| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
4. ажжаяасуд̇д̇аван̣н̣анаа
4. Accayasuttavaṇṇanā
270. самбаяож̇зсунд̇и ан̃н̃аман̃н̃ам̣ ваажасигам̣ парусам̣ баяож̇зсум̣. д̇знааха ‘‘галахам̣ агам̣суу’’д̇и, виваад̣̇ам̣ агам̣сууд̇и ад̇т̇о. ад̇иггаммаважананд̇и важийсам̣варам̣ ад̇иггамид̇ваа важанам̣. яасмаа ажжаяз д̣̇зсияамаанз д̇ам̣ кийн̣аяад̇и ан̃н̃аман̃н̃асса камамаанасса каманам̣ бадиг̇г̇ан̣хад̇о, д̇асмаа вуд̇д̇ам̣ ‘‘наббадиг̇ан̣хаад̇ийд̇и на камад̇ий’’д̇и. д̇умхаагам̣ васз вад̇д̇ад̇у, висзвид̇ам̣ агад̇ваа яат̇аагаамагаран̣ийяо ход̇у. мид̇д̇ад̇хаммо ид̇ха уд̇д̇арабад̣̇алобзна ‘‘мид̇д̇о’’д̇и вуд̇д̇од̇и ааха ‘‘мид̇д̇ад̇хаммз’’д̇и. гаран̣аважананд̇и ‘‘мид̇д̇зхий’’д̇и гаран̣аважанам̣ бхуммад̇т̇з. д̇знааха ‘‘мид̇д̇зсуу’’д̇и. яат̇аа ниб̣б̣ад̇д̇асабхаавасса бхаавад̇о ан̃н̃ат̇ад̇д̇ам̣ ж̇араа, звам̣ мид̇д̇абхаавад̇о вуд̇д̇авибарияааяо амид̇д̇ад̇хаммо ж̇араабарияааязна вуд̇д̇о. аг̇аараяхам̣ анаваж̇ж̇ам̣ саб̣б̣асо бахийнагилзсам̣. д̇знааха ‘‘кийн̣аасавабуг̇г̇ала’’нд̇и.
270.Sampayojesunti aññamaññaṃ vācasikaṃ pharusaṃ payojesuṃ. Tenāha ‘‘kalahaṃ akaṃsū’’ti, vivādaṃ akaṃsūti attho. Atikkammavacananti vacīsaṃvaraṃ atikkamitvā vacanaṃ. Yasmā accaye desiyamāne taṃ khīṇayati aññamaññassa khamamānassa khamanaṃ paṭiggaṇhato, tasmā vuttaṃ ‘‘nappaṭigaṇhātīti na khamatī’’ti. Tumhākaṃ vase vattatu, visevitaṃ akatvā yathākāmakaraṇīyo hotu. Mittadhammo idha uttarapadalopena ‘‘mitto’’ti vuttoti āha ‘‘mittadhamme’’ti. Karaṇavacananti ‘‘mittehī’’ti karaṇavacanaṃ bhummatthe. Tenāha ‘‘mittesū’’ti. Yathā nibbattasabhāvassa bhāvato aññathattaṃ jarā, evaṃ mittabhāvato vuttavipariyāyo amittadhammo jarāpariyāyena vutto. Agārayhaṃ anavajjaṃ sabbaso pahīnakilesaṃ. Tenāha ‘‘khīṇāsavapuggala’’nti.
ажжаяасуд̇д̇аван̣н̣анаа нидтид̇аа.
Accayasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 4. ажжаяасуд̇д̇ам̣ • 4. Accayasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 4. ажжаяасуд̇д̇аван̣н̣анаа • 4. Accayasuttavaṇṇanā
