| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
6. ажчараасан̇гхаад̇аваг̇г̇аван̣н̣анаа
6. Accharāsaṅghātavaggavaṇṇanā
51. чадтасса батамз д̇ам̣ ассуд̇аваа бут̇уж̇ж̇анод̇и д̇ам̣ бхаван̇г̇ажид̇д̇ам̣ суд̇авирахид̇о бут̇уж̇ж̇ано. д̇ад̇т̇а ааг̇амаад̇хиг̇амаабхааваа н̃зяяо ассуд̇аваа ид̇и. яо хи ид̣̇ам̣ суд̇д̇ам̣ аад̣̇ид̇о бадтааяа ад̇т̇авасзна убабаригканд̇о ‘‘ид̣̇ам̣ бхаван̇г̇ажид̇д̇ам̣ наама багад̇ибарисуд̣̇д̇хамби ж̇аванагкан̣з уббаннзхи лобхаад̣̇ийхи убаггилзсзхи убаггилидта’’нд̇и нзва ааг̇амавасзна на ад̇хиг̇амавасзна ж̇аанаад̇и, яасса жа канд̇хад̇хаад̇уааяад̇анабажжаяаагаарасад̇ибадтаанаад̣̇ийсу уг̇г̇ахабарибужчаавинижчаяавирахид̇ад̇д̇аа яат̇аабхууд̇ан̃аан̣абадивзд̇хасаад̇хаго нзва ааг̇амо, бадибад̇д̇ияаа ад̇хиг̇анд̇аб̣б̣асса анад̇хиг̇ад̇ад̇д̇аа на ад̇хиг̇амо ад̇т̇и. со ааг̇амаад̇хиг̇амаабхааваа н̃зяяо ассуд̇аваа ид̇и. свааяам̣ –
51. Chaṭṭhassa paṭhame taṃ assutavā puthujjanoti taṃ bhavaṅgacittaṃ sutavirahito puthujjano. Tattha āgamādhigamābhāvā ñeyyo assutavā iti. Yo hi idaṃ suttaṃ ādito paṭṭhāya atthavasena upaparikkhanto ‘‘idaṃ bhavaṅgacittaṃ nāma pakatiparisuddhampi javanakkhaṇe uppannehi lobhādīhi upakkilesehi upakkiliṭṭha’’nti neva āgamavasena na adhigamavasena jānāti, yassa ca khandhadhātuāyatanapaccayākārasatipaṭṭhānādīsu uggahaparipucchāvinicchayavirahitattā yathābhūtañāṇapaṭivedhasādhako neva āgamo, paṭipattiyā adhigantabbassa anadhigatattā na adhigamo atthi. So āgamādhigamābhāvā ñeyyo assutavā iti. Svāyaṃ –
‘‘бут̇уунам̣ ж̇ананаад̣̇ийхи, гааран̣зхи бут̇уж̇ж̇ано;
‘‘Puthūnaṃ jananādīhi, kāraṇehi puthujjano;
бут̇уж̇ж̇ананд̇ог̇ад̇хад̇д̇аа, бут̇увааяам̣ ж̇ано ид̇и’’.
Puthujjanantogadhattā, puthuvāyaṃ jano iti’’.
со хи бут̇уунам̣ наанаббагаараанам̣ гилзсаад̣̇ийнам̣ ж̇ананаад̣̇ийхи гааран̣зхи бут̇уж̇ж̇ано. яат̇ааха –
So hi puthūnaṃ nānappakārānaṃ kilesādīnaṃ jananādīhi kāraṇehi puthujjano. Yathāha –
‘‘бут̇у гилзсз ж̇анзнд̇ийд̇и бут̇уж̇ж̇анаа, бут̇у авихад̇асаггааяад̣̇идтигаад̇и бут̇уж̇ж̇анаа, бут̇у сад̇т̇аараанам̣ мукуллогигаад̇и бут̇уж̇ж̇анаа, бут̇у саб̣б̣аг̇ад̇ийхи авудтид̇аад̇и бут̇уж̇ж̇анаа, бут̇у наанаабхисан̇каарз абхисан̇каронд̇ийд̇и бут̇уж̇ж̇анаа, бут̇у наанааогхзхи вуяханд̇ийд̇и бут̇уж̇ж̇анаа, бут̇у наанаасанд̇аабзхи санд̇аббанд̇ийд̇и бут̇уж̇ж̇анаа, бут̇у наанаабарил̣аахзхи барид̣аяханд̇ийд̇и бут̇уж̇ж̇анаа, бут̇у бан̃жасу гаамаг̇ун̣зсу рад̇д̇аа г̇ид̣̇д̇хаа г̇ад̇хид̇аа мужчид̇аа аж̇жхобаннаа лаг̇г̇аа лаг̇г̇ид̇аа балиб̣уд̣̇д̇хаад̇и бут̇уж̇ж̇анаа, бут̇у бан̃жахи нийваран̣зхи аавуд̇аа нивуд̇аа овуд̇аа бихид̇аа бадижчаннаа бадигуж̇ж̇ид̇аад̇и бут̇уж̇ж̇анаа’’д̇и (махаани. 51, 94).
