| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੪. ਅਚ੍ਚੇਨ੍ਤਿਸੁਤ੍ਤવਣ੍ਣਨਾ
4. Accentisuttavaṇṇanā
੪. ਚਤੁਤ੍ਥੇ ਅਚ੍ਚੇਨ੍ਤੀਤਿ ਅਤਿਕ੍ਕਮਨ੍ਤਿ। ਕਾਲਾਤਿ ਪੁਰੇਭਤ੍ਤਾਦਯੋ ਕਾਲਾ। ਤਰਯਨ੍ਤਿ ਰਤ੍ਤਿਯੋਤਿ ਰਤ੍ਤਿਯੋ ਅਤਿਕ੍ਕਮਮਾਨਾ ਪੁਗ੍ਗਲਂ ਮਰਣੂਪਗਮਨਾਯ ਤਰਯਨ੍ਤਿ ਸੀਘਂ ਸੀਘਂ ਗਮਯਨ੍ਤਿ। વਯੋਗੁਣਾਤਿ ਪਠਮਮਜ੍ਝਿਮਪਚ੍ਛਿਮવਯਾਨਂ ਗੁਣਾ, ਰਾਸਯੋਤਿ ਅਤ੍ਥੋ। ‘‘ਅਨੁਜਾਨਾਮਿ, ਭਿਕ੍ਖવੇ, ਅਹਤਾਨਂ વਤ੍ਥਾਨਂ ਦਿਗੁਣਂ ਸਙ੍ਘਾਟਿ’’ਨ੍ਤਿ (ਮਹਾવ॰ ੩੪੮) ਏਤ੍ਥ ਹਿ ਪਟਲਟ੍ਠੋ ਗੁਣਟ੍ਠੋ। ‘‘ਸਤਗੁਣਾ ਦਕ੍ਖਿਣਾ ਪਾਟਿਕਙ੍ਖਿਤਬ੍ਬਾ’’ਤਿ (ਮ॰ ਨਿ॰ ੩.੩੭੯) ਏਤ੍ਥ ਆਨਿਸਂਸਟ੍ਠੋ। ‘‘ਅਨ੍ਤਂ ਅਨ੍ਤਗੁਣ’’ਨ੍ਤਿ ਏਤ੍ਥ ਕੋਟ੍ਠਾਸਟ੍ਠੋ। ‘‘ਕਯਿਰਾ ਮਾਲਾਗੁਣੇ ਬਹੂ’’ਤਿ (ਧ॰ ਪ॰ ੫੩) ਏਤ੍ਥ ਰਾਸਟ੍ਠੋ। ‘‘ਪਞ੍ਚ ਕਾਮਗੁਣਾ’’ਤਿ ਏਤ੍ਥ ਬਨ੍ਧਨਟ੍ਠੋ। ਇਧ ਪਨ ਰਾਸਟ੍ਠੋ ਗੁਣਟ੍ਠੋ। ਤਸ੍ਮਾ વਯੋਗੁਣਾਤਿ વਯੋਰਾਸਯੋ વੇਦਿਤਬ੍ਬਾ। ਅਨੁਪੁਬ੍ਬਂ ਜਹਨ੍ਤੀਤਿ ਅਨੁਪਟਿਪਾਟਿਯਾ ਪੁਗ੍ਗਲਂ ਜਹਨ੍ਤਿ। ਮਜ੍ਝਿਮવਯੇ ਠਿਤਂ ਹਿ ਪਠਮવਯੋ ਜਹਤਿ, ਪਚ੍ਛਿਮવਯੇ ਠਿਤਂ ਦ੍વੇ ਪਠਮਮਜ੍ਝਿਮਾ ਜਹਨ੍ਤਿ, ਮਰਣਕ੍ਖਣੇ ਪਨ ਤਯੋਪਿ વਯਾ ਜਹਨ੍ਤੇવ। ਏਤਂ ਭਯਨ੍ਤਿ ਏਤਂ ਕਾਲਾਨਂ ਅਤਿਕ੍ਕਮਨਂ, ਰਤ੍ਤਿਦਿવਾਨਂ ਤਰਿਤਭਾવੋ, વਯੋਗੁਣਾਨਂ ਜਹਨਭਾવੋਤਿ ਤਿવਿਧਂ ਭਯਂ। ਸੇਸਂ ਪੁਰਿਮਸਦਿਸਮੇવਾਤਿ।
4. Catutthe accentīti atikkamanti. Kālāti purebhattādayo kālā. Tarayanti rattiyoti rattiyo atikkamamānā puggalaṃ maraṇūpagamanāya tarayanti sīghaṃ sīghaṃ gamayanti. Vayoguṇāti paṭhamamajjhimapacchimavayānaṃ guṇā, rāsayoti attho. ‘‘Anujānāmi, bhikkhave, ahatānaṃ vatthānaṃ diguṇaṃ saṅghāṭi’’nti (mahāva. 348) ettha hi paṭalaṭṭho guṇaṭṭho. ‘‘Sataguṇā dakkhiṇā pāṭikaṅkhitabbā’’ti (ma. ni. 3.379) ettha ānisaṃsaṭṭho. ‘‘Antaṃ antaguṇa’’nti ettha koṭṭhāsaṭṭho. ‘‘Kayirā mālāguṇe bahū’’ti (dha. pa. 53) ettha rāsaṭṭho. ‘‘Pañca kāmaguṇā’’ti ettha bandhanaṭṭho. Idha pana rāsaṭṭho guṇaṭṭho. Tasmā vayoguṇāti vayorāsayo veditabbā. Anupubbaṃjahantīti anupaṭipāṭiyā puggalaṃ jahanti. Majjhimavaye ṭhitaṃ hi paṭhamavayo jahati, pacchimavaye ṭhitaṃ dve paṭhamamajjhimā jahanti, maraṇakkhaṇe pana tayopi vayā jahanteva. Etaṃ bhayanti etaṃ kālānaṃ atikkamanaṃ, rattidivānaṃ taritabhāvo, vayoguṇānaṃ jahanabhāvoti tividhaṃ bhayaṃ. Sesaṃ purimasadisamevāti.
ਅਚ੍ਚੇਨ੍ਤਿਸੁਤ੍ਤવਣ੍ਣਨਾ ਨਿਟ੍ਠਿਤਾ।
Accentisuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੪. ਅਚ੍ਚੇਨ੍ਤਿਸੁਤ੍ਤਂ • 4. Accentisuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੪. ਅਚ੍ਚੇਨ੍ਤਿਸੁਤ੍ਤવਣ੍ਣਨਾ • 4. Accentisuttavaṇṇanā
