| Library / Tipiṭaka / तिपिटक • Tipiṭaka / संयुत्तनिकाय (अट्ठकथा) • Saṃyuttanikāya (aṭṭhakathā) |
४. अच्चयसुत्तवण्णना
4. Accayasuttavaṇṇanā
२७०. चतुत्थे सम्पयोजेसुन्ति कलहं अकंसु। अच्चसराति अतिक्कमि, एको भिक्खु एकं भिक्खुं अतिक्कम्म वचनं अवोचाति अत्थो। यथाधम्मं नप्पटिग्गण्हातीति न खमति। कोधो वो वसमायातूति कोधो तुम्हाकं वसं आगच्छतु, मा तुम्हे कोधवसं गमित्थाति दीपेति। मा च मित्ते हि वो जराति एत्थ हीति निपातमत्तं, तुम्हाकं मित्तधम्मे जरा नाम मा निब्बत्ति। भुम्मत्थे वा करणवचनं, मित्तेसु वो जरा मा निब्बत्ति, मित्तभावतो अञ्ञथाभावो मा होतूति अत्थो। अगरहियं मा गरहित्थाति अगारय्हं खीणासवपुग्गलं मा गरहित्थ। चतुत्थं।
270. Catutthe sampayojesunti kalahaṃ akaṃsu. Accasarāti atikkami, eko bhikkhu ekaṃ bhikkhuṃ atikkamma vacanaṃ avocāti attho. Yathādhammaṃnappaṭiggaṇhātīti na khamati. Kodho vo vasamāyātūti kodho tumhākaṃ vasaṃ āgacchatu, mā tumhe kodhavasaṃ gamitthāti dīpeti. Mā ca mitte hi vo jarāti ettha hīti nipātamattaṃ, tumhākaṃ mittadhamme jarā nāma mā nibbatti. Bhummatthe vā karaṇavacanaṃ, mittesu vo jarā mā nibbatti, mittabhāvato aññathābhāvo mā hotūti attho. Agarahiyaṃ mā garahitthāti agārayhaṃ khīṇāsavapuggalaṃ mā garahittha. Catutthaṃ.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / संयुत्तनिकाय • Saṃyuttanikāya / ४. अच्चयसुत्तं • 4. Accayasuttaṃ
टीका • Tīkā / सुत्तपिटक (टीका) • Suttapiṭaka (ṭīkā) / संयुत्तनिकाय (टीका) • Saṃyuttanikāya (ṭīkā) / ४. अच्चयसुत्तवण्णना • 4. Accayasuttavaṇṇanā
