇ам̣ д̇ид̇т̇ам̣ зд̇зсам̣ ад̇т̇ийд̇и д̇ид̇т̇игаа, д̇ид̇т̇игаа зва д̇ид̇т̇ияаа. д̇зсам̣ бажжаяад̣̇ааяагаа д̇ид̇т̇ияасаавагаад̇и взд̣̇ид̇аб̣б̣аа. сахад̇хаммигам̣ вужжамаанод̇и сахад̇хаммигзна вужжамаано, гаран̣ад̇т̇з убаяог̇аважанам̣. бан̃жахи сахад̇хаммигзхи сигкид̇аб̣б̣ад̇д̇аа, д̇зсам̣ ваа санд̇агад̇д̇аа ‘‘сахад̇хаммига’’нд̇и лад̣̇д̇ханаамзна б̣уд̣̇д̇хабан̃н̃ад̇д̇зна сигкаабад̣̇зна вужжамаанод̇и ад̇т̇о. басуурод̇и д̇асса наамам̣. бариб̣б̣ааж̇агод̇и г̇ихиб̣анд̇ханам̣ бахааяа баб̣б̣аж̇ж̇убаг̇ад̇о.
76. Aññatitthiyavatthumhi aññatitthiyapubboti pubbe aññatitthiyo bhūtoti aññatitthiyapubbo. Ettha (a. ni. aṭṭha. 2.3.62) ca titthaṃ jānitabbaṃ, titthakaro jānitabbo , titthiyā jānitabbā, titthiyasāvakā jānitabbā. Tattha titthaṃ nāma dvāsaṭṭhi diṭṭhiyo. Ettha hi sattā taranti uppilavanti ummujjanimujjaṃ karonti, tasmā ‘‘tittha’’nti vuccanti. Tāsaṃ diṭṭhīnaṃ uppādetā titthakaro nāma pūraṇakassapādiko. Tassa laddhiṃ gahetvā pabbajitā titthiyā nāma. Te hi titthe jātāti titthiyā, yathāvuttaṃ vā diṭṭhigatasaṅkhātaṃ titthaṃ etesaṃ atthīti titthikā, titthikā eva titthiyā. Tesaṃ paccayadāyakā titthiyasāvakāti veditabbā. Sahadhammikaṃ vuccamānoti sahadhammikena vuccamāno, karaṇatthe upayogavacanaṃ. Pañcahi sahadhammikehi sikkhitabbattā, tesaṃ vā santakattā ‘‘sahadhammika’’nti laddhanāmena buddhapaññattena sikkhāpadena vuccamānoti attho. Pasūroti tassa nāmaṃ. Paribbājakoti gihibandhanaṃ pahāya pabbajjupagato.
д̇ам̣язва д̇ид̇т̇ааяад̇ананд̇и зд̇т̇а д̣̇ваасадтид̣̇идтисан̇каад̇ам̣ д̇ид̇т̇амзва ааяад̇ананд̇и д̇ид̇т̇ааяад̇анам̣, д̇ид̇т̇ам̣ ваа зд̇зсам̣ ад̇т̇ийд̇и д̇ид̇т̇ино, д̇ид̇т̇ияаа, д̇зсам̣ ааяад̇ананд̇иби д̇ид̇т̇ааяад̇анам̣. ааяад̇ананд̇и жа ‘‘ассаанам̣ гамб̣ож̇о ааяад̇анам̣, г̇уннам̣ д̣̇агкин̣абат̇о ааяад̇ана’’нд̇и зд̇т̇а сан̃ж̇аад̇идтаанам̣ ааяад̇анам̣ наама.
Taṃyeva titthāyatananti ettha dvāsaṭṭhidiṭṭhisaṅkhātaṃ titthameva āyatananti titthāyatanaṃ, titthaṃ vā etesaṃ atthīti titthino, titthiyā, tesaṃ āyatanantipi titthāyatanaṃ. Āyatananti ca ‘‘assānaṃ kambojo āyatanaṃ, gunnaṃ dakkhiṇapatho āyatana’’nti ettha sañjātiṭṭhānaṃ āyatanaṃ nāma.