‘‘Puthu kilese janentīti puthujjanā, puthu avihatasakkāyadiṭṭhikāti puthujjanā, puthu satthārānaṃ mukhullokikāti puthujjanā, puthu sabbagatīhi avuṭṭhitāti puthujjanā, puthu nānābhisaṅkhāre abhisaṅkharontīti puthujjanā, puthu nānāoghehi vuyhantīti puthujjanā, puthu nānāsantāpehi santappantīti puthujjanā, puthu nānāpariḷāhehi pariḍayhantīti puthujjanā, puthu pañcasu kāmaguṇesu rattā giddhā gadhitā mucchitā ajjhopannā laggā laggitā palibuddhāti puthujjanā, puthu pañcahi nīvaraṇehi āvutā nivutā ovutā pihitā paṭicchannā paṭikujjitāti puthujjanā’’ti (mahāni. 51, 94).
бут̇уунам̣ ваа г̇ан̣анабат̇амад̇ийд̇аанам̣ арияад̇хаммабараммукаанам̣ нийжад̇хаммасамаажаараанам̣ ж̇анаанам̣ анд̇ог̇ад̇хад̇д̇ааби бут̇уж̇ж̇ано, бут̇у ваа аяам̣ висум̣язва сан̇кам̣ г̇ад̇о, висам̣садто сийласуд̇аад̣̇иг̇ун̣аяуд̇д̇зхи ариязхи ж̇анод̇и бут̇уж̇ж̇ано. звамзд̇зхи ‘‘ассуд̇аваа бут̇уж̇ж̇ано’’д̇и д̣̇вийхи бад̣̇зхи яз д̇з –
Puthūnaṃ vā gaṇanapathamatītānaṃ ariyadhammaparammukhānaṃ nīcadhammasamācārānaṃ janānaṃ antogadhattāpi puthujjano, puthu vā ayaṃ visuṃyeva saṅkhaṃ gato, visaṃsaṭṭho sīlasutādiguṇayuttehi ariyehi janoti puthujjano. Evametehi ‘‘assutavā puthujjano’’ti dvīhi padehi ye te –
‘‘д̣̇увз бут̇уж̇ж̇анаа вуд̇д̇аа, б̣уд̣̇д̇хзнаад̣̇ижжаб̣анд̇хунаа;
‘‘Duve puthujjanā vuttā, buddhenādiccabandhunā;
анд̇хо бут̇уж̇ж̇ано зго, галяаан̣зго бут̇уж̇ж̇ано’’д̇и. –
Andho puthujjano eko, kalyāṇeko puthujjano’’ti. –
д̣̇вз бут̇уж̇ж̇анаа вуд̇д̇аа, д̇зсу анд̇хабут̇уж̇ж̇ано вуд̇д̇о ход̇ийд̇и взд̣̇ид̇аб̣б̣о.
Dve puthujjanā vuttā, tesu andhaputhujjano vutto hotīti veditabbo.
яат̇аабхууд̇ам̣ наббаж̇аанаад̇ийд̇и ‘‘ид̣̇ан̃жа бхаван̇г̇ажид̇д̇ам̣ звам̣ ааг̇анд̇угзхи убаггилзсзхи убаггилидтам̣ наама ход̇и, звам̣ виббамуд̇д̇ам̣ наамаа’’д̇и яат̇аасабхаавад̇о на ж̇аанаад̇и. д̇асмаад̇и яасмаа на ж̇аанаад̇и, д̇асмаа. жид̇д̇абхааванаа над̇т̇ийд̇и жид̇д̇адтид̇и жид̇д̇абариг̇г̇ахо над̇т̇и, над̇т̇ибхаавзнзва ‘‘над̇т̇ий’’д̇и вад̣̇аамийд̇и д̣̇ассзд̇и.
Yathābhūtaṃ nappajānātīti ‘‘idañca bhavaṅgacittaṃ evaṃ āgantukehi upakkilesehi upakkiliṭṭhaṃ nāma hoti, evaṃ vippamuttaṃ nāmā’’ti yathāsabhāvato na jānāti. Tasmāti yasmā na jānāti, tasmā. Cittabhāvanā natthīti cittaṭṭhiti cittapariggaho natthi, natthibhāveneva ‘‘natthī’’ti vadāmīti dasseti.
