| Library / Tipiṭaka / д̇ибидага • Tipiṭaka / ган̇каавид̇аран̣ий-абхинава-дийгаа • Kaṅkhāvitaraṇī-abhinava-ṭīkā |
8. ажжзгажийварасигкаабад̣̇аван̣н̣анаа
8. Accekacīvarasikkhāpadavaṇṇanā
батамабад̣̇ассаад̇и ‘‘д̣̇асаахаанааг̇ад̇а’’нд̇и бад̣̇асса. буриманаязнзваад̇и ажжанд̇асам̣яог̇авасзнзва. д̇аани д̣̇ивасаанийд̇и д̇зсу д̣̇ивасзсу. ажжанд̇амзваад̇и ниранд̇арамзва, д̇зсу д̣̇асаахзсу яад̇т̇а гад̇т̇ажи д̣̇ивасзд̇и вуд̇д̇ам̣ ход̇и. бавааран̣аамаасассаад̇и буб̣б̣агад̇д̇игамаасасса. со хи ид̇ха батамабавааран̣ааяог̇ад̇о ‘‘бавааран̣аамаасо’’д̇и вуд̇д̇о. ж̇ун̣хабагкабан̃жамид̇о бадтааяаад̇и суггабагкабан̃жамим̣ аад̣̇им̣ гад̇ваа. бавааран̣аамаасасса ж̇ун̣хабагкабан̃жамид̇од̇и ваа бавааран̣аамаасасса багаасанад̇о буримасса ж̇ун̣хабагкасса бан̃жамид̇о бадтааяаад̇и ад̇т̇о. яо банзд̇т̇а ‘‘гааман̃жзса (саарад̇т̇а. дий. 2.650) ‘д̣̇асаахабарамам̣ ад̇ирзгажийварам̣ д̇хаарзд̇аб̣б̣а’нд̇и (баараа. 463) иминаава сид̣̇д̇хо, адтуббад̇д̇ивасзна бана абуб̣б̣ам̣ вияа ад̇т̇ам̣ д̣̇ассзд̇ваа сигкаабад̣̇ам̣ табид̇а’’нд̇и баато д̣̇иссад̇и, со бамаад̣̇абаато ‘‘д̣̇асаахаанааг̇ад̇а’’нд̇и иминаа вирод̇хад̇од̇и д̣̇адтаб̣б̣ам̣. гин̃жа ‘‘ж̇ун̣хабагкабан̃жамид̇о бадтааяаа’’д̇и вуд̇д̇ад̇д̇аа адтагат̇ааязва буб̣б̣аабаравирод̇хоби сияаа.
Paṭhamapadassāti ‘‘dasāhānāgata’’nti padassa. Purimanayenevāti accantasaṃyogavaseneva. Tāni divasānīti tesu divasesu. Accantamevāti nirantarameva, tesu dasāhesu yattha katthaci divaseti vuttaṃ hoti. Pavāraṇāmāsassāti pubbakattikamāsassa. So hi idha paṭhamapavāraṇāyogato ‘‘pavāraṇāmāso’’ti vutto. Juṇhapakkhapañcamito paṭṭhāyāti sukkapakkhapañcamiṃ ādiṃ katvā. Pavāraṇāmāsassa juṇhapakkhapañcamitoti vā pavāraṇāmāsassa pakāsanato purimassa juṇhapakkhassa pañcamito paṭṭhāyāti attho. Yo panettha ‘‘kāmañcesa (sārattha. ṭī. 2.650) ‘dasāhaparamaṃ atirekacīvaraṃ dhāretabba’nti (pārā. 463) imināva siddho, aṭṭhuppattivasena pana apubbaṃ viya atthaṃ dassetvā sikkhāpadaṃ ṭhapita’’nti pāṭho dissati, so pamādapāṭho ‘‘dasāhānāgata’’nti iminā virodhatoti daṭṭhabbaṃ. Kiñca ‘‘juṇhapakkhapañcamito paṭṭhāyā’’ti vuttattā aṭṭhakathāyeva pubbāparavirodhopi siyā.
