| Library / Tipiṭaka / တိပိဋက • Tipiṭaka / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) |
၄. အစ္စယသုတ္တဝဏ္ဏနာ
4. Accayasuttavaṇṇanā
၄. စတုတ္ထေ အစ္စယံ အစ္စယတော န ပသ္သတီတိ အတ္တနော အပရာဓံ အပရာဓတော န ပသ္သတိ။ အစ္စယတော ဒိသ္ဝာ ယထာဓမ္မံ နပ္ပဋိကရောတီတိ ‘‘အပရဒ္ဓံ မယာ’’တိ ဉတ္ဝာပိ ယော ဓမ္မော, တံ န ကရောတိ, ဒဏ္ဍကမ္မံ အာဟရိတ္ဝာ အစ္စယံ န ဒေသေတိ နက္ခမာပေတိ။ အစ္စယံ ဒေသေန္တသ္သ ယထာဓမ္မံ နပ္ပဋိဂ္ဂဏ္ဟာတီတိ ပရသ္သ ‘‘ဝိရဒ္ဓံ မယာ’’တိ ဉတ္ဝာ ဒဏ္ဍကမ္မံ အာဟရိတ္ဝာ ခမာပေန္တသ္သ နက္ခမတိ။ သုက္ကပက္ခော ဝုတ္တပဋိပက္ခတော ဝေဒိတဗ္ဗော။
4. Catutthe accayaṃ accayato na passatīti attano aparādhaṃ aparādhato na passati. Accayato disvā yathādhammaṃ nappaṭikarotīti ‘‘aparaddhaṃ mayā’’ti ñatvāpi yo dhammo, taṃ na karoti, daṇḍakammaṃ āharitvā accayaṃ na deseti nakkhamāpeti. Accayaṃ desentassa yathādhammaṃ nappaṭiggaṇhātīti parassa ‘‘viraddhaṃ mayā’’ti ñatvā daṇḍakammaṃ āharitvā khamāpentassa nakkhamati. Sukkapakkho vuttapaṭipakkhato veditabbo.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၄. အစ္စယသုတ္တံ • 4. Accayasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၃-၄. စိန္တီသုတ္တာဒိဝဏ္ဏနာ • 3-4. Cintīsuttādivaṇṇanā
