| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
(10) 5. лон̣агабаллаваг̇г̇о
(10) 5. Loṇakapallavaggo
1. ажжааяигасуд̇д̇аван̣н̣анаа
1. Accāyikasuttavaṇṇanā
93. бан̃жамасса батамз ажжааяигаанийд̇и ад̇ибаад̇игаани. гаран̣ийяаанийд̇и авассагижжаани. яан̃хи на авассам̣ гаад̇аб̣б̣ам̣, д̇ам̣ гижжанд̇и вужжад̇и. авассам̣ гаад̇аб̣б̣ам̣ гаран̣ийяам̣ наама. сийгхам̣ сийгханд̇и взг̇зна взг̇зна. д̇асса ко д̇анд̇и зд̇т̇а д̇анд̇и нибаад̇амад̇д̇ам̣. над̇т̇и саа ид̣̇д̇хи ваа аанубхааво ваад̇и саа ваа ид̣̇д̇хи со ваа аанубхааво над̇т̇и. уд̇д̇арасвзд̇и д̇ад̇ияад̣̇ивасз. уд̇убарин̣ааминийд̇и лад̣̇д̇хауд̇убарин̣аамаани худ̇ваа. ж̇ааяанд̇ибийд̇и д̇ад̇ияад̣̇ивасз нигканд̇асзд̇ан̇гураани хонд̇и, сад̇д̇аахз бад̇д̇з нийлан̇гураани хонд̇и. г̇аб̣бхийниби хонд̇ийд̇и д̣̇ияад̣дхамаасам̣ бад̇ваа г̇ахид̇аг̇аб̣бхаани хонд̇и. бажжанд̇ибийд̇и д̇аяо маасз бад̇ваа бажжанд̇и. ид̣̇аани яасмаа б̣уд̣̇д̇хаанам̣ г̇ахабад̇игзна ваа сассзхи ваа ад̇т̇о над̇т̇и, саасанз бана д̇аббадируубагам̣ буг̇г̇алам̣ ваа ад̇т̇ам̣ ваа д̣̇ассзд̇ум̣ д̇ам̣ д̇ам̣ обаммам̣ аахаранд̇и. д̇асмаа яамад̇т̇ам̣ д̣̇ассзд̇угаамзна зд̇ам̣ аабхад̇ам̣, д̇ам̣ д̣̇ассзнд̇о звамзва код̇иаад̣̇имааха. д̇ам̣ ад̇т̇ад̇о уд̇д̇аанамзва. сигкаа бана ид̇хааби миссигаа зва гат̇ид̇аа.
93. Pañcamassa paṭhame accāyikānīti atipātikāni. Karaṇīyānīti avassakiccāni. Yañhi na avassaṃ kātabbaṃ, taṃ kiccanti vuccati. Avassaṃ kātabbaṃ karaṇīyaṃ nāma. Sīghaṃ sīghanti vegena vegena. Tassa kho tanti ettha tanti nipātamattaṃ. Natthi sā iddhi vā ānubhāvo vāti sā vā iddhi so vā ānubhāvo natthi. Uttarasveti tatiyadivase. Utupariṇāminīti laddhautupariṇāmāni hutvā. Jāyantipīti tatiyadivase nikkhantasetaṅkurāni honti, sattāhe patte nīlaṅkurāni honti. Gabbhīnipi hontīti diyaḍḍhamāsaṃ patvā gahitagabbhāni honti. Paccantipīti tayo māse patvā paccanti. Idāni yasmā buddhānaṃ gahapatikena vā sassehi vā attho natthi, sāsane pana tappaṭirūpakaṃ puggalaṃ vā atthaṃ vā dassetuṃ taṃ taṃ opammaṃ āharanti. Tasmā yamatthaṃ dassetukāmena etaṃ ābhataṃ, taṃ dassento evameva khotiādimāha. Taṃ atthato uttānameva. Sikkhā pana idhāpi missikā eva kathitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 1. ажжааяигасуд̇д̇ам̣ • 1. Accāyikasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1. ажжааяигасуд̇д̇аван̣н̣анаа • 1. Accāyikasuttavaṇṇanā