52. д̣̇уд̇ияз суд̇аваад̇и суд̇асамбанно. вид̇т̇аарад̇о банзд̇т̇а ассуд̇аваад̇и бад̣̇асса бадибагкавасзна ад̇т̇о взд̣̇ид̇аб̣б̣о. арияасаавагод̇и ад̇т̇и арияо на сааваго, сзяяат̇ааби б̣уд̣̇д̇хаа жзва бажжзгаб̣уд̣̇д̇хаа жа; ад̇т̇и сааваго на арияо, сзяяат̇ааби г̇ихий анааг̇ад̇апало; ад̇т̇и нзва арияо на сааваго сзяяат̇ааби бут̇уд̇ид̇т̇ияаа. ад̇т̇и арияожзва сааваго жа, сзяяат̇ааби саман̣аа сагяабуд̇д̇ияаа ааг̇ад̇апалаа вин̃н̃аад̇асаасанаа. ид̇ха бана г̇ихий ваа ход̇у баб̣б̣аж̇ид̇о ваа, яо гожи суд̇аваад̇и зд̇т̇а вуд̇д̇асса ад̇т̇асса васзна суд̇асамбанно, аяам̣ арияасаавагод̇и взд̣̇ид̇аб̣б̣о. яат̇аабхууд̇ам̣ баж̇аанаад̇ийд̇и ‘‘звамид̣̇ам̣ бхаван̇г̇ажид̇д̇ам̣ ааг̇анд̇угзхи убаггилзсзхи виббамуд̇д̇ам̣ ход̇и, звам̣ убаггилидта’’нд̇и яат̇аасабхаавад̇о ж̇аанаад̇и. жид̇д̇абхааванаа ад̇т̇ийд̇и жид̇д̇адтид̇и жид̇д̇абариг̇г̇ахо ад̇т̇и, ад̇т̇ибхаавзнзва ‘‘ад̇т̇ий’’д̇и вад̣̇аамийд̇и д̣̇ассзд̇и. имасмим̣ суд̇д̇з б̣алававибассанаа гат̇ид̇аа. гзжи д̇арун̣авибассанаад̇и вад̣̇анд̇и.
52. Dutiye sutavāti sutasampanno. Vitthārato panettha assutavāti padassa paṭipakkhavasena attho veditabbo. Ariyasāvakoti atthi ariyo na sāvako, seyyathāpi buddhā ceva paccekabuddhā ca; atthi sāvako na ariyo, seyyathāpi gihī anāgataphalo; atthi neva ariyo na sāvako seyyathāpi puthutitthiyā. Atthi ariyoceva sāvako ca, seyyathāpi samaṇā sakyaputtiyā āgataphalā viññātasāsanā. Idha pana gihī vā hotu pabbajito vā, yo koci sutavāti ettha vuttassa atthassa vasena sutasampanno, ayaṃ ariyasāvakoti veditabbo. Yathābhūtaṃ pajānātīti ‘‘evamidaṃ bhavaṅgacittaṃ āgantukehi upakkilesehi vippamuttaṃ hoti, evaṃ upakkiliṭṭha’’nti yathāsabhāvato jānāti. Cittabhāvanā atthīti cittaṭṭhiti cittapariggaho atthi, atthibhāveneva ‘‘atthī’’ti vadāmīti dasseti. Imasmiṃ sutte balavavipassanā kathitā. Keci taruṇavipassanāti vadanti.
53. д̇ад̇ияам̣ адтуббад̇д̇ияам̣ гат̇ид̇ам̣. гад̇арааяам̣ бана адтуббад̇д̇ияам̣? аг̇г̇игканд̇хобамасуд̇д̇анд̇аадтуббад̇д̇ияам̣. бхаг̇аваа гира згасмим̣ самаяз саавад̇т̇им̣ убаниссааяа ж̇зд̇аванамахаавихаарз бадивасад̇и. б̣уд̣̇д̇хаанан̃жа яад̇т̇а гад̇т̇ажи бадивасанд̇аанам̣ бан̃жавид̇хам̣ гижжам̣ авиж̇ахид̇амзва ход̇и. бан̃жа хи б̣уд̣̇д̇хагижжаани – бурзбхад̇д̇агижжам̣, бажчаабхад̇д̇агижжам̣, буримаяаамагижжам̣, маж̇жхимаяаамагижжам̣, бажчимаяаамагижжанд̇и.