ажжзгажийваранд̇и ажжааяигажийварам̣ вужжад̇и, со жа ажжааяигабхааво д̣̇ааяагасса г̇амигаад̣̇ибхаавзнаад̇и д̣̇ассзд̇ум̣ ‘‘г̇амигаг̇илаанаг̇аб̣бхиниабхинавуббаннасад̣̇д̇хаанам̣ буг̇г̇алаана’’нд̇иаад̣̇и вуд̇д̇ам̣. д̇ад̇т̇а г̇амиго наама ‘‘сзнааяа ваа г̇анд̇угаамо ход̇и, баваасам̣ ваа г̇анд̇угаамо ход̇ий’’д̇и (баараа. 649) вуд̇д̇о. ан̃н̃ад̇арзна ‘‘вассааваасигам̣ д̣̇ассаамий’’д̇и звам̣ аарожзд̇ваа д̣̇иннанд̇и г̇амигаад̣̇ийнам̣ ан̃н̃ад̇арзна г̇аманаад̣̇ийхи гааран̣зхи д̣̇аад̇угаамзна д̣̇ууд̇ам̣ ваа бзсзд̇ваа, саяам̣ ваа ааг̇анд̇ваа ‘‘вассааваасигам̣ д̣̇ассаамий’’д̇и звам̣ аарожзд̇ваа д̣̇иннам̣ жийварам̣. зд̇т̇а жа ‘‘ид̣̇ам̣ мз, бханд̇з, ажжзгажийварам̣ жийварагааласамаяам̣ ад̇иггаамид̇ам̣ ниссаг̇г̇ияа’’нд̇и (баараа. 649) иминаа наязна ниссаж̇ж̇анавид̇хаанам̣ взд̣̇ид̇аб̣б̣ам̣.
Accekacīvaranti accāyikacīvaraṃ vuccati, so ca accāyikabhāvo dāyakassa gamikādibhāvenāti dassetuṃ ‘‘gamikagilānagabbhiniabhinavuppannasaddhānaṃ puggalāna’’ntiādi vuttaṃ. Tattha gamiko nāma ‘‘senāya vā gantukāmo hoti, pavāsaṃ vā gantukāmo hotī’’ti (pārā. 649) vutto. Aññatarena ‘‘vassāvāsikaṃ dassāmī’’ti evaṃ ārocetvā dinnanti gamikādīnaṃ aññatarena gamanādīhi kāraṇehi dātukāmena dūtaṃ vā pesetvā, sayaṃ vā āgantvā ‘‘vassāvāsikaṃ dassāmī’’ti evaṃ ārocetvā dinnaṃ cīvaraṃ. Ettha ca ‘‘idaṃ me, bhante, accekacīvaraṃ cīvarakālasamayaṃ atikkāmitaṃ nissaggiya’’nti (pārā. 649) iminā nayena nissajjanavidhānaṃ veditabbaṃ.
сзсанд̇и ‘‘саад̇хааран̣абан̃н̃ад̇д̇ий’’д̇иаад̣̇игам̣. аяам̣ бана висзсо – д̇ад̇т̇а ад̇ирзгажийварз ад̇ирзгажийварасан̃н̃иаад̣̇ино д̣̇асаахаад̇иггамо, ид̇ха ажжзгажийварз ажжзгажийварасан̃н̃иаад̣̇ино жийварагаалаад̇иггамо. д̇ат̇аа анажжзгажийварз ажжзгажийварасан̃н̃ино, взмад̇игасса жа д̣̇уггадам̣. ж̇аад̇иббамаан̣асамбаннасса ажжзгажийварасса ад̇д̇ано санд̇агад̇аа, д̣̇асаахаанааг̇ад̇ааяа гад̇д̇игад̇змаасигабун̣н̣амааяа уббаннабхааво, анад̇хидтид̇аавигаббид̇ад̇аа, жийварагаалаад̇иггамод̇и жад̇уран̇г̇абхаавова зд̇т̇а висзсо.
Sesanti ‘‘sādhāraṇapaññattī’’tiādikaṃ. Ayaṃ pana viseso – tattha atirekacīvare atirekacīvarasaññiādino dasāhātikkamo, idha accekacīvare accekacīvarasaññiādino cīvarakālātikkamo. Tathā anaccekacīvare accekacīvarasaññino, vematikassa ca dukkaṭaṃ. Jātippamāṇasampannassa accekacīvarassa attano santakatā, dasāhānāgatāya kattikatemāsikapuṇṇamāya uppannabhāvo, anadhiṭṭhitaavikappitatā, cīvarakālātikkamoti caturaṅgabhāvova ettha viseso.
ажжзгажийварасигкаабад̣̇аван̣н̣анаа нидтид̇аа.
Accekacīvarasikkhāpadavaṇṇanā niṭṭhitā.
