| Library / Tipiṭaka / तिपिटक • Tipiṭaka / पट्ठानपाळि • Paṭṭhānapāḷi |
१०. आचयगामित्तिकं
10. Ācayagāmittikaṃ
१. पटिच्चवारो
1. Paṭiccavāro
१. पच्चयानुलोमं
1. Paccayānulomaṃ
१. विभङ्गवारो
1. Vibhaṅgavāro
हेतुपच्चयो
Hetupaccayo
१. आचयगामिं धम्मं पटिच्च आचयगामी धम्मो उप्पज्जति हेतुपच्चया – आचयगामिं एकं खन्धं पटिच्च तयो खन्धा…पे॰… द्वे खन्धे पटिच्च द्वे खन्धा। (१)
1. Ācayagāmiṃ dhammaṃ paṭicca ācayagāmī dhammo uppajjati hetupaccayā – ācayagāmiṃ ekaṃ khandhaṃ paṭicca tayo khandhā…pe… dve khandhe paṭicca dve khandhā. (1)
आचयगामिं धम्मं पटिच्च नेवाचयगामिनापचयगामी धम्मो उप्पज्जति हेतुपच्चया – आचयगामी खन्धे पटिच्च चित्तसमुट्ठानं रूपं। (२)
Ācayagāmiṃ dhammaṃ paṭicca nevācayagāmināpacayagāmī dhammo uppajjati hetupaccayā – ācayagāmī khandhe paṭicca cittasamuṭṭhānaṃ rūpaṃ. (2)
आचयगामिं धम्मं पटिच्च आचयगामी च नेवाचयगामिनापचयगामी च धम्मा उप्पज्जन्ति हेतुपच्चया – आचयगामिं एकं खन्धं पटिच्च तयो खन्धा चित्तसमुट्ठानञ्च रूपं…पे॰… द्वे खन्धे पटिच्च द्वे खन्धा चित्तसमुट्ठानञ्च रूपं। (३)
Ācayagāmiṃ dhammaṃ paṭicca ācayagāmī ca nevācayagāmināpacayagāmī ca dhammā uppajjanti hetupaccayā – ācayagāmiṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe paṭicca dve khandhā cittasamuṭṭhānañca rūpaṃ. (3)
२. अपचयगामिं धम्मं पटिच्च अपचयगामी धम्मो उप्पज्जति हेतुपच्चया – अपचयगामिं एकं खन्धं पटिच्च तयो खन्धा…पे॰… द्वे खन्धे पटिच्च द्वे खन्धा। (१)
2. Apacayagāmiṃ dhammaṃ paṭicca apacayagāmī dhammo uppajjati hetupaccayā – apacayagāmiṃ ekaṃ khandhaṃ paṭicca tayo khandhā…pe… dve khandhe paṭicca dve khandhā. (1)
अपचयगामिं धम्मं पटिच्च नेवाचयगामिनापचयगामी धम्मो उप्पज्जति हेतुपच्चया – अपचयगामी खन्धे पटिच्च चित्तसमुट्ठानं रूपं। (२)
Apacayagāmiṃ dhammaṃ paṭicca nevācayagāmināpacayagāmī dhammo uppajjati hetupaccayā – apacayagāmī khandhe paṭicca cittasamuṭṭhānaṃ rūpaṃ. (2)
अपचयगामिं धम्मं पटिच्च अपचयगामी च नेवाचयगामिनापचयगामी च धम्मा उप्पज्जन्ति हेतुपच्चया – अपचयगामिं एकं खन्धं पटिच्च तयो खन्धा चित्तसमुट्ठानञ्च रूपं…पे॰… द्वे खन्धे पटिच्च द्वे खन्धा चित्तसमुट्ठानञ्च रूपं। (३)
Apacayagāmiṃ dhammaṃ paṭicca apacayagāmī ca nevācayagāmināpacayagāmī ca dhammā uppajjanti hetupaccayā – apacayagāmiṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe paṭicca dve khandhā cittasamuṭṭhānañca rūpaṃ. (3)
३. नेवाचयगामिनापचयगामिं धम्मं पटिच्च नेवाचयगामिनापचयगामी धम्मो उप्पज्जति हेतुपच्चया – नेवाचयगामिनापचयगामिं एकं खन्धं पटिच्च तयो खन्धा चित्तसमुट्ठानञ्च रूपं…पे॰… द्वे खन्धे…पे॰… पटिसन्धिक्खणे नेवाचयगामिनापचयगामिं एकं खन्धं पटिच्च तयो खन्धा कटत्ता च रूपं…पे॰… द्वे खन्धे…पे॰… खन्धे पटिच्च वत्थु, वत्थुं पटिच्च खन्धा; एकं महाभूतं पटिच्च तयो महाभूता…पे॰… द्वे महाभूते पटिच्च द्वे महाभूता; महाभूते पटिच्च चित्तसमुट्ठानं रूपं कटत्तारूपं उपादारूपं। (१)
3. Nevācayagāmināpacayagāmiṃ dhammaṃ paṭicca nevācayagāmināpacayagāmī dhammo uppajjati hetupaccayā – nevācayagāmināpacayagāmiṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… paṭisandhikkhaṇe nevācayagāmināpacayagāmiṃ ekaṃ khandhaṃ paṭicca tayo khandhā kaṭattā ca rūpaṃ…pe… dve khandhe…pe… khandhe paṭicca vatthu, vatthuṃ paṭicca khandhā; ekaṃ mahābhūtaṃ paṭicca tayo mahābhūtā…pe… dve mahābhūte paṭicca dve mahābhūtā; mahābhūte paṭicca cittasamuṭṭhānaṃ rūpaṃ kaṭattārūpaṃ upādārūpaṃ. (1)
आचयगामिञ्च नेवाचयगामिनापचयगामिञ्च धम्मं पटिच्च नेवाचयगामिनापचयगामी धम्मो उप्पज्जति हेतुपच्चया – आचयगामी खन्धे च महाभूते च पटिच्च चित्तसमुट्ठानं रूपं। (१)
Ācayagāmiñca nevācayagāmināpacayagāmiñca dhammaṃ paṭicca nevācayagāmināpacayagāmī dhammo uppajjati hetupaccayā – ācayagāmī khandhe ca mahābhūte ca paṭicca cittasamuṭṭhānaṃ rūpaṃ. (1)
अपचयगामिञ्च नेवाचयगामिनापचयगामिञ्च धम्मं पटिच्च नेवाचयगामिनापचयगामी धम्मो उप्पज्जति हेतुपच्चया – अपचयगामी खन्धे च महाभूते च पटिच्च चित्तसमुट्ठानं रूपं। (१)
Apacayagāmiñca nevācayagāmināpacayagāmiñca dhammaṃ paṭicca nevācayagāmināpacayagāmī dhammo uppajjati hetupaccayā – apacayagāmī khandhe ca mahābhūte ca paṭicca cittasamuṭṭhānaṃ rūpaṃ. (1)
आरम्मणपच्चयो
Ārammaṇapaccayo
४. आचयगामिं धम्मं पटिच्च आचयगामी धम्मो उप्पज्जति आरम्मणपच्चया – आचयगामिं एकं खन्धं पटिच्च तयो खन्धा…पे॰… द्वे खन्धे…पे॰…। (१)
4. Ācayagāmiṃ dhammaṃ paṭicca ācayagāmī dhammo uppajjati ārammaṇapaccayā – ācayagāmiṃ ekaṃ khandhaṃ paṭicca tayo khandhā…pe… dve khandhe…pe…. (1)
अपचयगामिं धम्मं पटिच्च अपचयगामी धम्मो उप्पज्जति आरम्मणपच्चया – अपचयगामिं एकं खन्धं पटिच्च तयो खन्धा…पे॰… द्वे खन्धे…पे॰…। (१)
Apacayagāmiṃ dhammaṃ paṭicca apacayagāmī dhammo uppajjati ārammaṇapaccayā – apacayagāmiṃ ekaṃ khandhaṃ paṭicca tayo khandhā…pe… dve khandhe…pe…. (1)
नेवाचयगामिनापचयगामिं धम्मं पटिच्च नेवाचयगामिनापचयगामी धम्मो उप्पज्जति आरम्मणपच्चया – नेवाचयगामिनापचयगामिं एकं खन्धं पटिच्च तयो खन्धा…पे॰… द्वे खन्धे पटिच्च द्वे खन्धा। पटिसन्धिक्खणे…पे॰… वत्थुं पटिच्च खन्धा। (१)
Nevācayagāmināpacayagāmiṃ dhammaṃ paṭicca nevācayagāmināpacayagāmī dhammo uppajjati ārammaṇapaccayā – nevācayagāmināpacayagāmiṃ ekaṃ khandhaṃ paṭicca tayo khandhā…pe… dve khandhe paṭicca dve khandhā. Paṭisandhikkhaṇe…pe… vatthuṃ paṭicca khandhā. (1)
अधिपतिपच्चयो
Adhipatipaccayo
५. आचयगामिं धम्मं पटिच्च आचयगामी धम्मो उप्पज्जति अधिपतिपच्चया… तीणि।
5. Ācayagāmiṃ dhammaṃ paṭicca ācayagāmī dhammo uppajjati adhipatipaccayā… tīṇi.
अपचयगामिं धम्मं पटिच्च अपचयगामी धम्मो उप्पज्जति अधिपतिपच्चया… तीणि।
Apacayagāmiṃ dhammaṃ paṭicca apacayagāmī dhammo uppajjati adhipatipaccayā… tīṇi.
नेवाचयगामिनापचयगामिं धम्मं पटिच्च नेवाचयगामिनापचयगामी धम्मो… एकं (पटिसन्धि नत्थि); एकं महाभूतं पटिच्च तयो महाभूता…पे॰… महाभूते पटिच्च चित्तसमुट्ठानं रूपं उपादारूपं। (१)
Nevācayagāmināpacayagāmiṃ dhammaṃ paṭicca nevācayagāmināpacayagāmī dhammo… ekaṃ (paṭisandhi natthi); ekaṃ mahābhūtaṃ paṭicca tayo mahābhūtā…pe… mahābhūte paṭicca cittasamuṭṭhānaṃ rūpaṃ upādārūpaṃ. (1)
आचयगामिञ्च नेवाचयगामिनापचयगामिञ्च धम्मं पटिच्च नेवाचयगामिनापचयगामी धम्मो उप्पज्जति अधिपतिपच्चया – आचयगामी खन्धे च महाभूते च पटिच्च चित्तसमुट्ठानं रूपं। (१)
Ācayagāmiñca nevācayagāmināpacayagāmiñca dhammaṃ paṭicca nevācayagāmināpacayagāmī dhammo uppajjati adhipatipaccayā – ācayagāmī khandhe ca mahābhūte ca paṭicca cittasamuṭṭhānaṃ rūpaṃ. (1)
अपचयगामिञ्च नेवाचयगामिनापचयगामिञ्च धम्मं पटिच्च नेवाचयगामिनापचयगामी धम्मो उप्पज्जति अधिपतिपच्चया – अपचयगामी खन्धे च महाभूते च पटिच्च चित्तसमुट्ठानं रूपं। (१)
Apacayagāmiñca nevācayagāmināpacayagāmiñca dhammaṃ paṭicca nevācayagāmināpacayagāmī dhammo uppajjati adhipatipaccayā – apacayagāmī khandhe ca mahābhūte ca paṭicca cittasamuṭṭhānaṃ rūpaṃ. (1)
अनन्तरपच्चयादि
Anantarapaccayādi
६. आचयगामिं धम्मं पटिच्च, आचयगामी धम्मो उप्पज्जति अनन्तरपच्चया… समनन्तरपच्चया … सहजातपच्चया (सब्बेपि महाभूता कातब्बा)… अञ्ञमञ्ञपच्चया (चित्तसमुट्ठानम्पि कटत्तारूपम्पि उपादारूपम्पि नत्थि)… निस्सयपच्चया… उपनिस्सयपच्चया… पुरेजातपच्चया… आसेवनपच्चया… कम्मपच्चया… विपाकपच्चया… आहारपच्चया… इन्द्रियपच्चया… झानपच्चया… मग्गपच्चया… सम्पयुत्तपच्चया… विप्पयुत्तपच्चया… अत्थिपच्चया… नत्थिपच्चया… विगतपच्चया… अविगतपच्चया…।
6. Ācayagāmiṃ dhammaṃ paṭicca, ācayagāmī dhammo uppajjati anantarapaccayā… samanantarapaccayā … sahajātapaccayā (sabbepi mahābhūtā kātabbā)… aññamaññapaccayā (cittasamuṭṭhānampi kaṭattārūpampi upādārūpampi natthi)… nissayapaccayā… upanissayapaccayā… purejātapaccayā… āsevanapaccayā… kammapaccayā… vipākapaccayā… āhārapaccayā… indriyapaccayā… jhānapaccayā… maggapaccayā… sampayuttapaccayā… vippayuttapaccayā… atthipaccayā… natthipaccayā… vigatapaccayā… avigatapaccayā….
१. पच्चयानुलोमं
1. Paccayānulomaṃ
२. सङ्ख्यावारो
2. Saṅkhyāvāro
सुद्धं
Suddhaṃ
७. हेतुया नव, आरम्मणे तीणि, अधिपतिया नव, अनन्तरे तीणि, समनन्तरे तीणि, सहजाते नव, अञ्ञमञ्ञे तीणि, निस्सये नव, उपनिस्सये तीणि, पुरेजाते तीणि, आसेवने तीणि, कम्मे नव, विपाके एकं, आहारे नव, इन्द्रिये नव, झाने नव, मग्गे नव, सम्पयुत्ते तीणि, विप्पयुत्ते नव, अत्थिया नव, नत्थिया तीणि, विगते तीणि, अविगते नव (एवं गणेतब्बं)।
7. Hetuyā nava, ārammaṇe tīṇi, adhipatiyā nava, anantare tīṇi, samanantare tīṇi, sahajāte nava, aññamaññe tīṇi, nissaye nava, upanissaye tīṇi, purejāte tīṇi, āsevane tīṇi, kamme nava, vipāke ekaṃ, āhāre nava, indriye nava, jhāne nava, magge nava, sampayutte tīṇi, vippayutte nava, atthiyā nava, natthiyā tīṇi, vigate tīṇi, avigate nava (evaṃ gaṇetabbaṃ).
अनुलोमं।
Anulomaṃ.
२. पच्चयपच्चनीयं
2. Paccayapaccanīyaṃ
१. विभङ्गवारो
1. Vibhaṅgavāro
नहेतुपच्चयो
Nahetupaccayo
८. आचयगामिं धम्मं पटिच्च आचयगामी धम्मो उप्पज्जति नहेतुपच्चया – विचिकिच्छासहगते उद्धच्चसहगते खन्धे पटिच्च विचिकिच्छासहगतो उद्धच्चसहगतो मोहो। (१)
8. Ācayagāmiṃ dhammaṃ paṭicca ācayagāmī dhammo uppajjati nahetupaccayā – vicikicchāsahagate uddhaccasahagate khandhe paṭicca vicikicchāsahagato uddhaccasahagato moho. (1)
नेवाचयगामिनापचयगामिं धम्मं पटिच्च नेवाचयगामिनापचयगामी धम्मो उप्पज्जति नहेतुपच्चया – अहेतुकं नेवाचयगामिनापचयगामिं एकं खन्धं पटिच्च तयो खन्धा चित्तसमुट्ठानञ्च रूपं…पे॰… द्वे खन्धे…पे॰… अहेतुकपटिसन्धिक्खणे…पे॰… खन्धे पटिच्च वत्थु, वत्थुं पटिच्च खन्धा; एकं महाभूतं…पे॰… बाहिरं… आहारसमुट्ठानं… उतुसमुट्ठानं… असञ्ञसत्तानं एकं महाभूतं…पे॰…। (१)
Nevācayagāmināpacayagāmiṃ dhammaṃ paṭicca nevācayagāmināpacayagāmī dhammo uppajjati nahetupaccayā – ahetukaṃ nevācayagāmināpacayagāmiṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… ahetukapaṭisandhikkhaṇe…pe… khandhe paṭicca vatthu, vatthuṃ paṭicca khandhā; ekaṃ mahābhūtaṃ…pe… bāhiraṃ… āhārasamuṭṭhānaṃ… utusamuṭṭhānaṃ… asaññasattānaṃ ekaṃ mahābhūtaṃ…pe…. (1)
नआरम्मणपच्चयो
Naārammaṇapaccayo
९. आचयगामिं धम्मं पटिच्च नेवाचयगामिनापचयगामी धम्मो उप्पज्जति नआरम्मणपच्चया – आचयगामी खन्धे पटिच्च चित्तसमुट्ठानं रूपं। (१)
9. Ācayagāmiṃ dhammaṃ paṭicca nevācayagāmināpacayagāmī dhammo uppajjati naārammaṇapaccayā – ācayagāmī khandhe paṭicca cittasamuṭṭhānaṃ rūpaṃ. (1)
अपचयगामिं धम्मं पटिच्च नेवाचयगामिनापचयगामी धम्मो उप्पज्जति नआरम्मणपच्चया – अपचयगामी खन्धे पटिच्च चित्तसमुट्ठानं रूपं। (१)
Apacayagāmiṃ dhammaṃ paṭicca nevācayagāmināpacayagāmī dhammo uppajjati naārammaṇapaccayā – apacayagāmī khandhe paṭicca cittasamuṭṭhānaṃ rūpaṃ. (1)
नेवाचयगामिनापचयगामिं धम्मं पटिच्च नेवाचयगामिनापचयगामी धम्मो उप्पज्जति नआरम्मणपच्चया – नेवाचयगामिनापचयगामी खन्धे पटिच्च चित्तसमुट्ठानं रूपं। पटिसन्धिक्खणे…पे॰… खन्धे पटिच्च वत्थु…पे॰… एकं महाभूतं…पे॰… बाहिरं… आहारसमुट्ठानं… उतुसमुट्ठानं… असञ्ञसत्तानं…पे॰…। (१)
Nevācayagāmināpacayagāmiṃ dhammaṃ paṭicca nevācayagāmināpacayagāmī dhammo uppajjati naārammaṇapaccayā – nevācayagāmināpacayagāmī khandhe paṭicca cittasamuṭṭhānaṃ rūpaṃ. Paṭisandhikkhaṇe…pe… khandhe paṭicca vatthu…pe… ekaṃ mahābhūtaṃ…pe… bāhiraṃ… āhārasamuṭṭhānaṃ… utusamuṭṭhānaṃ… asaññasattānaṃ…pe…. (1)
आचयगामिञ्च नेवाचयगामिनापचयगामिञ्च धम्मं पटिच्च नेवाचयगामिनापचयगामी धम्मो उप्पज्जति नआरम्मणपच्चया – आचयगामी खन्धे च महाभूते च पटिच्च चित्तसमुट्ठानं रूपं। (१)
Ācayagāmiñca nevācayagāmināpacayagāmiñca dhammaṃ paṭicca nevācayagāmināpacayagāmī dhammo uppajjati naārammaṇapaccayā – ācayagāmī khandhe ca mahābhūte ca paṭicca cittasamuṭṭhānaṃ rūpaṃ. (1)
अपचयगामिञ्च नेवाचयगामिनापचयगामिञ्च धम्मं पटिच्च नेवाचयगामिनापचयगामी धम्मो उप्पज्जति नआरम्मणपच्चया – अपचयगामी खन्धे च महाभूते च पटिच्च चित्तसमुट्ठानं रूपं। (१)
Apacayagāmiñca nevācayagāmināpacayagāmiñca dhammaṃ paṭicca nevācayagāmināpacayagāmī dhammo uppajjati naārammaṇapaccayā – apacayagāmī khandhe ca mahābhūte ca paṭicca cittasamuṭṭhānaṃ rūpaṃ. (1)
नअधिपतिपच्चयो
Naadhipatipaccayo
१०. आचयगामिं धम्मं पटिच्च आचयगामी धम्मो उप्पज्जति नअधिपतिपच्चया… तीणि।
10. Ācayagāmiṃ dhammaṃ paṭicca ācayagāmī dhammo uppajjati naadhipatipaccayā… tīṇi.
अपचयगामिं धम्मं पटिच्च अपचयगामी धम्मो उप्पज्जति नअधिपतिपच्चया – अपचयगामी खन्धे पटिच्च अपचयगामी अधिपति। (१)
Apacayagāmiṃ dhammaṃ paṭicca apacayagāmī dhammo uppajjati naadhipatipaccayā – apacayagāmī khandhe paṭicca apacayagāmī adhipati. (1)
नेवाचयगामिनापचयगामिं धम्मं पटिच्च नेवाचयगामिनापचयगामी धम्मो उप्पज्जति नअधिपतिपच्चया – नेवाचयगामिनापचयगामिं एकं खन्धं पटिच्च तयो खन्धा चित्तसमुट्ठानञ्च रूपं…पे॰… द्वे खन्धे…पे॰… पटिसन्धिक्खणे…पे॰… खन्धे पटिच्च वत्थु, वत्थुं पटिच्च खन्धा; एकं महाभूतं…पे॰… बाहिरं… आहारसमुट्ठानं… उतुसमुट्ठानं… असञ्ञसत्तानं एकं महाभूतं…पे॰…। (१)
Nevācayagāmināpacayagāmiṃ dhammaṃ paṭicca nevācayagāmināpacayagāmī dhammo uppajjati naadhipatipaccayā – nevācayagāmināpacayagāmiṃ ekaṃ khandhaṃ paṭicca tayo khandhā cittasamuṭṭhānañca rūpaṃ…pe… dve khandhe…pe… paṭisandhikkhaṇe…pe… khandhe paṭicca vatthu, vatthuṃ paṭicca khandhā; ekaṃ mahābhūtaṃ…pe… bāhiraṃ… āhārasamuṭṭhānaṃ… utusamuṭṭhānaṃ… asaññasattānaṃ ekaṃ mahābhūtaṃ…pe…. (1)
आचयगामिञ्च नेवाचयगामिनापचयगामिञ्च धम्मं पटिच्च नेवाचयगामिनापचयगामी धम्मो उप्पज्जति नअधिपतिपच्चया – आचयगामी खन्धे च महाभूते च पटिच्च चित्तसमुट्ठानं रूपं। (१)
Ācayagāmiñca nevācayagāmināpacayagāmiñca dhammaṃ paṭicca nevācayagāmināpacayagāmī dhammo uppajjati naadhipatipaccayā – ācayagāmī khandhe ca mahābhūte ca paṭicca cittasamuṭṭhānaṃ rūpaṃ. (1)
नअनन्तरपच्चयादि
Naanantarapaccayādi
११. आचयगामिं धम्मं पटिच्च नेवाचयगामिनापचयगामी धम्मो उप्पज्जति नअनन्तरपच्चया… नसमनन्तरपच्चया… नअञ्ञमञ्ञपच्चया… नउपनिस्सयपच्चया… नपुरेजातपच्चया (कुसलत्तिकसदिसा सत्त पञ्हा)… नपच्छाजातपच्चया।
11. Ācayagāmiṃ dhammaṃ paṭicca nevācayagāmināpacayagāmī dhammo uppajjati naanantarapaccayā… nasamanantarapaccayā… naaññamaññapaccayā… naupanissayapaccayā… napurejātapaccayā (kusalattikasadisā satta pañhā)… napacchājātapaccayā.
