| Library / Tipiṭaka / តិបិដក • Tipiṭaka / សំយុត្តនិកាយ (ដីកា) • Saṃyuttanikāya (ṭīkā) |
៤. អច្ចយសុត្តវណ្ណនា
4. Accayasuttavaṇṇanā
២៧០. សម្បយោជេសុន្តិ អញ្ញមញ្ញំ វាចសិកំ ផរុសំ បយោជេសុំ។ តេនាហ ‘‘កលហំ អកំសូ’’តិ, វិវាទំ អកំសូតិ អត្ថោ។ អតិក្កម្មវចនន្តិ វចីសំវរំ អតិក្កមិត្វា វចនំ។ យស្មា អច្ចយេ ទេសិយមានេ តំ ខីណយតិ អញ្ញមញ្ញស្ស ខមមានស្ស ខមនំ បដិគ្គណ្ហតោ, តស្មា វុត្តំ ‘‘នប្បដិគណ្ហាតីតិ ន ខមតី’’តិ។ តុម្ហាកំ វសេ វត្តតុ, វិសេវិតំ អកត្វា យថាកាមករណីយោ ហោតុ។ មិត្តធម្មោ ឥធ ឧត្តរបទលោបេន ‘‘មិត្តោ’’តិ វុត្តោតិ អាហ ‘‘មិត្តធម្មេ’’តិ។ ករណវចនន្តិ ‘‘មិត្តេហី’’តិ ករណវចនំ ភុម្មត្ថេ។ តេនាហ ‘‘មិត្តេសូ’’តិ។ យថា និព្ពត្តសភាវស្ស ភាវតោ អញ្ញថត្តំ ជរា, ឯវំ មិត្តភាវតោ វុត្តវិបរិយាយោ អមិត្តធម្មោ ជរាបរិយាយេន វុត្តោ។ អគារយ្ហំ អនវជ្ជំ សព្ពសោ បហីនកិលេសំ។ តេនាហ ‘‘ខីណាសវបុគ្គល’’ន្តិ។
270.Sampayojesunti aññamaññaṃ vācasikaṃ pharusaṃ payojesuṃ. Tenāha ‘‘kalahaṃ akaṃsū’’ti, vivādaṃ akaṃsūti attho. Atikkammavacananti vacīsaṃvaraṃ atikkamitvā vacanaṃ. Yasmā accaye desiyamāne taṃ khīṇayati aññamaññassa khamamānassa khamanaṃ paṭiggaṇhato, tasmā vuttaṃ ‘‘nappaṭigaṇhātīti na khamatī’’ti. Tumhākaṃ vase vattatu, visevitaṃ akatvā yathākāmakaraṇīyo hotu. Mittadhammo idha uttarapadalopena ‘‘mitto’’ti vuttoti āha ‘‘mittadhamme’’ti. Karaṇavacananti ‘‘mittehī’’ti karaṇavacanaṃ bhummatthe. Tenāha ‘‘mittesū’’ti. Yathā nibbattasabhāvassa bhāvato aññathattaṃ jarā, evaṃ mittabhāvato vuttavipariyāyo amittadhammo jarāpariyāyena vutto. Agārayhaṃ anavajjaṃ sabbaso pahīnakilesaṃ. Tenāha ‘‘khīṇāsavapuggala’’nti.
អច្ចយសុត្តវណ្ណនា និដ្ឋិតា។
Accayasuttavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / សំយុត្តនិកាយ • Saṃyuttanikāya / ៤. អច្ចយសុត្តំ • 4. Accayasuttaṃ
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / សំយុត្តនិកាយ (អដ្ឋកថា) • Saṃyuttanikāya (aṭṭhakathā) / ៤. អច្ចយសុត្តវណ្ណនា • 4. Accayasuttavaṇṇanā