53. Tatiyaṃ aṭṭhuppattiyaṃ kathitaṃ. Katarāyaṃ pana aṭṭhuppattiyaṃ? Aggikkhandhopamasuttantaaṭṭhuppattiyaṃ. Bhagavā kira ekasmiṃ samaye sāvatthiṃ upanissāya jetavanamahāvihāre paṭivasati. Buddhānañca yattha katthaci paṭivasantānaṃ pañcavidhaṃ kiccaṃ avijahitameva hoti. Pañca hi buddhakiccāni – purebhattakiccaṃ, pacchābhattakiccaṃ, purimayāmakiccaṃ, majjhimayāmakiccaṃ, pacchimayāmakiccanti.
д̇ад̇рид̣̇ам̣ бурзбхад̇д̇агижжам̣ – бхаг̇аваа хи баад̇ова вудтааяа убадтаагаануг̇г̇ахад̇т̇ам̣ сарийрапаасугад̇т̇ан̃жа мукад̇хованаад̣̇исарийрабаригаммам̣ гад̇ваа яаава бхигкаажааравзлаа д̇аава вивид̇д̇аасанз вийд̇инаамзд̇ваа бхигкаажааравзлааяа ниваасзд̇ваа гааяаб̣анд̇ханам̣ б̣анд̇хид̇ваа жийварам̣ баарубид̇ваа бад̇д̇амаад̣̇ааяа гад̣̇аажи згагова, гад̣̇аажи бхигкусан̇гхабаривуд̇о г̇аамам̣ ваа ниг̇амам̣ ваа бин̣д̣ааяа бависад̇и гад̣̇аажи багад̇ияаа, гад̣̇аажи анзгзхи баадихаариязхи вад̇д̇амаанзхи. сзяяат̇ид̣̇ам̣ – бин̣д̣ааяа бависад̇о логанаат̇асса бурад̇о бурад̇о г̇анд̇ваа муд̣̇уг̇ад̇аваад̇аа бат̇авим̣ сод̇хзнд̇и, валаахагаа уд̣̇агапусид̇аани мун̃жанд̇аа маг̇г̇з рзн̣ум̣ вуубасамзд̇ваа убари вид̇аанам̣ худ̇ваа д̇идтанд̇и, абарз ваад̇аа бубпаани убасам̣харид̇ваа маг̇г̇з огиранд̇и, уннад̇аа бхуумиббад̣̇зсаа онаманд̇и, онад̇аа уннаманд̇и, баад̣̇анигкзбасамаяз самаава бхууми ход̇и, сукасампассаани бад̣̇умабубпаани ваа баад̣̇з самбадижчанд̇и. инд̣̇акийласса анд̇о табид̇амад̇д̇з д̣̇агкин̣абаад̣̇з сарийрад̇о чаб̣б̣ан̣н̣арасмияо нигкамид̇ваа суван̣н̣арасабин̃ж̇араани вияа жид̇рабадабаригкид̇д̇аани вияа жа баасаад̣̇агуудааг̇аараад̣̇ийни алан̇гаронд̇ияо ид̇о жид̇о жа д̇хааванд̇и, хад̇т̇иассавихан̇г̇аад̣̇аяо сагасагадтаанзсу тид̇ааязва мад̇хурзнаагаарзна сад̣̇д̣̇ам̣ гаронд̇и, д̇ат̇аа бхзривийн̣аад̣̇ийни д̇уурияаани мануссаанан̃жа гааяуубаг̇аани аабхаран̣аани. д̇зна сан̃н̃аан̣зна мануссаа ж̇аананд̇и ‘‘аж̇ж̇а бхаг̇аваа ид̇ха бин̣д̣ааяа бавидто’’д̇и. д̇з сунивад̇т̇аа субааруд̇аа г̇анд̇хабубпаад̣̇ийни аад̣̇ааяа гхараа нигкамид̇ваа анд̇аравийт̇им̣ бадибаж̇ж̇ид̇ваа бхаг̇аванд̇ам̣ г̇анд̇хабубпаад̣̇ийхи саггажжам̣ бууж̇зд̇ваа ванд̣̇ид̇ваа ‘‘амхаагам̣, бханд̇з, д̣̇аса бхигкуу, амхаагам̣ вийсад̇и, бан̃н̃аасам̣…бз… сад̇ам̣ д̣̇зт̇аа’’д̇и яаажид̇ваа бхаг̇авад̇оби бад̇д̇ам̣ г̇ахзд̇ваа аасанам̣ бан̃н̃аабзд̇ваа саггажжам̣ бин̣д̣абаад̇зна бадимаанзнд̇и. бхаг̇аваа гад̇абхад̇д̇агижжо д̇зсам̣ убаниссаяажид̇д̇асанд̇аанаани ологзд̇ваа д̇ат̇аа д̇хаммам̣ д̣̇зсзд̇и, яат̇аа гзжи саран̣аг̇аманзсу бад̇идтаханд̇и, гзжи бан̃жасу сийлзсу, гзжи сод̇аабад̇д̇исагад̣̇ааг̇аамианааг̇аамипалаанам̣ ан̃н̃ад̇арасмим̣, гзжи баб̣б̣аж̇ид̇ваа аг̇г̇апалз арахад̇д̇зд̇и. звам̣ махааж̇анам̣ ануг̇г̇ахзд̇ваа удтааяаасанаа вихаарам̣ г̇ажчад̇и. д̇ад̇т̇а г̇анд̇ваа г̇анд̇хаман̣д̣аламаал̣з бан̃н̃ад̇д̇авараб̣уд̣̇д̇хаасанз нисийд̣̇ад̇и бхигкуунам̣ бхад̇д̇агижжабарияосаанам̣ ааг̇амаяамаано. д̇ад̇о бхигкуунам̣ бхад̇д̇агижжабарияосаанз убадтааго бхаг̇авад̇о нивзд̣̇зд̇и. ат̇а бхаг̇аваа г̇анд̇хагудим̣ бависад̇и. ид̣̇ам̣ д̇аава бурзбхад̇д̇агижжам̣.