नआसेवनपच्चयो
Naāsevanapaccayo
१२. आचयगामिं धम्मं पटिच्च आचयगामी धम्मो उप्पज्जति नआसेवनपच्चया… तीणि।
12. Ācayagāmiṃ dhammaṃ paṭicca ācayagāmī dhammo uppajjati naāsevanapaccayā… tīṇi.
अपचयगामिं धम्मं पटिच्च नेवाचयगामिनापचयगामी धम्मो उप्पज्जति नआसेवनपच्चया – अपचयगामी खन्धे पटिच्च चित्तसमुट्ठानं रूपं। (१)
Apacayagāmiṃ dhammaṃ paṭicca nevācayagāmināpacayagāmī dhammo uppajjati naāsevanapaccayā – apacayagāmī khandhe paṭicca cittasamuṭṭhānaṃ rūpaṃ. (1)
नेवाचयगामिनापचयगामिं धम्मं पटिच्च नेवाचयगामिनापचयगामी धम्मो उप्पज्जति नआसेवनपच्चया (एका पञ्हा सब्बे महाभूता कातब्बा)।
Nevācayagāmināpacayagāmiṃ dhammaṃ paṭicca nevācayagāmināpacayagāmī dhammo uppajjati naāsevanapaccayā (ekā pañhā sabbe mahābhūtā kātabbā).
आचयगामिञ्च नेवाचयगामिनापचयगामिञ्च धम्मं पटिच्च नेवाचयगामिनापचयगामी धम्मो उप्पज्जति नआसेवनपच्चया – आचयगामी खन्धे च महाभूते च पटिच्च चित्तसमुट्ठानं रूपं। (१)
Ācayagāmiñca nevācayagāmināpacayagāmiñca dhammaṃ paṭicca nevācayagāmināpacayagāmī dhammo uppajjati naāsevanapaccayā – ācayagāmī khandhe ca mahābhūte ca paṭicca cittasamuṭṭhānaṃ rūpaṃ. (1)
अपचयगामिञ्च नेवाचयगामिनापचयगामिञ्च धम्मं पटिच्च नेवाचयगामिनापचयगामी धम्मो उप्पज्जति नआसेवनपच्चया – अपचयगामी खन्धे च महाभूते च पटिच्च चित्तसमुट्ठानं रूपं। (१)
Apacayagāmiñca nevācayagāmināpacayagāmiñca dhammaṃ paṭicca nevācayagāmināpacayagāmī dhammo uppajjati naāsevanapaccayā – apacayagāmī khandhe ca mahābhūte ca paṭicca cittasamuṭṭhānaṃ rūpaṃ. (1)
नकम्मपच्चयो
Nakammapaccayo
१३. आचयगामिं धम्मं पटिच्च आचयगामी धम्मो उप्पज्जति नकम्मपच्चया – आचयगामी खन्धे पटिच्च आचयगामी चेतना। (१)
13. Ācayagāmiṃ dhammaṃ paṭicca ācayagāmī dhammo uppajjati nakammapaccayā – ācayagāmī khandhe paṭicca ācayagāmī cetanā. (1)
अपचयगामिं धम्मं पटिच्च अपचयगामी धम्मो उप्पज्जति नकम्मपच्चया – अपचयगामी खन्धे पटिच्च अपचयगामी चेतना। (१)
Apacayagāmiṃ dhammaṃ paṭicca apacayagāmī dhammo uppajjati nakammapaccayā – apacayagāmī khandhe paṭicca apacayagāmī cetanā. (1)
नेवाचयगामिनापचयगामिं धम्मं पटिच्च नेवाचयगामिनापचयगामी धम्मो उप्पज्जति नकम्मपच्चया – नेवाचयगामिनापचयगामी खन्धे पटिच्च नेवाचयगामिनापचयगामी चेतना; बाहिरं… आहारसमुट्ठानं… उतुसमुट्ठानं… एकं महाभूतं…पे॰…। (१)
Nevācayagāmināpacayagāmiṃ dhammaṃ paṭicca nevācayagāmināpacayagāmī dhammo uppajjati nakammapaccayā – nevācayagāmināpacayagāmī khandhe paṭicca nevācayagāmināpacayagāmī cetanā; bāhiraṃ… āhārasamuṭṭhānaṃ… utusamuṭṭhānaṃ… ekaṃ mahābhūtaṃ…pe…. (1)
नविपाकपच्चयादि
Navipākapaccayādi
१४. आचयगामिं धम्मं पटिच्च आचयगामी धम्मो उप्पज्जति नविपाकपच्चया (परिपुण्णं , पटिसन्धि नत्थि)… नआहारपच्चया… नइन्द्रियपच्चया… नझानपच्चया… नमग्गपच्चया… नसम्पयुत्तपच्चया… नविप्पयुत्तपच्चया (तीणि)… नोनत्थिपच्चया… नोविगतपच्चया।
14. Ācayagāmiṃ dhammaṃ paṭicca ācayagāmī dhammo uppajjati navipākapaccayā (paripuṇṇaṃ , paṭisandhi natthi)… naāhārapaccayā… naindriyapaccayā… najhānapaccayā… namaggapaccayā… nasampayuttapaccayā… navippayuttapaccayā (tīṇi)… nonatthipaccayā… novigatapaccayā.
२. पच्चयपच्चनीयं
2. Paccayapaccanīyaṃ
२. सङ्ख्यावारो
2. Saṅkhyāvāro
सुद्धं
Suddhaṃ
१५. नहेतुया द्वे, नआरम्मणे पञ्च, नअधिपतिया छ, नअनन्तरे पञ्च, नसमनन्तरे पञ्च, नअञ्ञमञ्ञे पञ्च, नउपनिस्सये पञ्च, नपुरेजाते सत्त, नपच्छाजाते नव, नआसेवने सत्त, नकम्मे तीणि, नविपाके नव, नआहारे एकं, नइन्द्रिये एकं, नझाने एकं, नमग्गे एकं, नसम्पयुत्ते पञ्च, नविप्पयुत्ते तीणि, नोनत्थिया पञ्च, नोविगते पञ्च (एवं गणेतब्बं) ।
15. Nahetuyā dve, naārammaṇe pañca, naadhipatiyā cha, naanantare pañca, nasamanantare pañca, naaññamaññe pañca, naupanissaye pañca, napurejāte satta, napacchājāte nava, naāsevane satta, nakamme tīṇi, navipāke nava, naāhāre ekaṃ, naindriye ekaṃ, najhāne ekaṃ, namagge ekaṃ, nasampayutte pañca, navippayutte tīṇi, nonatthiyā pañca, novigate pañca (evaṃ gaṇetabbaṃ) .
पच्चनीयं।
Paccanīyaṃ.
३. पच्चयानुलोमपच्चनीयं
3. Paccayānulomapaccanīyaṃ
हेतुदुकं
Hetudukaṃ
१६. हेतुपच्चया नआरम्मणे पञ्च, नअधिपतिया छ, नअनन्तरे पञ्च, नसमनन्तरे पञ्च, नअञ्ञमञ्ञे पञ्च, नउपनिस्सये पञ्च, नपुरेजाते सत्त , नपच्छाजाते नव, नआसेवने सत्त, नकम्मे तीणि, नविपाके नव, नसम्पयुत्ते पञ्च, नविप्पयुत्ते तीणि, नोनत्थिया पञ्च, नोविगते पञ्च (एवं गणेतब्बं)।
16. Hetupaccayā naārammaṇe pañca, naadhipatiyā cha, naanantare pañca, nasamanantare pañca, naaññamaññe pañca, naupanissaye pañca, napurejāte satta , napacchājāte nava, naāsevane satta, nakamme tīṇi, navipāke nava, nasampayutte pañca, navippayutte tīṇi, nonatthiyā pañca, novigate pañca (evaṃ gaṇetabbaṃ).
अनुलोमपच्चनीयं।
Anulomapaccanīyaṃ.
४. पच्चयपच्चनीयानुलोमं
4. Paccayapaccanīyānulomaṃ
नहेतुदुकं
Nahetudukaṃ
१७. नहेतुपच्चया आरम्मणे द्वे, अनन्तरे द्वे, समनन्तरे द्वे, सहजाते द्वे, अञ्ञमञ्ञे निस्सये उपनिस्सये पुरेजाते आसेवने कम्मे द्वे, विपाके एकं, आहारे द्वे, इन्द्रिये द्वे, झाने द्वे, मग्गे एकं, सम्पयुत्ते द्वे, विप्पयुत्ते अत्थिया नत्थिया विगते अविगते द्वे (एवं गणेतब्बं)।
17. Nahetupaccayā ārammaṇe dve, anantare dve, samanantare dve, sahajāte dve, aññamaññe nissaye upanissaye purejāte āsevane kamme dve, vipāke ekaṃ, āhāre dve, indriye dve, jhāne dve, magge ekaṃ, sampayutte dve, vippayutte atthiyā natthiyā vigate avigate dve (evaṃ gaṇetabbaṃ).
पच्चनीयानुलोमं।
Paccanīyānulomaṃ.
पटिच्चवारो।
Paṭiccavāro.
२. सहजातवारो
2. Sahajātavāro
(सहजातवारो पटिच्चवारसदिसो।)
(Sahajātavāro paṭiccavārasadiso.)
३. पच्चयवारो
3. Paccayavāro
१. पच्चयानुलोमं
1. Paccayānulomaṃ
१. विभङ्गवारो
1. Vibhaṅgavāro
हेतुपच्चयो
Hetupaccayo
१८. आचयगामिं धम्मं पच्चया आचयगामी धम्मो उप्पज्जति हेतुपच्चया – आचयगामिं एकं खन्धं पच्चया तयो खन्धा…पे॰… द्वे खन्धे पच्चया द्वे खन्धा। (१)
18. Ācayagāmiṃ dhammaṃ paccayā ācayagāmī dhammo uppajjati hetupaccayā – ācayagāmiṃ ekaṃ khandhaṃ paccayā tayo khandhā…pe… dve khandhe paccayā dve khandhā. (1)
आचयगामिं धम्मं पच्चया नेवाचयगामिनापचयगामी धम्मो उप्पज्जति हेतुपच्चया – आचयगामी खन्धे पच्चया चित्तसमुट्ठानं रूपं। (२)
Ācayagāmiṃ dhammaṃ paccayā nevācayagāmināpacayagāmī dhammo uppajjati hetupaccayā – ācayagāmī khandhe paccayā cittasamuṭṭhānaṃ rūpaṃ. (2)
आचयगामिं धम्मं पच्चया आचयगामी च नेवाचयगामिनापचयगामी च धम्मा उप्पज्जन्ति हेतुपच्चया – आचयगामिं एकं खन्धं पच्चया तयो खन्धा चित्तसमुट्ठानञ्च रूपं…पे॰… द्वे खन्धे…पे॰…। (३)
Ācayagāmiṃ dhammaṃ paccayā ācayagāmī ca nevācayagāmināpacayagāmī ca dhammā uppajjanti hetupaccayā – ācayagāmiṃ ekaṃ khandhaṃ paccayā tayo khandhā cittasamuṭṭhānañca rūpaṃ…pe… dve khandhe…pe…. (3)
अपचयगामिं धम्मं पच्चया अपचयगामी धम्मो… तीणि।
Apacayagāmiṃ dhammaṃ paccayā apacayagāmī dhammo… tīṇi.
१९. नेवाचयगामिनापचयगामिं धम्मं पच्चया नेवाचयगामिनापचयगामी धम्मो उप्पज्जति हेतुपच्चया – नेवाचयगामिनापचयगामिं एकं खन्धं पच्चया तयो खन्धा चित्तसमुट्ठानञ्च रूपं…पे॰… द्वे खन्धे…पे॰… पटिसन्धिक्खणे…पे॰… खन्धे पच्चया वत्थु, वत्थुं पच्चया खन्धा; एकं महाभूतं पच्चया…पे॰… वत्थुं पच्चया नेवाचयगामिनापचयगामी खन्धा। (१)
19. Nevācayagāmināpacayagāmiṃ dhammaṃ paccayā nevācayagāmināpacayagāmī dhammo uppajjati hetupaccayā – nevācayagāmināpacayagāmiṃ ekaṃ khandhaṃ paccayā tayo khandhā cittasamuṭṭhānañca rūpaṃ…pe… dve khandhe…pe… paṭisandhikkhaṇe…pe… khandhe paccayā vatthu, vatthuṃ paccayā khandhā; ekaṃ mahābhūtaṃ paccayā…pe… vatthuṃ paccayā nevācayagāmināpacayagāmī khandhā. (1)
नेवाचयगामिनापचयगामिं धम्मं पच्चया आचयगामी धम्मो उप्पज्जति हेतुपच्चया – वत्थुं पच्चया आचयगामी खन्धा। (२)
Nevācayagāmināpacayagāmiṃ dhammaṃ paccayā ācayagāmī dhammo uppajjati hetupaccayā – vatthuṃ paccayā ācayagāmī khandhā. (2)
नेवाचयगामिनापचयगामिं धम्मं पच्चया अपचयगामी धम्मो उप्पज्जति हेतुपच्चया – वत्थुं पच्चया अपचयगामी खन्धा। (३)
Nevācayagāmināpacayagāmiṃ dhammaṃ paccayā apacayagāmī dhammo uppajjati hetupaccayā – vatthuṃ paccayā apacayagāmī khandhā. (3)
नेवाचयगामिनापचयगामिं धम्मं पच्चया आचयगामी च नेवाचयगामिनापचयगामी च धम्मा उप्पज्जन्ति हेतुपच्चया – वत्थुं पच्चया आचयगामी खन्धा, महाभूते पच्चया चित्तसमुट्ठानं रूपं। (४)
Nevācayagāmināpacayagāmiṃ dhammaṃ paccayā ācayagāmī ca nevācayagāmināpacayagāmī ca dhammā uppajjanti hetupaccayā – vatthuṃ paccayā ācayagāmī khandhā, mahābhūte paccayā cittasamuṭṭhānaṃ rūpaṃ. (4)
नेवाचयगामिनापचयगामिं धम्मं पच्चया अपचयगामी च नेवाचयगामिनापचयगामी च धम्मा उप्पज्जन्ति हेतुपच्चया – वत्थुं पच्चया अपचयगामी खन्धा, महाभूते पच्चया चित्तसमुट्ठानं रूपं। (५)
Nevācayagāmināpacayagāmiṃ dhammaṃ paccayā apacayagāmī ca nevācayagāmināpacayagāmī ca dhammā uppajjanti hetupaccayā – vatthuṃ paccayā apacayagāmī khandhā, mahābhūte paccayā cittasamuṭṭhānaṃ rūpaṃ. (5)
२०. आचयगामिञ्च नेवाचयगामिनापचयगामिञ्च धम्मं पच्चया आचयगामी धम्मो उप्पज्जति हेतुपच्चया – आचयगामिं एकं खन्धञ्च वत्थुञ्च पच्चया तयो खन्धा…पे॰… द्वे खन्धे…पे॰…। (१)
20. Ācayagāmiñca nevācayagāmināpacayagāmiñca dhammaṃ paccayā ācayagāmī dhammo uppajjati hetupaccayā – ācayagāmiṃ ekaṃ khandhañca vatthuñca paccayā tayo khandhā…pe… dve khandhe…pe…. (1)
आचयगामिञ्च नेवाचयगामिनापचयगामिञ्च धम्मं पच्चया नेवाचयगामिनापचयगामी धम्मो उप्पज्जति हेतुपच्चया – आचयगामी खन्धे च महाभूते च पच्चया चित्तसमुट्ठानं रूपं। (२)
Ācayagāmiñca nevācayagāmināpacayagāmiñca dhammaṃ paccayā nevācayagāmināpacayagāmī dhammo uppajjati hetupaccayā – ācayagāmī khandhe ca mahābhūte ca paccayā cittasamuṭṭhānaṃ rūpaṃ. (2)
आचयगामिञ्च नेवाचयगामिनापचयगामिञ्च धम्मं पच्चया आचयगामी च नेवाचयगामिनापचयगामी च धम्मा उप्पज्जन्ति हेतुपच्चया – आचयगामिं एकं खन्धञ्च वत्थुञ्च पच्चया तयो खन्धा…पे॰… द्वे खन्धे…पे॰… आचयगामी खन्धे च महाभूते च पच्चया चित्तसमुट्ठानं रूपं। (३)
Ācayagāmiñca nevācayagāmināpacayagāmiñca dhammaṃ paccayā ācayagāmī ca nevācayagāmināpacayagāmī ca dhammā uppajjanti hetupaccayā – ācayagāmiṃ ekaṃ khandhañca vatthuñca paccayā tayo khandhā…pe… dve khandhe…pe… ācayagāmī khandhe ca mahābhūte ca paccayā cittasamuṭṭhānaṃ rūpaṃ. (3)
अपचयगामिञ्च नेवाचयगामिनापचयगामिञ्च धम्मं पच्चया अपचयगामी धम्मो… तीणि।
Apacayagāmiñca nevācayagāmināpacayagāmiñca dhammaṃ paccayā apacayagāmī dhammo… tīṇi.
आरम्मणपच्चयो
Ārammaṇapaccayo
२१. आचयगामिं धम्मं पच्चया आचयगामी धम्मो उप्पज्जति आरम्मणपच्चया – आचयगामिं एकं खन्धं पच्चया…पे॰…। (१)
21. Ācayagāmiṃ dhammaṃ paccayā ācayagāmī dhammo uppajjati ārammaṇapaccayā – ācayagāmiṃ ekaṃ khandhaṃ paccayā…pe…. (1)
अपचयगामिं धम्मं पच्चया अपचयगामी धम्मो… एकं।
Apacayagāmiṃ dhammaṃ paccayā apacayagāmī dhammo… ekaṃ.
नेवाचयगामिनापचयगामिं धम्मं पच्चया नेवाचयगामिनापचयगामी धम्मो उप्पज्जति आरम्मणपच्चया… नेवाचयगामिनापचयगामिं एकं खन्धं पच्चया तयो खन्धा…पे॰… द्वे खन्धे…पे॰… पटिसन्धिक्खणे…पे॰… वत्थुं पच्चया खन्धा, चक्खायतनं पच्चया चक्खुविञ्ञाणं…पे॰… कायायतनं पच्चया कायविञ्ञाणं। वत्थुं पच्चया नेवाचयगामिनापचयगामी खन्धा। (१)
Nevācayagāmināpacayagāmiṃ dhammaṃ paccayā nevācayagāmināpacayagāmī dhammo uppajjati ārammaṇapaccayā… nevācayagāmināpacayagāmiṃ ekaṃ khandhaṃ paccayā tayo khandhā…pe… dve khandhe…pe… paṭisandhikkhaṇe…pe… vatthuṃ paccayā khandhā, cakkhāyatanaṃ paccayā cakkhuviññāṇaṃ…pe… kāyāyatanaṃ paccayā kāyaviññāṇaṃ. Vatthuṃ paccayā nevācayagāmināpacayagāmī khandhā. (1)
नेवाचयगामिनापचयगामिं धम्मं पच्चया आचयगामी धम्मो उप्पज्जति आरम्मणपच्चया – वत्थुं पच्चया आचयगामी खन्धा। (२)
Nevācayagāmināpacayagāmiṃ dhammaṃ paccayā ācayagāmī dhammo uppajjati ārammaṇapaccayā – vatthuṃ paccayā ācayagāmī khandhā. (2)
नेवाचयगामिनापचयगामिं धम्मं पच्चया अपचयगामी धम्मो उप्पज्जति आरम्मणपच्चया – वत्थुं पच्चया अपचयगामी खन्धा। (३)
Nevācayagāmināpacayagāmiṃ dhammaṃ paccayā apacayagāmī dhammo uppajjati ārammaṇapaccayā – vatthuṃ paccayā apacayagāmī khandhā. (3)
आचयगामिञ्च नेवाचयगामिनापचयगामिञ्च धम्मं पच्चया आचयगामी धम्मो उप्पज्जति आरम्मणपच्चया – आचयगामिं एकं खन्धञ्च वत्थुञ्च पच्चया तयो खन्धा…पे॰… द्वे खन्धे…पे॰…। (१)
Ācayagāmiñca nevācayagāmināpacayagāmiñca dhammaṃ paccayā ācayagāmī dhammo uppajjati ārammaṇapaccayā – ācayagāmiṃ ekaṃ khandhañca vatthuñca paccayā tayo khandhā…pe… dve khandhe…pe…. (1)
अपचयगामिञ्च नेवाचयगामिनापचयगामिञ्च धम्मं पच्चया अपचयगामी धम्मो उप्पज्जति आरम्मणपच्चया – अपचयगामिं एकं खन्धञ्च वत्थुञ्च पच्चया तयो खन्धा…पे॰… द्वे खन्धे…पे॰…। (१)
Apacayagāmiñca nevācayagāmināpacayagāmiñca dhammaṃ paccayā apacayagāmī dhammo uppajjati ārammaṇapaccayā – apacayagāmiṃ ekaṃ khandhañca vatthuñca paccayā tayo khandhā…pe… dve khandhe…pe…. (1)
अधिपतिपच्चयो
Adhipatipaccayo
२२. आचयगामिं धम्मं पच्चया आचयगामी धम्मो उप्पज्जति अधिपतिपच्चया… तीणि।
22. Ācayagāmiṃ dhammaṃ paccayā ācayagāmī dhammo uppajjati adhipatipaccayā… tīṇi.
