| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
8. ажжзгажийварасигкаабад̣̇аван̣н̣анаа
8. Accekacīvarasikkhāpadavaṇṇanā
646. ‘‘ануж̇аанаами, бхигкавз, ажжзгажийварам̣ бадиг̇г̇ахзд̇ваа нигкибид̇у’’нд̇и, ‘‘яаава бавааран̣аа баваарид̇аа’’д̇и жа яам̣ вуд̇д̇ам̣, д̇з бана бхигкуу д̇асса важанасса ад̇т̇ам̣ мижчаа г̇ахзд̇ваа ажжзгажийварам̣ нигкибанд̇аа жийварагааласамаяам̣ ад̇иггаамзсум̣. гимид̣̇ам̣ вибхад̇д̇ам̣, уд̣̇ааху авибхад̇д̇анд̇и? вибхад̇д̇ам̣, буг̇г̇алигам̣ ваа. д̇знзва барад̇о ‘‘амхаагам̣, аавусо, ажжзгажийварааний’’д̇и вуд̇д̇ам̣, авибхад̇д̇ам̣ бана сан̇гхигад̇д̇аа на гассажи ниссаг̇г̇ияам̣ гарод̇и.
646. ‘‘Anujānāmi, bhikkhave, accekacīvaraṃ paṭiggahetvā nikkhipitu’’nti, ‘‘yāva pavāraṇā pavāritā’’ti ca yaṃ vuttaṃ, te pana bhikkhū tassa vacanassa atthaṃ micchā gahetvā accekacīvaraṃ nikkhipantā cīvarakālasamayaṃ atikkāmesuṃ. Kimidaṃ vibhattaṃ, udāhu avibhattanti? Vibhattaṃ, puggalikaṃ vā. Teneva parato ‘‘amhākaṃ, āvuso, accekacīvarānī’’ti vuttaṃ, avibhattaṃ pana saṅghikattā na kassaci nissaggiyaṃ karoti.
абижа ‘‘ажжзгажийварам̣ бадиг̇г̇ахзд̇ваа нигкибид̇у’’нд̇и иминаа сааман̃н̃аважанзна вассуубанааяигад̣̇ивасад̇о бадтааяа, бидтисамаяад̇о бадтааяа ваа яаава бавааран̣аа нигкибид̇ум̣ ваддад̇и зва сан̇гхигад̇д̇аа, буг̇г̇алигамби ‘‘вассам̣вуд̇т̇агаалз г̇ан̣хат̇аа’’д̇и д̣̇иннад̇д̇аа. д̇аад̣̇исан̃хи яаава вассам̣вуд̇т̇о ход̇и, д̇аава на д̇ассзва, д̣̇ааяагасса санд̇агам̣ ход̇и, д̇ат̇аа ид̇о д̇ад̇ияавассз, жад̇уд̇т̇авассз ваа ‘‘бавааран̣ааяа г̇ан̣хат̇аа’’д̇иаад̣̇инаа д̣̇иннамби нигкибид̇ваа яат̇аад̣̇аанамзва г̇ахзд̇аб̣б̣ам̣. аяамад̇т̇о адтагат̇ааяам̣ (баараа. адта. 2.646-9 аад̣̇аяо) баагадо. д̇аани жийварагааласамаяаад̇иггамз на ниссаг̇г̇ияаанийд̇и жз? на, уд̣̇д̣̇исса д̣̇иннад̇д̇аа. яасмаа аяам̣ самаяо ‘‘гаалзби аад̣̇исса д̣̇инна’’нд̇и зд̇т̇а ‘‘гаало’’д̇и ааг̇ад̇о, г̇ан̣абхож̇анасигкаабад̣̇аад̣̇ийсу ‘‘самаяо’’д̇взва ааг̇ад̇о, д̇асмаа ид̇ха д̇зсам̣ згад̇т̇ад̇аад̣̇ассанад̇т̇ам̣ згад̇о ‘‘жийварагааласамаяо’’д̇и вуд̇д̇анд̇и взд̣̇ид̇аб̣б̣ам̣. маад̇игааяам̣ банзд̇т̇а д̇аад̣̇исам̣ жийварам̣ ад̇д̇ано санд̇агабхаавам̣ убаг̇ад̇ам̣ буг̇г̇алигам̣ санд̇хааяа вуд̇д̇ам̣, д̇знзвааха ‘‘бхигкуно банзва ажжзгажийварам̣ уббаж̇ж̇зяяаа’’д̇и. ад̇д̇ано гудияаа вассам̣вуд̇т̇асса бхигкуно хи д̣̇аад̇ум̣ алабханд̇о анд̇овассз зва д̣̇аанагижжам̣ баринидтаабзд̇ваа г̇ажчад̇и, д̇ат̇аа сан̇гхасса. д̇асмаа ид̣̇ам̣ ажжзгажийварам̣ ад̇т̇и уббаннагаалад̇о бадтааяа сан̇гхасса ваа буг̇г̇аласса ваа санд̇агабхаавам̣ убаг̇ажчанд̇ам̣, яам̣ на вассааваасигабхаавзна д̣̇иннам̣, ад̇т̇и уббаннагаалад̇о бадтааяа анубаг̇анд̇ваа вассам̣вуд̇т̇агаалзязва буг̇г̇аласса ваа сан̇гхасса ваа убаг̇ажчанд̇ам̣, яам̣ вассааваасигабхаавзна уббаж̇ж̇ид̇ваа самаяз д̣̇иннам̣, ад̇т̇и самаяз д̣̇иннамби буг̇г̇аласса санд̇агабхаавам̣ анубаг̇ажчанд̇ам̣, сан̇гхасанд̇агабхаавам̣ ваа д̣̇ааяагасанд̇агабхаавам̣ ваа убаг̇ажчанд̇ам̣, ийд̣̇исам̣ санд̇хааяа ‘‘сан̃н̃аан̣ам̣ гад̇ваа нигкибид̇аб̣б̣а’’нд̇и вуд̇д̇ам̣. ид̣̇ам̣ ад̇ирзгасам̣важчарамби нигкибид̇ум̣ лабхад̇и ад̇д̇ано санд̇агабхаавам̣ анубаг̇ад̇ад̇д̇аа, д̇асмаа ‘‘д̣̇асаахаанааг̇ад̇а’’нд̇и ид̇о ан̃н̃ам̣ санд̇хааяа вуд̇д̇анд̇и сид̣̇д̇хамзд̇анд̇и. д̣̇асаахад̇о бурзд̇арам̣ лабхид̇ваа яаава бавааран̣аа нигкибид̇ум̣ на лабхад̇и, д̇асмаа сагабхаавуубаг̇ад̇амзва ад̇хидтаад̇аб̣б̣ам̣, д̇ам̣язва санд̇хааяа ‘‘д̣̇асаахаанааг̇ад̇а’’нд̇и вуд̇д̇ам̣, яад̇о ‘‘анд̇осамаяз ад̇хидтзд̇и, вигаббзд̇ий’’д̇и анаабад̇д̇иваарз вуд̇д̇ам̣. сан̃н̃аан̣ам̣ гад̇ваа нигкибид̇аб̣б̣агам̣ бана барасса д̣̇аад̇аб̣б̣ад̇ааяа сагабхаавам̣ анубаг̇ад̇ам̣, на хи д̇ам̣ санд̇хааяа ‘‘ад̇хидтзд̇и, вигаббзд̇ий’’д̇и саггаа вад̇д̇ум̣, на жа д̇ам̣ имасмим̣ ад̇т̇з ниссаг̇г̇ияам̣ ход̇и сан̇гхасса ниссаг̇г̇ияаабхаавад̇о, адтагат̇ааяамби аяамад̇т̇о судту баагадова. гад̇амам̣ сан̃н̃аан̣ам̣ гад̇ваа нигкибид̇аб̣б̣анд̇и жз? барасанд̇агам̣ жийварам̣ сан̇гхигамзва ход̇и, д̇ад̇о ‘‘саллагкзд̇ваа сукам̣ д̣̇аад̇ум̣ бхависсад̇ий’’д̇и иминаа хи барасса санд̇агабхааво д̣̇ассид̇о.