Tatridaṃ purebhattakiccaṃ – bhagavā hi pātova vuṭṭhāya upaṭṭhākānuggahatthaṃ sarīraphāsukatthañca mukhadhovanādisarīraparikammaṃ katvā yāva bhikkhācāravelā tāva vivittāsane vītināmetvā bhikkhācāravelāya nivāsetvā kāyabandhanaṃ bandhitvā cīvaraṃ pārupitvā pattamādāya kadāci ekakova, kadāci bhikkhusaṅghaparivuto gāmaṃ vā nigamaṃ vā piṇḍāya pavisati kadāci pakatiyā, kadāci anekehi pāṭihāriyehi vattamānehi. Seyyathidaṃ – piṇḍāya pavisato lokanāthassa purato purato gantvā mudugatavātā pathaviṃ sodhenti, valāhakā udakaphusitāni muñcantā magge reṇuṃ vūpasametvā upari vitānaṃ hutvā tiṭṭhanti, apare vātā pupphāni upasaṃharitvā magge okiranti, unnatā bhūmippadesā onamanti, onatā unnamanti, pādanikkhepasamaye samāva bhūmi hoti, sukhasamphassāni padumapupphāni vā pāde sampaṭicchanti. Indakhīlassa anto ṭhapitamatte dakkhiṇapāde sarīrato chabbaṇṇarasmiyo nikkhamitvā suvaṇṇarasapiñjarāni viya citrapaṭaparikkhittāni viya ca pāsādakūṭāgārādīni alaṅkarontiyo ito cito ca dhāvanti, hatthiassavihaṅgādayo sakasakaṭṭhānesu ṭhitāyeva madhurenākārena saddaṃ karonti, tathā bherivīṇādīni tūriyāni manussānañca kāyūpagāni ābharaṇāni. Tena saññāṇena manussā jānanti ‘‘ajja bhagavā idha piṇḍāya paviṭṭho’’ti. Te sunivatthā supārutā gandhapupphādīni ādāya gharā nikkhamitvā antaravīthiṃ paṭipajjitvā bhagavantaṃ gandhapupphādīhi sakkaccaṃ pūjetvā vanditvā ‘‘amhākaṃ, bhante, dasa bhikkhū, amhākaṃ vīsati, paññāsaṃ…pe… sataṃ dethā’’ti yācitvā bhagavatopi pattaṃ gahetvā āsanaṃ paññāpetvā sakkaccaṃ piṇḍapātena paṭimānenti. Bhagavā katabhattakicco tesaṃ upanissayacittasantānāni oloketvā tathā dhammaṃ deseti, yathā keci saraṇagamanesu patiṭṭhahanti, keci pañcasu sīlesu, keci sotāpattisakadāgāmianāgāmiphalānaṃ aññatarasmiṃ, keci pabbajitvā aggaphale arahatteti. Evaṃ mahājanaṃ anuggahetvā uṭṭhāyāsanā vihāraṃ gacchati. Tattha gantvā gandhamaṇḍalamāḷe paññattavarabuddhāsane nisīdati bhikkhūnaṃ bhattakiccapariyosānaṃ āgamayamāno. Tato bhikkhūnaṃ bhattakiccapariyosāne upaṭṭhāko bhagavato nivedeti. Atha bhagavā gandhakuṭiṃ pavisati. Idaṃ tāva purebhattakiccaṃ.