अपचयगामिं धम्मं पच्चया अपचयगामी धम्मो… तीणि।
Apacayagāmiṃ dhammaṃ paccayā apacayagāmī dhammo… tīṇi.
नेवाचयगामिनापचयगामिं धम्मं पच्चया नेवाचयगामिनापचयगामी धम्मो… एकं…पे॰… वत्थुं पच्चया नेवाचयगामिनापचयगामी खन्धा।
Nevācayagāmināpacayagāmiṃ dhammaṃ paccayā nevācayagāmināpacayagāmī dhammo… ekaṃ…pe… vatthuṃ paccayā nevācayagāmināpacayagāmī khandhā.
नेवाचयगामिनापचयगामिं धम्मं पच्चया आचयगामी धम्मो…पे॰… (इधापि घटना हेतुसदिसा)।
Nevācayagāmināpacayagāmiṃ dhammaṃ paccayā ācayagāmī dhammo…pe… (idhāpi ghaṭanā hetusadisā).
अनन्तरपच्चयादि
Anantarapaccayādi
२३. आचयगामिं धम्मं पच्चया आचयगामी धम्मो उप्पज्जति अनन्तरपच्चया… समनन्तरपच्चया… सहजातपच्चया… तीणि।
23. Ācayagāmiṃ dhammaṃ paccayā ācayagāmī dhammo uppajjati anantarapaccayā… samanantarapaccayā… sahajātapaccayā… tīṇi.
अपचयगामिं धम्मं पच्चया अपचयगामी धम्मो… तीणि।
Apacayagāmiṃ dhammaṃ paccayā apacayagāmī dhammo… tīṇi.
नेवाचयगामिनापचयगामिं धम्मं पच्चया नेवाचयगामिनापचयगामी धम्मो उप्पज्जति सहजातपच्चया – नेवाचयगामिनापचयगामिं एकं खन्धं पच्चया तयो खन्धा चित्तसमुट्ठानञ्च रूपं…पे॰… द्वे खन्धे…पे॰… पटिसन्धिक्खणे…पे॰… असञ्ञसत्तानं एकं महाभूतं…पे॰… चक्खायतनं पच्चया चक्खुविञ्ञाणं…पे॰… कायायतनं पच्चया कायविञ्ञाणं। वत्थुं पच्चया…पे॰…। (१)
Nevācayagāmināpacayagāmiṃ dhammaṃ paccayā nevācayagāmināpacayagāmī dhammo uppajjati sahajātapaccayā – nevācayagāmināpacayagāmiṃ ekaṃ khandhaṃ paccayā tayo khandhā cittasamuṭṭhānañca rūpaṃ…pe… dve khandhe…pe… paṭisandhikkhaṇe…pe… asaññasattānaṃ ekaṃ mahābhūtaṃ…pe… cakkhāyatanaṃ paccayā cakkhuviññāṇaṃ…pe… kāyāyatanaṃ paccayā kāyaviññāṇaṃ. Vatthuṃ paccayā…pe…. (1)
नेवाचयगामिनापचयगामिं धम्मं पच्चया आचयगामी धम्मो उप्पज्जति सहजातपच्चया (संखित्तं, सब्बे घटना कातब्बा)।
Nevācayagāmināpacayagāmiṃ dhammaṃ paccayā ācayagāmī dhammo uppajjati sahajātapaccayā (saṃkhittaṃ, sabbe ghaṭanā kātabbā).
अञ्ञमञ्ञपच्चयादि
Aññamaññapaccayādi
२४. अपचयगामिं धम्मं पच्चया अपचयगामी धम्मो उप्पज्जति अञ्ञमञ्ञपच्चया… निस्सयपच्चया… उपनिस्सयपच्चया… पुरेजातपच्चया… आसेवनपच्चया… कम्मपच्चया… विपाकपच्चया… आहारपच्चया… इन्द्रियपच्चया… झानपच्चया… मग्गपच्चया… सम्पयुत्तपच्चया… विप्पयुत्तपच्चया… अत्थिपच्चया… नत्थिपच्चया… विगतपच्चया… अविगतपच्चया।
24. Apacayagāmiṃ dhammaṃ paccayā apacayagāmī dhammo uppajjati aññamaññapaccayā… nissayapaccayā… upanissayapaccayā… purejātapaccayā… āsevanapaccayā… kammapaccayā… vipākapaccayā… āhārapaccayā… indriyapaccayā… jhānapaccayā… maggapaccayā… sampayuttapaccayā… vippayuttapaccayā… atthipaccayā… natthipaccayā… vigatapaccayā… avigatapaccayā.
१. पच्चयानुलोमं
1. Paccayānulomaṃ
२. सङ्ख्यावारो
2. Saṅkhyāvāro
सुद्धं
Suddhaṃ
२५. हेतुया सत्तरस, आरम्मणे सत्त, अधिपतिया सत्तरस, अनन्तरे सत्त, समनन्तरे सत्त, सहजाते सत्तरस, अञ्ञमञ्ञे सत्त, निस्सये सत्तरस, उपनिस्सये सत्त, पुरेजाते सत्त, आसेवने सत्त, कम्मे सत्तरस, विपाके एकं, आहारे सत्तरस, इन्द्रिये झाने मग्गे सत्तरस, सम्पयुत्ते सत्त, विप्पयुत्ते सत्तरस, अत्थिया सत्तरस, नत्थिया सत्त, विगते सत्त, अविगते सत्तरस (एवं गणेतब्बं)।
25. Hetuyā sattarasa, ārammaṇe satta, adhipatiyā sattarasa, anantare satta, samanantare satta, sahajāte sattarasa, aññamaññe satta, nissaye sattarasa, upanissaye satta, purejāte satta, āsevane satta, kamme sattarasa, vipāke ekaṃ, āhāre sattarasa, indriye jhāne magge sattarasa, sampayutte satta, vippayutte sattarasa, atthiyā sattarasa, natthiyā satta, vigate satta, avigate sattarasa (evaṃ gaṇetabbaṃ).
अनुलोमं।
Anulomaṃ.
२. पच्चयपच्चनीयं
2. Paccayapaccanīyaṃ
१. विभङ्गवारो
1. Vibhaṅgavāro
नहेतुपच्चयो
Nahetupaccayo
२६. आचयगामिं धम्मं पच्चया आचयगामी धम्मो उप्पज्जति नहेतुपच्चया – विचिकिच्छासहगते उद्धच्चसहगते खन्धे पच्चया विचिकिच्छासहगतो उद्धच्चसहगतो मोहो। (१)
26. Ācayagāmiṃ dhammaṃ paccayā ācayagāmī dhammo uppajjati nahetupaccayā – vicikicchāsahagate uddhaccasahagate khandhe paccayā vicikicchāsahagato uddhaccasahagato moho. (1)
नेवाचयगामिनापचयगामिं धम्मं पच्चया नेवाचयगामिनापचयगामी धम्मो उप्पज्जति नहेतुपच्चया – अहेतुकं नेवाचयगामिनापचयगामिं एकं खन्धं पच्चया तयो खन्धा चित्तसमुट्ठानञ्च रूपं…पे॰… द्वे खन्धे…पे॰… अहेतुकपटिसन्धिक्खणे…पे॰… असञ्ञसत्तानं एकं महाभूतं…पे॰… चक्खायतनं पच्चया चक्खुविञ्ञाणं…पे॰… कायायतनं पच्चया कायविञ्ञाणं। वत्थुं पच्चया अहेतुका नेवाचयगामिनापचयगामी खन्धा। (१)
Nevācayagāmināpacayagāmiṃ dhammaṃ paccayā nevācayagāmināpacayagāmī dhammo uppajjati nahetupaccayā – ahetukaṃ nevācayagāmināpacayagāmiṃ ekaṃ khandhaṃ paccayā tayo khandhā cittasamuṭṭhānañca rūpaṃ…pe… dve khandhe…pe… ahetukapaṭisandhikkhaṇe…pe… asaññasattānaṃ ekaṃ mahābhūtaṃ…pe… cakkhāyatanaṃ paccayā cakkhuviññāṇaṃ…pe… kāyāyatanaṃ paccayā kāyaviññāṇaṃ. Vatthuṃ paccayā ahetukā nevācayagāmināpacayagāmī khandhā. (1)
नेवाचयगामिनापचयगामिं धम्मं पच्चया आचयगामी धम्मो उप्पज्जति नहेतुपच्चया – वत्थुं पच्चया विचिकिच्छासहगतो उद्धच्चसहगतो मोहो। (२)
Nevācayagāmināpacayagāmiṃ dhammaṃ paccayā ācayagāmī dhammo uppajjati nahetupaccayā – vatthuṃ paccayā vicikicchāsahagato uddhaccasahagato moho. (2)
आचयगामिञ्च नेवाचयगामिनापचयगामिञ्च धम्मं पच्चया आचयगामी धम्मो उप्पज्जति नहेतुपच्चया – विचिकिच्छासहगते उद्धच्चसहगते खन्धे च वत्थुञ्च पच्चया विचिकिच्छासहगतो उद्धच्चसहगतो मोहो। (१)
Ācayagāmiñca nevācayagāmināpacayagāmiñca dhammaṃ paccayā ācayagāmī dhammo uppajjati nahetupaccayā – vicikicchāsahagate uddhaccasahagate khandhe ca vatthuñca paccayā vicikicchāsahagato uddhaccasahagato moho. (1)
नआरम्मणपच्चयो
Naārammaṇapaccayo
२७. आचयगामिं धम्मं पच्चया नेवाचयगामिनापचयगामी धम्मो उप्पज्जति नआरम्मणपच्चया (संखित्तं। पटिच्चवारसदिसं)।
27. Ācayagāmiṃ dhammaṃ paccayā nevācayagāmināpacayagāmī dhammo uppajjati naārammaṇapaccayā (saṃkhittaṃ. Paṭiccavārasadisaṃ).
नअधिपतिपच्चयो
Naadhipatipaccayo
२८. आचयगामिं धम्मं पच्चया आचयगामी धम्मो उप्पज्जति नअधिपतिपच्चया… तीणि।
28. Ācayagāmiṃ dhammaṃ paccayā ācayagāmī dhammo uppajjati naadhipatipaccayā… tīṇi.
अपचयगामिं धम्मं पच्चया अपचयगामी धम्मो उप्पज्जति नअधिपतिपच्चया – अपचयगामी खन्धे पच्चया अपचयगामी अधिपति। (१)
Apacayagāmiṃ dhammaṃ paccayā apacayagāmī dhammo uppajjati naadhipatipaccayā – apacayagāmī khandhe paccayā apacayagāmī adhipati. (1)
नेवाचयगामिनापचयगामिं धम्मं पच्चया नेवाचयगामिनापचयगामी धम्मो उप्पज्जति नअधिपतिपच्चया…पे॰… असञ्ञसत्तानं…पे॰… चक्खायतनं पच्चया चक्खुविञ्ञाणं…पे॰… कायायतनं पच्चया कायविञ्ञाणं। वत्थुं पच्चया नेवाचयगामिनापचयगामी खन्धा। (१)
Nevācayagāmināpacayagāmiṃ dhammaṃ paccayā nevācayagāmināpacayagāmī dhammo uppajjati naadhipatipaccayā…pe… asaññasattānaṃ…pe… cakkhāyatanaṃ paccayā cakkhuviññāṇaṃ…pe… kāyāyatanaṃ paccayā kāyaviññāṇaṃ. Vatthuṃ paccayā nevācayagāmināpacayagāmī khandhā. (1)
नेवाचयगामिनापचयगामिं धम्मं पच्चया आचयगामी धम्मो उप्पज्जति नअधिपतिपच्चया – वत्थुं पच्चया आचयगामी खन्धा। (२)
Nevācayagāmināpacayagāmiṃ dhammaṃ paccayā ācayagāmī dhammo uppajjati naadhipatipaccayā – vatthuṃ paccayā ācayagāmī khandhā. (2)
नेवाचयगामिनापचयगामिं धम्मं पच्चया अपचयगामी धम्मो उप्पज्जति नअधिपतिपच्चया – वत्थुं पच्चया अपचयगामी अधिपति। (३)
Nevācayagāmināpacayagāmiṃ dhammaṃ paccayā apacayagāmī dhammo uppajjati naadhipatipaccayā – vatthuṃ paccayā apacayagāmī adhipati. (3)
नेवाचयगामिनापचयगामिं धम्मं पच्चया आचयगामी च नेवाचयगामिनापचयगामी च धम्मा उप्पज्जन्ति नअधिपतिपच्चया – वत्थुं पच्चया आचयगामी खन्धा, महाभूते पच्चया चित्तसमुट्ठानं रूपं। (४)
Nevācayagāmināpacayagāmiṃ dhammaṃ paccayā ācayagāmī ca nevācayagāmināpacayagāmī ca dhammā uppajjanti naadhipatipaccayā – vatthuṃ paccayā ācayagāmī khandhā, mahābhūte paccayā cittasamuṭṭhānaṃ rūpaṃ. (4)
२९. आचयगामिञ्च नेवाचयगामिनापचयगामिञ्च धम्मं पच्चया आचयगामी धम्मो उप्पज्जति नअधिपतिपच्चया – आचयगामिं एकं खन्धञ्च वत्थुञ्च पच्चया तयो खन्धा…पे॰… द्वे खन्धे…पे॰…। (१)
29. Ācayagāmiñca nevācayagāmināpacayagāmiñca dhammaṃ paccayā ācayagāmī dhammo uppajjati naadhipatipaccayā – ācayagāmiṃ ekaṃ khandhañca vatthuñca paccayā tayo khandhā…pe… dve khandhe…pe…. (1)
आचयगामिञ्च नेवाचयगामिनापचयगामिञ्च धम्मं पच्चया नेवाचयगामिनापचयगामी धम्मो उप्पज्जति नअधिपतिपच्चया – आचयगामी खन्धे च महाभूते च पच्चया चित्तसमुट्ठानं रूपं। (२)
Ācayagāmiñca nevācayagāmināpacayagāmiñca dhammaṃ paccayā nevācayagāmināpacayagāmī dhammo uppajjati naadhipatipaccayā – ācayagāmī khandhe ca mahābhūte ca paccayā cittasamuṭṭhānaṃ rūpaṃ. (2)
आचयगामिञ्च नेवाचयगामिनापचयगामिञ्च धम्मं पच्चया आचयगामी च नेवाचयगामिनापचयगामी च धम्मा उप्पज्जन्ति नअधिपतिपच्चया – आचयगामिं एकं खन्धञ्च वत्थुञ्च पच्चया तयो खन्धा…पे॰… द्वे खन्धे…पे॰… आचयगामी खन्धे च महाभूते च पच्चया चित्तसमुट्ठानं रूपं। (३)
Ācayagāmiñca nevācayagāmināpacayagāmiñca dhammaṃ paccayā ācayagāmī ca nevācayagāmināpacayagāmī ca dhammā uppajjanti naadhipatipaccayā – ācayagāmiṃ ekaṃ khandhañca vatthuñca paccayā tayo khandhā…pe… dve khandhe…pe… ācayagāmī khandhe ca mahābhūte ca paccayā cittasamuṭṭhānaṃ rūpaṃ. (3)
अपचयगामिञ्च नेवाचयगामिनापचयगामिञ्च धम्मं पच्चया अपचयगामी धम्मो उप्पज्जति नअधिपतिपच्चया – अपचयगामी खन्धे च वत्थुञ्च पच्चया अपचयगामी अधिपति। (१)
Apacayagāmiñca nevācayagāmināpacayagāmiñca dhammaṃ paccayā apacayagāmī dhammo uppajjati naadhipatipaccayā – apacayagāmī khandhe ca vatthuñca paccayā apacayagāmī adhipati. (1)
नअनन्तरपच्चयादि
Naanantarapaccayādi
३०. नअनन्तरपच्चया… नसमनन्तरपच्चया… नअञ्ञमञ्ञपच्चया… नउपनिस्सयपच्चया… नपुरेजातपच्चया (पटिच्चवारसदिसा, सत्त पञ्हा)… नपच्छाजातपच्चया (परिपुण्णं)।
30. Naanantarapaccayā… nasamanantarapaccayā… naaññamaññapaccayā… naupanissayapaccayā… napurejātapaccayā (paṭiccavārasadisā, satta pañhā)… napacchājātapaccayā (paripuṇṇaṃ).
नआसेवनपच्चयो
Naāsevanapaccayo
३१. आचयगामिं धम्मं पच्चया आचयगामी धम्मो उप्पज्जति नआसेवनपच्चया… तीणि।
31. Ācayagāmiṃ dhammaṃ paccayā ācayagāmī dhammo uppajjati naāsevanapaccayā… tīṇi.
