| Library / Tipiṭaka / д̇ибидага • Tipiṭaka / махаавибхан̇г̇а-адтагат̇аа • Mahāvibhaṅga-aṭṭhakathā |
8. ажжзгажийварасигкаабад̣̇аван̣н̣анаа
8. Accekacīvarasikkhāpadavaṇṇanā
646-9. д̇зна самаязнаад̇и ажжзгажийварасигкаабад̣̇ам̣. д̇ад̇т̇а д̣̇асаахаанааг̇ад̇анд̇и д̣̇аса ахаани д̣̇асаахам̣, д̇зна д̣̇асаахзна анааг̇ад̇аа д̣̇асаахаанааг̇ад̇аа, д̣̇асаахзна асамбад̇д̇аад̇и ад̇т̇о, д̇ам̣ д̣̇асаахаанааг̇ад̇ам̣, ажжанд̇асам̣яог̇авасзна бхуммад̇т̇з убаяог̇аважанам̣, д̇знзвасса бад̣̇абхааж̇анз ‘‘д̣̇асаахаанааг̇ад̇ааяаа’’д̇и вуд̇д̇ам̣. бавааран̣ааяаад̇и ид̣̇ам̣ бана яаа саа д̣̇асаахаанааг̇ад̇аад̇и вуд̇д̇аа, д̇ам̣ саруубад̇о д̣̇ассзд̇ум̣ асаммохад̇т̇ам̣ анубаяог̇аважанам̣.
646-9.Tena samayenāti accekacīvarasikkhāpadaṃ. Tattha dasāhānāgatanti dasa ahāni dasāhaṃ, tena dasāhena anāgatā dasāhānāgatā, dasāhena asampattāti attho, taṃ dasāhānāgataṃ, accantasaṃyogavasena bhummatthe upayogavacanaṃ, tenevassa padabhājane ‘‘dasāhānāgatāyā’’ti vuttaṃ. Pavāraṇāyāti idaṃ pana yā sā dasāhānāgatāti vuttā, taṃ sarūpato dassetuṃ asammohatthaṃ anupayogavacanaṃ.
гад̇д̇игад̇змаасигабун̣н̣аманд̇и батамагад̇д̇игад̇змаасигабун̣н̣амам̣. ид̇хааби батамабад̣̇асса анубаяог̇ад̇д̇аа буриманаязнзва бхуммад̇т̇з убаяог̇аважанам̣. ид̣̇ам̣ вуд̇д̇ам̣ ход̇и – ‘‘‘яад̇о бадтааяа батамамахаабавааран̣аа д̣̇асаахаанааг̇ад̇аа’д̇и вужжад̇и, сажзби д̇аани д̣̇ивасаани ажжанд̇амзва бхигкуно ажжзгажийварам̣ уббаж̇ж̇зяяа, ‘ажжзгам̣ ид̣̇а’нд̇и ж̇аанамаанзна бхигкунаа саб̣б̣амби бадиг̇г̇ахзд̇аб̣б̣а’’нд̇и. д̇зна бавааран̣аамаасасса ж̇ун̣хабагкабан̃жамид̇о батааяа уббаннасса жийварасса нид̇хаанагаало д̣̇ассид̇о ход̇и. гааман̃жзса ‘‘д̣̇асаахабарамам̣ ад̇ирзгажийварам̣ д̇хаарзд̇аб̣б̣а’’нд̇и иминаава сид̣̇д̇хо, ад̇т̇уббад̇д̇ивасзна бана абуб̣б̣ам̣ вияа ад̇т̇ам̣ д̣̇ассзд̇ваа сигкаабад̣̇ам̣ табид̇ам̣.
