| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
(10) 5. лон̣агабаллаваг̇г̇о
(10) 5. Loṇakapallavaggo
1. ажжааяигасуд̇д̇ам̣
1. Accāyikasuttaṃ
93. ‘‘д̇ийн̣имаани , бхигкавз, гассагасса г̇ахабад̇исса ажжааяигаани гаран̣ийяаани. гад̇амаани д̇ийн̣и? ид̇ха, бхигкавз, гассаго г̇ахабад̇и сийгхам̣ сийгхам̣ кзд̇д̇ам̣ сугадтам̣ гарод̇и сумад̇игад̇ам̣. сийгхам̣ сийгхам̣ кзд̇д̇ам̣ сугадтам̣ гарид̇ваа сумад̇игад̇ам̣ сийгхам̣ сийгхам̣ б̣ийж̇аани бад̇идтаабзд̇и. сийгхам̣ сийгхам̣ б̣ийж̇аани бад̇идтаабзд̇ваа сийгхам̣ сийгхам̣ уд̣̇агам̣ абхинзд̇иби абанзд̇иби. имаани ко, бхигкавз, д̇ийн̣и гассагасса г̇ахабад̇исса ажжааяигаани гаран̣ийяаани. д̇асса ко д̇ам̣, бхигкавз, гассагасса г̇ахабад̇исса над̇т̇и саа ид̣̇д̇хи ваа аанубхааво ваа – ‘аж̇ж̇зва мз д̇хан̃н̃аани ж̇ааяанд̇у, свзва г̇аб̣бхийни хонд̇у, уд̇д̇арасвзва бажжанд̇уу’д̇и. ат̇а ко, бхигкавз, ход̇и со самаяо яам̣ д̇асса гассагасса г̇ахабад̇исса д̇аани д̇хан̃н̃аани уд̇убарин̣аамийни ж̇ааяанд̇иби г̇аб̣бхийниби хонд̇и бажжанд̇иби.
93. ‘‘Tīṇimāni , bhikkhave, kassakassa gahapatissa accāyikāni karaṇīyāni. Katamāni tīṇi? Idha, bhikkhave, kassako gahapati sīghaṃ sīghaṃ khettaṃ sukaṭṭhaṃ karoti sumatikataṃ. Sīghaṃ sīghaṃ khettaṃ sukaṭṭhaṃ karitvā sumatikataṃ sīghaṃ sīghaṃ bījāni patiṭṭhāpeti. Sīghaṃ sīghaṃ bījāni patiṭṭhāpetvā sīghaṃ sīghaṃ udakaṃ abhinetipi apanetipi. Imāni kho, bhikkhave, tīṇi kassakassa gahapatissa accāyikāni karaṇīyāni. Tassa kho taṃ, bhikkhave, kassakassa gahapatissa natthi sā iddhi vā ānubhāvo vā – ‘ajjeva me dhaññāni jāyantu, sveva gabbhīni hontu, uttarasveva paccantū’ti. Atha kho, bhikkhave, hoti so samayo yaṃ tassa kassakassa gahapatissa tāni dhaññāni utupariṇāmīni jāyantipi gabbhīnipi honti paccantipi.
‘‘звамзвам̣ ко, бхигкавз, д̇ийн̣имаани бхигкусса ажжааяигаани гаран̣ийяаани. гад̇амаани д̇ийн̣и? ад̇хисийласигкаасамаад̣̇аанам̣, ад̇хижид̇д̇асигкаасамаад̣̇аанам̣, ад̇хибан̃н̃аасигкаасамаад̣̇аанам̣ – имаани ко, бхигкавз, д̇ийн̣и бхигкусса ажжааяигаани гаран̣ийяаани. д̇асса ко д̇ам̣, бхигкавз, бхигкуно над̇т̇и саа ид̣̇д̇хи ваа анубхааво ваа – ‘аж̇ж̇зва мз анубаад̣̇ааяа аасавзхи жид̇д̇ам̣ вимужжад̇у свз ваа уд̇д̇арасвз ваа’д̇и. ат̇а ко, бхигкавз, ход̇и со самаяо яам̣ д̇асса бхигкуно ад̇хисийламби сигкад̇о ад̇хижид̇д̇амби сигкад̇о ад̇хибан̃н̃амби сигкад̇о анубаад̣̇ааяа аасавзхи жид̇д̇ам̣ вимужжад̇и.
‘‘Evamevaṃ kho, bhikkhave, tīṇimāni bhikkhussa accāyikāni karaṇīyāni. Katamāni tīṇi? Adhisīlasikkhāsamādānaṃ, adhicittasikkhāsamādānaṃ, adhipaññāsikkhāsamādānaṃ – imāni kho, bhikkhave, tīṇi bhikkhussa accāyikāni karaṇīyāni. Tassa kho taṃ, bhikkhave, bhikkhuno natthi sā iddhi vā anubhāvo vā – ‘ajjeva me anupādāya āsavehi cittaṃ vimuccatu sve vā uttarasve vā’ti. Atha kho, bhikkhave, hoti so samayo yaṃ tassa bhikkhuno adhisīlampi sikkhato adhicittampi sikkhato adhipaññampi sikkhato anupādāya āsavehi cittaṃ vimuccati.
‘‘д̇асмаад̇иха, бхигкавз, звам̣ сигкид̇аб̣б̣ам̣ – ‘д̇иб̣б̣о но чанд̣̇о бхависсад̇и ад̇хисийласигкаасамаад̣̇аанз, д̇иб̣б̣о чанд̣̇о бхависсад̇и ад̇хижид̇д̇асигкаасамаад̣̇аанз , д̇иб̣б̣о чанд̣̇о бхависсад̇и ад̇хибан̃н̃аасигкаасамаад̣̇аанз’д̇и. зван̃хи во, бхигкавз, сигкид̇аб̣б̣а’’нд̇и. батамам̣.
‘‘Tasmātiha, bhikkhave, evaṃ sikkhitabbaṃ – ‘tibbo no chando bhavissati adhisīlasikkhāsamādāne, tibbo chando bhavissati adhicittasikkhāsamādāne , tibbo chando bhavissati adhipaññāsikkhāsamādāne’ti. Evañhi vo, bhikkhave, sikkhitabba’’nti. Paṭhamaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 1. ажжааяигасуд̇д̇аван̣н̣анаа • 1. Accāyikasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1. ажжааяигасуд̇д̇аван̣н̣анаа • 1. Accāyikasuttavaṇṇanā