अपचयगामिं धम्मं पच्चया नेवाचयगामिनापचयगामी धम्मो उप्पज्जति नआसेवनपच्चया – अपचयगामी खन्धे पच्चया चित्तसमुट्ठानं रूपं। (१)
Apacayagāmiṃ dhammaṃ paccayā nevācayagāmināpacayagāmī dhammo uppajjati naāsevanapaccayā – apacayagāmī khandhe paccayā cittasamuṭṭhānaṃ rūpaṃ. (1)
नेवाचयगामिनापचयगामिं धम्मं पच्चया नेवाचयगामिनापचयगामी धम्मो उप्पज्जति नआसेवनपच्चया – असञ्ञसत्तानं…पे॰… चक्खायतनं पच्चया चक्खुविञ्ञाणं…पे॰… कायायतनं पच्चया कायविञ्ञाणं। वत्थुं पच्चया नेवाचयगामिनापचयगामी खन्धा। (१)
Nevācayagāmināpacayagāmiṃ dhammaṃ paccayā nevācayagāmināpacayagāmī dhammo uppajjati naāsevanapaccayā – asaññasattānaṃ…pe… cakkhāyatanaṃ paccayā cakkhuviññāṇaṃ…pe… kāyāyatanaṃ paccayā kāyaviññāṇaṃ. Vatthuṃ paccayā nevācayagāmināpacayagāmī khandhā. (1)
नेवाचयगामिनापचयगामिं धम्मं पच्चया आचयगामी धम्मो उप्पज्जति नआसेवनपच्चया – वत्थुं पच्चया आचयगामी खन्धा। (२)
Nevācayagāmināpacayagāmiṃ dhammaṃ paccayā ācayagāmī dhammo uppajjati naāsevanapaccayā – vatthuṃ paccayā ācayagāmī khandhā. (2)
नेवाचयगामिनापचयगामिं धम्मं पच्चया आचयगामी च नेवाचयगामिनापचयगामी च धम्मा उप्पज्जन्ति नआसेवनपच्चया – वत्थुं पच्चया आचयगामी खन्धा, महाभूते पच्चया चित्तसमुट्ठानं रूपं। (३)
Nevācayagāmināpacayagāmiṃ dhammaṃ paccayā ācayagāmī ca nevācayagāmināpacayagāmī ca dhammā uppajjanti naāsevanapaccayā – vatthuṃ paccayā ācayagāmī khandhā, mahābhūte paccayā cittasamuṭṭhānaṃ rūpaṃ. (3)
आचयगामिञ्च नेवाचयगामिनापचयगामिञ्च धम्मं पच्चया आचयगामी धम्मो उप्पज्जति नआसेवनपच्चया – आचयगामिं एकं खन्धञ्च वत्थुञ्च पच्चया तयो खन्धा…पे॰… द्वे खन्धे…पे॰…। (१)
Ācayagāmiñca nevācayagāmināpacayagāmiñca dhammaṃ paccayā ācayagāmī dhammo uppajjati naāsevanapaccayā – ācayagāmiṃ ekaṃ khandhañca vatthuñca paccayā tayo khandhā…pe… dve khandhe…pe…. (1)
आचयगामिञ्च नेवाचयगामिनापचयगामिञ्च धम्मं पच्चया नेवाचयगामिनापचयगामी धम्मो उप्पज्जति नआसेवनपच्चया – आचयगामी खन्धे च महाभूते च पच्चया चित्तसमुट्ठानं रूपं। (२)
Ācayagāmiñca nevācayagāmināpacayagāmiñca dhammaṃ paccayā nevācayagāmināpacayagāmī dhammo uppajjati naāsevanapaccayā – ācayagāmī khandhe ca mahābhūte ca paccayā cittasamuṭṭhānaṃ rūpaṃ. (2)
आचयगामिञ्च नेवाचयगामिनापचयगामिञ्च धम्मं पच्चया आचयगामी च नेवाचयगामिनापचयगामी च धम्मा उप्पज्जन्ति नआसेवनपच्चया – आचयगामिं एकं खन्धञ्च वत्थुञ्च पच्चया तयो खन्धा…पे॰… द्वे खन्धे…पे॰… आचयगामी खन्धे च महाभूते च पच्चया चित्तसमुट्ठानं रूपं। (३)
Ācayagāmiñca nevācayagāmināpacayagāmiñca dhammaṃ paccayā ācayagāmī ca nevācayagāmināpacayagāmī ca dhammā uppajjanti naāsevanapaccayā – ācayagāmiṃ ekaṃ khandhañca vatthuñca paccayā tayo khandhā…pe… dve khandhe…pe… ācayagāmī khandhe ca mahābhūte ca paccayā cittasamuṭṭhānaṃ rūpaṃ. (3)
अपचयगामिञ्च नेवाचयगामिनापचयगामिञ्च धम्मं पच्चया नेवाचयगामिनापचयगामी धम्मो उप्पज्जति नआसेवनपच्चया – अपचयगामी खन्धे च महाभूते च पच्चया चित्तसमुट्ठानं रूपं। (१)
Apacayagāmiñca nevācayagāmināpacayagāmiñca dhammaṃ paccayā nevācayagāmināpacayagāmī dhammo uppajjati naāsevanapaccayā – apacayagāmī khandhe ca mahābhūte ca paccayā cittasamuṭṭhānaṃ rūpaṃ. (1)
नकम्मपच्चयो
Nakammapaccayo
३२. आचयगामिं धम्मं पच्चया आचयगामी धम्मो उप्पज्जति नकम्मपच्चया – आचयगामी खन्धे पच्चया आचयगामी चेतना। (१)
32. Ācayagāmiṃ dhammaṃ paccayā ācayagāmī dhammo uppajjati nakammapaccayā – ācayagāmī khandhe paccayā ācayagāmī cetanā. (1)
अपचयगामिं धम्मं पच्चया अपचयगामी धम्मो उप्पज्जति नकम्मपच्चया – अपचयगामी खन्धे पच्चया अपचयगामी चेतना। (१)
Apacayagāmiṃ dhammaṃ paccayā apacayagāmī dhammo uppajjati nakammapaccayā – apacayagāmī khandhe paccayā apacayagāmī cetanā. (1)
नेवाचयगामिनापचयगामिं धम्मं पच्चया नेवाचयगामिनापचयगामी धम्मो उप्पज्जति नकम्मपच्चया – नेवाचयगामिनापचयगामी खन्धे पच्चया नेवाचयगामिनापचयगामी चेतना; बाहिरं… आहारसमुट्ठानं… उतुसमुट्ठानं…पे॰… वत्थुं पच्चया नेवाचयगामिनापचयगामी चेतना। (१)
Nevācayagāmināpacayagāmiṃ dhammaṃ paccayā nevācayagāmināpacayagāmī dhammo uppajjati nakammapaccayā – nevācayagāmināpacayagāmī khandhe paccayā nevācayagāmināpacayagāmī cetanā; bāhiraṃ… āhārasamuṭṭhānaṃ… utusamuṭṭhānaṃ…pe… vatthuṃ paccayā nevācayagāmināpacayagāmī cetanā. (1)
नेवाचयगामिनापचयगामिं धम्मं पच्चया आचयगामी धम्मो उप्पज्जति नकम्मपच्चया – वत्थुं पच्चया आचयगामी चेतना। (२)
Nevācayagāmināpacayagāmiṃ dhammaṃ paccayā ācayagāmī dhammo uppajjati nakammapaccayā – vatthuṃ paccayā ācayagāmī cetanā. (2)
नेवाचयगामिनापचयगामिं धम्मं पच्चया अपचयगामी धम्मो उप्पज्जति नकम्मपच्चया – वत्थुं पच्चया अपचयगामी चेतना। (३)
Nevācayagāmināpacayagāmiṃ dhammaṃ paccayā apacayagāmī dhammo uppajjati nakammapaccayā – vatthuṃ paccayā apacayagāmī cetanā. (3)
आचयगामिञ्च नेवाचयगामिनापचयगामिञ्च धम्मं पच्चया आचयगामी धम्मो उप्पज्जति नकम्मपच्चया – आचयगामी खन्धे च वत्थुञ्च पच्चया आचयगामी चेतना। (१)
Ācayagāmiñca nevācayagāmināpacayagāmiñca dhammaṃ paccayā ācayagāmī dhammo uppajjati nakammapaccayā – ācayagāmī khandhe ca vatthuñca paccayā ācayagāmī cetanā. (1)
अपचयगामिञ्च नेवाचयगामिनापचयगामिञ्च धम्मं पच्चया अपचयगामी धम्मो उप्पज्जति नकम्मपच्चया – अपचयगामी खन्धे च वत्थुञ्च पच्चया अपचयगामी चेतना। (१)
Apacayagāmiñca nevācayagāmināpacayagāmiñca dhammaṃ paccayā apacayagāmī dhammo uppajjati nakammapaccayā – apacayagāmī khandhe ca vatthuñca paccayā apacayagāmī cetanā. (1)
नविपाकपच्चयादि
Navipākapaccayādi
३३. आचयगामिं धम्मं पच्चया आचयगामी धम्मो उप्पज्जति नविपाकपच्चया (परिपुण्णं कातब्बं, पटिसन्धिक्खणे नत्थि)।
33. Ācayagāmiṃ dhammaṃ paccayā ācayagāmī dhammo uppajjati navipākapaccayā (paripuṇṇaṃ kātabbaṃ, paṭisandhikkhaṇe natthi).
नेवाचयगामिनापचयगामिं धम्मं पच्चया नेवाचयगामिनापचयगामी धम्मो उप्पज्जति नआहारपच्चया – बाहिरं… उतुसमुट्ठानं… असञ्ञसत्तानं…पे॰… नइन्द्रियपच्चया – बाहिरं… आहारसमुट्ठानं… उतुसमुट्ठानं… असञ्ञसत्तानं…पे॰… महाभूते पच्चया रूपजीवितिन्द्रियं… नझानपच्चया – पञ्चविञ्ञाणं…पे॰… बाहिरं… आहारसमुट्ठानं… उतुसमुट्ठानं… असञ्ञसत्तानं…पे॰… चक्खायतनं पच्चया चक्खुविञ्ञाणं…पे॰… कायायतनं पच्चया कायविञ्ञाणं…पे॰… नमग्गपच्चया – अहेतुका नेवाचयगामिनापचयगामी…पे॰… असञ्ञसत्तानं एकं महाभूतं…पे॰… चक्खायतनं पच्चया चक्खुविञ्ञाणं…पे॰… कायायतनं पच्चया कायविञ्ञाणं, वत्थुं पच्चया अहेतुका नेवाचयगामिनापचयगामी…पे॰… नसम्पयुत्तपच्चया… नविप्पयुत्तपच्चया (पटिच्चवारसदिसं, तीणि)… नोनत्थिपच्चया… नोविगतपच्चया।
Nevācayagāmināpacayagāmiṃ dhammaṃ paccayā nevācayagāmināpacayagāmī dhammo uppajjati naāhārapaccayā – bāhiraṃ… utusamuṭṭhānaṃ… asaññasattānaṃ…pe… naindriyapaccayā – bāhiraṃ… āhārasamuṭṭhānaṃ… utusamuṭṭhānaṃ… asaññasattānaṃ…pe… mahābhūte paccayā rūpajīvitindriyaṃ… najhānapaccayā – pañcaviññāṇaṃ…pe… bāhiraṃ… āhārasamuṭṭhānaṃ… utusamuṭṭhānaṃ… asaññasattānaṃ…pe… cakkhāyatanaṃ paccayā cakkhuviññāṇaṃ…pe… kāyāyatanaṃ paccayā kāyaviññāṇaṃ…pe… namaggapaccayā – ahetukā nevācayagāmināpacayagāmī…pe… asaññasattānaṃ ekaṃ mahābhūtaṃ…pe… cakkhāyatanaṃ paccayā cakkhuviññāṇaṃ…pe… kāyāyatanaṃ paccayā kāyaviññāṇaṃ, vatthuṃ paccayā ahetukā nevācayagāmināpacayagāmī…pe… nasampayuttapaccayā… navippayuttapaccayā (paṭiccavārasadisaṃ, tīṇi)… nonatthipaccayā… novigatapaccayā.
२. पच्चयपच्चनीयं
2. Paccayapaccanīyaṃ
२. सङ्ख्यावारो
2. Saṅkhyāvāro
सुद्धं
Suddhaṃ
३४. नहेतुया चत्तारि, नआरम्मणे पञ्च, नअधिपतिया द्वादस, नअनन्तरे पञ्च, नसमनन्तरे नअञ्ञमञ्ञे नउपनिस्सये पञ्च, नपुरेजाते सत्त, नपच्छाजाते सत्तरस, नआसेवने एकादस, नकम्मे सत्त, नविपाके सत्तरस, नआहारे नइन्द्रिये नझाने नमग्गे एकं, नसम्पयुत्ते पञ्च, नविप्पयुत्ते तीणि, नोनत्थिया नोविगते पञ्च (एवं गणेतब्बं)।
34. Nahetuyā cattāri, naārammaṇe pañca, naadhipatiyā dvādasa, naanantare pañca, nasamanantare naaññamaññe naupanissaye pañca, napurejāte satta, napacchājāte sattarasa, naāsevane ekādasa, nakamme satta, navipāke sattarasa, naāhāre naindriye najhāne namagge ekaṃ, nasampayutte pañca, navippayutte tīṇi, nonatthiyā novigate pañca (evaṃ gaṇetabbaṃ).
पच्चनीयं।
Paccanīyaṃ.
३. पच्चयानुलोमपच्चनीयं
3. Paccayānulomapaccanīyaṃ
हेतुदुकं
Hetudukaṃ
३५. हेतुपच्चया नआरम्मणे पञ्च, नअधिपतिया द्वादस, नअनन्तरे नसमनन्तरे नअञ्ञमञ्ञे नउपनिस्सये पञ्च, नपुरेजाते सत्त, नपच्छाजाते सत्तरस, नआसेवने एकादस, नकम्मे सत्त, नविपाके सत्तरस, नसम्पयुत्ते पञ्च, नविप्पयुत्ते तीणि, नोनत्थिया नोविगते पञ्च (एवं गणेतब्बं)।
35. Hetupaccayā naārammaṇe pañca, naadhipatiyā dvādasa, naanantare nasamanantare naaññamaññe naupanissaye pañca, napurejāte satta, napacchājāte sattarasa, naāsevane ekādasa, nakamme satta, navipāke sattarasa, nasampayutte pañca, navippayutte tīṇi, nonatthiyā novigate pañca (evaṃ gaṇetabbaṃ).
अनुलोमपच्चनीयं।
Anulomapaccanīyaṃ.
४. पच्चयपच्चनीयानुलोमं
4. Paccayapaccanīyānulomaṃ
नहेतुदुकं
Nahetudukaṃ
३६. नहेतुपच्चया आरम्मणे चत्तारि, अनन्तरे समनन्तरे सहजाते अञ्ञमञ्ञे निस्सये उपनिस्सये पुरेजाते आसेवने कम्मे चत्तारि, विपाके एकं, आहारे चत्तारि, इन्द्रिये झाने चत्तारि, मग्गे तीणि, सम्पयुत्ते विप्पयुत्ते अत्थिया नत्थिया विगते चत्तारि, अविगते चत्तारि (एवं गणेतब्बं)।
36. Nahetupaccayā ārammaṇe cattāri, anantare samanantare sahajāte aññamaññe nissaye upanissaye purejāte āsevane kamme cattāri, vipāke ekaṃ, āhāre cattāri, indriye jhāne cattāri, magge tīṇi, sampayutte vippayutte atthiyā natthiyā vigate cattāri, avigate cattāri (evaṃ gaṇetabbaṃ).
पच्चनीयानुलोमं।
Paccanīyānulomaṃ.
पच्चयवारो।
Paccayavāro.
४. निस्सयवारो
4. Nissayavāro
(निस्सयवारो पच्चयवारसदिसो)।
(Nissayavāro paccayavārasadiso).
५. संसट्ठवारो
5. Saṃsaṭṭhavāro
१. पच्चयानुलोमं
1. Paccayānulomaṃ
१. विभङ्गवारो
1. Vibhaṅgavāro
हेतुपच्चयो
Hetupaccayo
३७. आचयगामिं धम्मं संसट्ठो आचयगामी धम्मो उप्पज्जति हेतुपच्चया – आचयगामिं एकं खन्धं संसट्ठा तयो खन्धा…पे॰… द्वे खन्धे संसट्ठा द्वे खन्धा। (१)
37. Ācayagāmiṃ dhammaṃ saṃsaṭṭho ācayagāmī dhammo uppajjati hetupaccayā – ācayagāmiṃ ekaṃ khandhaṃ saṃsaṭṭhā tayo khandhā…pe… dve khandhe saṃsaṭṭhā dve khandhā. (1)
अपचयगामिं धम्मं संसट्ठो अपचयगामी धम्मो उप्पज्जति हेतुपच्चया – अपचयगामिं एकं खन्धं संसट्ठा तयो खन्धा…पे॰… द्वे खन्धे…पे॰…। (१)
Apacayagāmiṃ dhammaṃ saṃsaṭṭho apacayagāmī dhammo uppajjati hetupaccayā – apacayagāmiṃ ekaṃ khandhaṃ saṃsaṭṭhā tayo khandhā…pe… dve khandhe…pe…. (1)
नेवाचयगामिनापचयगामिं धम्मं संसट्ठो नेवाचयगामिनापचयगामी धम्मो उप्पज्जति हेतुपच्चया – नेवाचयगामिनापचयगामिं एकं खन्धं संसट्ठा तयो खन्धा…पे॰… द्वे खन्धे…पे॰… पटिसन्धिक्खणे…पे॰…। (१)
Nevācayagāmināpacayagāmiṃ dhammaṃ saṃsaṭṭho nevācayagāmināpacayagāmī dhammo uppajjati hetupaccayā – nevācayagāmināpacayagāmiṃ ekaṃ khandhaṃ saṃsaṭṭhā tayo khandhā…pe… dve khandhe…pe… paṭisandhikkhaṇe…pe…. (1)
आरम्मणपच्चयादि
Ārammaṇapaccayādi
३८. आचयगामिं धम्मं संसट्ठो आचयगामी धम्मो उप्पज्जति आरम्मणपच्चया… अधिपतिपच्चया… अनन्तरपच्चया… समनन्तरपच्चया… सहजातपच्चया… अञ्ञमञ्ञपच्चया… निस्सयपच्चया… उपनिस्सयपच्चया… पुरेजातपच्चया… आसेवनपच्चया… कम्मपच्चया… विपाकपच्चया… आहारपच्चया… इन्द्रियपच्चया… झानपच्चया… मग्गपच्चया… सम्पयुत्तपच्चया… विप्पयुत्तपच्चया… अत्थिपच्चया… नत्थिपच्चया… विगतपच्चया… अविगतपच्चया।
38. Ācayagāmiṃ dhammaṃ saṃsaṭṭho ācayagāmī dhammo uppajjati ārammaṇapaccayā… adhipatipaccayā… anantarapaccayā… samanantarapaccayā… sahajātapaccayā… aññamaññapaccayā… nissayapaccayā… upanissayapaccayā… purejātapaccayā… āsevanapaccayā… kammapaccayā… vipākapaccayā… āhārapaccayā… indriyapaccayā… jhānapaccayā… maggapaccayā… sampayuttapaccayā… vippayuttapaccayā… atthipaccayā… natthipaccayā… vigatapaccayā… avigatapaccayā.
१. पच्चयानुलोमं
1. Paccayānulomaṃ
२. सङ्ख्यावारो
2. Saṅkhyāvāro
सुद्धं
Suddhaṃ
३९. हेतुया तीणि, आरम्मणे अधिपतिया अनन्तरे समनन्तरे सहजाते अञ्ञमञ्ञे निस्सये उपनिस्सये पुरेजाते आसेवने कम्मे सब्बत्थ तीणि, विपाके एकं, आहारे तीणि, इन्द्रिये झाने मग्गे सम्पयुत्ते विप्पयुत्ते अत्थिया नत्थिया विगते अविगते तीणि (एवं गणेतब्बं)।
39. Hetuyā tīṇi, ārammaṇe adhipatiyā anantare samanantare sahajāte aññamaññe nissaye upanissaye purejāte āsevane kamme sabbattha tīṇi, vipāke ekaṃ, āhāre tīṇi, indriye jhāne magge sampayutte vippayutte atthiyā natthiyā vigate avigate tīṇi (evaṃ gaṇetabbaṃ).
अनुलोमं।
Anulomaṃ.
२. पच्चयपच्चनीयं
2. Paccayapaccanīyaṃ
१. विभङ्गवारो
1. Vibhaṅgavāro
नहेतुपच्चयो
Nahetupaccayo
४०. आचयगामिं धम्मं संसट्ठो आचयगामी धम्मो उप्पज्जति नहेतुपच्चया – विचिकिच्छासहगते उद्धच्चसहगते खन्धे संसट्ठो विचिकिच्छासहगतो उद्धच्चसहगतो मोहो। (१)
40. Ācayagāmiṃ dhammaṃ saṃsaṭṭho ācayagāmī dhammo uppajjati nahetupaccayā – vicikicchāsahagate uddhaccasahagate khandhe saṃsaṭṭho vicikicchāsahagato uddhaccasahagato moho. (1)
नेवाचयगामिनापचयगामिं धम्मं संसट्ठो नेवाचयगामिनापचयगामी धम्मो उप्पज्जति नहेतुपच्चया – अहेतुकं नेवाचयगामिनापचयगामिं एकं खन्धं संसट्ठा तयो खन्धा…पे॰… द्वे खन्धे…पे॰… अहेतुकपटिसन्धिक्खणे…पे॰…। (१)
Nevācayagāmināpacayagāmiṃ dhammaṃ saṃsaṭṭho nevācayagāmināpacayagāmī dhammo uppajjati nahetupaccayā – ahetukaṃ nevācayagāmināpacayagāmiṃ ekaṃ khandhaṃ saṃsaṭṭhā tayo khandhā…pe… dve khandhe…pe… ahetukapaṭisandhikkhaṇe…pe…. (1)
नअधिपतिपच्चयादि
Naadhipatipaccayādi
४१. आचयगामिं धम्मं संसट्ठो आचयगामी धम्मो उप्पज्जति नअधिपतिपच्चया… नपुरेजातपच्चया… नपच्छाजातपच्चया… नआसेवनपच्चया… आचयगामिं एकं खन्धं संसट्ठा तयो खन्धा…पे॰… द्वे खन्धे…पे॰…।
41. Ācayagāmiṃ dhammaṃ saṃsaṭṭho ācayagāmī dhammo uppajjati naadhipatipaccayā… napurejātapaccayā… napacchājātapaccayā… naāsevanapaccayā… ācayagāmiṃ ekaṃ khandhaṃ saṃsaṭṭhā tayo khandhā…pe… dve khandhe…pe….
नेवाचयगामिनापचयगामिं धम्मं संसट्ठो नेवाचयगामिनापचयगामी धम्मो उप्पज्जति नआसेवनपच्चया – नेवाचयगामिनापचयगामिं एकं खन्धं संसट्ठा…पे॰… पटिसन्धिक्खणे…पे॰… नकम्मपच्चया… नविपाकपच्चया… नझानपच्चया… नमग्गपच्चया… नविप्पयुत्तपच्चया।
Nevācayagāmināpacayagāmiṃ dhammaṃ saṃsaṭṭho nevācayagāmināpacayagāmī dhammo uppajjati naāsevanapaccayā – nevācayagāmināpacayagāmiṃ ekaṃ khandhaṃ saṃsaṭṭhā…pe… paṭisandhikkhaṇe…pe… nakammapaccayā… navipākapaccayā… najhānapaccayā… namaggapaccayā… navippayuttapaccayā.
२. पच्चयपच्चनीयं
2. Paccayapaccanīyaṃ
२. सङ्ख्यावारो
2. Saṅkhyāvāro
सुद्धं
Suddhaṃ
४२. नहेतुया द्वे, नअधिपतिया तीणि, नपुरेजाते तीणि, नपच्छाजाते तीणि, नआसेवने द्वे, नकम्मे तीणि, नविपाके तीणि, नझाने एकं, नमग्गे एकं, नविप्पयुत्ते तीणि (एवं गणेतब्बं)।
42. Nahetuyā dve, naadhipatiyā tīṇi, napurejāte tīṇi, napacchājāte tīṇi, naāsevane dve, nakamme tīṇi, navipāke tīṇi, najhāne ekaṃ, namagge ekaṃ, navippayutte tīṇi (evaṃ gaṇetabbaṃ).
पच्चनीयं।
Paccanīyaṃ.
३. पच्चयानुलोमपच्चनीयं
3. Paccayānulomapaccanīyaṃ
४३. हेतुपच्चया नअधिपतिया तीणि, नपुरेजाते तीणि, नपच्छाजाते तीणि, नआसेवने द्वे, नकम्मे तीणि, नविपाके तीणि, नविप्पयुत्ते तीणि (एवं गणेतब्बं)।
43. Hetupaccayā naadhipatiyā tīṇi, napurejāte tīṇi, napacchājāte tīṇi, naāsevane dve, nakamme tīṇi, navipāke tīṇi, navippayutte tīṇi (evaṃ gaṇetabbaṃ).
अनुलोमपच्चनीयं।
Anulomapaccanīyaṃ.