Apica ‘‘accekacīvaraṃ paṭiggahetvā nikkhipitu’’nti iminā sāmaññavacanena vassūpanāyikadivasato paṭṭhāya, piṭṭhisamayato paṭṭhāya vā yāva pavāraṇā nikkhipituṃ vaṭṭati eva saṅghikattā, puggalikampi ‘‘vassaṃvutthakāle gaṇhathā’’ti dinnattā. Tādisañhi yāva vassaṃvuttho hoti, tāva na tasseva, dāyakassa santakaṃ hoti, tathā ito tatiyavasse, catutthavasse vā ‘‘pavāraṇāya gaṇhathā’’tiādinā dinnampi nikkhipitvā yathādānameva gahetabbaṃ. Ayamattho aṭṭhakathāyaṃ (pārā. aṭṭha. 2.646-9 ādayo) pākaṭo. Tāni cīvarakālasamayātikkame na nissaggiyānīti ce? Na, uddissa dinnattā. Yasmā ayaṃ samayo ‘‘kālepi ādissa dinna’’nti ettha ‘‘kālo’’ti āgato, gaṇabhojanasikkhāpadādīsu ‘‘samayo’’tveva āgato, tasmā idha tesaṃ ekatthatādassanatthaṃ ekato ‘‘cīvarakālasamayo’’ti vuttanti veditabbaṃ. Mātikāyaṃ panettha tādisaṃ cīvaraṃ attano santakabhāvaṃ upagataṃ puggalikaṃ sandhāya vuttaṃ, tenevāha ‘‘bhikkhuno paneva accekacīvaraṃ uppajjeyyā’’ti. Attano kuṭiyā vassaṃvutthassa bhikkhuno hi dātuṃ alabhanto antovasse eva dānakiccaṃ pariniṭṭhāpetvā gacchati, tathā saṅghassa. Tasmā idaṃ accekacīvaraṃ atthi uppannakālato paṭṭhāya saṅghassa vā puggalassa vā santakabhāvaṃ upagacchantaṃ, yaṃ na vassāvāsikabhāvena dinnaṃ, atthi uppannakālato paṭṭhāya anupagantvā vassaṃvutthakāleyeva puggalassa vā saṅghassa vā upagacchantaṃ, yaṃ vassāvāsikabhāvena uppajjitvā samaye dinnaṃ, atthi samaye dinnampi puggalassa santakabhāvaṃ anupagacchantaṃ, saṅghasantakabhāvaṃ vā dāyakasantakabhāvaṃ vā upagacchantaṃ, īdisaṃ sandhāya ‘‘saññāṇaṃ katvā nikkhipitabba’’nti vuttaṃ. Idaṃ atirekasaṃvaccharampi nikkhipituṃ labhati attano santakabhāvaṃ anupagatattā, tasmā ‘‘dasāhānāgata’’nti ito aññaṃ sandhāya vuttanti siddhametanti. Dasāhato puretaraṃ labhitvā yāva pavāraṇā nikkhipituṃ na labhati, tasmā sakabhāvūpagatameva adhiṭṭhātabbaṃ, taṃyeva sandhāya ‘‘dasāhānāgata’’nti vuttaṃ, yato ‘‘antosamaye adhiṭṭheti, vikappetī’’ti anāpattivāre vuttaṃ. Saññāṇaṃ katvā nikkhipitabbakaṃ pana parassa dātabbatāya sakabhāvaṃ anupagataṃ, na hi taṃ sandhāya ‘‘adhiṭṭheti, vikappetī’’ti sakkā vattuṃ, na ca taṃ imasmiṃ atthe nissaggiyaṃ hoti saṅghassa nissaggiyābhāvato, aṭṭhakathāyampi ayamattho suṭṭhu pākaṭova. Katamaṃ saññāṇaṃ katvā nikkhipitabbanti ce? Parasantakaṃ cīvaraṃ saṅghikameva hoti, tato ‘‘sallakkhetvā sukhaṃ dātuṃ bhavissatī’’ti iminā hi parassa santakabhāvo dassito.