ат̇а бхаг̇аваа звам̣ гад̇абурзбхад̇д̇агижжо г̇анд̇хагудияаа убадтаанз нисийд̣̇ид̇ваа баад̣̇з багкаалзд̇ваа баад̣̇абийтз тад̇ваа бхигкусан̇гхам̣ овад̣̇ад̇и – ‘‘бхигкавз, аббамаад̣̇зна самбаад̣̇зт̇а, д̣̇уллабхо б̣уд̣̇д̇хуббаад̣̇о логасмим̣, д̣̇уллабхо мануссад̇д̇абадилаабхо, д̣̇уллабхаа кан̣асамбад̇д̇и, д̣̇уллабхаа баб̣б̣аж̇ж̇аа, д̣̇уллабхам̣ сад̣̇д̇хаммассавана’’нд̇и. д̇ад̇т̇а гзжи бхаг̇аванд̇ам̣ гаммадтаанам̣ бужчанд̇и. бхаг̇аваа д̇зсам̣ жарияаануруубам̣ гаммадтаанам̣ д̣̇зд̇и. д̇ад̇о саб̣б̣зби бхаг̇аванд̇ам̣ ванд̣̇ид̇ваа ад̇д̇ано ад̇д̇ано рад̇д̇идтаанад̣̇иваадтаанаани г̇ажчанд̇и. гзжи аран̃н̃ам̣, гзжи ругкамуулам̣, гзжи баб̣б̣ад̇аад̣̇ийнам̣ ан̃н̃ад̇арам̣, гзжи жаад̇умахаарааж̇игабхаванам̣…бз… гзжи васавад̇д̇ибхавананд̇и . д̇ад̇о бхаг̇аваа г̇анд̇хагудим̣ бависид̇ваа сажз ааган̇кад̇и, д̣̇агкин̣зна бассзна сад̇о самбаж̇аано мухуд̇д̇ам̣ сийхасзяяам̣ габбзд̇и. ат̇а самассаасид̇агааяо удтахид̇ваа д̣̇уд̇ияабхааг̇з логам̣ вологзд̇и. д̇ад̇ияабхааг̇з яам̣ г̇аамам̣ ваа ниг̇амам̣ ваа убаниссааяа вихарад̇и, д̇ад̇т̇а махааж̇ано бурзбхад̇д̇ам̣ д̣̇аанам̣ д̣̇ад̇ваа бажчаабхад̇д̇ам̣ сунивад̇т̇о субааруд̇о г̇анд̇хабубпаад̣̇ийни аад̣̇ааяа вихаарз саннибад̇ад̇и. д̇ад̇о бхаг̇аваа самбад̇д̇абарисааяа ануруубзна баадихаариязна г̇анд̇ваа д̇хаммасабхааяам̣ бан̃н̃ад̇д̇авараб̣уд̣̇д̇хаасанз нисаж̇ж̇а д̇хаммам̣ д̣̇зсзд̇и гаалаяуд̇д̇ам̣ самаяаяуд̇д̇ам̣, ат̇а гаалам̣ вид̣̇ид̇ваа барисам̣ уяяож̇зд̇и, мануссаа бхаг̇аванд̇ам̣ ванд̣̇ид̇ваа баггаманд̇и. ид̣̇ам̣ бажчаабхад̇д̇агижжам̣.
Atha bhagavā evaṃ katapurebhattakicco gandhakuṭiyā upaṭṭhāne nisīditvā pāde pakkhāletvā pādapīṭhe ṭhatvā bhikkhusaṅghaṃ ovadati – ‘‘bhikkhave, appamādena sampādetha, dullabho buddhuppādo lokasmiṃ, dullabho manussattapaṭilābho, dullabhā khaṇasampatti, dullabhā pabbajjā, dullabhaṃ saddhammassavana’’nti. Tattha keci bhagavantaṃ kammaṭṭhānaṃ pucchanti. Bhagavā tesaṃ cariyānurūpaṃ kammaṭṭhānaṃ deti. Tato sabbepi bhagavantaṃ vanditvā attano attano rattiṭṭhānadivāṭṭhānāni gacchanti. Keci araññaṃ, keci rukkhamūlaṃ, keci pabbatādīnaṃ aññataraṃ, keci cātumahārājikabhavanaṃ…pe… keci vasavattibhavananti . Tato bhagavā gandhakuṭiṃ pavisitvā sace ākaṅkhati, dakkhiṇena passena sato sampajāno muhuttaṃ sīhaseyyaṃ kappeti. Atha samassāsitakāyo uṭṭhahitvā dutiyabhāge lokaṃ voloketi. Tatiyabhāge yaṃ gāmaṃ vā nigamaṃ vā upanissāya viharati, tattha mahājano purebhattaṃ dānaṃ datvā pacchābhattaṃ sunivattho supāruto gandhapupphādīni ādāya vihāre sannipatati. Tato bhagavā sampattaparisāya anurūpena pāṭihāriyena gantvā dhammasabhāyaṃ paññattavarabuddhāsane nisajja dhammaṃ deseti kālayuttaṃ samayayuttaṃ, atha kālaṃ viditvā parisaṃ uyyojeti, manussā bhagavantaṃ vanditvā pakkamanti. Idaṃ pacchābhattakiccaṃ.