४. पच्चयपच्चनीयानुलोमं
4. Paccayapaccanīyānulomaṃ
४४. नहेतुपच्चया आरम्मणे द्वे, अनन्तरे समनन्तरे सहजाते अञ्ञमञ्ञे निस्सये उपनिस्सये पुरेजाते आसेवने कम्मे सब्बत्थ द्वे, विपाके एकं, आहारे द्वे, इन्द्रिये द्वे, झाने द्वे, मग्गे एकं, सम्पयुत्ते द्वे, विप्पयुत्ते अत्थिया नत्थिया विगते अविगते द्वे (एवं गणेतब्बं)।
44. Nahetupaccayā ārammaṇe dve, anantare samanantare sahajāte aññamaññe nissaye upanissaye purejāte āsevane kamme sabbattha dve, vipāke ekaṃ, āhāre dve, indriye dve, jhāne dve, magge ekaṃ, sampayutte dve, vippayutte atthiyā natthiyā vigate avigate dve (evaṃ gaṇetabbaṃ).
पच्चनीयानुलोमं।
Paccanīyānulomaṃ.
संसट्ठवारो।
Saṃsaṭṭhavāro.
६. सम्पयुत्तवारो
6. Sampayuttavāro
(सम्पयुत्तवारो संसट्ठवारसदिसो।)
(Sampayuttavāro saṃsaṭṭhavārasadiso.)
७. पञ्हावारो
7. Pañhāvāro
१. पच्चयानुलोमं
1. Paccayānulomaṃ
१. विभङ्गवारो
1. Vibhaṅgavāro
हेतुपच्चयो
Hetupaccayo
४५. आचयगामी 1 धम्मो आचयगामिस्स धम्मस्स हेतुपच्चयेन पच्चयो – आचयगामी हेतू सम्पयुत्तकानं खन्धानं हेतुपच्चयेन पच्चयो। (१)
45. Ācayagāmī 2 dhammo ācayagāmissa dhammassa hetupaccayena paccayo – ācayagāmī hetū sampayuttakānaṃ khandhānaṃ hetupaccayena paccayo. (1)
आचयगामी धम्मो नेवाचयगामिनापचयगामिस्स धम्मस्स हेतुपच्चयेन पच्चयो – आचयगामी हेतू चित्तसमुट्ठानानं रूपानं हेतुपच्चयेन पच्चयो। (२)
Ācayagāmī dhammo nevācayagāmināpacayagāmissa dhammassa hetupaccayena paccayo – ācayagāmī hetū cittasamuṭṭhānānaṃ rūpānaṃ hetupaccayena paccayo. (2)
आचयगामी धम्मो आचयगामिस्स च नेवाचयगामिनापचयगामिस्स च धम्मस्स हेतुपच्चयेन पच्चयो – आचयगामी हेतू सम्पयुत्तकानं खन्धानं चित्तसमुट्ठानानञ्च रूपानं हेतुपच्चयेन पच्चयो। (३)
Ācayagāmī dhammo ācayagāmissa ca nevācayagāmināpacayagāmissa ca dhammassa hetupaccayena paccayo – ācayagāmī hetū sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo. (3)
अपचयगामी धम्मो अपचयगामिस्स धम्मस्स हेतुपच्चयेन पच्चयो… तीणि।
Apacayagāmī dhammo apacayagāmissa dhammassa hetupaccayena paccayo… tīṇi.
नेवाचयगामिनापचयगामी धम्मो नेवाचयगामिनापचयगामिस्स धम्मस्स हेतुपच्चयेन पच्चयो – नेवाचयगामिनापचयगामी हेतू सम्पयुत्तकानं खन्धानं चित्तसमुट्ठानानञ्च रूपानं हेतुपच्चयेन पच्चयो। पटिसन्धिक्खणे नेवाचयगामिनापचयगामी हेतू सम्पयुत्तकानं खन्धानं कटत्ता च रूपानं हेतुपच्चयेन पच्चयो। (१)
Nevācayagāmināpacayagāmī dhammo nevācayagāmināpacayagāmissa dhammassa hetupaccayena paccayo – nevācayagāmināpacayagāmī hetū sampayuttakānaṃ khandhānaṃ cittasamuṭṭhānānañca rūpānaṃ hetupaccayena paccayo. Paṭisandhikkhaṇe nevācayagāmināpacayagāmī hetū sampayuttakānaṃ khandhānaṃ kaṭattā ca rūpānaṃ hetupaccayena paccayo. (1)
आरम्मणपच्चयो
Ārammaṇapaccayo
४६. आचयगामी धम्मो आचयगामिस्स धम्मस्स आरम्मणपच्चयेन पच्चयो – दानं दत्वा सीलं समादियित्वा उपोसथकम्मं कत्वा तं पच्चवेक्खति, पुब्बे सुचिण्णानि पच्चवेक्खति, झाना वुट्ठहित्वा झानं पच्चवेक्खति। सेक्खा पहीने किलेसे पच्चवेक्खन्ति, विक्खम्भिते किलेसे पच्चवेक्खन्ति, पुब्बे समुदाचिण्णे किलेसे जानन्ति। सेक्खा वा पुथुज्जना वा आचयगामी खन्धे अनिच्चतो दुक्खतो अनत्ततो विपस्सन्ति, अस्सादेन्ति अभिनन्दन्ति, तं आरब्भ रागो उप्पज्जति, दिट्ठि…पे॰… विचिकिच्छा…पे॰… उद्धच्चं…पे॰… दोमनस्सं उप्पज्जति, चेतोपरियञाणेन आचयगामिचित्तसमङ्गिस्स चित्तं जानन्ति, आकासानञ्चायतनकुसलं विञ्ञाणञ्चायतनकुसलस्स आरम्मणपच्चयेन पच्चयो। आकिञ्चञ्ञायतनकुसलं नेवसञ्ञानासञ्ञायतनकुसलस्स…पे॰… आचयगामी खन्धा इद्धिविधञाणस्स, चेतोपरियञाणस्स, पुब्बेनिवासानुस्सतिञाणस्स, यथाकम्मूपगञाणस्स, अनागतंसञाणस्स आरम्मणपच्चयेन पच्चयो। (१)
46. Ācayagāmī dhammo ācayagāmissa dhammassa ārammaṇapaccayena paccayo – dānaṃ datvā sīlaṃ samādiyitvā uposathakammaṃ katvā taṃ paccavekkhati, pubbe suciṇṇāni paccavekkhati, jhānā vuṭṭhahitvā jhānaṃ paccavekkhati. Sekkhā pahīne kilese paccavekkhanti, vikkhambhite kilese paccavekkhanti, pubbe samudāciṇṇe kilese jānanti. Sekkhā vā puthujjanā vā ācayagāmī khandhe aniccato dukkhato anattato vipassanti, assādenti abhinandanti, taṃ ārabbha rāgo uppajjati, diṭṭhi…pe… vicikicchā…pe… uddhaccaṃ…pe… domanassaṃ uppajjati, cetopariyañāṇena ācayagāmicittasamaṅgissa cittaṃ jānanti, ākāsānañcāyatanakusalaṃ viññāṇañcāyatanakusalassa ārammaṇapaccayena paccayo. Ākiñcaññāyatanakusalaṃ nevasaññānāsaññāyatanakusalassa…pe… ācayagāmī khandhā iddhividhañāṇassa, cetopariyañāṇassa, pubbenivāsānussatiñāṇassa, yathākammūpagañāṇassa, anāgataṃsañāṇassa ārammaṇapaccayena paccayo. (1)
आचयगामी धम्मो नेवाचयगामिनापचयगामिस्स धम्मस्स आरम्मणपच्चयेन पच्चयो – अरहा पहीने किलेसे पच्चवेक्खति, पुब्बे समुदाचिण्णे किलेसे जानाति, आचयगामी खन्धे अनिच्चतो दुक्खतो अनत्ततो विपस्सति; चेतोपरियञाणेन आचयगामिचित्तसमङ्गिस्स चित्तं जानाति । सेक्खा वा पुथुज्जना वा आचयगामी खन्धे अनिच्चतो दुक्खतो अनत्ततो विपस्सन्ति, कुसले निरुद्धे विपाको तदारम्मणता उप्पज्जति, आचयगामी खन्धे अस्सादेति अभिनन्दति, तं आरब्भ रागो उप्पज्जति…पे॰… दोमनस्सं उप्पज्जति, अकुसले निरुद्धे विपाको तदारम्मणता उप्पज्जति, आकासानञ्चायतनकुसलं विञ्ञाणञ्चायतनविपाकस्स च किरियस्स च आरम्मणपच्चयेन पच्चयो। आकिञ्चञ्ञायतनकुसलं नेवसञ्ञानासञ्ञायतनविपाकस्स च किरियस्स च आरम्मणपच्चयेन पच्चयो। आचयगामी खन्धा चेतोपरियञाणस्स, पुब्बेनिवासानुस्सतिञाणस्स, यथाकम्मूपगञाणस्स, अनागतंसञाणस्स, आवज्जनाय आरम्मणपच्चयेन पच्चयो। (२)
Ācayagāmī dhammo nevācayagāmināpacayagāmissa dhammassa ārammaṇapaccayena paccayo – arahā pahīne kilese paccavekkhati, pubbe samudāciṇṇe kilese jānāti, ācayagāmī khandhe aniccato dukkhato anattato vipassati; cetopariyañāṇena ācayagāmicittasamaṅgissa cittaṃ jānāti . Sekkhā vā puthujjanā vā ācayagāmī khandhe aniccato dukkhato anattato vipassanti, kusale niruddhe vipāko tadārammaṇatā uppajjati, ācayagāmī khandhe assādeti abhinandati, taṃ ārabbha rāgo uppajjati…pe… domanassaṃ uppajjati, akusale niruddhe vipāko tadārammaṇatā uppajjati, ākāsānañcāyatanakusalaṃ viññāṇañcāyatanavipākassa ca kiriyassa ca ārammaṇapaccayena paccayo. Ākiñcaññāyatanakusalaṃ nevasaññānāsaññāyatanavipākassa ca kiriyassa ca ārammaṇapaccayena paccayo. Ācayagāmī khandhā cetopariyañāṇassa, pubbenivāsānussatiñāṇassa, yathākammūpagañāṇassa, anāgataṃsañāṇassa, āvajjanāya ārammaṇapaccayena paccayo. (2)
४७. अपचयगामी धम्मो आचयगामिस्स धम्मस्स आरम्मणपच्चयेन पच्चयो – सेक्खा मग्गा वुट्ठहित्वा मग्गं पच्चवेक्खन्ति, चेतोपरियञाणेन अपचयगामिचित्तसमङ्गिस्स चित्तं जानन्ति, अपचयगामी खन्धा चेतोपरियञाणस्स, पुब्बेनिवासानुस्सतिञाणस्स, अनागतंसञाणस्स, आरम्मणपच्चयेन पच्चयो। (१)
47. Apacayagāmī dhammo ācayagāmissa dhammassa ārammaṇapaccayena paccayo – sekkhā maggā vuṭṭhahitvā maggaṃ paccavekkhanti, cetopariyañāṇena apacayagāmicittasamaṅgissa cittaṃ jānanti, apacayagāmī khandhā cetopariyañāṇassa, pubbenivāsānussatiñāṇassa, anāgataṃsañāṇassa, ārammaṇapaccayena paccayo. (1)
अपचयगामी धम्मो नेवाचयगामिनापचयगामिस्स धम्मस्स आरम्मणपच्चयेन पच्चयो – अरहा मग्गा वुट्ठहित्वा मग्गं पच्चवेक्खति , चेतोपरियञाणेन अपचयगामिचित्तसमङ्गिस्स चित्तं जानाति, अपचयगामी खन्धा चेतोपरियञाणस्स, पुब्बेनिवासानुस्सतिञाणस्स, अनागतंसञाणस्स, आवज्जनाय आरम्मणपच्चयेन पच्चयो। (२)
Apacayagāmī dhammo nevācayagāmināpacayagāmissa dhammassa ārammaṇapaccayena paccayo – arahā maggā vuṭṭhahitvā maggaṃ paccavekkhati , cetopariyañāṇena apacayagāmicittasamaṅgissa cittaṃ jānāti, apacayagāmī khandhā cetopariyañāṇassa, pubbenivāsānussatiñāṇassa, anāgataṃsañāṇassa, āvajjanāya ārammaṇapaccayena paccayo. (2)
४८. नेवाचयगामिनापचयगामी धम्मो नेवाचयगामिनापचयगामिस्स धम्मस्स आरम्मणपच्चयेन पच्चयो – अरहा फलं पच्चवेक्खति, निब्बानं पच्चवेक्खति, निब्बानं फलस्स आवज्जनाय आरम्मणपच्चयेन पच्चयो। अरहा चक्खुं अनिच्चतो दुक्खतो अनत्ततो विपस्सति, सोतं…पे॰… वत्थुं… नेवाचयगामिनापचयगामी खन्धे अनिच्चतो दुक्खतो अनत्ततो विपस्सति, दिब्बेन चक्खुना रूपं पस्सति, दिब्बाय सोतधातुया सद्दं सुणाति, चेतोपरियञाणेन नेवाचयगामिनापचयगामिचित्तसमङ्गिस्स चित्तं जानाति, आकासानञ्चायतनकिरियं विञ्ञाणञ्चायतनकिरियस्स आरम्मणपच्चयेन पच्चयो। आकिञ्चञ्ञायतनकिरियं नेवसञ्ञानासञ्ञायतनकिरियस्स…पे॰… रूपायतनं चक्खुविञ्ञाणस्स…पे॰… फोट्ठब्बायतनं कायविञ्ञाणस्स…पे॰… नेवाचयगामिनापचयगामी खन्धा इद्धिविधञाणस्स, चेतोपरियञाणस्स, पुब्बेनिवासानुस्सतिञाणस्स, अनागतंसञाणस्स आवज्जनाय आरम्मणपच्चयेन पच्चयो। (१)
48. Nevācayagāmināpacayagāmī dhammo nevācayagāmināpacayagāmissa dhammassa ārammaṇapaccayena paccayo – arahā phalaṃ paccavekkhati, nibbānaṃ paccavekkhati, nibbānaṃ phalassa āvajjanāya ārammaṇapaccayena paccayo. Arahā cakkhuṃ aniccato dukkhato anattato vipassati, sotaṃ…pe… vatthuṃ… nevācayagāmināpacayagāmī khandhe aniccato dukkhato anattato vipassati, dibbena cakkhunā rūpaṃ passati, dibbāya sotadhātuyā saddaṃ suṇāti, cetopariyañāṇena nevācayagāmināpacayagāmicittasamaṅgissa cittaṃ jānāti, ākāsānañcāyatanakiriyaṃ viññāṇañcāyatanakiriyassa ārammaṇapaccayena paccayo. Ākiñcaññāyatanakiriyaṃ nevasaññānāsaññāyatanakiriyassa…pe… rūpāyatanaṃ cakkhuviññāṇassa…pe… phoṭṭhabbāyatanaṃ kāyaviññāṇassa…pe… nevācayagāmināpacayagāmī khandhā iddhividhañāṇassa, cetopariyañāṇassa, pubbenivāsānussatiñāṇassa, anāgataṃsañāṇassa āvajjanāya ārammaṇapaccayena paccayo. (1)
नेवाचयगामिनापचयगामी धम्मो आचयगामिस्स धम्मस्स आरम्मणपच्चयेन पच्चयो – सेक्खा फलं पच्चवेक्खन्ति, निब्बानं पच्चवेक्खन्ति, निब्बानं गोत्रभुस्स, वोदानस्स आरम्मणपच्चयेन पच्चयो । सेक्खा वा पुथुज्जना वा चक्खुं अनिच्चतो दुक्खतो अनत्ततो विपस्सन्ति, अस्सादेन्ति अभिनन्दन्ति; तं आरब्भ रागो उप्पज्जति…पे॰… दोमनस्सं उप्पज्जति। सोतं…पे॰… वत्थुं… नेवाचयगामिनापचयगामी खन्धे अनिच्चतो दुक्खतो अनत्ततो विपस्सन्ति, अस्सादेन्ति अभिनन्दन्ति; तं आरब्भ रागो उप्पज्जति, दिट्ठि उप्पज्जति, विचिकिच्छा…पे॰… उद्धच्चं…पे॰… दोमनस्सं…पे॰… दिब्बेन चक्खुना रूपं पस्सन्ति, दिब्बाय सोतधातुया सद्दं सुणन्ति, चेतोपरियञाणेन नेवाचयगामिनापचयगामिचित्तसमङ्गिस्स चित्तं जानन्ति, नेवाचयगामिनापचयगामी खन्धा इद्धिविधञाणस्स, चेतोपरियञाणस्स, पुब्बेनिवासानुस्सतिञाणस्स, अनागतंसञाणस्स आरम्मणपच्चयेन पच्चयो। (२)
Nevācayagāmināpacayagāmī dhammo ācayagāmissa dhammassa ārammaṇapaccayena paccayo – sekkhā phalaṃ paccavekkhanti, nibbānaṃ paccavekkhanti, nibbānaṃ gotrabhussa, vodānassa ārammaṇapaccayena paccayo . Sekkhā vā puthujjanā vā cakkhuṃ aniccato dukkhato anattato vipassanti, assādenti abhinandanti; taṃ ārabbha rāgo uppajjati…pe… domanassaṃ uppajjati. Sotaṃ…pe… vatthuṃ… nevācayagāmināpacayagāmī khandhe aniccato dukkhato anattato vipassanti, assādenti abhinandanti; taṃ ārabbha rāgo uppajjati, diṭṭhi uppajjati, vicikicchā…pe… uddhaccaṃ…pe… domanassaṃ…pe… dibbena cakkhunā rūpaṃ passanti, dibbāya sotadhātuyā saddaṃ suṇanti, cetopariyañāṇena nevācayagāmināpacayagāmicittasamaṅgissa cittaṃ jānanti, nevācayagāmināpacayagāmī khandhā iddhividhañāṇassa, cetopariyañāṇassa, pubbenivāsānussatiñāṇassa, anāgataṃsañāṇassa ārammaṇapaccayena paccayo. (2)
नेवाचयगामिनापचयगामी धम्मो अपचयगामिस्स धम्मस्स आरम्मणपच्चयेन पच्चयो – निब्बानं मग्गस्स आरम्मणपच्चयेन पच्चयो। (३)
Nevācayagāmināpacayagāmī dhammo apacayagāmissa dhammassa ārammaṇapaccayena paccayo – nibbānaṃ maggassa ārammaṇapaccayena paccayo. (3)
अधिपतिपच्चयो
Adhipatipaccayo
४९. आचयगामी धम्मो आचयगामिस्स धम्मस्स अधिपतिपच्चयेन पच्चयो – आरम्मणाधिपति, सहजाताधिपति। आरम्मणाधिपति – दानं दत्वा सीलं समादियित्वा उपोसथकम्मं कत्वा तं गरुं कत्वा पच्चवेक्खति, पुब्बे सुचिण्णानि गरुं कत्वा पच्चवेक्खति, झाना वुट्ठहित्वा झानं गरुं कत्वा पच्चवेक्खति, आचयगामी खन्धे गरुं कत्वा अस्सादेति अभिनन्दति; तं गरुं कत्वा रागो उप्पज्जति, दिट्ठि उप्पज्जति। सहजाताधिपति – आचयगामी अधिपति सम्पयुत्तकानं खन्धानं अधिपतिपच्चयेन पच्चयो। (१)
49. Ācayagāmī dhammo ācayagāmissa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – dānaṃ datvā sīlaṃ samādiyitvā uposathakammaṃ katvā taṃ garuṃ katvā paccavekkhati, pubbe suciṇṇāni garuṃ katvā paccavekkhati, jhānā vuṭṭhahitvā jhānaṃ garuṃ katvā paccavekkhati, ācayagāmī khandhe garuṃ katvā assādeti abhinandati; taṃ garuṃ katvā rāgo uppajjati, diṭṭhi uppajjati. Sahajātādhipati – ācayagāmī adhipati sampayuttakānaṃ khandhānaṃ adhipatipaccayena paccayo. (1)
आचयगामी धम्मो नेवाचयगामिनापचयगामिस्स धम्मस्स अधिपतिपच्चयेन पच्चयो। सहजाताधिपति – आचयगामी अधिपति चित्तसमुट्ठानानं रूपानं अधिपतिपच्चयेन पच्चयो। (२)
Ācayagāmī dhammo nevācayagāmināpacayagāmissa dhammassa adhipatipaccayena paccayo. Sahajātādhipati – ācayagāmī adhipati cittasamuṭṭhānānaṃ rūpānaṃ adhipatipaccayena paccayo. (2)
आचयगामी धम्मो आचयगामिस्स च नेवाचयगामिनापचयगामिस्स च धम्मस्स अधिपतिपच्चयेन पच्चयो। सहजाताधिपति – आचयगामी अधिपति सम्पयुत्तकानं खन्धानं चित्तसमुट्ठानानञ्च रूपानं अधिपतिपच्चयेन पच्चयो। (३)
Ācayagāmī dhammo ācayagāmissa ca nevācayagāmināpacayagāmissa ca dhammassa adhipatipaccayena paccayo. Sahajātādhipati – ācayagāmī adhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo. (3)
५०. अपचयगामी धम्मो अपचयगामिस्स धम्मस्स अधिपतिपच्चयेन पच्चयो। सहजाताधिपति – अपचयगामी अधिपति सम्पयुत्तकानं खन्धानं अधिपतिपच्चयेन पच्चयो। (१)
50. Apacayagāmī dhammo apacayagāmissa dhammassa adhipatipaccayena paccayo. Sahajātādhipati – apacayagāmī adhipati sampayuttakānaṃ khandhānaṃ adhipatipaccayena paccayo. (1)
अपचयगामी धम्मो आचयगामिस्स धम्मस्स अधिपतिपच्चयेन पच्चयो। आरम्मणाधिपति – सेक्खा मग्गा वुट्ठहित्वा मग्गं गरुं कत्वा पच्चवेक्खन्ति। (२)
Apacayagāmī dhammo ācayagāmissa dhammassa adhipatipaccayena paccayo. Ārammaṇādhipati – sekkhā maggā vuṭṭhahitvā maggaṃ garuṃ katvā paccavekkhanti. (2)
अपचयगामी धम्मो नेवाचयगामिनापचयगामिस्स धम्मस्स अधिपतिपच्चयेन पच्चयो – आरम्मणाधिपति, सहजाताधिपति। आरम्मणाधिपति – अरहा मग्गा वुट्ठहित्वा मग्गं गरुं कत्वा पच्चवेक्खति। सहजाताधिपति – अपचयगामी अधिपति चित्तसमुट्ठानानं रूपानं अधिपतिपच्चयेन पच्चयो। (३)
