| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
8. ажжзгажийварасигкаабад̣̇аван̣н̣анаа
8. Accekacīvarasikkhāpadavaṇṇanā
646. адтамз асаммохад̇т̇анд̇и д̣̇асаахаанааг̇ад̇абад̣̇з асаммохад̇т̇ам̣. батамабад̣̇ассаад̇и д̣̇асаахаанааг̇ад̇абад̣̇асса. д̇аани д̣̇ивасаанийд̇и д̇зсу д̣̇ивасзсу. уббаж̇ж̇зяяаад̇и сан̇гхад̇о ваа г̇ан̣ад̇о ваа уж̇угам̣ ад̇д̇аноязва ваа уббаж̇ж̇зяяа. бан̃жамид̇од̇и зд̇т̇а вассам̣ васанд̇асса сан̇гхасса бан̃жамид̇о буб̣б̣з уббаннам̣ ажжзгажийварам̣ бан̃жамияам̣ вибхаж̇ид̇ваа г̇ахид̇ам̣ ажжзгажийварабарихаарамзва лабхад̇и. уж̇угам̣ ад̇д̇аноязва уббаннам̣ жз, бан̃жамияам̣ уббаннамзва ажжзгажийварабарихаарам̣ лабхад̇и, на д̇ад̇о буб̣б̣зд̇и д̣̇адтаб̣б̣ам̣.
646. Aṭṭhame asammohatthanti dasāhānāgatapade asammohatthaṃ. Paṭhamapadassāti dasāhānāgatapadassa. Tāni divasānīti tesu divasesu. Uppajjeyyāti saṅghato vā gaṇato vā ujukaṃ attanoyeva vā uppajjeyya. Pañcamitoti ettha vassaṃ vasantassa saṅghassa pañcamito pubbe uppannaṃ accekacīvaraṃ pañcamiyaṃ vibhajitvā gahitaṃ accekacīvaraparihārameva labhati. Ujukaṃ attanoyeva uppannaṃ ce, pañcamiyaṃ uppannameva accekacīvaraparihāraṃ labhati, na tato pubbeti daṭṭhabbaṃ.
сад̣̇д̇хаамад̇д̇аганд̇и д̇хаммассаванаад̣̇ийхи д̇ан̇кан̣уббаннам̣ сад̣̇д̇хаамад̇д̇агам̣. аарожид̇ам̣ жийваранд̇и аарожзд̇ваа д̣̇иннажийварам̣. чадтияам̣ уббаннажийварасса згаад̣̇асамо арун̣о жийварагаалз удтаад̇ийд̇и ааха ‘‘чадтид̇о бадтааяаа’’д̇иаад̣̇и. табид̇ажийварамбийд̇и бад̇хаанажийварад̣̇ассанамукзна саб̣б̣амби ад̇ирзгажийварам̣ вуд̇д̇ам̣. ат̇а ‘‘жийварамаасзби ад̇ирзгажийварам̣ нигкибид̇ум̣ ваддад̇ий’’д̇и ид̣̇ам̣ гуд̇о лад̣̇д̇ханд̇и жз? ‘‘висум̣ ананун̃н̃аад̇зби имасмим̣ сигкаабад̣̇з ‘жийварагааласамаяо наама анад̇т̇ад̇з гат̇инз вассаанасса бажчимо маасо, ад̇т̇ад̇з гат̇инз бан̃жа маасаа’д̇и вад̣̇анд̇зна д̇ад̇ияагат̇инасигкаабад̣̇з ‘агаалажийварам̣ наама анад̇т̇ад̇з гат̇инз згаад̣̇асамаасз уббаннам̣, ад̇т̇ад̇з гат̇инз сад̇д̇амаасз уббанна’нд̇и вад̣̇анд̇зна жа анун̃н̃аад̇амзва ход̇ий’’д̇и вад̣̇анд̇и. ‘‘адтагат̇ааважанаббамаан̣зна г̇ахзд̇аб̣б̣а’’нд̇и жа гзжи.
Saddhāmattakanti dhammassavanādīhi taṅkhaṇuppannaṃ saddhāmattakaṃ. Ārocitaṃ cīvaranti ārocetvā dinnacīvaraṃ. Chaṭṭhiyaṃ uppannacīvarassa ekādasamo aruṇo cīvarakāle uṭṭhātīti āha ‘‘chaṭṭhito paṭṭhāyā’’tiādi. Ṭhapitacīvarampīti padhānacīvaradassanamukhena sabbampi atirekacīvaraṃ vuttaṃ. Atha ‘‘cīvaramāsepi atirekacīvaraṃ nikkhipituṃ vaṭṭatī’’ti idaṃ kuto laddhanti ce? ‘‘Visuṃ ananuññātepi imasmiṃ sikkhāpade ‘cīvarakālasamayo nāma anatthate kathine vassānassa pacchimo māso, atthate kathine pañca māsā’ti vadantena tatiyakathinasikkhāpade ‘akālacīvaraṃ nāma anatthate kathine ekādasamāse uppannaṃ, atthate kathine sattamāse uppanna’nti vadantena ca anuññātameva hotī’’ti vadanti. ‘‘Aṭṭhakathāvacanappamāṇena gahetabba’’nti ca keci.
