| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੪. ਅਚ੍ਚਯਸੁਤ੍ਤવਣ੍ਣਨਾ
4. Accayasuttavaṇṇanā
੨੭੦. ਸਮ੍ਪਯੋਜੇਸੁਨ੍ਤਿ ਅਞ੍ਞਮਞ੍ਞਂ વਾਚਸਿਕਂ ਫਰੁਸਂ ਪਯੋਜੇਸੁਂ। ਤੇਨਾਹ ‘‘ਕਲਹਂ ਅਕਂਸੂ’’ਤਿ, વਿવਾਦਂ ਅਕਂਸੂਤਿ ਅਤ੍ਥੋ। ਅਤਿਕ੍ਕਮ੍ਮવਚਨਨ੍ਤਿ વਚੀਸਂવਰਂ ਅਤਿਕ੍ਕਮਿਤ੍વਾ વਚਨਂ। ਯਸ੍ਮਾ ਅਚ੍ਚਯੇ ਦੇਸਿਯਮਾਨੇ ਤਂ ਖੀਣਯਤਿ ਅਞ੍ਞਮਞ੍ਞਸ੍ਸ ਖਮਮਾਨਸ੍ਸ ਖਮਨਂ ਪਟਿਗ੍ਗਣ੍ਹਤੋ, ਤਸ੍ਮਾ વੁਤ੍ਤਂ ‘‘ਨਪ੍ਪਟਿਗਣ੍ਹਾਤੀਤਿ ਨ ਖਮਤੀ’’ਤਿ। ਤੁਮ੍ਹਾਕਂ વਸੇ વਤ੍ਤਤੁ, વਿਸੇવਿਤਂ ਅਕਤ੍વਾ ਯਥਾਕਾਮਕਰਣੀਯੋ ਹੋਤੁ। ਮਿਤ੍ਤਧਮ੍ਮੋ ਇਧ ਉਤ੍ਤਰਪਦਲੋਪੇਨ ‘‘ਮਿਤ੍ਤੋ’’ਤਿ વੁਤ੍ਤੋਤਿ ਆਹ ‘‘ਮਿਤ੍ਤਧਮ੍ਮੇ’’ਤਿ। ਕਰਣવਚਨਨ੍ਤਿ ‘‘ਮਿਤ੍ਤੇਹੀ’’ਤਿ ਕਰਣવਚਨਂ ਭੁਮ੍ਮਤ੍ਥੇ। ਤੇਨਾਹ ‘‘ਮਿਤ੍ਤੇਸੂ’’ਤਿ। ਯਥਾ ਨਿਬ੍ਬਤ੍ਤਸਭਾવਸ੍ਸ ਭਾવਤੋ ਅਞ੍ਞਥਤ੍ਤਂ ਜਰਾ, ਏવਂ ਮਿਤ੍ਤਭਾવਤੋ વੁਤ੍ਤવਿਪਰਿਯਾਯੋ ਅਮਿਤ੍ਤਧਮ੍ਮੋ ਜਰਾਪਰਿਯਾਯੇਨ વੁਤ੍ਤੋ। ਅਗਾਰਯ੍ਹਂ ਅਨવਜ੍ਜਂ ਸਬ੍ਬਸੋ ਪਹੀਨਕਿਲੇਸਂ। ਤੇਨਾਹ ‘‘ਖੀਣਾਸવਪੁਗ੍ਗਲ’’ਨ੍ਤਿ।
270.Sampayojesunti aññamaññaṃ vācasikaṃ pharusaṃ payojesuṃ. Tenāha ‘‘kalahaṃ akaṃsū’’ti, vivādaṃ akaṃsūti attho. Atikkammavacananti vacīsaṃvaraṃ atikkamitvā vacanaṃ. Yasmā accaye desiyamāne taṃ khīṇayati aññamaññassa khamamānassa khamanaṃ paṭiggaṇhato, tasmā vuttaṃ ‘‘nappaṭigaṇhātīti na khamatī’’ti. Tumhākaṃ vase vattatu, visevitaṃ akatvā yathākāmakaraṇīyo hotu. Mittadhammo idha uttarapadalopena ‘‘mitto’’ti vuttoti āha ‘‘mittadhamme’’ti. Karaṇavacananti ‘‘mittehī’’ti karaṇavacanaṃ bhummatthe. Tenāha ‘‘mittesū’’ti. Yathā nibbattasabhāvassa bhāvato aññathattaṃ jarā, evaṃ mittabhāvato vuttavipariyāyo amittadhammo jarāpariyāyena vutto. Agārayhaṃ anavajjaṃ sabbaso pahīnakilesaṃ. Tenāha ‘‘khīṇāsavapuggala’’nti.
ਅਚ੍ਚਯਸੁਤ੍ਤવਣ੍ਣਨਾ ਨਿਟ੍ਠਿਤਾ।
Accayasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੪. ਅਚ੍ਚਯਸੁਤ੍ਤਂ • 4. Accayasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੪. ਅਚ੍ਚਯਸੁਤ੍ਤવਣ੍ਣਨਾ • 4. Accayasuttavaṇṇanā