Apacayagāmī dhammo nevācayagāmināpacayagāmissa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – arahā maggā vuṭṭhahitvā maggaṃ garuṃ katvā paccavekkhati. Sahajātādhipati – apacayagāmī adhipati cittasamuṭṭhānānaṃ rūpānaṃ adhipatipaccayena paccayo. (3)
अपचयगामी धम्मो अपचयगामिस्स च नेवाचयगामिनापचयगामिस्स च धम्मस्स अधिपतिपच्चयेन पच्चयो। सहजाताधिपति – अपचयगामी अधिपति सम्पयुत्तकानं खन्धानं चित्तसमुट्ठानानञ्च रूपानं अधिपतिपच्चयेन पच्चयो। (४)
Apacayagāmī dhammo apacayagāmissa ca nevācayagāmināpacayagāmissa ca dhammassa adhipatipaccayena paccayo. Sahajātādhipati – apacayagāmī adhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo. (4)
५१. नेवाचयगामिनापचयगामी धम्मो नेवाचयगामिनापचयगामिस्स धम्मस्स अधिपतिपच्चयेन पच्चयो – आरम्मणाधिपति, सहजाताधिपति। आरम्मणाधिपति – अरहा फलं गरुं कत्वा पच्चवेक्खति, निब्बानं गरुं कत्वा पच्चवेक्खति, निब्बानं फलस्स अधिपतिपच्चयेन पच्चयो। सहजाताधिपति – नेवाचयगामिनापचयगामी अधिपति सम्पयुत्तकानं खन्धानं चित्तसमुट्ठानानञ्च रूपानं अधिपतिपच्चयेन पच्चयो। (१)
51. Nevācayagāmināpacayagāmī dhammo nevācayagāmināpacayagāmissa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – arahā phalaṃ garuṃ katvā paccavekkhati, nibbānaṃ garuṃ katvā paccavekkhati, nibbānaṃ phalassa adhipatipaccayena paccayo. Sahajātādhipati – nevācayagāmināpacayagāmī adhipati sampayuttakānaṃ khandhānaṃ cittasamuṭṭhānānañca rūpānaṃ adhipatipaccayena paccayo. (1)
नेवाचयगामिनापचयगामी धम्मो आचयगामिस्स धम्मस्स अधिपतिपच्चयेन पच्चयो। आरम्मणाधिपति – सेक्खा फलं गरुं कत्वा पच्चवेक्खन्ति, निब्बानं गरुं कत्वा पच्चवेक्खन्ति, निब्बानं गोत्रभुस्स, वोदानस्स अधिपतिपच्चयेन पच्चयो। चक्खुं गरुं कत्वा अस्सादेति…पे॰… वत्थुं… नेवाचयगामिनापचयगामी खन्धे गरुं कत्वा अस्सादेति अभिनन्दति; तं गरुं कत्वा रागो उप्पज्जति, दिट्ठि उप्पज्जति। (२)
Nevācayagāmināpacayagāmī dhammo ācayagāmissa dhammassa adhipatipaccayena paccayo. Ārammaṇādhipati – sekkhā phalaṃ garuṃ katvā paccavekkhanti, nibbānaṃ garuṃ katvā paccavekkhanti, nibbānaṃ gotrabhussa, vodānassa adhipatipaccayena paccayo. Cakkhuṃ garuṃ katvā assādeti…pe… vatthuṃ… nevācayagāmināpacayagāmī khandhe garuṃ katvā assādeti abhinandati; taṃ garuṃ katvā rāgo uppajjati, diṭṭhi uppajjati. (2)
नेवाचयगामिनापचयगामी धम्मो अपचयगामिस्स धम्मस्स अधिपतिपच्चयेन पच्चयो। आरम्मणाधिपति – निब्बानं मग्गस्स अधिपतिपच्चयेन पच्चयो। (३)
Nevācayagāmināpacayagāmī dhammo apacayagāmissa dhammassa adhipatipaccayena paccayo. Ārammaṇādhipati – nibbānaṃ maggassa adhipatipaccayena paccayo. (3)
अनन्तरपच्चयो
Anantarapaccayo
५२. आचयगामी धम्मो आचयगामिस्स धम्मस्स अनन्तरपच्चयेन पच्चयो – पुरिमा पुरिमा आचयगामी खन्धा पच्छिमानं पच्छिमानं आचयगामीनं खन्धानं अनन्तरपच्चयेन पच्चयो। अनुलोमं गोत्रभुस्स… अनुलोमं वोदानस्स अनन्तरपच्चयेन पच्चयो। (१)
52. Ācayagāmī dhammo ācayagāmissa dhammassa anantarapaccayena paccayo – purimā purimā ācayagāmī khandhā pacchimānaṃ pacchimānaṃ ācayagāmīnaṃ khandhānaṃ anantarapaccayena paccayo. Anulomaṃ gotrabhussa… anulomaṃ vodānassa anantarapaccayena paccayo. (1)
आचयगामी धम्मो अपचयगामिस्स धम्मस्स अनन्तरपच्चयेन पच्चयो – गोत्रभु मग्गस्स… वोदानं मग्गस्स अनन्तरपच्चयेन पच्चयो। (२)
Ācayagāmī dhammo apacayagāmissa dhammassa anantarapaccayena paccayo – gotrabhu maggassa… vodānaṃ maggassa anantarapaccayena paccayo. (2)
आचयगामी धम्मो नेवाचयगामिनापचयगामिस्स धम्मस्स अनन्तरपच्चयेन पच्चयो – आचयगामी खन्धा वुट्ठानस्स अनन्तरपच्चयेन पच्चयो। सेक्खानं अनुलोमं फलसमापत्तिया, निरोधा वुट्ठहन्तस्स नेवसञ्ञानासञ्ञायतनकुसलं फलसमापत्तिया अनन्तरपच्चयेन पच्चयो। (३)
Ācayagāmī dhammo nevācayagāmināpacayagāmissa dhammassa anantarapaccayena paccayo – ācayagāmī khandhā vuṭṭhānassa anantarapaccayena paccayo. Sekkhānaṃ anulomaṃ phalasamāpattiyā, nirodhā vuṭṭhahantassa nevasaññānāsaññāyatanakusalaṃ phalasamāpattiyā anantarapaccayena paccayo. (3)
अपचयगामी धम्मो नेवाचयगामिनापचयगामिस्स धम्मस्स अनन्तरपच्चयेन पच्चयो – मग्गो फलस्स अनन्तरपच्चयेन पच्चयो। (१)
Apacayagāmī dhammo nevācayagāmināpacayagāmissa dhammassa anantarapaccayena paccayo – maggo phalassa anantarapaccayena paccayo. (1)
नेवाचयगामिनापचयगामी धम्मो नेवाचयगामिनापचयगामिस्स धम्मस्स अनन्तरपच्चयेन पच्चयो – पुरिमा पुरिमा नेवाचयगामिनापचयगामी खन्धा पच्छिमानं पच्छिमानं नेवाचयगामिनापचयगामीनं खन्धानं अनन्तरपच्चयेन पच्चयो। भवङ्गं आवज्जनाय… किरियं वुट्ठानस्स… अरहतो अनुलोमं फलसमापत्तिया… निरोधा वुट्ठहन्तस्स नेवसञ्ञानासञ्ञायतनकिरियं फलसमापत्तिया अनन्तरपच्चयेन पच्चयो। (१)
Nevācayagāmināpacayagāmī dhammo nevācayagāmināpacayagāmissa dhammassa anantarapaccayena paccayo – purimā purimā nevācayagāmināpacayagāmī khandhā pacchimānaṃ pacchimānaṃ nevācayagāmināpacayagāmīnaṃ khandhānaṃ anantarapaccayena paccayo. Bhavaṅgaṃ āvajjanāya… kiriyaṃ vuṭṭhānassa… arahato anulomaṃ phalasamāpattiyā… nirodhā vuṭṭhahantassa nevasaññānāsaññāyatanakiriyaṃ phalasamāpattiyā anantarapaccayena paccayo. (1)
नेवाचयगामिनापचयगामी धम्मो आचयगामिस्स धम्मस्स अनन्तरपच्चयेन पच्चयो – आवज्जना आचयगामीनं खन्धानं अनन्तरपच्चयेन पच्चयो। (२)
Nevācayagāmināpacayagāmī dhammo ācayagāmissa dhammassa anantarapaccayena paccayo – āvajjanā ācayagāmīnaṃ khandhānaṃ anantarapaccayena paccayo. (2)
समनन्तरपच्चयादि
Samanantarapaccayādi
५३. आचयगामी धम्मो आचयगामिस्स धम्मस्स समनन्तरपच्चयेन पच्चयो…पे॰… (अनन्तरसदिसं)। (सहजातपच्चये पटिच्चवारे सहजातवारसदिसा नव पञ्हा। अञ्ञमञ्ञपच्चये पटिच्चवारे अञ्ञमञ्ञसदिसं तीणि। निस्सयपच्चये पच्चयवारे निस्सयवारसदिसं। चत्तारिपि हि विसुं घटना नत्थि। तेरस पञ्हा।)
53. Ācayagāmī dhammo ācayagāmissa dhammassa samanantarapaccayena paccayo…pe… (anantarasadisaṃ). (Sahajātapaccaye paṭiccavāre sahajātavārasadisā nava pañhā. Aññamaññapaccaye paṭiccavāre aññamaññasadisaṃ tīṇi. Nissayapaccaye paccayavāre nissayavārasadisaṃ. Cattāripi hi visuṃ ghaṭanā natthi. Terasa pañhā.)
उपनिस्सयपच्चयो
Upanissayapaccayo
५४. आचयगामी धम्मो आचयगामिस्स धम्मस्स उपनिस्सयपच्चयेन पच्चयो – आरम्मणूपनिस्सयो, अनन्तरूपनिस्सयो, पकतूपनिस्सयो…पे॰…। पकतूपनिस्सयो – आचयगामिं सद्धं उपनिस्साय दानं देति, सीलं…पे॰… उपोसथकम्मं…पे॰… झानं…पे॰… विपस्सनं…पे॰… अभिञ्ञं…पे॰… समापत्तिं उप्पादेति, मानं जप्पेति, दिट्ठिं गण्हाति, आचयगामिं सीलं… सुतं… चागं… पञ्ञं… रागं… दोसं… मोहं… मानं… दिट्ठिं… पत्थनं उपनिस्साय दानं देति। सीलं…पे॰… उपोसथकम्मं…पे॰… झानं…पे॰… विपस्सनं…पे॰… अभिञ्ञं…पे॰… समापत्तिं…पे॰… पाणं हनति…पे॰… सङ्घं भिन्दति। आचयगामी सद्धा…पे॰… पञ्ञा, रागो…पे॰… पत्थना आचयगामिया सद्धाय…पे॰… पञ्ञाय, रागस्स…पे॰… पत्थनाय उपनिस्सयपच्चयेन पच्चयो। पठमस्स झानस्स परिकम्मं पठमस्स झानस्स उपनिस्सयपच्चयेन पच्चयो…पे॰…। नेवसञ्ञानासञ्ञायतनस्स परिकम्मं नेवसञ्ञानासञ्ञायतनस्स उपनिस्सयपच्चयेन पच्चयो। पठमं झानं दुतियस्स झानस्स…पे॰… आकिञ्चञ्ञायतनं नेवसञ्ञानासञ्ञायतनस्स उपनिस्सयपच्चयेन पच्चयो। (१)
54. Ācayagāmī dhammo ācayagāmissa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – ācayagāmiṃ saddhaṃ upanissāya dānaṃ deti, sīlaṃ…pe… uposathakammaṃ…pe… jhānaṃ…pe… vipassanaṃ…pe… abhiññaṃ…pe… samāpattiṃ uppādeti, mānaṃ jappeti, diṭṭhiṃ gaṇhāti, ācayagāmiṃ sīlaṃ… sutaṃ… cāgaṃ… paññaṃ… rāgaṃ… dosaṃ… mohaṃ… mānaṃ… diṭṭhiṃ… patthanaṃ upanissāya dānaṃ deti. Sīlaṃ…pe… uposathakammaṃ…pe… jhānaṃ…pe… vipassanaṃ…pe… abhiññaṃ…pe… samāpattiṃ…pe… pāṇaṃ hanati…pe… saṅghaṃ bhindati. Ācayagāmī saddhā…pe… paññā, rāgo…pe… patthanā ācayagāmiyā saddhāya…pe… paññāya, rāgassa…pe… patthanāya upanissayapaccayena paccayo. Paṭhamassa jhānassa parikammaṃ paṭhamassa jhānassa upanissayapaccayena paccayo…pe…. Nevasaññānāsaññāyatanassa parikammaṃ nevasaññānāsaññāyatanassa upanissayapaccayena paccayo. Paṭhamaṃ jhānaṃ dutiyassa jhānassa…pe… ākiñcaññāyatanaṃ nevasaññānāsaññāyatanassa upanissayapaccayena paccayo. (1)
आचयगामी धम्मो अपचयगामिस्स धम्मस्स उपनिस्सयपच्चयेन पच्चयो – अनन्तरूपनिस्सयो, पकतूपनिस्सयो…पे॰…। पकतूपनिस्सयो – पठमस्स मग्गस्स परिकम्मं पठमस्स मग्गस्स…पे॰… चतुत्थस्स मग्गस्स परिकम्मं चतुत्थस्स मग्गस्स उपनिस्सयपच्चयेन पच्चयो। (२)
Ācayagāmī dhammo apacayagāmissa dhammassa upanissayapaccayena paccayo – anantarūpanissayo, pakatūpanissayo…pe…. Pakatūpanissayo – paṭhamassa maggassa parikammaṃ paṭhamassa maggassa…pe… catutthassa maggassa parikammaṃ catutthassa maggassa upanissayapaccayena paccayo. (2)
आचयगामी धम्मो नेवाचयगामिनापचयगामिस्स धम्मस्स उपनिस्सयपच्चयेन पच्चयो – अनन्तरूपनिस्सयो, पकतूपनिस्सयो…पे॰…। पकतूपनिस्सयो – आचयगामिं सद्धं उपनिस्साय अत्तानं आतापेति परितापेति परियिट्ठिमूलकं दुक्खं पच्चनुभोति। आचयगामिं सीलं…पे॰… पञ्ञं। रागं…पे॰… पत्थनं उपनिस्साय अत्तानं आतापेति परितापेति परियिट्ठिमूलकं दुक्खं पच्चनुभोति। आचयगामी सद्धा…पे॰… पञ्ञा। रागो…पे॰… पत्थना, कायिकस्स सुखस्स, कायिकस्स दुक्खस्स फलसमापत्तिया उपनिस्सयपच्चयेन पच्चयो। कुसलाकुसलं कम्मं विपाकस्स उपनिस्सयपच्चयेन पच्चयो। (३)
Ācayagāmī dhammo nevācayagāmināpacayagāmissa dhammassa upanissayapaccayena paccayo – anantarūpanissayo, pakatūpanissayo…pe…. Pakatūpanissayo – ācayagāmiṃ saddhaṃ upanissāya attānaṃ ātāpeti paritāpeti pariyiṭṭhimūlakaṃ dukkhaṃ paccanubhoti. Ācayagāmiṃ sīlaṃ…pe… paññaṃ. Rāgaṃ…pe… patthanaṃ upanissāya attānaṃ ātāpeti paritāpeti pariyiṭṭhimūlakaṃ dukkhaṃ paccanubhoti. Ācayagāmī saddhā…pe… paññā. Rāgo…pe… patthanā, kāyikassa sukhassa, kāyikassa dukkhassa phalasamāpattiyā upanissayapaccayena paccayo. Kusalākusalaṃ kammaṃ vipākassa upanissayapaccayena paccayo. (3)
५५. अपचयगामी धम्मो अपचयगामिस्स धम्मस्स उपनिस्सयपच्चयेन पच्चयो। पकतूपनिस्सयो – पठमो मग्गो दुतियस्स मग्गस्स…पे॰… ततियो मग्गो चतुत्थस्स मग्गस्स उपनिस्सयपच्चयेन पच्चयो। (१)
55. Apacayagāmī dhammo apacayagāmissa dhammassa upanissayapaccayena paccayo. Pakatūpanissayo – paṭhamo maggo dutiyassa maggassa…pe… tatiyo maggo catutthassa maggassa upanissayapaccayena paccayo. (1)
अपचयगामी धम्मो आचयगामिस्स धम्मस्स उपनिस्सयपच्चयेन पच्चयो – आरम्मणूपनिस्सयो, पकतूपनिस्सयो…पे॰…। पकतूपनिस्सयो – सेक्खा मग्गं उपनिस्साय अनुप्पन्नं कुसलसमापत्तिं उप्पादेन्ति, उप्पन्नं समापज्जन्ति , सङ्खारे अनिच्चतो दुक्खतो अनत्ततो विपस्सन्ति, मग्गो सेक्खानं अत्थप्पटिसम्भिदाय…पे॰… पटिभानपटिसम्भिदाय ठानाठानकोसल्लस्स उपनिस्सयपच्चयेन पच्चयो। (२)
Apacayagāmī dhammo ācayagāmissa dhammassa upanissayapaccayena paccayo – ārammaṇūpanissayo, pakatūpanissayo…pe…. Pakatūpanissayo – sekkhā maggaṃ upanissāya anuppannaṃ kusalasamāpattiṃ uppādenti, uppannaṃ samāpajjanti , saṅkhāre aniccato dukkhato anattato vipassanti, maggo sekkhānaṃ atthappaṭisambhidāya…pe… paṭibhānapaṭisambhidāya ṭhānāṭhānakosallassa upanissayapaccayena paccayo. (2)
अपचयगामी धम्मो नेवाचयगामिनापचयगामिस्स धम्मस्स उपनिस्सयपच्चयेन पच्चयो – आरम्मणूपनिस्सयो, अनन्तरूपनिस्सयो, पकतूपनिस्सयो…पे॰…। पकतूपनिस्सयो – अरहा मग्गं उपनिस्साय अनुप्पन्नं किरियसमापत्तिं उप्पादेति, उप्पन्नं समापज्जति…पे॰… ठानाठानकोसल्लस्स उपनिस्सयपच्चयेन पच्चयो। मग्गो फलसमापत्तिया उपनिस्सयपच्चयेन पच्चयो। (३)
Apacayagāmī dhammo nevācayagāmināpacayagāmissa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – arahā maggaṃ upanissāya anuppannaṃ kiriyasamāpattiṃ uppādeti, uppannaṃ samāpajjati…pe… ṭhānāṭhānakosallassa upanissayapaccayena paccayo. Maggo phalasamāpattiyā upanissayapaccayena paccayo. (3)
५६. नेवाचयगामिनापचयगामी धम्मो नेवाचयगामिनापचयगामिस्स धम्मस्स उपनिस्सयपच्चयेन पच्चयो – आरम्मणूपनिस्सयो, अनन्तरूपनिस्सयो, पकतूपनिस्सयो…पे॰…। पकतूपनिस्सयो – कायिकं सुखं उपनिस्साय अत्तानं आतापेति परितापेति परियिट्ठिमूलकं दुक्खं पच्चनुभोति। कायिकं दुक्खं… उतुं… भोजनं… सेनासनं उपनिस्साय अत्तानं आतापेति परितापेति…पे॰… कायिकं सुखं… कायिकं दुक्खं… उतु… भोजनं… सेनासनं कायिकस्स सुखस्स, कायिकस्स दुक्खस्स फलसमापत्तिया उपनिस्सयपच्चयेन पच्चयो। अरहा कायिकं सुखं उपनिस्साय अनुप्पन्नं किरियसमापत्तिं उप्पादेति…पे॰… विपस्सति। कायिकं दुक्खं… उतुं… भोजनं… सेनासनं उपनिस्साय…पे॰… विपस्सति। (१)
56. Nevācayagāmināpacayagāmī dhammo nevācayagāmināpacayagāmissa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – kāyikaṃ sukhaṃ upanissāya attānaṃ ātāpeti paritāpeti pariyiṭṭhimūlakaṃ dukkhaṃ paccanubhoti. Kāyikaṃ dukkhaṃ… utuṃ… bhojanaṃ… senāsanaṃ upanissāya attānaṃ ātāpeti paritāpeti…pe… kāyikaṃ sukhaṃ… kāyikaṃ dukkhaṃ… utu… bhojanaṃ… senāsanaṃ kāyikassa sukhassa, kāyikassa dukkhassa phalasamāpattiyā upanissayapaccayena paccayo. Arahā kāyikaṃ sukhaṃ upanissāya anuppannaṃ kiriyasamāpattiṃ uppādeti…pe… vipassati. Kāyikaṃ dukkhaṃ… utuṃ… bhojanaṃ… senāsanaṃ upanissāya…pe… vipassati. (1)
नेवाचयगामीनापचयगामी धम्मो आचयगामिस्स धम्मस्स उपनिस्सयपच्चयेन पच्चयो – आरम्मणूपनिस्सयो, अनन्तरूपनिस्सयो, पकतूपनिस्सयो…पे॰… । पकतूपनिस्सयो – कायिकं सुखं उपनिस्साय दानं देति…पे॰… समापत्तिं उप्पादेति, पाणं हनति…पे॰… सङ्घं भिन्दति। कायिकं दुक्खं… उतुं… भोजनं… सेनासनं उपनिस्साय दानं देति…पे॰… सङ्घं भिन्दति, कायिकं सुखं…पे॰… सेनासनं आचयगामिया सद्धाय…पे॰… पञ्ञाय, रागस्स…पे॰… पत्थनाय उपनिस्सयपच्चयेन पच्चयो। (२)
Nevācayagāmīnāpacayagāmī dhammo ācayagāmissa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – kāyikaṃ sukhaṃ upanissāya dānaṃ deti…pe… samāpattiṃ uppādeti, pāṇaṃ hanati…pe… saṅghaṃ bhindati. Kāyikaṃ dukkhaṃ… utuṃ… bhojanaṃ… senāsanaṃ upanissāya dānaṃ deti…pe… saṅghaṃ bhindati, kāyikaṃ sukhaṃ…pe… senāsanaṃ ācayagāmiyā saddhāya…pe… paññāya, rāgassa…pe… patthanāya upanissayapaccayena paccayo. (2)
नेवाचयगामिनापचयगामी धम्मो अपचयगामिस्स धम्मस्स उपनिस्सयपच्चयेन पच्चयो – आरम्मणूपनिस्सयो, पकतूपनिस्सयो…पे॰…। पकतूपनिस्सयो – कायिकं सुखं उपनिस्साय मग्गं उप्पादेति। कायिकं दुक्खं …पे॰… सेनासनं उपनिस्साय मग्गं उप्पादेति, कायिकं सुखं, कायिकं दुक्खं…पे॰… सेनासनं मग्गस्स उपनिस्सयपच्चयेन पच्चयो। (३)