650. ид̣̇аани батамагат̇инаад̣̇исигкаабад̣̇зхи д̇асса д̇асса жийварасса лаб̣бхамаанам̣ барихаарам̣ ид̇хзва убасам̣харид̇ваа д̣̇ассзнд̇о ‘‘ид̇и ад̇ирзгажийварасса д̣̇асаахам̣ барихааро’’д̇иаад̣̇имааха. ‘‘анад̇т̇ад̇з гат̇инз згаад̣̇асад̣̇ивасаад̇хиго маасо, ад̇т̇ад̇з гат̇инз згаад̣̇асад̣̇ивасаад̇хигаа бан̃жа маасаа’’д̇и аяамзва баато г̇ахзд̇аб̣б̣о. гзжи банзд̇т̇а ‘‘гааман̃жзса ‘д̣̇асаахабарамам̣ ад̇ирзгажийварам̣ д̇хаарзд̇аб̣б̣а’нд̇и иминаава сид̣̇д̇хо, адтуббад̇д̇ивасзна бана абуб̣б̣ам̣ вияа ад̇т̇ам̣ д̣̇ассзд̇ваа сигкаабад̣̇ам̣ табид̇а’’нд̇и баатам̣ вад̇ваа ‘‘д̣̇асад̣̇ивасаад̇хиго маасо, д̣̇асад̣̇ивасаад̇хигаа бан̃жа маасаад̇и баатзна бхавид̇аб̣б̣а’’нд̇и вад̣̇анд̇и, д̇ам̣ на г̇ахзд̇аб̣б̣ам̣ д̇асса бамаад̣̇абаатад̇д̇аа. на хи д̣̇асаахзна асамбад̇д̇ааяа гад̇д̇игад̇змаасигабун̣н̣амааяа жийварагаалад̇о буб̣б̣з д̣̇аса д̣̇ивасаа ад̇хигаа хонд̇и. зван̃хи сад̇и ‘‘наваахаанааг̇ад̇ам̣ гад̇д̇игад̇змаасигабун̣н̣ама’’нд̇и вад̇д̇аб̣б̣ам̣.
650. Idāni paṭhamakathinādisikkhāpadehi tassa tassa cīvarassa labbhamānaṃ parihāraṃ idheva upasaṃharitvā dassento ‘‘iti atirekacīvarassa dasāhaṃ parihāro’’tiādimāha. ‘‘Anatthate kathine ekādasadivasādhiko māso, atthate kathine ekādasadivasādhikā pañca māsā’’ti ayameva pāṭho gahetabbo. Keci panettha ‘‘kāmañcesa ‘dasāhaparamaṃ atirekacīvaraṃ dhāretabba’nti imināva siddho, aṭṭhuppattivasena pana apubbaṃ viya atthaṃ dassetvā sikkhāpadaṃ ṭhapita’’nti pāṭhaṃ vatvā ‘‘dasadivasādhiko māso, dasadivasādhikā pañca māsāti pāṭhena bhavitabba’’nti vadanti, taṃ na gahetabbaṃ tassa pamādapāṭhattā. Na hi dasāhena asampattāya kattikatemāsikapuṇṇamāya cīvarakālato pubbe dasa divasā adhikā honti. Evañhi sati ‘‘navāhānāgataṃ kattikatemāsikapuṇṇama’’nti vattabbaṃ.