Kattikatemāsikapuṇṇamanti paṭhamakattikatemāsikapuṇṇamaṃ. Idhāpi paṭhamapadassa anupayogattā purimanayeneva bhummatthe upayogavacanaṃ. Idaṃ vuttaṃ hoti – ‘‘‘yato paṭṭhāya paṭhamamahāpavāraṇā dasāhānāgatā’ti vuccati, sacepi tāni divasāni accantameva bhikkhuno accekacīvaraṃ uppajjeyya, ‘accekaṃ ida’nti jānamānena bhikkhunā sabbampi paṭiggahetabba’’nti. Tena pavāraṇāmāsassa juṇhapakkhapañcamito paṭhāya uppannassa cīvarassa nidhānakālo dassito hoti. Kāmañcesa ‘‘dasāhaparamaṃ atirekacīvaraṃ dhāretabba’’nti imināva siddho, atthuppattivasena pana apubbaṃ viya atthaṃ dassetvā sikkhāpadaṃ ṭhapitaṃ.
ажжзгажийваранд̇и ажжааяигажийварам̣ вужжад̇и, д̇асса бана ажжааяигабхаавам̣ д̣̇ассзд̇ум̣ ‘‘сзнааяа ваа г̇анд̇угаамо ход̇ий’’д̇иаад̣̇и вуд̇д̇ам̣. д̇ад̇т̇а сад̣̇д̇хаад̇и иминаа сад̣̇д̇хаамад̇д̇агамзва д̣̇ассид̇ам̣. басаад̣̇од̇и иминаа суббасаннаа б̣алавасад̣̇д̇хаа. зд̇ам̣ ажжзгажийварам̣ наамаад̇и зд̇ам̣ имзхи гааран̣зхи д̣̇аад̇угаамзна д̣̇ууд̇ам̣ ваа бзсзд̇ваа саяам̣ ваа ааг̇анд̇ваа ‘‘вассааваасигам̣ д̣̇ассаамий’’д̇и звам̣ аарожид̇ам̣ жийварам̣ ажжзгажийварам̣ наама ход̇ий. чадтид̇о бадтааяа бана уббаннам̣ анажжзгажийварамби бажжуд̣̇д̇харид̇ваа табид̇ажийварамби зд̇ам̣ барихаарам̣ лабхад̇иязва.
Accekacīvaranti accāyikacīvaraṃ vuccati, tassa pana accāyikabhāvaṃ dassetuṃ ‘‘senāya vā gantukāmo hotī’’tiādi vuttaṃ. Tattha saddhāti iminā saddhāmattakameva dassitaṃ. Pasādoti iminā suppasannā balavasaddhā. Etaṃ accekacīvaraṃ nāmāti etaṃ imehi kāraṇehi dātukāmena dūtaṃ vā pesetvā sayaṃ vā āgantvā ‘‘vassāvāsikaṃ dassāmī’’ti evaṃ ārocitaṃ cīvaraṃ accekacīvaraṃ nāma hotī. Chaṭṭhito paṭṭhāya pana uppannaṃ anaccekacīvarampi paccuddharitvā ṭhapitacīvarampi etaṃ parihāraṃ labhatiyeva.
сан̃н̃аан̣ам̣ гад̇ваа нигкибид̇аб̣б̣анд̇и гин̃жи нимид̇д̇ам̣ гад̇ваа табзд̇аб̣б̣ам̣. гасмаа зд̇ам̣ вуд̇д̇ам̣? яад̣̇и хи д̇ам̣ бурз бавааран̣ааяа вибхаж̇анд̇и. язна г̇ахид̇ам̣, д̇зна чиннавассзна на бхавид̇аб̣б̣ам̣. сажз бана ход̇и, д̇ам̣ жийварам̣ сан̇гхигамзва ход̇и. д̇ад̇о саллагкзд̇ваа сукам̣ д̣̇аад̇ум̣ бхависсад̇ийд̇и.
Saññāṇaṃ katvā nikkhipitabbanti kiñci nimittaṃ katvā ṭhapetabbaṃ. Kasmā etaṃ vuttaṃ? Yadi hi taṃ pure pavāraṇāya vibhajanti. Yena gahitaṃ, tena chinnavassena na bhavitabbaṃ. Sace pana hoti, taṃ cīvaraṃ saṅghikameva hoti. Tato sallakkhetvā sukhaṃ dātuṃ bhavissatīti.
