| Library / Tipiṭaka / திபிடக • Tipiṭaka / பஞ்சபகரண-அட்ட²கதா² • Pañcapakaraṇa-aṭṭhakathā |
7. அச்சந்தனியாமகதா²வண்ணனா
7. Accantaniyāmakathāvaṇṇanā
847. இதா³னி அச்சந்தனியாமகதா² நாம ஹோதி. தத்த² யேஸங் ‘‘ஸகிங் நிமுக்³கோ³ நிமுக்³கோ³வ ஹோதீ’’தி (அ॰ நி॰ 7.15) ஸுத்தங் நிஸ்ஸாய ‘‘அத்தி² புது²ஜ்ஜனஸ்ஸ அச்சந்தனியாமதா’’தி லத்³தி⁴, ஸெய்யதா²பி ஏகச்சானங் உத்தராபத²கானங், தே ஸந்தா⁴ய புச்சா² ஸகவாதி³ஸ்ஸ, படிஞ்ஞா இதரஸ்ஸ. மாதுகா⁴தகோதிஆதி³ ‘‘நியதமிச்சா²தி³ட்டி²கஸ்ஸ ச மாதுகா⁴தகாதீ³னஞ்ச ஸமானே மிச்ச²த்தனியாமே மாதுகா⁴தகாதீ³ஹிபி தே அச்சந்தனியதேஹி ப⁴விதப்³ப³’’ந்தி சோத³னத்த²ங் வுத்தங். இதரோ ‘‘நியதமிச்சா²தி³ட்டி²கோ ஸங்ஸாரகா²ணுகோ ப⁴வந்தரேபி நியதோவ இமே பன ஏகஸ்மிஞ்ஞேவ அத்தபா⁴வே’’தி லத்³தி⁴யா ந ஹேவந்தி படிக்கி²பதி .
847. Idāni accantaniyāmakathā nāma hoti. Tattha yesaṃ ‘‘sakiṃ nimuggo nimuggova hotī’’ti (a. ni. 7.15) suttaṃ nissāya ‘‘atthi puthujjanassa accantaniyāmatā’’ti laddhi, seyyathāpi ekaccānaṃ uttarāpathakānaṃ, te sandhāya pucchā sakavādissa, paṭiññā itarassa. Mātughātakotiādi ‘‘niyatamicchādiṭṭhikassa ca mātughātakādīnañca samāne micchattaniyāme mātughātakādīhipi te accantaniyatehi bhavitabba’’nti codanatthaṃ vuttaṃ. Itaro ‘‘niyatamicchādiṭṭhiko saṃsārakhāṇuko bhavantarepi niyatova ime pana ekasmiññeva attabhāve’’ti laddhiyā na hevanti paṭikkhipati .
848. விசிகிச்சா² உப்பஜ்ஜெய்யாதி ‘‘அயங் நியதோ வா நோ வா’’தி ஏவங் உப்பஜ்ஜெய்யாதி புச்ச²தி. இதரோ அனுப்பத்திகாரணங் அபஸ்ஸந்தோ படிஜானாதி. நுப்பஜ்ஜெய்யாதி புட்டோ² பன யங் தி³ட்டி²ங் ஆஸேவந்தோ நியாமங் ஓக்கந்தோ, தத்த² அனுப்பத்திங் ஸந்தா⁴ய படிஜானாதி. ததோ பஹீனாதி புட்டோ² மக்³கே³ன அப்பஹீனத்தா படிக்கி²பதி, தங் தி³ட்டி²ங் ஆரப்³ப⁴ அஸமுதா³சாரதோ படிஜானாதி. அத² நங் யஸ்மா பஹானங் நாம வினா அரியமக்³கே³ன நத்தி², தஸ்மா தஸ்ஸ வஸேன சோதே³துங் ஸோதாபத்திமக்³கே³னாதிஆதி³மாஹ. ஸோ ஏகமக்³கே³னாபி அப்பஹீனத்தா படிக்கி²பதி. புன கதமேனாதி புட்டோ² மிச்சா²மக்³க³ங் ஸந்தா⁴ய அகுஸலேனாதிஆதி³மாஹ.
848. Vicikicchā uppajjeyyāti ‘‘ayaṃ niyato vā no vā’’ti evaṃ uppajjeyyāti pucchati. Itaro anuppattikāraṇaṃ apassanto paṭijānāti. Nuppajjeyyāti puṭṭho pana yaṃ diṭṭhiṃ āsevanto niyāmaṃ okkanto, tattha anuppattiṃ sandhāya paṭijānāti. Tato pahīnāti puṭṭho maggena appahīnattā paṭikkhipati, taṃ diṭṭhiṃ ārabbha asamudācārato paṭijānāti. Atha naṃ yasmā pahānaṃ nāma vinā ariyamaggena natthi, tasmā tassa vasena codetuṃ sotāpattimaggenātiādimāha. So ekamaggenāpi appahīnattā paṭikkhipati. Puna katamenāti puṭṭho micchāmaggaṃ sandhāya akusalenātiādimāha.