Nevācayagāmināpacayagāmī dhammo apacayagāmissa dhammassa upanissayapaccayena paccayo – ārammaṇūpanissayo, pakatūpanissayo…pe…. Pakatūpanissayo – kāyikaṃ sukhaṃ upanissāya maggaṃ uppādeti. Kāyikaṃ dukkhaṃ …pe… senāsanaṃ upanissāya maggaṃ uppādeti, kāyikaṃ sukhaṃ, kāyikaṃ dukkhaṃ…pe… senāsanaṃ maggassa upanissayapaccayena paccayo. (3)
पुरेजातपच्चयो
Purejātapaccayo
५७. नेवाचयगामिनापचयगामी धम्मो नेवाचयगामिनापचयगामिस्स धम्मस्स पुरेजातपच्चयेन पच्चयो – आरम्मणपुरेजातं, वत्थुपुरेजातं। आरम्मणपुरेजातं – अरहा चक्खुं…पे॰… वत्थुं अनिच्चतो दुक्खतो अनत्ततो विपस्सति, दिब्बेन चक्खुना रूपं पस्सति, दिब्बाय सोतधातुया सद्दं सुणाति, रूपायतनं चक्खुविञ्ञाणस्स…पे॰… फोट्ठब्बायतनं कायविञ्ञाणस्स पुरेजातपच्चयेन पच्चयो। वत्थुपुरेजातं – चक्खायतनं चक्खुविञ्ञाणस्स…पे॰… कायायतनं कायविञ्ञाणस्स…पे॰… वत्थु नेवाचयगामिनापचयगामीनं खन्धानं पुरेजातपच्चयेन पच्चयो। (१)
57. Nevācayagāmināpacayagāmī dhammo nevācayagāmināpacayagāmissa dhammassa purejātapaccayena paccayo – ārammaṇapurejātaṃ, vatthupurejātaṃ. Ārammaṇapurejātaṃ – arahā cakkhuṃ…pe… vatthuṃ aniccato dukkhato anattato vipassati, dibbena cakkhunā rūpaṃ passati, dibbāya sotadhātuyā saddaṃ suṇāti, rūpāyatanaṃ cakkhuviññāṇassa…pe… phoṭṭhabbāyatanaṃ kāyaviññāṇassa purejātapaccayena paccayo. Vatthupurejātaṃ – cakkhāyatanaṃ cakkhuviññāṇassa…pe… kāyāyatanaṃ kāyaviññāṇassa…pe… vatthu nevācayagāmināpacayagāmīnaṃ khandhānaṃ purejātapaccayena paccayo. (1)
नेवाचयगामिनापचयगामी धम्मो आचयगामिस्स धम्मस्स पुरेजातपच्चयेन पच्चयो – आरम्मणपुरेजातं, वत्थुपुरेजातं। आरम्मणपुरेजातं – सेक्खा वा पुथुज्जना वा चक्खुं…पे॰… वत्थुं अनिच्चतो दुक्खतो अनत्ततो विपस्सन्ति, अस्सादेन्ति अभिनन्दन्ति; तं आरब्भ रागो उप्पज्जति…पे॰… दोमनस्सं उप्पज्जति, दिब्बेन चक्खुना रूपं पस्सति, दिब्बाय सोतधातुया सद्दं सुणाति। वत्थुपुरेजातं – वत्थु आचयगामीनं खन्धानं पुरेजातपच्चयेन पच्चयो। (२)
Nevācayagāmināpacayagāmī dhammo ācayagāmissa dhammassa purejātapaccayena paccayo – ārammaṇapurejātaṃ, vatthupurejātaṃ. Ārammaṇapurejātaṃ – sekkhā vā puthujjanā vā cakkhuṃ…pe… vatthuṃ aniccato dukkhato anattato vipassanti, assādenti abhinandanti; taṃ ārabbha rāgo uppajjati…pe… domanassaṃ uppajjati, dibbena cakkhunā rūpaṃ passati, dibbāya sotadhātuyā saddaṃ suṇāti. Vatthupurejātaṃ – vatthu ācayagāmīnaṃ khandhānaṃ purejātapaccayena paccayo. (2)
नेवाचयगामिनापचयगामी धम्मो अपचयगामिस्स धम्मस्स पुरेजातपच्चयेन पच्चयो। वत्थुपुरेजातं – वत्थु अपचयगामीनं खन्धानं पुरेजातपच्चयेन पच्चयो। (३)
Nevācayagāmināpacayagāmī dhammo apacayagāmissa dhammassa purejātapaccayena paccayo. Vatthupurejātaṃ – vatthu apacayagāmīnaṃ khandhānaṃ purejātapaccayena paccayo. (3)
पच्छाजातपच्चयो
Pacchājātapaccayo
५८. आचयगामी धम्मो नेवाचयगामिनापचयगामिस्स धम्मस्स पच्छाजातपच्चयेन पच्चयो – पच्छाजाता आचयगामी खन्धा पुरेजातस्स इमस्स कायस्स पच्छाजातपच्चयेन पच्चयो। (१)
58. Ācayagāmī dhammo nevācayagāmināpacayagāmissa dhammassa pacchājātapaccayena paccayo – pacchājātā ācayagāmī khandhā purejātassa imassa kāyassa pacchājātapaccayena paccayo. (1)
अपचयगामी धम्मो नेवाचयगामिनापचयगामिस्स धम्मस्स पच्छाजातपच्चयेन पच्चयो – पच्छाजाता अपचयगामी खन्धा पुरेजातस्स इमस्स कायस्स पच्छाजातपच्चयेन पच्चयो। (१)
Apacayagāmī dhammo nevācayagāmināpacayagāmissa dhammassa pacchājātapaccayena paccayo – pacchājātā apacayagāmī khandhā purejātassa imassa kāyassa pacchājātapaccayena paccayo. (1)
नेवाचयगामिनापचयगामी धम्मो नेवाचयगामिनापचयगामिस्स धम्मस्स पच्छाजातपच्चयेन पच्चयो – पच्छाजाता नेवाचयगामिनापचयगामी खन्धा पुरेजातस्स इमस्स कायस्स पच्छाजातपच्चयेन पच्चयो।
Nevācayagāmināpacayagāmī dhammo nevācayagāmināpacayagāmissa dhammassa pacchājātapaccayena paccayo – pacchājātā nevācayagāmināpacayagāmī khandhā purejātassa imassa kāyassa pacchājātapaccayena paccayo.
आसेवनपच्चयो
Āsevanapaccayo
५९. आचयगामी धम्मो आचयगामिस्स धम्मस्स आसेवनपच्चयेन पच्चयो – पुरिमा पुरिमा आचयगामी खन्धा पच्छिमानं पच्छिमानं आचयगामीनं खन्धानं आसेवनपच्चयेन पच्चयो। अनुलोमं गोत्रभुस्स… अनुलोमं वोदानस्स आसेवनपच्चयेन पच्चयो। (१)
59. Ācayagāmī dhammo ācayagāmissa dhammassa āsevanapaccayena paccayo – purimā purimā ācayagāmī khandhā pacchimānaṃ pacchimānaṃ ācayagāmīnaṃ khandhānaṃ āsevanapaccayena paccayo. Anulomaṃ gotrabhussa… anulomaṃ vodānassa āsevanapaccayena paccayo. (1)
आचयगामी धम्मो अपचयगामिस्स धम्मस्स आसेवनपच्चयेन पच्चयो – गोत्रभु मग्गस्स… वोदानं मग्गस्स आसेवनपच्चयेन पच्चयो। (२)
Ācayagāmī dhammo apacayagāmissa dhammassa āsevanapaccayena paccayo – gotrabhu maggassa… vodānaṃ maggassa āsevanapaccayena paccayo. (2)
नेवाचयगामिनापचयगामी धम्मो नेवाचयगामिनापचयगामिस्स धम्मस्स आसेवनपच्चयेन पच्चयो – पुरिमा पुरिमा नेवाचयगामिनापचयगामी खन्धा पच्छिमानं पच्छिमानं नेवाचयगामिनापचयगामीनं खन्धानं आसेवनपच्चयेन पच्चयो। (१)
Nevācayagāmināpacayagāmī dhammo nevācayagāmināpacayagāmissa dhammassa āsevanapaccayena paccayo – purimā purimā nevācayagāmināpacayagāmī khandhā pacchimānaṃ pacchimānaṃ nevācayagāmināpacayagāmīnaṃ khandhānaṃ āsevanapaccayena paccayo. (1)
कम्मपच्चयो
Kammapaccayo
६०. आचयगामी धम्मो आचयगामिस्स धम्मस्स कम्मपच्चयेन पच्चयो – आचयगामी चेतना सम्पयुत्तकानं खन्धानं कम्मपच्चयेन पच्चयो। (१)
60. Ācayagāmī dhammo ācayagāmissa dhammassa kammapaccayena paccayo – ācayagāmī cetanā sampayuttakānaṃ khandhānaṃ kammapaccayena paccayo. (1)
आचयगामी धम्मो नेवाचयगामिनापचयगामिस्स धम्मस्स कम्मपच्चयेन पच्चयो – सहजाता, नानाक्खणिका। सहजाता – आचयगामी चेतना चित्तसमुट्ठानानं रूपानं कम्मपच्चयेन पच्चयो। नानाक्खणिका – आचयगामी चेतना विपाकानं खन्धानं कटत्ता च रूपानं कम्मपच्चयेन पच्चयो। (२)
Ācayagāmī dhammo nevācayagāmināpacayagāmissa dhammassa kammapaccayena paccayo – sahajātā, nānākkhaṇikā. Sahajātā – ācayagāmī cetanā cittasamuṭṭhānānaṃ rūpānaṃ kammapaccayena paccayo. Nānākkhaṇikā – ācayagāmī cetanā vipākānaṃ khandhānaṃ kaṭattā ca rūpānaṃ kammapaccayena paccayo. (2)
आचयगामी धम्मो आचयगामिस्स च नेवाचयगामिनापचयगामिस्स च धम्मस्स कम्मपच्चयेन पच्चयो – आचयगामी चेतना सम्पयुत्तकानं खन्धानं चित्तसमुट्ठानानञ्च रूपानं कम्मपच्चयेन पच्चयो। (३)
Ācayagāmī dhammo ācayagāmissa ca nevācayagāmināpacayagāmissa ca dhammassa kammapaccayena paccayo – ācayagāmī cetanā sampayuttakānaṃ khandhānaṃ cittasamuṭṭhānānañca rūpānaṃ kammapaccayena paccayo. (3)
६१. अपचयगामी धम्मो अपचयगामिस्स धम्मस्स कम्मपच्चयेन पच्चयो – अपचयगामी चेतना सम्पयुत्तकानं खन्धानं कम्मपच्चयेन पच्चयो। (१)
61. Apacayagāmī dhammo apacayagāmissa dhammassa kammapaccayena paccayo – apacayagāmī cetanā sampayuttakānaṃ khandhānaṃ kammapaccayena paccayo. (1)
अपचयगामी धम्मो नेवाचयगामिनापचयगामिस्स धम्मस्स कम्मपच्चयेन पच्चयो – सहजाता, नानाक्खणिका। सहजाता – अपचयगामी चेतना चित्तसमुट्ठानानं रूपानं कम्मपच्चयेन पच्चयो। नानाक्खणिका – अपचयगामी चेतना विपाकानं खन्धानं कम्मपच्चयेन पच्चयो। (२)
Apacayagāmī dhammo nevācayagāmināpacayagāmissa dhammassa kammapaccayena paccayo – sahajātā, nānākkhaṇikā. Sahajātā – apacayagāmī cetanā cittasamuṭṭhānānaṃ rūpānaṃ kammapaccayena paccayo. Nānākkhaṇikā – apacayagāmī cetanā vipākānaṃ khandhānaṃ kammapaccayena paccayo. (2)
अपचयगामी धम्मो अपचयगामिस्स च नेवाचयगामिनापचयगामिस्स च धम्मस्स कम्मपच्चयेन पच्चयो – अपचयगामी चेतना सम्पयुत्तकानं खन्धानं चित्तसमुट्ठानानञ्च रूपानं कम्मपच्चयेन पच्चयो। (३)
Apacayagāmī dhammo apacayagāmissa ca nevācayagāmināpacayagāmissa ca dhammassa kammapaccayena paccayo – apacayagāmī cetanā sampayuttakānaṃ khandhānaṃ cittasamuṭṭhānānañca rūpānaṃ kammapaccayena paccayo. (3)
नेवाचयगामिनापचयगामी धम्मो नेवाचयगामिनापचयगामिस्स धम्मस्स कम्मपच्चयेन पच्चयो – नेवाचयगामिनापचयगामी चेतना सम्पयुत्तकानं खन्धानं चित्तसमुट्ठानानञ्च रूपानं कम्मपच्चयेन पच्चयो। पटिसन्धिक्खणे नेवाचयगामिनापचयगामी चेतना सम्पयुत्तकानं खन्धानं कटत्ता च रूपानं कम्मपच्चयेन पच्चयो। (१)
Nevācayagāmināpacayagāmī dhammo nevācayagāmināpacayagāmissa dhammassa kammapaccayena paccayo – nevācayagāmināpacayagāmī cetanā sampayuttakānaṃ khandhānaṃ cittasamuṭṭhānānañca rūpānaṃ kammapaccayena paccayo. Paṭisandhikkhaṇe nevācayagāmināpacayagāmī cetanā sampayuttakānaṃ khandhānaṃ kaṭattā ca rūpānaṃ kammapaccayena paccayo. (1)
विपाकपच्चयो
Vipākapaccayo
६२. नेवाचयगामिनापचयगामी धम्मो नेवाचयगामिनापचयगामिस्स धम्मस्स विपाकपच्चयेन पच्चयो – विपाको नेवाचयगामिनापचयगामी एको खन्धो तिण्णन्नं खन्धानं…पे॰… पटिसन्धिक्खणे…पे॰… खन्धा वत्थुस्स विपाकपच्चयेन पच्चयो। (१)
62. Nevācayagāmināpacayagāmī dhammo nevācayagāmināpacayagāmissa dhammassa vipākapaccayena paccayo – vipāko nevācayagāmināpacayagāmī eko khandho tiṇṇannaṃ khandhānaṃ…pe… paṭisandhikkhaṇe…pe… khandhā vatthussa vipākapaccayena paccayo. (1)
आहारपच्चयादि
Āhārapaccayādi
६३. आचयगामी धम्मो आचयगामिस्स धम्मस्स आहारपच्चयेन पच्चयो… इन्द्रियपच्चयेन पच्चयो… झानपच्चयेन पच्चयो… मग्गपच्चयेन पच्चयो… सम्पयुत्तपच्चयेन पच्चयो।
63. Ācayagāmī dhammo ācayagāmissa dhammassa āhārapaccayena paccayo… indriyapaccayena paccayo… jhānapaccayena paccayo… maggapaccayena paccayo… sampayuttapaccayena paccayo.
विप्पयुत्तपच्चयो
Vippayuttapaccayo
६४. आचयगामी धम्मो नेवाचयगामिनापचयगामिस्स धम्मस्स विप्पयुत्तपच्चयेन पच्चयो – सहजातं, पच्छाजातं। सहजाता – आचयगामी खन्धा चित्तसमुट्ठानानं रूपानं विप्पयुत्तपच्चयेन पच्चयो। पच्छाजाता – आचयगामी खन्धा पुरेजातस्स इमस्स कायस्स विप्पयुत्तपच्चयेन पच्चयो। (१)
64. Ācayagāmī dhammo nevācayagāmināpacayagāmissa dhammassa vippayuttapaccayena paccayo – sahajātaṃ, pacchājātaṃ. Sahajātā – ācayagāmī khandhā cittasamuṭṭhānānaṃ rūpānaṃ vippayuttapaccayena paccayo. Pacchājātā – ācayagāmī khandhā purejātassa imassa kāyassa vippayuttapaccayena paccayo. (1)
अपचयगामी धम्मो नेवाचयगामिनापचयगामिस्स धम्मस्स विप्पयुत्तपच्चयेन पच्चयो – सहजातं, पच्छाजातं। सहजाता – अपचयगामी खन्धा चित्तसमुट्ठानानं रूपानं विप्पयुत्तपच्चयेन पच्चयो। पच्छाजाता – अपचयगामी खन्धा पुरेजातस्स इमस्स कायस्स विप्पयुत्तपच्चयेन पच्चयो। (१)
Apacayagāmī dhammo nevācayagāmināpacayagāmissa dhammassa vippayuttapaccayena paccayo – sahajātaṃ, pacchājātaṃ. Sahajātā – apacayagāmī khandhā cittasamuṭṭhānānaṃ rūpānaṃ vippayuttapaccayena paccayo. Pacchājātā – apacayagāmī khandhā purejātassa imassa kāyassa vippayuttapaccayena paccayo. (1)
नेवाचयगामिनापचयगामी धम्मो नेवाचयगामिनापचयगामिस्स धम्मस्स विप्पयुत्तपच्चयेन पच्चयो – सहजातं, पुरेजातं, पच्छाजातं। सहजाता – नेवाचयगामिनापचयगामी खन्धा चित्तसमुट्ठानानं रूपानं विप्पयुत्तपच्चयेन पच्चयो। पटिसन्धिक्खणे नेवाचयगामिनापचयगामी खन्धा कटत्तारूपानं विप्पयुत्तपच्चयेन पच्चयो । खन्धा वत्थुस्स विप्पयुत्तपच्चयेन पच्चयो। वत्थु खन्धानं विप्पयुत्तपच्चयेन पच्चयो। पुरेजातं – चक्खायतनं चक्खुविञ्ञाणस्स…पे॰… कायायतनं कायविञ्ञाणस्स…पे॰… वत्थु नेवाचयगामिनापचयगामीनं खन्धानं विप्पयुत्तपच्चयेन पच्चयो। पच्छाजाता – नेवाचयगामिनापचयगामी खन्धा पुरेजातस्स इमस्स कायस्स…पे॰…। (१)
Nevācayagāmināpacayagāmī dhammo nevācayagāmināpacayagāmissa dhammassa vippayuttapaccayena paccayo – sahajātaṃ, purejātaṃ, pacchājātaṃ. Sahajātā – nevācayagāmināpacayagāmī khandhā cittasamuṭṭhānānaṃ rūpānaṃ vippayuttapaccayena paccayo. Paṭisandhikkhaṇe nevācayagāmināpacayagāmī khandhā kaṭattārūpānaṃ vippayuttapaccayena paccayo . Khandhā vatthussa vippayuttapaccayena paccayo. Vatthu khandhānaṃ vippayuttapaccayena paccayo. Purejātaṃ – cakkhāyatanaṃ cakkhuviññāṇassa…pe… kāyāyatanaṃ kāyaviññāṇassa…pe… vatthu nevācayagāmināpacayagāmīnaṃ khandhānaṃ vippayuttapaccayena paccayo. Pacchājātā – nevācayagāmināpacayagāmī khandhā purejātassa imassa kāyassa…pe…. (1)
नेवाचयगामिनापचयगामी धम्मो आचयगामिस्स धम्मस्स विप्पयुत्तपच्चयेन पच्चयो। पुरेजातं – वत्थु आचयगामीनं खन्धानं विप्पयुत्तपच्चयेन पच्चयो। (२)
Nevācayagāmināpacayagāmī dhammo ācayagāmissa dhammassa vippayuttapaccayena paccayo. Purejātaṃ – vatthu ācayagāmīnaṃ khandhānaṃ vippayuttapaccayena paccayo. (2)
नेवाचयगामिनापचयगामी धम्मो अपचयगामिस्स धम्मस्स विप्पयुत्तपच्चयेन पच्चयो। पुरेजातं – वत्थु अपचयगामीनं खन्धानं विप्पयुत्तपच्चयेन पच्चयो। (३)
Nevācayagāmināpacayagāmī dhammo apacayagāmissa dhammassa vippayuttapaccayena paccayo. Purejātaṃ – vatthu apacayagāmīnaṃ khandhānaṃ vippayuttapaccayena paccayo. (3)
अत्थिपच्चयादि
Atthipaccayādi
६५. आचयगामी धम्मो आचयगामिस्स धम्मस्स अत्थिपच्चयेन पच्चयो – आचयगामी एको खन्धो तिण्णन्नं खन्धानं…पे॰…। (१)
65. Ācayagāmī dhammo ācayagāmissa dhammassa atthipaccayena paccayo – ācayagāmī eko khandho tiṇṇannaṃ khandhānaṃ…pe…. (1)
आचयगामी धम्मो नेवाचयगामिनापचयगामिस्स धम्मस्स अत्थिपच्चयेन पच्चयो – सहजातं, पच्छाजातं। सहजाता – आचयगामी खन्धा चित्तसमुट्ठानानं रूपानं अत्थिपच्चयेन पच्चयो। पच्छाजाता – आचयगामी खन्धा पुरेजातस्स इमस्स कायस्स अत्थिपच्चयेन पच्चयो। (२)
Ācayagāmī dhammo nevācayagāmināpacayagāmissa dhammassa atthipaccayena paccayo – sahajātaṃ, pacchājātaṃ. Sahajātā – ācayagāmī khandhā cittasamuṭṭhānānaṃ rūpānaṃ atthipaccayena paccayo. Pacchājātā – ācayagāmī khandhā purejātassa imassa kāyassa atthipaccayena paccayo. (2)
आचयगामी धम्मो आचयगामिस्स च नेवाचयगामिनापचयगामिस्स च धम्मस्स अत्थिपच्चयेन पच्चयो – आचयगामी एको खन्धो तिण्णन्नं खन्धानं चित्तसमुट्ठानानञ्च रूपानं अत्थिपच्चयेन पच्चयो…पे॰… द्वे खन्धा…पे॰…। (३)
Ācayagāmī dhammo ācayagāmissa ca nevācayagāmināpacayagāmissa ca dhammassa atthipaccayena paccayo – ācayagāmī eko khandho tiṇṇannaṃ khandhānaṃ cittasamuṭṭhānānañca rūpānaṃ atthipaccayena paccayo…pe… dve khandhā…pe…. (3)
अपचयगामी धम्मो… तीणि (आचयगामिनयेन कातब्बं)।
Apacayagāmī dhammo… tīṇi (ācayagāminayena kātabbaṃ).