маад̇игаадтагат̇ааяамби (ган̇каа. адта. ажжзгажийварасигкаабад̣̇аван̣н̣анаа) ‘‘бавааран̣амаасасса ж̇ун̣хабагкабан̃жамид̇о бадтааяа уббаннасса жийварасса нид̇хаанагаало д̣̇ассид̇о ход̇ий’’д̇и вад̇ваа ‘‘гааман̃жзса ‘д̣̇асаахабарамам̣ ад̇ирзгажийварам̣ д̇хаарзд̇аб̣б̣а’нд̇и иминаава сид̣̇д̇хо, адтуббад̇д̇ивасзна бана абуб̣б̣ам̣ вияа ад̇т̇ам̣ д̣̇ассзд̇ваа сигкаабад̣̇ам̣ табид̇а’’нд̇и баато д̣̇ассид̇о, соби бамаад̣̇абаатоязва. ‘‘ж̇ун̣хабагкабан̃жамид̇о бадтааяаа’’д̇и жа вуд̇д̇ад̇д̇аа д̇ад̇т̇зва буб̣б̣аабаравирод̇хоби сияаа, чадтид̇о бадтааяаад̇и вад̇д̇аб̣б̣ам̣. зван̃хи сад̇и ‘‘д̣̇асаахабарамасигкаабад̣̇знзва сид̣̇д̇ха’’нд̇и саггаа вад̇д̇ум̣. имамзва жа бамаад̣̇абаатам̣ г̇ахзд̇ваа бхад̣̇анд̇аб̣уд̣̇д̇хад̣̇ад̇д̇аажариязна жа –
Mātikāṭṭhakathāyampi (kaṅkhā. aṭṭha. accekacīvarasikkhāpadavaṇṇanā) ‘‘pavāraṇamāsassa juṇhapakkhapañcamito paṭṭhāya uppannassa cīvarassa nidhānakālo dassito hotī’’ti vatvā ‘‘kāmañcesa ‘dasāhaparamaṃ atirekacīvaraṃ dhāretabba’nti imināva siddho, aṭṭhuppattivasena pana apubbaṃ viya atthaṃ dassetvā sikkhāpadaṃ ṭhapita’’nti pāṭho dassito, sopi pamādapāṭhoyeva. ‘‘Juṇhapakkhapañcamito paṭṭhāyā’’ti ca vuttattā tattheva pubbāparavirodhopi siyā, chaṭṭhito paṭṭhāyāti vattabbaṃ. Evañhi sati ‘‘dasāhaparamasikkhāpadeneva siddha’’nti sakkā vattuṃ. Imameva ca pamādapāṭhaṃ gahetvā bhadantabuddhadattācariyena ca –
‘‘д̇ассаажжааяигавад̇т̇асса, гат̇инз д̇у анад̇т̇ад̇з;
‘‘Tassāccāyikavatthassa, kathine tu anatthate;
барихаарзгамаасова, д̣̇асаахабарамо мад̇о.
Parihārekamāsova, dasāhaparamo mato.
‘‘ад̇т̇ад̇з гат̇инз д̇асса, бан̃жа маасаа багаасид̇аа;
‘‘Atthate kathine tassa, pañca māsā pakāsitā;
барихааро мунинд̣̇зна, д̣̇асаахабарамаа банаа’’д̇и. –
Parihāro munindena, dasāhaparamā panā’’ti. –
вуд̇д̇ам̣.
Vuttaṃ.
ажжзгажийварагаалз уббаннад̇д̇аа ‘‘ажжзгажийварасад̣̇исз’’д̇и вуд̇д̇ам̣. ‘‘бан̃жамияам̣ уббаннам̣ анажжзгажийварам̣ д̣̇асаахам̣ ад̇иггаамаяад̇о жийварагаалад̇о буб̣б̣зязва аабад̇д̇и ход̇и, на жийварагаалаад̇иггамз, д̇асмаа жийварагаалаад̇иггамз буна аабаж̇ж̇ид̇аб̣б̣ааяа аабад̇д̇ияаа абхаавам̣ санд̇хааяа ‘анажжзгажийварз анажжзгажийварасан̃н̃ий анаабад̇д̇ий’д̇и вуд̇д̇а’’нд̇и д̇ийсуби г̇ан̣тибад̣̇зсу вуд̇д̇ам̣. вигаббанубаг̇абажчимаббамаан̣асса ажжзгажийварасса ад̇д̇ано санд̇агад̇аа, д̣̇асаахаанааг̇ад̇ааяа гад̇д̇игад̇змаасигабун̣н̣амааяа уббаннабхааво, анад̇хидтид̇аавигаббид̇ад̇аа, жийварагаалаад̇иггамод̇и имаанзд̇т̇а жад̇д̇аари ан̇г̇аани.
Accekacīvarakāle uppannattā ‘‘accekacīvarasadise’’ti vuttaṃ. ‘‘Pañcamiyaṃ uppannaṃ anaccekacīvaraṃ dasāhaṃ atikkāmayato cīvarakālato pubbeyeva āpatti hoti, na cīvarakālātikkame, tasmā cīvarakālātikkame puna āpajjitabbāya āpattiyā abhāvaṃ sandhāya ‘anaccekacīvare anaccekacīvarasaññī anāpattī’ti vutta’’nti tīsupi gaṇṭhipadesu vuttaṃ. Vikappanupagapacchimappamāṇassa accekacīvarassa attano santakatā, dasāhānāgatāya kattikatemāsikapuṇṇamāya uppannabhāvo, anadhiṭṭhitaavikappitatā, cīvarakālātikkamoti imānettha cattāri aṅgāni.
ажжзгажийварасигкаабад̣̇аван̣н̣анаа нидтид̇аа.
Accekacīvarasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 8. ажжзгажийварасигкаабад̣̇ам̣ • 8. Accekacīvarasikkhāpadaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 8. ажжзгажийварасигкаабад̣̇аван̣н̣анаа • 8. Accekacīvarasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 8. ажжзгажийварасигкаабад̣̇аван̣н̣анаа • 8. Accekacīvarasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 8. ажжзгажийварасигкаабад̣̇аван̣н̣анаа • 8. Accekacīvarasikkhāpadavaṇṇanā