‘‘д̇ад̇о барам̣ згад̣̇ивасамби барихааро над̇т̇ийд̇и д̣̇асаахабарамад̇о уд̣̇д̇хам̣ анубаг̇ад̇ад̇д̇аа’’д̇и ликид̇ам̣, ид̇о самаяад̇о уд̣̇д̇хамзва д̣̇асаахасса анубаг̇ад̇ад̇д̇аа самаяад̇о барам̣ д̣̇асаахам̣ на лабхад̇ийд̇и гирасса ад̇хиббааяо. ‘‘зд̇ам̣ барихаарам̣ лабхад̇иязваа’’д̇и зд̇т̇а ‘‘згаад̣̇асамам̣ арун̣ам̣ жийварамаасз удтзд̇ий’’д̇и гааран̣ам̣ ликид̇ам̣. ануг̇ан̣тибад̣̇з бана ‘‘анад̇хидтахид̇ваа згаад̣̇асад̣̇ивасз нигкибид̇ум̣ лабхад̇ий’д̇и вад̣̇анд̇о бхаг̇аваа ид̇арамби анажжзгажийвараад̣̇им̣ ануж̇аанаад̇и, ажжзгажийварамукзнаад̇и абарз’’д̇и вуд̇д̇ам̣. зд̇т̇а гад̇арам̣ субхаасид̇ам̣? убхаяамбийд̇и згз. гат̇ам̣? батамам̣ ‘‘ажжзгажийварасса анад̇т̇ад̇з гат̇инз д̣̇асад̣̇ивасаад̇хиго маасо, ад̇т̇ад̇з гат̇инз д̣̇асад̣̇ивасаад̇хигаа бан̃жамаасаа’’д̇и иминаа самзд̇и, ануг̇ан̣тибад̣̇алад̣̇д̇хияаа хи зд̇т̇а ‘‘згаад̣̇асад̣̇ивасаад̇хиго’’д̇и вад̇д̇аб̣б̣ад̇ам̣ аабаж̇ж̇ад̇и, д̣̇уд̇ияам̣ ‘‘д̣̇асаахаанааг̇ад̇анд̇и…бз… д̣̇асаахзна асамбад̇д̇аад̇и ад̇т̇о’’д̇и иминаа самзд̇и. имасса наяасса васзна ‘‘бан̃жамид̇о бадтааяа уббаннасса жийварасса нид̇хаанагаало д̣̇ассид̇о ход̇ий’’д̇и баато яуж̇ж̇ад̇и. д̇ат̇аа г̇ан̣тибад̣̇алад̣̇д̇хияаа ‘‘наваахаанааг̇ад̇ам̣ гад̇д̇игад̇змаасигабун̣н̣ама’’нд̇и вад̇д̇аб̣б̣ад̇ам̣ аабаж̇ж̇ад̇и, д̇асса васзна ‘‘гааман̃жзса д̣̇асаахабарамам̣ ад̇ирзгажийварам̣ д̇хаарзд̇аб̣б̣анд̇и иминаава сид̣̇д̇хо, адтуббад̇д̇ивасзна бана абуб̣б̣ам̣ вияа ад̇т̇ам̣ д̣̇ассзд̇ваа сигкаабад̣̇ам̣ табид̇а’’нд̇и аяам̣ баато яуж̇ж̇ад̇и. го банзд̇т̇а саарод̇и? яо бажчаа вуд̇д̇о, сова сааро. д̇знзва адтагат̇аажариязна ‘‘бан̃жамид̇о бадтааяаа’’д̇и вуд̇д̇ам̣. бораан̣аг̇ан̣тибад̣̇зхи адтагат̇ааяа жа сад̣̇д̇хим̣ сам̣санд̣̇анад̇о, ‘‘д̣̇асаахаанааг̇ад̇а’’нд̇и баал̣ияаа сам̣санд̣̇анад̇о жа зд̇т̇а г̇ан̣тибад̣̇алад̣̇д̇хиби баал̣ияаа самзд̇и.
‘‘Tato paraṃ ekadivasampi parihāro natthīti dasāhaparamato uddhaṃ anupagatattā’’ti likhitaṃ, ito samayato uddhameva dasāhassa anupagatattā samayato paraṃ dasāhaṃ na labhatīti kirassa adhippāyo. ‘‘Etaṃ parihāraṃ labhatiyevā’’ti ettha ‘‘ekādasamaṃ aruṇaṃ cīvaramāse uṭṭhetī’’ti kāraṇaṃ likhitaṃ. Anugaṇṭhipade pana ‘‘anadhiṭṭhahitvā ekādasadivase nikkhipituṃ labhatī’ti vadanto bhagavā itarampi anaccekacīvarādiṃ anujānāti, accekacīvaramukhenāti apare’’ti vuttaṃ. Ettha kataraṃ subhāsitaṃ? Ubhayampīti eke. Kathaṃ? Paṭhamaṃ ‘‘accekacīvarassa anatthate kathine dasadivasādhiko māso, atthate kathine dasadivasādhikā pañcamāsā’’ti iminā sameti, anugaṇṭhipadaladdhiyā hi ettha ‘‘ekādasadivasādhiko’’ti vattabbataṃ āpajjati, dutiyaṃ ‘‘dasāhānāgatanti…pe… dasāhena asampattāti attho’’ti iminā sameti. Imassa nayassa vasena ‘‘pañcamito paṭṭhāya uppannassa cīvarassa nidhānakālo dassito hotī’’ti pāṭho yujjati. Tathā gaṇṭhipadaladdhiyā ‘‘navāhānāgataṃ kattikatemāsikapuṇṇama’’nti vattabbataṃ āpajjati, tassa vasena ‘‘kāmañcesa dasāhaparamaṃ atirekacīvaraṃ dhāretabbanti imināva siddho, aṭṭhuppattivasena pana apubbaṃ viya atthaṃ dassetvā sikkhāpadaṃ ṭhapita’’nti ayaṃ pāṭho yujjati. Ko panettha sāroti? Yo pacchā vutto, sova sāro. Teneva aṭṭhakathācariyena ‘‘pañcamito paṭṭhāyā’’ti vuttaṃ. Porāṇagaṇṭhipadehi aṭṭhakathāya ca saddhiṃ saṃsandanato, ‘‘dasāhānāgata’’nti pāḷiyā saṃsandanato ca ettha gaṇṭhipadaladdhipi pāḷiyā sameti.