‘‘манорамз ааяад̇анз, сзванд̇и нам̣ вихан̇г̇амаа;
‘‘Manorame āyatane, sevanti naṃ vihaṅgamā;
чааяам̣ чааяад̇т̇ино яанд̇и, палад̇т̇ам̣ палабхож̇ино’’д̇и. (а. ни. 5.38) –
Chāyaṃ chāyatthino yanti, phalatthaṃ phalabhojino’’ti. (a. ni. 5.38) –
зд̇т̇а самосаран̣адтаанам̣. ‘‘бан̃жимаани, бхигкавз, вимуд̇д̇ааяад̇анааний’’д̇и (а. ни. 5.26) зд̇т̇а гааран̣ам̣, д̇ам̣ ид̇ха саб̣б̣амби лаб̣бхад̇и. саб̣б̣зби хи д̣̇идтиг̇ад̇игаа сан̃ж̇ааяамаанаа имаасуязва д̣̇ваасадтияаа д̣̇идтийсу сан̃ж̇ааяанд̇и, самосарамаанааби зд̇аасуязва самосаранд̇и саннибад̇анд̇и, д̣̇идтиг̇ад̇игабхаавз жа нзсам̣ имааязва д̣̇ваасадти д̣̇идтияо гааран̣ам̣, д̇асмаа яат̇аавуд̇д̇ам̣ д̇ид̇т̇амзва сан̃ж̇аад̇иаад̣̇инаа ад̇т̇зна ааяад̇ананд̇и д̇ид̇т̇ааяад̇анам̣, д̇знзвад̇т̇зна д̇ид̇т̇ийнам̣ ааяад̇ананд̇иби д̇ид̇т̇ааяад̇анам̣.
Ettha samosaraṇaṭṭhānaṃ. ‘‘Pañcimāni, bhikkhave, vimuttāyatanānī’’ti (a. ni. 5.26) ettha kāraṇaṃ, taṃ idha sabbampi labbhati. Sabbepi hi diṭṭhigatikā sañjāyamānā imāsuyeva dvāsaṭṭhiyā diṭṭhīsu sañjāyanti, samosaramānāpi etāsuyeva samosaranti sannipatanti, diṭṭhigatikabhāve ca nesaṃ imāyeva dvāsaṭṭhi diṭṭhiyo kāraṇaṃ, tasmā yathāvuttaṃ titthameva sañjātiādinā atthena āyatananti titthāyatanaṃ, tenevatthena titthīnaṃ āyatanantipi titthāyatanaṃ.
ааяасмад̇о ниссааяа важчаамийд̇и зд̇т̇а ааяасмад̇од̇и убаяог̇ад̇т̇з саамиважанам̣, ааяасманд̇ам̣ ниссааяа васиссаамийд̇и ад̇т̇о. б̣яад̇д̇о…бз… вуд̇д̇алагкан̣оязваад̇и барисубадтаабагаб̣ахуссуд̇ам̣ санд̇хааяа вад̣̇ад̇и. бан̃жахубаали ан̇г̇зхийд̇иаад̣̇ийсу яам̣ вад̇д̇аб̣б̣ам̣, д̇ам̣ барад̇о аави бхависсад̇и.
Āyasmato nissāya vacchāmīti ettha āyasmatoti upayogatthe sāmivacanaṃ, āyasmantaṃ nissāya vasissāmīti attho. Byatto…pe… vuttalakkhaṇoyevāti parisupaṭṭhāpakabahussutaṃ sandhāya vadati. Pañcahupāli aṅgehītiādīsu yaṃ vattabbaṃ, taṃ parato āvi bhavissati.
аажарияавад̇д̇агат̇ааван̣н̣анаа нидтид̇аа.
Ācariyavattakathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 18. аажарияавад̇д̇агат̇аа • 18. Ācariyavattakathā
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / аажарияавад̇д̇агат̇аа • Ācariyavattakathā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / аажарияавад̇д̇агат̇ааван̣н̣анаа • Ācariyavattakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / аажарияавад̇д̇агат̇ааван̣н̣анаа • Ācariyavattakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 18. аажарияавад̇д̇агат̇аа • 18. Ācariyavattakathā