६६. नेवाचयगामिनापचयगामी धम्मो नेवाचयगामिनापचयगामिस्स धम्मस्स अत्थिपच्चयेन पच्चयो – सहजातं, पुरेजातं, पच्छाजातं, आहारं, इन्द्रियं। सहजातो – नेवाचयगामिनापचयगामी एको खन्धो तिण्णन्नं खन्धानं चित्तसमुट्ठानानञ्च रूपानं अत्थिपच्चयेन पच्चयो…पे॰… द्वे खन्धा…पे॰… पटिसन्धिक्खणे…पे॰… खन्धा वत्थुस्स अत्थिपच्चयेन पच्चयो। वत्थु खन्धानं अत्थिपच्चयेन पच्चयो। एकं महाभूतं…पे॰… बाहिरं… आहारसमुट्ठानं… उतुसमुट्ठानं… असञ्ञसत्तानं…पे॰…। पुरेजातं – अरहा चक्खुं…पे॰… वत्थुं अनिच्चतो दुक्खतो अनत्ततो विपस्सति, दिब्बेन चक्खुना रूपं पस्सति, दिब्बाय सोतधातुया सद्दं सुणाति, रूपायतनं चक्खुविञ्ञाणस्स…पे॰… फोट्ठब्बायतनं कायविञ्ञाणस्स…पे॰… चक्खायतनं चक्खुविञ्ञाणस्स…पे॰… कायायतनं कायविञ्ञाणस्स…पे॰… वत्थु नेवाचयगामिनापचयगामीनं खन्धानं अत्थिपच्चयेन पच्चयो। पच्छाजाता – नेवाचयगामिनापचयगामी खन्धा पुरेजातस्स इमस्स कायस्स अत्थिपच्चयेन पच्चयो। कबळीकारो आहारो इमस्स कायस्स…पे॰… रूपजीवितिन्द्रियं कटत्तारूपानं…पे॰…। (१)
66. Nevācayagāmināpacayagāmī dhammo nevācayagāmināpacayagāmissa dhammassa atthipaccayena paccayo – sahajātaṃ, purejātaṃ, pacchājātaṃ, āhāraṃ, indriyaṃ. Sahajāto – nevācayagāmināpacayagāmī eko khandho tiṇṇannaṃ khandhānaṃ cittasamuṭṭhānānañca rūpānaṃ atthipaccayena paccayo…pe… dve khandhā…pe… paṭisandhikkhaṇe…pe… khandhā vatthussa atthipaccayena paccayo. Vatthu khandhānaṃ atthipaccayena paccayo. Ekaṃ mahābhūtaṃ…pe… bāhiraṃ… āhārasamuṭṭhānaṃ… utusamuṭṭhānaṃ… asaññasattānaṃ…pe…. Purejātaṃ – arahā cakkhuṃ…pe… vatthuṃ aniccato dukkhato anattato vipassati, dibbena cakkhunā rūpaṃ passati, dibbāya sotadhātuyā saddaṃ suṇāti, rūpāyatanaṃ cakkhuviññāṇassa…pe… phoṭṭhabbāyatanaṃ kāyaviññāṇassa…pe… cakkhāyatanaṃ cakkhuviññāṇassa…pe… kāyāyatanaṃ kāyaviññāṇassa…pe… vatthu nevācayagāmināpacayagāmīnaṃ khandhānaṃ atthipaccayena paccayo. Pacchājātā – nevācayagāmināpacayagāmī khandhā purejātassa imassa kāyassa atthipaccayena paccayo. Kabaḷīkāro āhāro imassa kāyassa…pe… rūpajīvitindriyaṃ kaṭattārūpānaṃ…pe…. (1)
नेवाचयगामिनापचयगामी धम्मो आचयगामिस्स धम्मस्स अत्थिपच्चयेन पच्चयो। पुरेजातं – सेक्खा वा पुथुज्जना वा चक्खुं अनिच्चतो दुक्खतो अनत्ततो विपस्सन्ति, अस्सादेन्ति अभिनन्दन्ति; तं आरब्भ रागो…पे॰… दोमनस्सं उप्पज्जति, सोतं…पे॰… वत्थुं अनिच्चतो…पे॰… विपस्सन्ति, अस्सादेन्ति अभिनन्दन्ति; तं आरब्भ रागो…पे॰… दोमनस्सं उप्पज्जति, दिब्बेन चक्खुना रूपं पस्सति, दिब्बाय सोतधातुया सद्दं सुणाति, वत्थु आचयगामीनं खन्धानं अत्थिपच्चयेन पच्चयो। (२)
Nevācayagāmināpacayagāmī dhammo ācayagāmissa dhammassa atthipaccayena paccayo. Purejātaṃ – sekkhā vā puthujjanā vā cakkhuṃ aniccato dukkhato anattato vipassanti, assādenti abhinandanti; taṃ ārabbha rāgo…pe… domanassaṃ uppajjati, sotaṃ…pe… vatthuṃ aniccato…pe… vipassanti, assādenti abhinandanti; taṃ ārabbha rāgo…pe… domanassaṃ uppajjati, dibbena cakkhunā rūpaṃ passati, dibbāya sotadhātuyā saddaṃ suṇāti, vatthu ācayagāmīnaṃ khandhānaṃ atthipaccayena paccayo. (2)
नेवाचयगामिनापचयगामी धम्मो अपचयगामिस्स धम्मस्स अत्थिपच्चयेन पच्चयो। पुरेजातं – वत्थु अपचयगामीनं खन्धानं अत्थिपच्चयेन पच्चयो। (३)
Nevācayagāmināpacayagāmī dhammo apacayagāmissa dhammassa atthipaccayena paccayo. Purejātaṃ – vatthu apacayagāmīnaṃ khandhānaṃ atthipaccayena paccayo. (3)
६७. आचयगामी च नेवाचयगामिनापचयगामी च धम्मा आचयगामिस्स धम्मस्स अत्थिपच्चयेन पच्चयो सहजातं, पुरेजातं। सहजातो – आचयगामी एको खन्धो च वत्थु च तिण्णन्नं खन्धानं अत्थिपच्चयेन पच्चयो…पे॰… द्वे खन्धा…पे॰…। (१)
67. Ācayagāmī ca nevācayagāmināpacayagāmī ca dhammā ācayagāmissa dhammassa atthipaccayena paccayo sahajātaṃ, purejātaṃ. Sahajāto – ācayagāmī eko khandho ca vatthu ca tiṇṇannaṃ khandhānaṃ atthipaccayena paccayo…pe… dve khandhā…pe…. (1)
आचयगामी च नेवाचयगामिनापचयगामी च धम्मा नेवाचयगामिनापचयगामिस्स धम्मस्स अत्थिपच्चयेन पच्चयो – सहजातं, पच्छाजातं, आहारं, इन्द्रियं। सहजाता – आचयगामी खन्धा च महाभूता च चित्तसमुट्ठानानं रूपानं अत्थिपच्चयेन पच्चयो। पच्छाजाता – आचयगामी खन्धा च कबळीकारो आहारो च इमस्स कायस्स अत्थिपच्चयेन पच्चयो। पच्छाजाता – आचयगामी खन्धा च रूपजीवितिन्द्रियञ्च कटत्तारूपानं अत्थिपच्चयेन पच्चयो। (२)
Ācayagāmī ca nevācayagāmināpacayagāmī ca dhammā nevācayagāmināpacayagāmissa dhammassa atthipaccayena paccayo – sahajātaṃ, pacchājātaṃ, āhāraṃ, indriyaṃ. Sahajātā – ācayagāmī khandhā ca mahābhūtā ca cittasamuṭṭhānānaṃ rūpānaṃ atthipaccayena paccayo. Pacchājātā – ācayagāmī khandhā ca kabaḷīkāro āhāro ca imassa kāyassa atthipaccayena paccayo. Pacchājātā – ācayagāmī khandhā ca rūpajīvitindriyañca kaṭattārūpānaṃ atthipaccayena paccayo. (2)
अपचयगामी च नेवाचयगामिनापचयगामी च धम्मा अपचयगामिस्स धम्मस्स अत्थिपच्चयेन पच्चयो (द्वे कातब्बा दस्सितनयेन), नत्थिपच्चयेन पच्चयो, विगतपच्चयेन पच्चयो, अविगतपच्चयेन पच्चयो।
Apacayagāmī ca nevācayagāmināpacayagāmī ca dhammā apacayagāmissa dhammassa atthipaccayena paccayo (dve kātabbā dassitanayena), natthipaccayena paccayo, vigatapaccayena paccayo, avigatapaccayena paccayo.
१. पच्चयानुलोमं
1. Paccayānulomaṃ
२. सङ्ख्यावारो
2. Saṅkhyāvāro
सुद्धं
Suddhaṃ
६८. हेतुया सत्त, आरम्मणे सत्त, अधिपतिया दस, अनन्तरे छ, समनन्तरे छ, सहजाते नव, अञ्ञमञ्ञे तीणि, निस्सये तेरस, उपनिस्सये नव, पुरेजाते तीणि, पच्छाजाते तीणि, आसेवने तीणि, कम्मे सत्त, विपाके एकं, आहारे सत्त, इन्द्रिये सत्त, झाने सत्त, मग्गे सत्त, सम्पयुत्ते तीणि, विप्पयुत्ते पञ्च, अत्थिया तेरस, नत्थिया छ, विगते छ, अविगते तेरस।
68. Hetuyā satta, ārammaṇe satta, adhipatiyā dasa, anantare cha, samanantare cha, sahajāte nava, aññamaññe tīṇi, nissaye terasa, upanissaye nava, purejāte tīṇi, pacchājāte tīṇi, āsevane tīṇi, kamme satta, vipāke ekaṃ, āhāre satta, indriye satta, jhāne satta, magge satta, sampayutte tīṇi, vippayutte pañca, atthiyā terasa, natthiyā cha, vigate cha, avigate terasa.
अनुलोमं।
Anulomaṃ.
पच्चनीयुद्धारो
Paccanīyuddhāro
६९. आचयगामी धम्मो आचयगामिस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो। (१)
69. Ācayagāmī dhammo ācayagāmissa dhammassa ārammaṇapaccayena paccayo… sahajātapaccayena paccayo… upanissayapaccayena paccayo. (1)
आचयगामी धम्मो अपचयगामिस्स धम्मस्स उपनिस्सयपच्चयेन पच्चयो। (२)
Ācayagāmī dhammo apacayagāmissa dhammassa upanissayapaccayena paccayo. (2)
आचयगामी धम्मो नेवाचयगामिनापचयगामिस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो… पच्छाजातपच्चयेन पच्चयो… कम्मपच्चयेन पच्चयो। (३)
Ācayagāmī dhammo nevācayagāmināpacayagāmissa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… pacchājātapaccayena paccayo… kammapaccayena paccayo. (3)
आचयगामी धम्मो आचयगामिस्स च नेवाचयगामिनापचयगामिस्स च धम्मस्स सहजातपच्चयेन पच्चयो। (४)
Ācayagāmī dhammo ācayagāmissa ca nevācayagāmināpacayagāmissa ca dhammassa sahajātapaccayena paccayo. (4)
७०. अपचयगामी धम्मो अपचयगामिस्स धम्मस्स सहजातपच्चयेन पच्चयो… उपनिस्सयपच्चयेन पच्चयो। (१)
70. Apacayagāmī dhammo apacayagāmissa dhammassa sahajātapaccayena paccayo… upanissayapaccayena paccayo. (1)
अपचयगामी धम्मो आचयगामिस्स धम्मस्स आरम्मणपच्चयेन पच्चयो… उपनिस्सयपच्चयेन पच्चयो। (२)
Apacayagāmī dhammo ācayagāmissa dhammassa ārammaṇapaccayena paccayo… upanissayapaccayena paccayo. (2)
अपचयगामी धम्मो नेवाचयगामिनापचयगामिस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो… पच्छाजातपच्चयेन पच्चयो। (३)
Apacayagāmī dhammo nevācayagāmināpacayagāmissa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… pacchājātapaccayena paccayo. (3)
अपचयगामी धम्मो अपचयगामिस्स च नेवाचयगामिनापचयगामिस्स च धम्मस्स सहजातपच्चयेन पच्चयो। (४)
Apacayagāmī dhammo apacayagāmissa ca nevācayagāmināpacayagāmissa ca dhammassa sahajātapaccayena paccayo. (4)
७१. नेवाचयगामिनापचयगामी धम्मो नेवाचयगामिनापचयगामिस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो… पुरेजातपच्चयेन पच्चयो… पच्छाजातपच्चयेन पच्चयो… आहारपच्चयेन पच्चयो… इन्द्रियपच्चयेन पच्चयो। (१)
71. Nevācayagāmināpacayagāmī dhammo nevācayagāmināpacayagāmissa dhammassa ārammaṇapaccayena paccayo… sahajātapaccayena paccayo… upanissayapaccayena paccayo… purejātapaccayena paccayo… pacchājātapaccayena paccayo… āhārapaccayena paccayo… indriyapaccayena paccayo. (1)
नेवाचयगामिनापचयगामी धम्मो आचयगामिस्स धम्मस्स आरम्मणपच्चयेन पच्चयो… उपनिस्सयपच्चयेन पच्चयो… पुरेजातपच्चयेन पच्चयो। (२)
Nevācayagāmināpacayagāmī dhammo ācayagāmissa dhammassa ārammaṇapaccayena paccayo… upanissayapaccayena paccayo… purejātapaccayena paccayo. (2)
नेवाचयगामिनापचयगामी धम्मो अपचयगामिस्स धम्मस्स उपनिस्सयपच्चयेन पच्चयो… पुरेजातपच्चयेन पच्चयो। (३)
Nevācayagāmināpacayagāmī dhammo apacayagāmissa dhammassa upanissayapaccayena paccayo… purejātapaccayena paccayo. (3)
७२. आचयगामी च नेवाचयगामिनापचयगामी च धम्मा आचयगामिस्स धम्मस्स सहजातं, पुरेजातं। (१)
72. Ācayagāmī ca nevācayagāmināpacayagāmī ca dhammā ācayagāmissa dhammassa sahajātaṃ, purejātaṃ. (1)
आचयगामी च नेवाचयगामिनापचयगामी च धम्मा नेवाचयगामिनापचयगामिस्स धम्मस्स सहजातं, पच्छाजातं, आहारं, इन्द्रियं। (२)
Ācayagāmī ca nevācayagāmināpacayagāmī ca dhammā nevācayagāmināpacayagāmissa dhammassa sahajātaṃ, pacchājātaṃ, āhāraṃ, indriyaṃ. (2)
अपचयगामी च नेवाचयगामिनापचयगामी च धम्मा अपचयगामिस्स धम्मस्स सहजातं, पुरेजातं। (१)
Apacayagāmī ca nevācayagāmināpacayagāmī ca dhammā apacayagāmissa dhammassa sahajātaṃ, purejātaṃ. (1)
अपचयगामी च नेवाचयगामिनापचयगामी च धम्मा नेवाचयगामिनापचयगामिस्स धम्मस्स सहजातं, पच्छाजातं, आहारं, इन्द्रियं। (२)
Apacayagāmī ca nevācayagāmināpacayagāmī ca dhammā nevācayagāmināpacayagāmissa dhammassa sahajātaṃ, pacchājātaṃ, āhāraṃ, indriyaṃ. (2)
२. पच्चयपच्चनीयं
2. Paccayapaccanīyaṃ
२. सङ्ख्यावारो
2. Saṅkhyāvāro
सुद्धं
Suddhaṃ
७३. नहेतुया पन्नरस, नआरम्मणे नअधिपतिया नअनन्तरे नसमनन्तरे पन्नरस, नसहजाते एकादस, नअञ्ञमञ्ञे एकादस, ननिस्सये एकादस, नउपनिस्सये चुद्दस, नपुरेजाते तेरस, नपच्छाजाते पन्नरस, नआसेवने नकम्मे नविपाके नआहारे नइन्द्रिये नझाने नमग्गे पन्नरस, नसम्पयुत्ते एकादस, नविप्पयुत्ते नव, नोअत्थिया नव, नोनत्थिया पन्नरस, नोविगते पन्नरस, नोअविगते नव (एवं गणेतब्बं)।
73. Nahetuyā pannarasa, naārammaṇe naadhipatiyā naanantare nasamanantare pannarasa, nasahajāte ekādasa, naaññamaññe ekādasa, nanissaye ekādasa, naupanissaye cuddasa, napurejāte terasa, napacchājāte pannarasa, naāsevane nakamme navipāke naāhāre naindriye najhāne namagge pannarasa, nasampayutte ekādasa, navippayutte nava, noatthiyā nava, nonatthiyā pannarasa, novigate pannarasa, noavigate nava (evaṃ gaṇetabbaṃ).
पच्चनीयं।
Paccanīyaṃ.
३. पच्चयानुलोमपच्चनीयं
3. Paccayānulomapaccanīyaṃ
हेतुदुकं
Hetudukaṃ
७४. हेतुपच्चया नआरम्मणे सत्त, नअधिपतिया नअनन्तरे नसमनन्तरे सत्त, नअञ्ञमञ्ञे तीणि, नउपनिस्सये सत्त, नपुरेजाते नपच्छाजाते नआसेवने नकम्मे नविपाके नआहारे नइन्द्रिये नझाने नमग्गे सत्त, नसम्पयुत्ते तीणि, नविप्पयुत्ते तीणि, नोनत्थिया सत्त, नोविगते सत्त (एवं गणेतब्बं)।
74. Hetupaccayā naārammaṇe satta, naadhipatiyā naanantare nasamanantare satta, naaññamaññe tīṇi, naupanissaye satta, napurejāte napacchājāte naāsevane nakamme navipāke naāhāre naindriye najhāne namagge satta, nasampayutte tīṇi, navippayutte tīṇi, nonatthiyā satta, novigate satta (evaṃ gaṇetabbaṃ).
अनुलोमपच्चनीयं।
Anulomapaccanīyaṃ.
४. पच्चयपच्चनीयानुलोमं
4. Paccayapaccanīyānulomaṃ
नहेतुदुकं
Nahetudukaṃ
७५. नहेतुपच्चया आरम्मणे सत्त, अधिपतिया दस, अनन्तरे छ, समनन्तरे छ, सहजाते नव, अञ्ञमञ्ञे तीणि, निस्सये तेरस, उपनिस्सये नव, पुरेजाते तीणि, पच्छाजाते तीणि, आसेवने तीणि, कम्मे सत्त, विपाके एकं, आहारे सत्त, इन्द्रिये झाने मग्गे सत्त, सम्पयुत्ते तीणि, विप्पयुत्ते पञ्च, अत्थिया तेरस, नत्थिया छ, विगते छ, अविगते तेरस (एवं गणेतब्बं)।
75. Nahetupaccayā ārammaṇe satta, adhipatiyā dasa, anantare cha, samanantare cha, sahajāte nava, aññamaññe tīṇi, nissaye terasa, upanissaye nava, purejāte tīṇi, pacchājāte tīṇi, āsevane tīṇi, kamme satta, vipāke ekaṃ, āhāre satta, indriye jhāne magge satta, sampayutte tīṇi, vippayutte pañca, atthiyā terasa, natthiyā cha, vigate cha, avigate terasa (evaṃ gaṇetabbaṃ).
पच्चनीयानुलोमं।
Paccanīyānulomaṃ.
आचयगामित्तिकं निट्ठितं।
Ācayagāmittikaṃ niṭṭhitaṃ.
Footnotes:
Related texts:
अट्ठकथा • Aṭṭhakathā / अभिधम्मपिटक (अट्ठकथा) • Abhidhammapiṭaka (aṭṭhakathā) / पञ्चपकरण-अट्ठकथा • Pañcapakaraṇa-aṭṭhakathā / ५-२२. सङ्किलिट्ठत्तिकादिवण्णना • 5-22. Saṅkiliṭṭhattikādivaṇṇanā