849. உச்சே²த³தி³ட்டி² உப்பஜ்ஜெய்யாதி து³தியனியாமுப்பத்திங் புச்ச²தி. இதரோ யஸ்மா ‘‘யேபி தே ஓக்கலா வயபி⁴ஞ்ஞா நத்தி²கவாதா³ அகிரியவாதா³ அஹேதுகவாதா³’’தி (ம॰ நி॰ 3.143) வசனதோ திஸ்ஸோபி நியதமிச்சா²தி³ட்டி²யோ ஏகஸ்ஸ உப்பஜ்ஜந்தி, தஸ்மா படிஜானாதி.
849. Ucchedadiṭṭhi uppajjeyyāti dutiyaniyāmuppattiṃ pucchati. Itaro yasmā ‘‘yepi te okkalā vayabhiññā natthikavādā akiriyavādā ahetukavādā’’ti (ma. ni. 3.143) vacanato tissopi niyatamicchādiṭṭhiyo ekassa uppajjanti, tasmā paṭijānāti.
850. அத² நங் ‘‘ந ச நாம ஸோ அச்சந்தனியாமோ’’தி சோதே³துங் ஹஞ்சீதிஆதி³மாஹ. அச்சந்தனியதஸ்ஸ ஹி து³தியனியாமோ நிரத்த²கோ. நுப்பஜ்ஜெய்யாதி பஞ்ஹே யங் ஸஸ்ஸததி³ட்டி²யா ஸஸ்ஸதந்தி க³ஹிதங், ததே³வ உச்சி²ஜ்ஜிஸ்ஸதீதி க³ஹெத்வா அனுப்பத்திங் ஸந்தா⁴ய படிஜானாதி. பஹீனாதி புட்டோ² மக்³கே³ன அப்பஹீனத்தா படிக்கி²பதி, வுத்தனயேன அனுப்பஜ்ஜனதோ படிஜானாதி. ஸஸ்ஸததி³ட்டி² உப்பஜ்ஜெய்யாதிஆதீ³ஸுபி ஏஸேவ நயோ. ஸேஸங் விசிகிச்சா²வாரே வுத்தனயமேவ.
850. Atha naṃ ‘‘na ca nāma so accantaniyāmo’’ti codetuṃ hañcītiādimāha. Accantaniyatassa hi dutiyaniyāmo niratthako. Nuppajjeyyāti pañhe yaṃ sassatadiṭṭhiyā sassatanti gahitaṃ, tadeva ucchijjissatīti gahetvā anuppattiṃ sandhāya paṭijānāti. Pahīnāti puṭṭho maggena appahīnattā paṭikkhipati, vuttanayena anuppajjanato paṭijānāti. Sassatadiṭṭhi uppajjeyyātiādīsupi eseva nayo. Sesaṃ vicikicchāvāre vuttanayameva.
851-852. ந வத்தப்³ப³ந்தி புச்சா² பரவாதி³ஸ்ஸ, ஸுத்தஸ்ஸ அத்தி²தாய படிஞ்ஞா ஸகவாதி³ஸ்ஸ. ந பன ஸோ ப⁴வந்தரேபி நிமுக்³கோ³வ. இமஸ்மிஞ்ஞேவ ஹி ப⁴வே அப⁴ப்³போ³ ஸோ தங் தி³ட்டி²ங் பஜஹிதுந்தி அயமெத்த² அதி⁴ப்பாயோ, தஸ்மா அஸாத⁴கமேதந்தி. ஸப்³ப³காலங் உம்முஜ்ஜித்வா நிமுஜ்ஜதீதிஆதி³ வசனமத்தே அபி⁴னிவேஸங் அகத்வா அத்தோ² பரியேஸிதப்³போ³தி த³ஸ்ஸனத்த²ங் வுத்தந்தி.
851-852. Na vattabbanti pucchā paravādissa, suttassa atthitāya paṭiññā sakavādissa. Na pana so bhavantarepi nimuggova. Imasmiññeva hi bhave abhabbo so taṃ diṭṭhiṃ pajahitunti ayamettha adhippāyo, tasmā asādhakametanti. Sabbakālaṃ ummujjitvā nimujjatītiādi vacanamatte abhinivesaṃ akatvā attho pariyesitabboti dassanatthaṃ vuttanti.
அச்சந்தனியாமகதா²வண்ணனா.
Accantaniyāmakathāvaṇṇanā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / கதா²வத்து²பாளி • Kathāvatthupāḷi / (192) 7. அச்சந்தனியாமகதா² • (192) 7. Accantaniyāmakathā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-மூலடீகா • Pañcapakaraṇa-mūlaṭīkā / 7. அச்சந்தனியாமகதா²வண்ணனா • 7. Accantaniyāmakathāvaṇṇanā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-அனுடீகா • Pañcapakaraṇa-anuṭīkā / 7. அச்சந்தனியாமகதா²வண்ணனா • 7. Accantaniyāmakathāvaṇṇanā