со звам̣ нидтид̇абажчаабхад̇д̇агижжо сажз г̇ад̇д̇аани осин̃жид̇угаамо ход̇и, б̣уд̣̇д̇хаасанаа удтааяа нхаанагодтагам̣ бависид̇ваа убадтаагзна бадияаад̣̇ид̇ауд̣̇агзна г̇ад̇д̇аани уд̇ум̣ г̇ан̣хаабзд̇и. убадтаагоби б̣уд̣̇д̇хаасанам̣ аанзд̇ваа г̇анд̇хагудибаривзн̣з бан̃н̃абзд̇и. бхаг̇аваа сурад̇д̇ад̣̇убаддам̣ ниваасзд̇ваа гааяаб̣анд̇ханам̣ б̣анд̇хид̇ваа уд̇д̇араасан̇г̇ам̣ згам̣сам̣ гад̇ваа д̇ад̇т̇а ааг̇анд̇ваа нисийд̣̇ад̇и згагова мухуд̇д̇ам̣ бадисаллийно, ат̇а бхигкуу д̇ад̇о д̇ад̇о ааг̇амма бхаг̇авад̇о убадтаанам̣ ааг̇ажчанд̇и. д̇ад̇т̇а згажжз бан̃хам̣ бужчанд̇и, згажжз гаммадтаанам̣, згажжз д̇хаммассаванам̣ яаажанд̇и. бхаг̇аваа д̇зсам̣ ад̇хиббааяам̣ самбаад̣̇знд̇о буримаяаамам̣ вид̇инаамзд̇и. ид̣̇ам̣ буримаяаамагижжам̣.
So evaṃ niṭṭhitapacchābhattakicco sace gattāni osiñcitukāmo hoti, buddhāsanā uṭṭhāya nhānakoṭṭhakaṃ pavisitvā upaṭṭhākena paṭiyāditaudakena gattāni utuṃ gaṇhāpeti. Upaṭṭhākopi buddhāsanaṃ ānetvā gandhakuṭipariveṇe paññapeti. Bhagavā surattadupaṭṭaṃ nivāsetvā kāyabandhanaṃ bandhitvā uttarāsaṅgaṃ ekaṃsaṃ katvā tattha āgantvā nisīdati ekakova muhuttaṃ paṭisallīno, atha bhikkhū tato tato āgamma bhagavato upaṭṭhānaṃ āgacchanti. Tattha ekacce pañhaṃ pucchanti, ekacce kammaṭṭhānaṃ, ekacce dhammassavanaṃ yācanti. Bhagavā tesaṃ adhippāyaṃ sampādento purimayāmaṃ vitināmeti. Idaṃ purimayāmakiccaṃ.
буримаяаамагижжабарияосаанз бана бхигкуусу бхаг̇аванд̇ам̣ ванд̣̇ид̇ваа багганд̇зсу сагалад̣̇асасахассилогад̇хаад̇уд̣̇звад̇ааяо огаасам̣ лабхамаанаа бхаг̇аванд̇ам̣ убасан̇гамид̇ваа бан̃хам̣ бужчанд̇и яат̇аабхисан̇кад̇ам̣ анд̇амасо жад̇урагкарамби. бхаг̇аваа д̇аасам̣ д̣̇звад̇аанам̣ бан̃хам̣ виссаж̇ж̇знд̇о маж̇жхимаяаамам̣ вийд̇инаамзд̇и. ид̣̇ам̣ маж̇жхимаяаамагижжам̣.
Purimayāmakiccapariyosāne pana bhikkhūsu bhagavantaṃ vanditvā pakkantesu sakaladasasahassilokadhātudevatāyo okāsaṃ labhamānā bhagavantaṃ upasaṅkamitvā pañhaṃ pucchanti yathābhisaṅkhataṃ antamaso caturakkharampi. Bhagavā tāsaṃ devatānaṃ pañhaṃ vissajjento majjhimayāmaṃ vītināmeti. Idaṃ majjhimayāmakiccaṃ.