гат̇ам̣? яасмаа бавааран̣аад̣̇ивасз арун̣уг̇г̇аманз бхигку вассам̣вуд̇т̇о ход̇и, д̇асмаа иминаа д̣̇асамзна ахзна сад̣̇д̇хим̣ чадтид̇о бадтааяа навад̣̇ивасаа д̣̇аса ахаанийд̇и д̣̇асаахам̣, д̇зна д̣̇асаахзна, сахаяог̇ад̇т̇з гаран̣аважанам̣. гад̇д̇игад̇змаасигабун̣н̣амаа жийварасамаяам̣ асамбад̇д̇аад̇и гад̇ваа ‘‘анааг̇ад̇аа’’д̇и вужжад̇и. яат̇аа абарагад̇д̇игабун̣н̣амааяа вассигасаадигам̣ бажжуд̣̇д̇харид̇ваа вигаббзнд̇о ‘‘жаад̇умаасам̣ ад̇хидтаад̇ум̣ д̇ад̇о барам̣ вигаббзд̇у’’нд̇и вужжад̇и , звам̣самбад̣̇амид̣̇анд̇и. зд̇т̇а вужжад̇ийд̇и жз? на, имасса ниббаяож̇анабхааваббасан̇г̇ад̇о. ажжзгажийварабадиг̇г̇ахан̣агаалам̣ нияамид̇анд̇и жз? на, ‘‘чадтид̇о бадтааяа уббаннажийварам̣ ажжзгамзва на ход̇и. батамагат̇инзна сид̣̇д̇хад̇д̇аа’’д̇и бораан̣адтагат̇ааг̇ан̣тибад̣̇зсу вуд̇д̇ад̇д̇аа д̇ад̇о убари ‘‘ажжзгажийвара’’нд̇и вужжад̇и, бадиг̇г̇ан̣ханд̇асса аабад̇д̇исан̇г̇ахо жа. на жа саа аабад̇д̇и баал̣ияаа, адтагат̇ааяа, яуд̇д̇ид̇о ваа самбхавад̇и. адтуббад̇д̇имад̇д̇авасзна вуд̇д̇анд̇и жз? на, д̣̇асаахаад̇хижжагааригаа адтуббад̇д̇ибааяам̣ на д̣̇иссад̇и. ‘‘бхигкуу ажжзгажийварам̣ бадиг̇г̇ахзд̇ваа жийварагааласамаяам̣ ад̇иггаамзнд̇ий’’д̇и зд̇т̇а зд̇д̇игаа зва хи адтуббад̇д̇и. д̇ат̇аа хи бариваарз (бари. 47-53) ‘‘гисмим̣ вад̇т̇усми’’нд̇и аарабхид̇ваа зд̇д̇агамзва вуд̇д̇анд̇и взд̣̇ид̇аб̣б̣ам̣. ажжзгажийварам̣ жийварагаалам̣ наад̇иггаамзд̇аб̣б̣ам̣, ид̇арам̣ ад̇иггаамзд̇аб̣б̣анд̇и д̣̇ассанад̇т̇ам̣ ид̣̇ам̣ бан̃н̃ад̇д̇анд̇и жз? на, ажжзгажийварассзва абараад̇хад̣̇ассанад̇о, висзсагааран̣аабхааваа , ‘‘гааман̃жзса д̣̇асаахабарамам̣ ад̇ирзгажийварам̣ д̇хаарзд̇аб̣б̣анд̇и иминаава сид̣̇д̇хо’’д̇иаад̣̇иважанавирод̇хад̇о жа яат̇аавуд̇д̇аважанаасамбхавад̇о жа.
