| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ • Saṃyuttanikāya |
੪. ਅਚ੍ਚਯਸੁਤ੍ਤਂ
4. Accayasuttaṃ
੨੭੦. ਸਾવਤ੍ਥਿਯਂ…ਪੇ॰… ਆਰਾਮੇ। ਤੇਨ ਖੋ ਪਨ ਸਮਯੇਨ ਦ੍વੇ ਭਿਕ੍ਖੂ ਸਮ੍ਪਯੋਜੇਸੁਂ। ਤਤ੍ਰੇਕੋ ਭਿਕ੍ਖੁ ਅਚ੍ਚਸਰਾ। ਅਥ ਖੋ ਸੋ ਭਿਕ੍ਖੁ ਤਸ੍ਸ ਭਿਕ੍ਖੁਨੋ ਸਨ੍ਤਿਕੇ ਅਚ੍ਚਯਂ ਅਚ੍ਚਯਤੋ ਦੇਸੇਤਿ; ਸੋ ਭਿਕ੍ਖੁ ਨਪ੍ਪਟਿਗ੍ਗਣ੍ਹਾਤਿ। ਅਥ ਖੋ ਸਮ੍ਬਹੁਲਾ ਭਿਕ੍ਖੂ ਯੇਨ ਭਗવਾ ਤੇਨੁਪਸਙ੍ਕਮਿਂਸੁ; ਉਪਸਙ੍ਕਮਿਤ੍વਾ ਭਗવਨ੍ਤਂ ਅਭਿવਾਦੇਤ੍વਾ ਏਕਮਨ੍ਤਂ ਨਿਸੀਦਿਂਸੁ। ਏਕਮਨ੍ਤਂ ਨਿਸਿਨ੍ਨਾ ਖੋ ਤੇ ਭਿਕ੍ਖੂ ਭਗવਨ੍ਤਂ ਏਤਦવੋਚੁਂ – ‘‘ਇਧ, ਭਨ੍ਤੇ, ਦ੍વੇ ਭਿਕ੍ਖੂ ਸਮ੍ਪਯੋਜੇਸੁਂ, ਤਤ੍ਰੇਕੋ ਭਿਕ੍ਖੁ ਅਚ੍ਚਸਰਾ । ਅਥ ਖੋ ਸੋ, ਭਨ੍ਤੇ, ਭਿਕ੍ਖੁ ਤਸ੍ਸ ਭਿਕ੍ਖੁਨੋ ਸਨ੍ਤਿਕੇ ਅਚ੍ਚਯਂ ਅਚ੍ਚਯਤੋ ਦੇਸੇਤਿ, ਸੋ ਭਿਕ੍ਖੁ ਨਪ੍ਪਟਿਗ੍ਗਣ੍ਹਾਤੀ’’ਤਿ।
270. Sāvatthiyaṃ…pe… ārāme. Tena kho pana samayena dve bhikkhū sampayojesuṃ. Tatreko bhikkhu accasarā. Atha kho so bhikkhu tassa bhikkhuno santike accayaṃ accayato deseti; so bhikkhu nappaṭiggaṇhāti. Atha kho sambahulā bhikkhū yena bhagavā tenupasaṅkamiṃsu; upasaṅkamitvā bhagavantaṃ abhivādetvā ekamantaṃ nisīdiṃsu. Ekamantaṃ nisinnā kho te bhikkhū bhagavantaṃ etadavocuṃ – ‘‘idha, bhante, dve bhikkhū sampayojesuṃ, tatreko bhikkhu accasarā . Atha kho so, bhante, bhikkhu tassa bhikkhuno santike accayaṃ accayato deseti, so bhikkhu nappaṭiggaṇhātī’’ti.
‘‘ਦ੍વੇਮੇ, ਭਿਕ੍ਖવੇ, ਬਾਲਾ। ਯੋ ਚ ਅਚ੍ਚਯਂ ਅਚ੍ਚਯਤੋ ਨ ਪਸ੍ਸਤਿ, ਯੋ ਚ ਅਚ੍ਚਯਂ ਦੇਸੇਨ੍ਤਸ੍ਸ ਯਥਾਧਮ੍ਮਂ ਨਪ੍ਪਟਿਗ੍ਗਣ੍ਹਾ’’ਤਿ – ਇਮੇ ਖੋ, ਭਿਕ੍ਖવੇ, ਦ੍વੇ ਬਾਲਾ। ‘‘ਦ੍વੇਮੇ, ਭਿਕ੍ਖવੇ, ਪਣ੍ਡਿਤਾ। ਯੋ ਚ ਅਚ੍ਚਯਂ ਅਚ੍ਚਯਤੋ ਪਸ੍ਸਤਿ, ਯੋ ਚ ਅਚ੍ਚਯਂ ਦੇਸੇਨ੍ਤਸ੍ਸ ਯਥਾਧਮ੍ਮਂ ਪਟਿਗ੍ਗਣ੍ਹਾ’’ਤਿ – ਇਮੇ ਖੋ, ਭਿਕ੍ਖવੇ, ਦ੍વੇ ਪਣ੍ਡਿਤਾ।
‘‘Dveme, bhikkhave, bālā. Yo ca accayaṃ accayato na passati, yo ca accayaṃ desentassa yathādhammaṃ nappaṭiggaṇhā’’ti – ime kho, bhikkhave, dve bālā. ‘‘Dveme, bhikkhave, paṇḍitā. Yo ca accayaṃ accayato passati, yo ca accayaṃ desentassa yathādhammaṃ paṭiggaṇhā’’ti – ime kho, bhikkhave, dve paṇḍitā.
‘‘ਭੂਤਪੁਬ੍ਬਂ , ਭਿਕ੍ਖવੇ, ਸਕ੍ਕੋ ਦੇવਾਨਮਿਨ੍ਦੋ ਸੁਧਮ੍ਮਾਯਂ ਸਭਾਯਂ ਦੇવੇ ਤਾવਤਿਂਸੇ ਅਨੁਨਯਮਾਨੋ ਤਾਯਂ વੇਲਾਯਂ ਇਮਂ ਗਾਥਂ ਅਭਾਸਿ –
‘‘Bhūtapubbaṃ , bhikkhave, sakko devānamindo sudhammāyaṃ sabhāyaṃ deve tāvatiṃse anunayamāno tāyaṃ velāyaṃ imaṃ gāthaṃ abhāsi –
‘‘ਕੋਧੋ વੋ વਸਮਾਯਾਤੁ, ਮਾ ਚ ਮਿਤ੍ਤੇਹਿ વੋ ਜਰਾ।
‘‘Kodho vo vasamāyātu, mā ca mittehi vo jarā;
ਅਗਰਹਿਯਂ ਮਾ ਗਰਹਿਤ੍ਥ, ਮਾ ਚ ਭਾਸਿਤ੍ਥ ਪੇਸੁਣਂ।
Agarahiyaṃ mā garahittha, mā ca bhāsittha pesuṇaṃ;
ਅਥ ਪਾਪਜਨਂ ਕੋਧੋ, ਪਬ੍ਬਤੋવਾਭਿਮਦ੍ਦਤੀ’’ਤਿ॥
Atha pāpajanaṃ kodho, pabbatovābhimaddatī’’ti.
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੪. ਅਚ੍ਚਯਸੁਤ੍ਤવਣ੍ਣਨਾ • 4. Accayasuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੪. ਅਚ੍ਚਯਸੁਤ੍ਤવਣ੍ਣਨਾ • 4. Accayasuttavaṇṇanā
