| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
8. ажжзгажийварасигкаабад̣̇аван̣н̣анаа
8. Accekacīvarasikkhāpadavaṇṇanā
646. адтамз чадтияам̣ уббаннажийварасса згаад̣̇асамаарун̣о жийварагаалз удтаад̇ийд̇и ааха ‘‘чадтид̇о бадтааяаа’’д̇иаад̣̇и, д̇зна жа ‘‘д̣̇асаахаанааг̇ад̇а’’нд̇и вуд̇д̇ад̇д̇аа бан̃жамид̇о бадтааяа бун̣н̣амид̇о буб̣б̣з д̣̇асасу арун̣зсу удтид̇зсуби жийварам̣ ниссаг̇г̇ияам̣ на ход̇и. бун̣н̣амияаа саха згаад̣̇аса д̣̇ивасаа лаб̣бханд̇ийд̇и зд̇д̇агамзва иминаа сигкаабад̣̇зна лад̣̇д̇хам̣, чадтид̇о бадтааяа уббаннам̣ саб̣б̣ажийварам̣ батамагат̇инасигкаабад̣̇авасзнзва яаава жийварагаалам̣ ниссаг̇г̇ияам̣ на ход̇ийд̇и д̣̇ассзд̇и.
646. Aṭṭhame chaṭṭhiyaṃ uppannacīvarassa ekādasamāruṇo cīvarakāle uṭṭhātīti āha ‘‘chaṭṭhito paṭṭhāyā’’tiādi, tena ca ‘‘dasāhānāgata’’nti vuttattā pañcamito paṭṭhāya puṇṇamito pubbe dasasu aruṇesu uṭṭhitesupi cīvaraṃ nissaggiyaṃ na hoti. Puṇṇamiyā saha ekādasa divasā labbhantīti ettakameva iminā sikkhāpadena laddhaṃ, chaṭṭhito paṭṭhāya uppannaṃ sabbacīvaraṃ paṭhamakathinasikkhāpadavaseneva yāva cīvarakālaṃ nissaggiyaṃ na hotīti dasseti.
650. ид̣̇аани батамагат̇инаад̣̇исигкаабад̣̇зхи д̇асса д̇асса жийварасса лаб̣бхамаанам̣ барихаарам̣ ид̇хзва згад̇о самбин̣д̣зд̇ваа д̣̇ассзнд̇о ‘‘ад̇ирзгажийварассаа’’д̇иаад̣̇имааха. ‘‘анад̇т̇ад̇з гат̇инз згаад̣̇асад̣̇ивасаад̇хиго маасо, ад̇т̇ад̇з гат̇инз згаад̣̇асад̣̇ивасаад̇хигаа бан̃жа маасаа’’д̇и аяамзва баато баал̣ияаа самзд̇и. гзжи бана ‘‘д̣̇асад̣̇ивасаад̇хиго маасо, д̣̇асад̣̇ивасаад̇хигаа бан̃жа маасаад̇и баатзна бхавид̇аб̣б̣а’’нд̇и вад̣̇анд̇и, д̇ам̣ на яуд̇д̇ам̣, ан̃н̃ат̇аа ‘‘наваахаанааг̇ад̇а’’нд̇и вад̇д̇аб̣б̣ад̇о. яам̣ банзд̇т̇а маад̇игаадтагат̇ааяан̃жа ‘‘гааман̃жзса ‘д̣̇асаахабарамам̣ ад̇ирзгажийварам̣ д̇хаарзд̇аб̣б̣а’нд̇и иминаава сид̣̇д̇хо, адтуббад̇д̇ивасзна бана абуб̣б̣ам̣ вияа ад̇т̇ам̣ д̣̇ассзд̇ваа сигкаабад̣̇ам̣ табид̇а’’нд̇и (ган̇каа. адта. ажжзгажийварасигкаабад̣̇аван̣н̣анаа) ликанд̇и, д̇ам̣ бамаад̣̇аликид̇ам̣ ‘‘бавааран̣амаасасса ж̇ун̣хабагкабан̃жамид̇о бадтааяа уббаннасса жийварасса нид̇хаанагаало д̣̇ассид̇о ход̇ий’’д̇и (ган̇каа. адта. ажжзгажийварасигкаабад̣̇аван̣н̣анаа) вуд̇д̇ад̇д̇аа. имамзва жа бамаад̣̇аликид̇ам̣ г̇ахзд̇ваа бхад̣̇анд̇аб̣уд̣̇д̇хад̣̇ад̇д̇аажариязна жа ‘‘барихаарзгамаасова, д̣̇асаахабарамо мад̇о’’д̇иаад̣̇и вуд̇д̇анд̇и г̇ахзд̇аб̣б̣ам̣.
