| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
4. ажжзнд̇исуд̇д̇аван̣н̣анаа
4. Accentisuttavaṇṇanā
4. гаалаяанд̇и кзбзнд̇ийд̇и гаалаа. бурзбхад̇д̇аад̣̇аяо хи гаалаа д̇хаммаббавад̇д̇имад̇д̇ад̇ааяа барамад̇т̇ад̇о авиж̇ж̇амаанааби логасан̇гзд̇амад̇д̇асид̣̇д̇хаа д̇ассааязва д̇хаммаббавад̇д̇ияаа г̇ад̇аг̇ад̇ааяа анивад̇д̇анад̇о д̇ам̣ д̇ам̣ д̇хаммаббавад̇д̇им̣ кзбзнд̇аа винаасаяанд̇аа вияа саяан̃жа д̇аахи сад̣̇д̇хим̣ ажжзнд̇аа вияа хонд̇и. д̇знааха – ‘‘гаало гхасад̇и бхууд̇аани, саб̣б̣аанзва сахад̇д̇анаа’’д̇и (ж̇аа. 1.2.190). ‘‘д̇араяанд̇и рад̇д̇ияо’’д̇и зд̇т̇ааби вуд̇д̇анаязнзва ад̇т̇о взд̣̇ид̇аб̣б̣о. ‘‘зд̇ам̣ бхаяам̣ маран̣з бзгкамаано’’д̇и вужжамаанад̇д̇аа буг̇г̇алам̣ маран̣уубаг̇аманааяа д̇араяанд̇ийд̇и ад̇т̇о вуд̇д̇о. ваяог̇ун̣аад̇и зд̇т̇а годтаасаа г̇ун̣аа. д̇ид̇т̇ияаанам̣ хи жаримажид̇д̇зна сагалажид̇д̇з ваяасамуухз ваяасаман̃н̃аад̇и ааха – ‘‘батамамаж̇жхимабажчимаваяаанам̣ г̇ун̣аа, раасаяод̇и ад̇т̇о’’д̇и. аанисам̣садто г̇ун̣адто ‘‘ваагажирам̣ ниваасзсим̣, д̣̇ваад̣̇асаг̇ун̣амубааг̇ад̇а’’нд̇иаад̣̇ийсу (б̣у. вам̣. 2.30) вияа. ‘‘д̇анд̣̇иг̇ун̣аахам̣ гариссаами, д̣̇иг̇ун̣ам̣ д̣̇иг̇ун̣ам̣ вад̣̇д̇хзяяаа’’д̇и жа звамаад̣̇ийсу бана д̇аб̣бхаававуд̇д̇иад̇т̇о г̇ун̣адто.
4. Kālayanti khepentīti kālā. Purebhattādayo hi kālā dhammappavattimattatāya paramatthato avijjamānāpi lokasaṅketamattasiddhā tassāyeva dhammappavattiyā gatagatāya anivattanato taṃ taṃ dhammappavattiṃ khepentā vināsayantā viya sayañca tāhi saddhiṃ accentā viya honti. Tenāha – ‘‘kālo ghasati bhūtāni, sabbāneva sahattanā’’ti (jā. 1.2.190). ‘‘Tarayanti rattiyo’’ti etthāpi vuttanayeneva attho veditabbo. ‘‘Etaṃ bhayaṃ maraṇe pekkhamāno’’ti vuccamānattā puggalaṃ maraṇūpagamanāya tarayantīti attho vutto. Vayoguṇāti ettha koṭṭhāsā guṇā. Titthiyānaṃ hi carimacittena sakalacitte vayasamūhe vayasamaññāti āha – ‘‘paṭhamamajjhimapacchimavayānaṃ guṇā, rāsayoti attho’’ti. Ānisaṃsaṭṭho guṇaṭṭho ‘‘vākaciraṃ nivāsesiṃ, dvādasaguṇamupāgata’’ntiādīsu (bu. vaṃ. 2.30) viya. ‘‘Tandiguṇāhaṃ karissāmi, diguṇaṃ diguṇaṃ vaddheyyā’’ti ca evamādīsu pana tabbhāvavuttiattho guṇaṭṭho.