650. ажжзгажийварз ажжзгажийварасан̃н̃ийд̇и звамаад̣̇и вибхаж̇ид̇ваа г̇ахид̇амзва санд̇хааяа вуд̇д̇ам̣. сажз бана авибхад̇д̇ам̣ ход̇и, сан̇гхасса ваа бхан̣д̣ааг̇аарз, жийварасамаяаад̇иггамзби анаабад̇д̇и. ид̇и ад̇ирзгажийварасса д̣̇асаахам̣ барихааро. агад̇асса вассигасаадигажийварасса анад̇т̇ад̇з гат̇инз бан̃жа маасаа, вассз уггад̣дхид̇з ча маасаа, ад̇т̇ад̇з гат̇инз абарз жад̇д̇ааро маасаа. хзманд̇асса бажчимз д̣̇ивасз муулажийвараад̇хидтаанавасзна абароби зго маасод̇и згаад̣̇аса маасаа барихааро. сад̇ияаа бажжаасааяа муулажийварасса зго маасо, ажжзгажийварасса анад̇т̇ад̇з гат̇инз згаад̣̇асад̣̇ивасаад̇хиго маасо, ад̇т̇ад̇з гат̇инз згаад̣̇асад̣̇ивасаад̇хигаа бан̃жа маасаа, д̇ад̇о барам̣ згад̣̇ивасамби барихааро над̇т̇ийд̇и взд̣̇ид̇аб̣б̣ам̣.
650.Accekacīvare accekacīvarasaññīti evamādi vibhajitvā gahitameva sandhāya vuttaṃ. Sace pana avibhattaṃ hoti, saṅghassa vā bhaṇḍāgāre, cīvarasamayātikkamepi anāpatti. Iti atirekacīvarassa dasāhaṃ parihāro. Akatassa vassikasāṭikacīvarassa anatthate kathine pañca māsā, vasse ukkaḍḍhite cha māsā, atthate kathine apare cattāro māsā. Hemantassa pacchime divase mūlacīvarādhiṭṭhānavasena aparopi eko māsoti ekādasa māsā parihāro. Satiyā paccāsāya mūlacīvarassa eko māso, accekacīvarassa anatthate kathine ekādasadivasādhiko māso, atthate kathine ekādasadivasādhikā pañca māsā, tato paraṃ ekadivasampi parihāro natthīti veditabbaṃ.
анажжзгажийварзд̇и ажжзгажийварасад̣̇исз ан̃н̃асмим̣. сзсамзд̇т̇а уд̇д̇аанад̇т̇амзваад̇и.
Anaccekacīvareti accekacīvarasadise aññasmiṃ. Sesamettha uttānatthamevāti.
гат̇инасамудтаанам̣ – агирияам̣, носан̃н̃аавимогкам̣, ажид̇д̇агам̣, бан̣н̣ад̇д̇иваж̇ж̇ам̣, гааяагаммаважийгаммам̣, д̇ижид̇д̇ам̣, д̇ивзд̣̇ананд̇и.
Kathinasamuṭṭhānaṃ – akiriyaṃ, nosaññāvimokkhaṃ, acittakaṃ, paṇṇattivajjaṃ, kāyakammavacīkammaṃ, ticittaṃ, tivedananti.
ажжзгажийварасигкаабад̣̇аван̣н̣анаа нидтид̇аа.
Accekacīvarasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 8. ажжзгажийварасигкаабад̣̇ам̣ • 8. Accekacīvarasikkhāpadaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 8. ажжзгажийварасигкаабад̣̇аван̣н̣анаа • 8. Accekacīvarasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 8. ажжзгажийварасигкаабад̣̇аван̣н̣анаа • 8. Accekacīvarasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 8. ажжзгажийварасигкаабад̣̇аван̣н̣анаа • 8. Accekacīvarasikkhāpadavaṇṇanā