Kathaṃ? Yasmā pavāraṇādivase aruṇuggamane bhikkhu vassaṃvuttho hoti, tasmā iminā dasamena ahena saddhiṃ chaṭṭhito paṭṭhāya navadivasā dasa ahānīti dasāhaṃ, tena dasāhena, sahayogatthe karaṇavacanaṃ. Kattikatemāsikapuṇṇamā cīvarasamayaṃ asampattāti katvā ‘‘anāgatā’’ti vuccati. Yathā aparakattikapuṇṇamāya vassikasāṭikaṃ paccuddharitvā vikappento ‘‘cātumāsaṃ adhiṭṭhātuṃ tato paraṃ vikappetu’’nti vuccati , evaṃsampadamidanti. Ettha vuccatīti ce? Na, imassa nippayojanabhāvappasaṅgato. Accekacīvarapaṭiggahaṇakālaṃ niyamitanti ce? Na, ‘‘chaṭṭhito paṭṭhāya uppannacīvaraṃ accekameva na hoti. Paṭhamakathinena siddhattā’’ti porāṇaṭṭhakathāgaṇṭhipadesu vuttattā tato upari ‘‘accekacīvara’’nti vuccati, paṭiggaṇhantassa āpattisaṅgaho ca. Na ca sā āpatti pāḷiyā, aṭṭhakathāya, yuttito vā sambhavati. Aṭṭhuppattimattavasena vuttanti ce? Na, dasāhādhiccakārikā aṭṭhuppattipāyaṃ na dissati. ‘‘Bhikkhū accekacīvaraṃ paṭiggahetvā cīvarakālasamayaṃ atikkāmentī’’ti ettha ettikā eva hi aṭṭhuppatti. Tathā hi parivāre (pari. 47-53) ‘‘kismiṃ vatthusmi’’nti ārabhitvā ettakameva vuttanti veditabbaṃ. Accekacīvaraṃ cīvarakālaṃ nātikkāmetabbaṃ, itaraṃ atikkāmetabbanti dassanatthaṃ idaṃ paññattanti ce? Na, accekacīvarasseva aparādhadassanato, visesakāraṇābhāvā , ‘‘kāmañcesa dasāhaparamaṃ atirekacīvaraṃ dhāretabbanti imināva siddho’’tiādivacanavirodhato ca yathāvuttavacanāsambhavato ca.
гат̇ам̣? д̣̇асаахзна саха гад̇д̇игабун̣н̣амаа ‘‘анааг̇ад̇аа’’д̇и хи вуд̇д̇з д̣̇асаахад̇о ан̃н̃аа саа бун̣н̣амаад̇и аабаж̇ж̇ад̇и. анан̃н̃аа жз, саха-сад̣̇д̣̇о на самбхавад̇и, на хи ад̇д̇анаава ад̇д̇ано яог̇о самбхавад̇и, анааг̇ад̇а-сад̣̇д̣̇о жа на самбхавад̇и. ааг̇ад̇аа самбад̇д̇аа зва хи саа бун̣н̣амаа. жийварасамаяасса ананд̇арад̇д̇аа згийбхаавам̣ анааг̇ад̇ад̇д̇аа анааг̇ад̇ааязваад̇и жз? на, д̇ат̇ааби анааг̇ад̇а-сад̣̇д̣̇асса самбхавад̇о, ааг̇аманасамбхавз сад̇иязва хи анааг̇ад̇а-сад̣̇д̣̇о самбхавад̇и, на хи ниб̣б̣аанам̣, бан̃н̃ад̇д̇и ваа ‘‘анааг̇ад̇аа’’д̇и вужжад̇и. ниб̣б̣аанам̣ вияа кан̣ад̇д̇аяам̣, саа жа бун̣н̣амаа на гад̣̇аажи самаяабхаавам̣ баабун̣аад̇ийд̇и аяуд̇д̇амзва. ‘‘д̇ад̇о барам̣ вигаббзд̇у’’нд̇и бана важанам̣ бидтисамаяам̣ г̇ахзд̇ваа тид̇ад̇д̇аа самбхавад̇и. абижа бавааран̣ааяам̣ арун̣з жа удтид̇з саа бун̣н̣амаа жийварасамаяам̣ згаахаанааг̇ад̇аа зваабаж̇ж̇ад̇и буб̣б̣з сахаяог̇абад̇д̇ад̇д̇аа. звам̣ санд̇з згийбхааваг̇ад̇ааби саа жийварасамаяам̣ анааг̇ад̇аа зва ж̇аад̇аад̇и саб̣б̣ад̣̇аа на д̇ат̇аавиг̇г̇ахагаран̣аважанад̇т̇ам̣ гожид̣̇зва важанад̇о д̣̇ийбзд̇ийд̇и взд̣̇ид̇аб̣б̣ам̣.