‘‘асан̇кязяяаани наамаани, саг̇ун̣зна махзсино;
‘‘Asaṅkhyeyyāni nāmāni, saguṇena mahesino;
г̇ун̣зна наамамуд̣̇д̇хзяяам̣, аби наама сахассад̇о’’д̇и. (д̇ха. са. адта. 1313; уд̣̇аа. 53; бади. ма. адта. 1.1.76) –
Guṇena nāmamuddheyyaṃ, api nāma sahassato’’ti. (dha. sa. aṭṭha. 1313; udā. 53; paṭi. ma. aṭṭha. 1.1.76) –
аад̣̇ийсу басам̣садто г̇ун̣адто д̣̇адтаб̣б̣о. ‘‘ваяог̇ун̣аа анубуб̣б̣ам̣ ж̇аханд̇ий’’д̇и зд̇т̇а ад̇т̇о ‘‘ажжзнд̇и гаалаа’’д̇и зд̇т̇а вуд̇д̇анаяо зва. батамамаж̇жхимаваяаад̇и батамаг̇г̇ахан̣ан̃жзд̇т̇а ваяасса г̇ад̇асса абунараавад̇д̇ид̣̇ассанад̇т̇ам̣ гад̇ам̣. д̇знзвааха – ‘‘маран̣агкан̣з бана д̇аяоби ваяаа ж̇аханд̇зваа’’д̇и.
Ādīsu pasaṃsaṭṭho guṇaṭṭho daṭṭhabbo. ‘‘Vayoguṇā anupubbaṃ jahantī’’ti ettha attho ‘‘accenti kālā’’ti ettha vuttanayo eva. Paṭhamamajjhimavayāti paṭhamaggahaṇañcettha vayassa gatassa apunarāvattidassanatthaṃ kataṃ. Tenevāha – ‘‘maraṇakkhaṇe pana tayopi vayā jahantevā’’ti.
зд̇т̇а жа баал̣ияам̣ ‘‘ажжзнд̇и гаалаа’’д̇и сааман̃н̃ад̇о гааласса абаг̇аманам̣ д̣̇ассид̇ам̣, буна д̇ам̣ висзсад̇оби д̣̇ассзд̇ум̣ ид̇арад̣̇ваяам̣ вуд̇д̇ам̣. адтагат̇ааяам̣ бана муд̣̇инд̣̇рияасса васзна ‘‘ваяог̇ун̣аа анубуб̣б̣ам̣ ж̇аханд̇ий’’д̇и вуд̇д̇ам̣, маж̇жхиминд̣̇рияасса васзна ‘‘д̇араяанд̇и рад̇д̇ияо’’д̇и вуд̇д̇анд̇и ад̇хиббааязна ‘‘гаалаад̇и бурзбхад̇д̇аад̣̇аяо гаалаа’’д̇и вуд̇д̇ам̣. д̇асмаа д̇ад̇т̇а аад̣̇и-сад̣̇д̣̇зна бажчаабхад̇д̇абатамаяаама-мухуд̇д̇агаалаад̣̇и-гаалагодтаасо зва ан̣убабхзд̣̇о гаалавибхааг̇о г̇ахид̇од̇и взд̣̇ид̇аб̣б̣о. сзсанд̇и ид̇ха д̣̇вийсу г̇аат̇аасу бажчимад̣̇д̇хо. со хи ид̇ха ад̇т̇ад̇о ад̇хиг̇ад̇ад̇д̇аа ананд̇арасуд̇д̇з жа вуд̇д̇ад̇д̇аа ад̇ид̣̇исид̇о.
Ettha ca pāḷiyaṃ ‘‘accenti kālā’’ti sāmaññato kālassa apagamanaṃ dassitaṃ, puna taṃ visesatopi dassetuṃ itaradvayaṃ vuttaṃ. Aṭṭhakathāyaṃ pana mudindriyassa vasena ‘‘vayoguṇā anupubbaṃ jahantī’’ti vuttaṃ, majjhimindriyassa vasena ‘‘tarayanti rattiyo’’ti vuttanti adhippāyena ‘‘kālāti purebhattādayo kālā’’ti vuttaṃ. Tasmā tattha ādi-saddena pacchābhattapaṭhamayāma-muhuttakālādi-kālakoṭṭhāso eva aṇupabhedo kālavibhāgo gahitoti veditabbo. Sesanti idha dvīsu gāthāsu pacchimaddho. So hi idha atthato adhigatattā anantarasutte ca vuttattā atidisito.
ажжзнд̇исуд̇д̇аван̣н̣анаа нидтид̇аа.
Accentisuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 4. ажжзнд̇исуд̇д̇ам̣ • 4. Accentisuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 4. ажжзнд̇исуд̇д̇аван̣н̣анаа • 4. Accentisuttavaṇṇanā
