| Library / Tipiṭaka / ತಿಪಿಟಕ • Tipiṭaka / ವಿಮತಿವಿನೋದನೀ-ಟೀಕಾ • Vimativinodanī-ṭīkā |
ಆಚರಿಯವತ್ತಕಥಾವಣ್ಣನಾ
Ācariyavattakathāvaṇṇanā
೭೬. ಸಹಧಮ್ಮಿಕಂ ವುಚ್ಚಮಾನೋತಿ ‘‘ಏವಂ ನಿವಾಸೇತಬ್ಬ’’ನ್ತಿಆದಿನಾ ಸಿಕ್ಖಾಪದೇನ ಓವದಿಯಮಾನೋ। ವಾದಂ ಆರೋಪೇತ್ವಾತಿ ‘‘ಓಲಮ್ಬಿತ್ವಾ ನಿವಾಸನಾದೀಸು ಕೋ ದೋಸೋ? ಯದಿ ದೋಸೋ ಭವೇಯ್ಯ , ಪರಿಮಣ್ಡಲನಿವಾಸನಾದೀಸುಪಿ ದೋಸೋ ಸಿಯಾ’’ತಿಆದಿನಾ ನಿಗ್ಗಹಂ ಆರೋಪೇತ್ವಾ। ತಂಯೇವ ತಿತ್ಥಾಯತನನ್ತಿ ದಿಟ್ಠಿಸಙ್ಖಾತತಿತ್ಥಮೇವ ಆಯತನಂ ದುಕ್ಖುಪ್ಪತ್ತಿಟ್ಠಾನನ್ತಿ ತಿತ್ಥಾಯತನಂ। ಆಯಸ್ಮತೋ ನಿಸ್ಸಾಯ ವಚ್ಛಾಮೀತಿ ಆಯಸ್ಮನ್ತಂ ನಿಸ್ಸಾಯ ವಸಿಸ್ಸಾಮೀತಿ ಅತ್ಥೋ।
76.Sahadhammikaṃ vuccamānoti ‘‘evaṃ nivāsetabba’’ntiādinā sikkhāpadena ovadiyamāno. Vādaṃ āropetvāti ‘‘olambitvā nivāsanādīsu ko doso? Yadi doso bhaveyya , parimaṇḍalanivāsanādīsupi doso siyā’’tiādinā niggahaṃ āropetvā. Taṃyeva titthāyatananti diṭṭhisaṅkhātatitthameva āyatanaṃ dukkhuppattiṭṭhānanti titthāyatanaṃ. Āyasmato nissāya vacchāmīti āyasmantaṃ nissāya vasissāmīti attho.
ಆಚರಿಯವತ್ತಕಥಾವಣ್ಣನಾ ನಿಟ್ಠಿತಾ।
Ācariyavattakathāvaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ವಿನಯಪಿಟಕ • Vinayapiṭaka / ಮಹಾವಗ್ಗಪಾಳಿ • Mahāvaggapāḷi / ೧೮. ಆಚರಿಯವತ್ತಕಥಾ • 18. Ācariyavattakathā
ಅಟ್ಠಕಥಾ • Aṭṭhakathā / ವಿನಯಪಿಟಕ (ಅಟ್ಠಕಥಾ) • Vinayapiṭaka (aṭṭhakathā) / ಮಹಾವಗ್ಗ-ಅಟ್ಠಕಥಾ • Mahāvagga-aṭṭhakathā / ಆಚರಿಯವತ್ತಕಥಾ • Ācariyavattakathā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಸಾರತ್ಥದೀಪನೀ-ಟೀಕಾ • Sāratthadīpanī-ṭīkā / ಆಚರಿಯವತ್ತಕಥಾವಣ್ಣನಾ • Ācariyavattakathāvaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ವಜಿರಬುದ್ಧಿ-ಟೀಕಾ • Vajirabuddhi-ṭīkā / ಆಚರಿಯವತ್ತಕಥಾವಣ್ಣನಾ • Ācariyavattakathāvaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಪಾಚಿತ್ಯಾದಿಯೋಜನಾಪಾಳಿ • Pācityādiyojanāpāḷi / ೧೮. ಆಚರಿಯವತ್ತಕಥಾ • 18. Ācariyavattakathā