Kathaṃ? Dasāhena saha kattikapuṇṇamā ‘‘anāgatā’’ti hi vutte dasāhato aññā sā puṇṇamāti āpajjati. Anaññā ce, saha-saddo na sambhavati, na hi attanāva attano yogo sambhavati, anāgata-saddo ca na sambhavati. Āgatā sampattā eva hi sā puṇṇamā. Cīvarasamayassa anantarattā ekībhāvaṃ anāgatattā anāgatāyevāti ce? Na, tathāpi anāgata-saddassa sambhavato, āgamanasambhave satiyeva hi anāgata-saddo sambhavati, na hi nibbānaṃ, paññatti vā ‘‘anāgatā’’ti vuccati. Nibbānaṃ viya khaṇattayaṃ, sā ca puṇṇamā na kadāci samayabhāvaṃ pāpuṇātīti ayuttameva. ‘‘Tato paraṃ vikappetu’’nti pana vacanaṃ piṭṭhisamayaṃ gahetvā ṭhitattā sambhavati. Apica pavāraṇāyaṃ aruṇe ca uṭṭhite sā puṇṇamā cīvarasamayaṃ ekāhānāgatā evāpajjati pubbe sahayogapattattā. Evaṃ sante ekībhāvagatāpi sā cīvarasamayaṃ anāgatā eva jātāti sabbadā na tathāviggahakaraṇavacanatthaṃ kocideva vacanato dīpetīti veditabbaṃ.
гимад̇т̇ам̣ банзд̇т̇а ‘‘д̣̇асад̣̇ивасаад̇хиго маасо’’д̇иаад̣̇и вуд̇д̇анд̇и? д̇ам̣ баарибуурисамбхавад̇о. бан̃жамияан̃хи бурз арун̣ам̣ уббаннаажжзгажийварасса д̣̇асад̣̇ивасаад̇хиго маасоязва барибуурод̇и гад̇ваа д̇ат̇аа вуд̇д̇ам̣. абижа д̇ассаа бан̃жамияаа д̣̇ивасабхааг̇оби самбад̇д̇ааяа рад̇д̇ияаа ‘‘хияяо’’д̇и вужжад̇и, баг̇зва бурз арун̣ам̣, д̇знзвааха ‘‘хияяо ко, аавусо, амхаага’’нд̇иаад̣̇и. ‘‘звам̣ санд̇з ‘чадтид̇о бадтааяаа’д̇и вуд̇д̇абатамабаатасса васзна ‘анажжзгажийварамби бажжуд̣̇д̇харид̇ваа табид̇ам̣ д̇ижийварамби зд̇ам̣ барихаарам̣ лабхад̇иязваа’’’д̇и жа ‘‘д̣̇асад̣̇ивасаад̇хиго маасо’’д̇иаад̣̇и жа яам̣ ликид̇ам̣. д̇ам̣ на, ‘‘бан̃жамид̇о бадтааяаа’’д̇и баатз саж̇ж̇ид̇зва зд̇зна барияааязна яат̇аавуд̇д̇аад̇т̇асамбхавад̇о, на д̇аани таанаани буна саж̇ж̇ид̇аани. яат̇аатид̇авасзнзва аж̇жхубзгкид̇аб̣б̣аанийд̇и но д̇аггод̇и аажарияо. ид̣̇ам̣ сигкаабад̣̇ам̣ бун̣н̣амааяам̣ аниссаг̇г̇ияад̇т̇амзваад̇и убад̇иссад̇т̇зро. ‘‘бавааран̣аамаасасса ж̇ун̣хабагкабан̃жамид̇о бадтааяаа’’д̇и баатз саж̇ж̇ид̇з зд̇зна барияааязна яат̇аавуд̇д̇о уббаннасса жийварасса нид̇хаанагаало д̣̇ассид̇о ход̇и, ‘‘ажжзгажийваранд̇и ажжааяигажийварам̣ вужжад̇ий’’д̇иаад̣̇и баато. ‘‘чадтид̇о бадтааяаа’’д̇и жа ‘‘гааман̃жзса д̣̇асаахабарама’’нд̇иаад̣̇и жа яам̣ ликид̇ам̣, д̇ам̣ на баато, д̇асмаа згаад̣̇асад̣̇ивасам̣ барихаарам̣ лабхад̇ийд̇и гад̇ваа аажариязна ‘‘бан̃жамид̇о бадтааяаа’’д̇и ликаабид̇о гира. ‘‘бавааран̣аамаасасса ж̇ун̣хабагкачадтид̇о бадтааяа бана уббаннам̣ анажжзгажийварамби бажжуд̣̇д̇харид̇ваа табид̇ам̣ д̇ижийварамби зд̇ам̣ барихаарам̣ лабхад̇иязваад̇и баато’’д̇и жа ‘‘ажжзгажийварасса анад̇т̇ад̇з гат̇инз згаад̣̇асад̣̇ивасаад̇хиго маасо, ад̇т̇ад̇з гат̇инз згаад̣̇асад̣̇ивасаад̇хигаа бан̃жамаасаад̇и баато’’д̇и жа зд̇т̇а бабан̃жзнд̇и, д̇асмаа судту саллагкзд̇ваа гат̇зд̇аб̣б̣ам̣, д̇ун̣хийбхууд̇зна ваа бхавид̇аб̣б̣ам̣.
