| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
4. அச்செந்திஸுத்தவண்ணனா
4. Accentisuttavaṇṇanā
4. சதுத்தே² அச்செந்தீதி அதிக்கமந்தி. காலாதி புரேப⁴த்தாத³யோ காலா. தரயந்தி ரத்தியோதி ரத்தியோ அதிக்கமமானா புக்³க³லங் மரணூபக³மனாய தரயந்தி ஸீக⁴ங் ஸீக⁴ங் க³மயந்தி. வயோகு³ணாதி பட²மமஜ்ஜி²மபச்சி²மவயானங் கு³ணா, ராஸயோதி அத்தோ². ‘‘அனுஜானாமி, பி⁴க்க²வே, அஹதானங் வத்தா²னங் தி³கு³ணங் ஸங்கா⁴டி’’ந்தி (மஹாவ॰ 348) எத்த² ஹி படலட்டோ² கு³ணட்டோ². ‘‘ஸதகு³ணா த³க்கி²ணா பாடிகங்கி²தப்³பா³’’தி (ம॰ நி॰ 3.379) எத்த² ஆனிஸங்ஸட்டோ². ‘‘அந்தங் அந்தகு³ண’’ந்தி எத்த² கொட்டா²ஸட்டோ². ‘‘கயிரா மாலாகு³ணே ப³ஹூ’’தி (த⁴॰ ப॰ 53) எத்த² ராஸட்டோ². ‘‘பஞ்ச காமகு³ணா’’தி எத்த² ப³ந்த⁴னட்டோ². இத⁴ பன ராஸட்டோ² கு³ணட்டோ². தஸ்மா வயோகு³ணாதி வயோராஸயோ வேதி³தப்³பா³. அனுபுப்³ப³ங் ஜஹந்தீதி அனுபடிபாடியா புக்³க³லங் ஜஹந்தி. மஜ்ஜி²மவயே டி²தங் ஹி பட²மவயோ ஜஹதி, பச்சி²மவயே டி²தங் த்³வே பட²மமஜ்ஜி²மா ஜஹந்தி, மரணக்க²ணே பன தயோபி வயா ஜஹந்தேவ. ஏதங் ப⁴யந்தி ஏதங் காலானங் அதிக்கமனங், ரத்திதி³வானங் தரிதபா⁴வோ, வயோகு³ணானங் ஜஹனபா⁴வோதி திவித⁴ங் ப⁴யங். ஸேஸங் புரிமஸதி³ஸமேவாதி.
4. Catutthe accentīti atikkamanti. Kālāti purebhattādayo kālā. Tarayanti rattiyoti rattiyo atikkamamānā puggalaṃ maraṇūpagamanāya tarayanti sīghaṃ sīghaṃ gamayanti. Vayoguṇāti paṭhamamajjhimapacchimavayānaṃ guṇā, rāsayoti attho. ‘‘Anujānāmi, bhikkhave, ahatānaṃ vatthānaṃ diguṇaṃ saṅghāṭi’’nti (mahāva. 348) ettha hi paṭalaṭṭho guṇaṭṭho. ‘‘Sataguṇā dakkhiṇā pāṭikaṅkhitabbā’’ti (ma. ni. 3.379) ettha ānisaṃsaṭṭho. ‘‘Antaṃ antaguṇa’’nti ettha koṭṭhāsaṭṭho. ‘‘Kayirā mālāguṇe bahū’’ti (dha. pa. 53) ettha rāsaṭṭho. ‘‘Pañca kāmaguṇā’’ti ettha bandhanaṭṭho. Idha pana rāsaṭṭho guṇaṭṭho. Tasmā vayoguṇāti vayorāsayo veditabbā. Anupubbaṃjahantīti anupaṭipāṭiyā puggalaṃ jahanti. Majjhimavaye ṭhitaṃ hi paṭhamavayo jahati, pacchimavaye ṭhitaṃ dve paṭhamamajjhimā jahanti, maraṇakkhaṇe pana tayopi vayā jahanteva. Etaṃ bhayanti etaṃ kālānaṃ atikkamanaṃ, rattidivānaṃ taritabhāvo, vayoguṇānaṃ jahanabhāvoti tividhaṃ bhayaṃ. Sesaṃ purimasadisamevāti.
அச்செந்திஸுத்தவண்ணனா நிட்டி²தா.
Accentisuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 4. அச்செந்திஸுத்தங் • 4. Accentisuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 4. அச்செந்திஸுத்தவண்ணனா • 4. Accentisuttavaṇṇanā
