| Library / Tipiṭaka / তিপিটক • Tipiṭaka / সংযুত্তনিকায (অট্ঠকথা) • Saṃyuttanikāya (aṭṭhakathā) |
৪. অচ্চেন্তিসুত্তৰণ্ণনা
4. Accentisuttavaṇṇanā
৪. চতুত্থে অচ্চেন্তীতি অতিক্কমন্তি। কালাতি পুরেভত্তাদযো কালা। তরযন্তি রত্তিযোতি রত্তিযো অতিক্কমমানা পুগ্গলং মরণূপগমনায তরযন্তি সীঘং সীঘং গমযন্তি। ৰযোগুণাতি পঠমমজ্ঝিমপচ্ছিমৰযানং গুণা, রাসযোতি অত্থো। ‘‘অনুজানামি, ভিক্খৰে, অহতানং ৰত্থানং দিগুণং সঙ্ঘাটি’’ন্তি (মহাৰ॰ ৩৪৮) এত্থ হি পটলট্ঠো গুণট্ঠো। ‘‘সতগুণা দক্খিণা পাটিকঙ্খিতব্বা’’তি (ম॰ নি॰ ৩.৩৭৯) এত্থ আনিসংসট্ঠো। ‘‘অন্তং অন্তগুণ’’ন্তি এত্থ কোট্ঠাসট্ঠো। ‘‘কযিরা মালাগুণে বহূ’’তি (ধ॰ প॰ ৫৩) এত্থ রাসট্ঠো। ‘‘পঞ্চ কামগুণা’’তি এত্থ বন্ধনট্ঠো। ইধ পন রাসট্ঠো গুণট্ঠো। তস্মা ৰযোগুণাতি ৰযোরাসযো ৰেদিতব্বা। অনুপুব্বং জহন্তীতি অনুপটিপাটিযা পুগ্গলং জহন্তি। মজ্ঝিমৰযে ঠিতং হি পঠমৰযো জহতি, পচ্ছিমৰযে ঠিতং দ্ৰে পঠমমজ্ঝিমা জহন্তি, মরণক্খণে পন তযোপি ৰযা জহন্তেৰ। এতং ভযন্তি এতং কালানং অতিক্কমনং, রত্তিদিৰানং তরিতভাৰো, ৰযোগুণানং জহনভাৰোতি তিৰিধং ভযং। সেসং পুরিমসদিসমেৰাতি।
4. Catutthe accentīti atikkamanti. Kālāti purebhattādayo kālā. Tarayanti rattiyoti rattiyo atikkamamānā puggalaṃ maraṇūpagamanāya tarayanti sīghaṃ sīghaṃ gamayanti. Vayoguṇāti paṭhamamajjhimapacchimavayānaṃ guṇā, rāsayoti attho. ‘‘Anujānāmi, bhikkhave, ahatānaṃ vatthānaṃ diguṇaṃ saṅghāṭi’’nti (mahāva. 348) ettha hi paṭalaṭṭho guṇaṭṭho. ‘‘Sataguṇā dakkhiṇā pāṭikaṅkhitabbā’’ti (ma. ni. 3.379) ettha ānisaṃsaṭṭho. ‘‘Antaṃ antaguṇa’’nti ettha koṭṭhāsaṭṭho. ‘‘Kayirā mālāguṇe bahū’’ti (dha. pa. 53) ettha rāsaṭṭho. ‘‘Pañca kāmaguṇā’’ti ettha bandhanaṭṭho. Idha pana rāsaṭṭho guṇaṭṭho. Tasmā vayoguṇāti vayorāsayo veditabbā. Anupubbaṃjahantīti anupaṭipāṭiyā puggalaṃ jahanti. Majjhimavaye ṭhitaṃ hi paṭhamavayo jahati, pacchimavaye ṭhitaṃ dve paṭhamamajjhimā jahanti, maraṇakkhaṇe pana tayopi vayā jahanteva. Etaṃ bhayanti etaṃ kālānaṃ atikkamanaṃ, rattidivānaṃ taritabhāvo, vayoguṇānaṃ jahanabhāvoti tividhaṃ bhayaṃ. Sesaṃ purimasadisamevāti.
অচ্চেন্তিসুত্তৰণ্ণনা নিট্ঠিতা।
Accentisuttavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ৪. অচ্চেন্তিসুত্তং • 4. Accentisuttaṃ
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ৪. অচ্চেন্তিসুত্তৰণ্ণনা • 4. Accentisuttavaṇṇanā