Kimatthaṃ panettha ‘‘dasadivasādhiko māso’’tiādi vuttanti? Taṃ pāripūrisambhavato. Pañcamiyañhi pure aruṇaṃ uppannaaccekacīvarassa dasadivasādhiko māsoyeva paripūroti katvā tathā vuttaṃ. Apica tassā pañcamiyā divasabhāgopi sampattāya rattiyā ‘‘hiyyo’’ti vuccati, pageva pure aruṇaṃ, tenevāha ‘‘hiyyo kho, āvuso, amhāka’’ntiādi. ‘‘Evaṃ sante ‘chaṭṭhito paṭṭhāyā’ti vuttapaṭhamapāṭhassa vasena ‘anaccekacīvarampi paccuddharitvā ṭhapitaṃ ticīvarampi etaṃ parihāraṃ labhatiyevā’’’ti ca ‘‘dasadivasādhiko māso’’tiādi ca yaṃ likhitaṃ. Taṃ na, ‘‘pañcamito paṭṭhāyā’’ti pāṭhe sajjiteva etena pariyāyena yathāvuttaatthasambhavato, na tāni ṭhānāni puna sajjitāni. Yathāṭhitavaseneva ajjhupekkhitabbānīti no takkoti ācariyo. Idaṃ sikkhāpadaṃ puṇṇamāyaṃ anissaggiyatthamevāti upatissatthero. ‘‘Pavāraṇāmāsassa juṇhapakkhapañcamito paṭṭhāyā’’ti pāṭhe sajjite etena pariyāyena yathāvutto uppannassa cīvarassa nidhānakālo dassito hoti, ‘‘accekacīvaranti accāyikacīvaraṃ vuccatī’’tiādi pāṭho. ‘‘Chaṭṭhito paṭṭhāyā’’ti ca ‘‘kāmañcesa dasāhaparama’’ntiādi ca yaṃ likhitaṃ, taṃ na pāṭho, tasmā ekādasadivasaṃ parihāraṃ labhatīti katvā ācariyena ‘‘pañcamito paṭṭhāyā’’ti likhāpito kira. ‘‘Pavāraṇāmāsassa juṇhapakkhachaṭṭhito paṭṭhāya pana uppannaṃ anaccekacīvarampi paccuddharitvā ṭhapitaṃ ticīvarampi etaṃ parihāraṃ labhatiyevāti pāṭho’’ti ca ‘‘accekacīvarassa anatthate kathine ekādasadivasādhiko māso, atthate kathine ekādasadivasādhikā pañcamāsāti pāṭho’’ti ca ettha papañcenti, tasmā suṭṭhu sallakkhetvā kathetabbaṃ, tuṇhībhūtena vā bhavitabbaṃ.
ажжзгажийварасигкаабад̣̇аван̣н̣анаа нидтид̇аа.
Accekacīvarasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 8. ажжзгажийварасигкаабад̣̇ам̣ • 8. Accekacīvarasikkhāpadaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 8. ажжзгажийварасигкаабад̣̇аван̣н̣анаа • 8. Accekacīvarasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 8. ажжзгажийварасигкаабад̣̇аван̣н̣анаа • 8. Accekacīvarasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 8. ажжзгажийварасигкаабад̣̇аван̣н̣анаа • 8. Accekacīvarasikkhāpadavaṇṇanā
