| Library / Tipiṭaka / තිපිටක • Tipiṭaka / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) |
4. අච්‌චයසුත්‌තවණ්‌ණනා
4. Accayasuttavaṇṇanā
270. චතුත්‌ථෙ සම්‌පයොජෙසුන්‌ති කලහං අකංසු. අච්‌චසරාති අතික්‌කමි, එකො භික්‌ඛු එකං භික්‌ඛුං අතික්‌කම්‌ම වචනං අවොචාති අත්‌ථො. යථාධම්‌මං නප්‌පටිග්‌ගණ්‌හාතීති න ඛමති. කොධො වො වසමායාතූති කොධො තුම්‌හාකං වසං ආගච්‌ඡතු, මා තුම්‌හෙ කොධවසං ගමිත්‌ථාති දීපෙති. මා ච මිත්‌තෙ හි වො ජරාති එත්‌ථ හීති නිපාතමත්‌තං, තුම්‌හාකං මිත්‌තධම්‌මෙ ජරා නාම මා නිබ්‌බත්‌ති. භුම්‌මත්‌ථෙ වා කරණවචනං, මිත්‌තෙසු වො ජරා මා නිබ්‌බත්‌ති, මිත්‌තභාවතො අඤ්‌ඤථාභාවො මා හොතූති අත්‌ථො. අගරහියං මා ගරහිත්‌ථාති අගාරය්‌හං ඛීණාසවපුග්‌ගලං මා ගරහිත්‌ථ. චතුත්‌ථං.
270. Catutthe sampayojesunti kalahaṃ akaṃsu. Accasarāti atikkami, eko bhikkhu ekaṃ bhikkhuṃ atikkamma vacanaṃ avocāti attho. Yathādhammaṃnappaṭiggaṇhātīti na khamati. Kodho vo vasamāyātūti kodho tumhākaṃ vasaṃ āgacchatu, mā tumhe kodhavasaṃ gamitthāti dīpeti. Mā ca mitte hi vo jarāti ettha hīti nipātamattaṃ, tumhākaṃ mittadhamme jarā nāma mā nibbatti. Bhummatthe vā karaṇavacanaṃ, mittesu vo jarā mā nibbatti, mittabhāvato aññathābhāvo mā hotūti attho. Agarahiyaṃ mā garahitthāti agārayhaṃ khīṇāsavapuggalaṃ mā garahittha. Catutthaṃ.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / සංයුත්‌තනිකාය • Saṃyuttanikāya / 4. අච්‌චයසුත්‌තං • 4. Accayasuttaṃ
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 4. අච්‌චයසුත්‌තවණ්‌ණනා • 4. Accayasuttavaṇṇanā