650. Idāni paṭhamakathinādisikkhāpadehi tassa tassa cīvarassa labbhamānaṃ parihāraṃ idheva ekato sampiṇḍetvā dassento ‘‘atirekacīvarassā’’tiādimāha. ‘‘Anatthate kathine ekādasadivasādhiko māso, atthate kathine ekādasadivasādhikā pañca māsā’’ti ayameva pāṭho pāḷiyā sameti. Keci pana ‘‘dasadivasādhiko māso, dasadivasādhikā pañca māsāti pāṭhena bhavitabba’’nti vadanti, taṃ na yuttaṃ, aññathā ‘‘navāhānāgata’’nti vattabbato. Yaṃ panettha mātikāṭṭhakathāyañca ‘‘kāmañcesa ‘dasāhaparamaṃ atirekacīvaraṃ dhāretabba’nti imināva siddho, aṭṭhuppattivasena pana apubbaṃ viya atthaṃ dassetvā sikkhāpadaṃ ṭhapita’’nti (kaṅkhā. aṭṭha. accekacīvarasikkhāpadavaṇṇanā) likhanti, taṃ pamādalikhitaṃ ‘‘pavāraṇamāsassa juṇhapakkhapañcamito paṭṭhāya uppannassa cīvarassa nidhānakālo dassito hotī’’ti (kaṅkhā. aṭṭha. accekacīvarasikkhāpadavaṇṇanā) vuttattā. Imameva ca pamādalikhitaṃ gahetvā bhadantabuddhadattācariyena ca ‘‘parihārekamāsova, dasāhaparamo mato’’tiādi vuttanti gahetabbaṃ.
ажжзгажийварасад̣̇исз ан̃н̃асминд̇и буб̣б̣з ад̇хидтид̇з уббаннагаалаагаараад̣̇и саад̣̇исзна ажжзгажийварасад̣̇исз ан̃н̃асмим̣ жийварз ажжзгажийварасан̃н̃ааяа жийварагаалам̣ ад̇иггамзд̇ийд̇и ад̇т̇о. д̇знзвзд̇т̇а д̣̇уггадам̣, анаабад̇д̇и жа вуд̇д̇аа, ид̇арат̇аа д̇ийсуби бад̣̇зсу баажид̇д̇ияассзва вад̇д̇аб̣б̣ад̇о. анажжзгажийварамби хи жийварагаалам̣ ад̇иггамаяад̇о баажид̇д̇ияамзва ажжзгажийварад̇д̇игз вияаад̇и д̣̇адтаб̣б̣ам̣. вигаббанубаг̇абажчимаббамаан̣асса ажжзгажийварасса ад̇д̇ано санд̇агад̇аа , д̣̇асаахаанааг̇ад̇ааяа гад̇д̇игад̇змаасибун̣н̣амааяа уббаннабхааво, анад̇хидтид̇аавигаббид̇ад̇аа, жийварагаалаад̇иггамод̇и имаанзд̇т̇а жад̇д̇аари ан̇г̇аани.
Accekacīvarasadise aññasminti pubbe adhiṭṭhite uppannakālākārādi sādisena accekacīvarasadise aññasmiṃ cīvare accekacīvarasaññāya cīvarakālaṃ atikkametīti attho. Tenevettha dukkaṭaṃ, anāpatti ca vuttā, itarathā tīsupi padesu pācittiyasseva vattabbato. Anaccekacīvarampi hi cīvarakālaṃ atikkamayato pācittiyameva accekacīvarattike viyāti daṭṭhabbaṃ. Vikappanupagapacchimappamāṇassa accekacīvarassa attano santakatā , dasāhānāgatāya kattikatemāsipuṇṇamāya uppannabhāvo, anadhiṭṭhitaavikappitatā, cīvarakālātikkamoti imānettha cattāri aṅgāni.
ажжзгажийварасигкаабад̣̇аван̣н̣анаа нидтид̇аа.
Accekacīvarasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 8. ажжзгажийварасигкаабад̣̇ам̣ • 8. Accekacīvarasikkhāpadaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 8. ажжзгажийварасигкаабад̣̇аван̣н̣анаа • 8. Accekacīvarasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 8. ажжзгажийварасигкаабад̣̇аван̣н̣анаа • 8. Accekacīvarasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 8. ажжзгажийварасигкаабад̣̇аван̣н̣анаа • 8. Accekacīvarasikkhāpadavaṇṇanā