бажчимаяаамам̣ бана д̇аяо годтаасз гад̇ваа бурзбхад̇д̇ад̇о бадтааяа нисаж̇ж̇аабийл̣ид̇асса сарийрасса гилаасубхааваможанад̇т̇ам̣ згам̣ годтаасам̣ жан̇гамзна вийд̇инаамзд̇и, д̣̇уд̇ияагодтаасз г̇анд̇хагудим̣ бависид̇ваа д̣̇агкин̣зна бассзна сад̇о самбаж̇аано сийхасзяяам̣ габбзд̇и. д̇ад̇ияагодтаасз бажжудтааяа нисийд̣̇ид̇ваа буримаб̣уд̣̇д̇хаанам̣ санд̇игз д̣̇аанасийлаад̣̇ивасзна гад̇аад̇хигаарабуг̇г̇алад̣̇ассанад̇т̇ам̣ б̣уд̣̇д̇хажагкунаа логам̣ вологзд̇и. ид̣̇ам̣ бажчимаяаамагижжам̣.
Pacchimayāmaṃ pana tayo koṭṭhāse katvā purebhattato paṭṭhāya nisajjāpīḷitassa sarīrassa kilāsubhāvamocanatthaṃ ekaṃ koṭṭhāsaṃ caṅkamena vītināmeti, dutiyakoṭṭhāse gandhakuṭiṃ pavisitvā dakkhiṇena passena sato sampajāno sīhaseyyaṃ kappeti. Tatiyakoṭṭhāse paccuṭṭhāya nisīditvā purimabuddhānaṃ santike dānasīlādivasena katādhikārapuggaladassanatthaṃ buddhacakkhunā lokaṃ voloketi. Idaṃ pacchimayāmakiccaṃ.
д̇амби д̣̇ивасам̣ бхаг̇аваа имасмим̣язва гижжз тид̇о логам̣ ологзнд̇о ид̣̇ам̣ ад̣̇д̣̇аса – маяаа госаларадтз жааригам̣ жаранд̇зна аг̇г̇игканд̇хзна убамзд̇ваа згасмим̣ суд̇д̇з д̣̇зсид̇з садти бхигкуу арахад̇д̇ам̣ баабун̣иссанд̇и, садтимад̇д̇аанам̣ ун̣хам̣ лохид̇ам̣ мукад̇о уг̇г̇ажчиссад̇и, садтимад̇д̇аа г̇ихибхаавам̣ г̇амиссанд̇и. д̇ад̇т̇а яз арахад̇д̇ам̣ баабун̣иссанд̇и, д̇з яам̣гин̃жи д̇хаммад̣̇зсанам̣ суд̇ваа баабун̣иссанд̇зва. ид̇арзсам̣ бана бхигкуунам̣ сан̇г̇ахад̇т̇ааяа жааригам̣ жарид̇угаамо худ̇ваа, ‘‘аананд̣̇а, бхигкуунам̣ аарожзхий’’д̇и ааха.
Tampi divasaṃ bhagavā imasmiṃyeva kicce ṭhito lokaṃ olokento idaṃ addasa – mayā kosalaraṭṭhe cārikaṃ carantena aggikkhandhena upametvā ekasmiṃ sutte desite saṭṭhi bhikkhū arahattaṃ pāpuṇissanti, saṭṭhimattānaṃ uṇhaṃ lohitaṃ mukhato uggacchissati, saṭṭhimattā gihibhāvaṃ gamissanti. Tattha ye arahattaṃ pāpuṇissanti, te yaṃkiñci dhammadesanaṃ sutvā pāpuṇissanteva. Itaresaṃ pana bhikkhūnaṃ saṅgahatthāya cārikaṃ caritukāmo hutvā, ‘‘ānanda, bhikkhūnaṃ ārocehī’’ti āha.
т̇зро анубаривзн̣ам̣ г̇анд̇ваа, ‘‘аавусо, сад̇т̇аа махааж̇анасса сан̇г̇ахад̇т̇ааяа жааригам̣ жарид̇угаамо, г̇анд̇угаамаа ааг̇ажчат̇аа’’д̇и ааха. бхигкуу махаалаабхам̣ лабхид̇ваа вияа д̇удтамаанасаа ‘‘лабхиссаама вад̇а махааж̇анасса д̇хаммам̣ д̣̇зсзнд̇асса бхаг̇авад̇о суван̣н̣аван̣н̣ам̣ сарийрам̣ ологзд̇ум̣ мад̇хуран̃жа д̇хаммагат̇ам̣ сод̇у’’нд̇и барул̣хагзсаа гзсз охаарзд̇ваа малаг̇г̇ахид̇абад̇д̇аа бад̇д̇з бажид̇ваа гилидтажийвараа жийвараани д̇ховид̇ваа г̇аманасаж̇ж̇аа ахзсум̣. сад̇т̇аа абарижчиннзна бхигкусан̇гхзна баривуд̇о госаларадтам̣ жааригааяа нигканд̇о г̇ааманиг̇амабадибаадияаа згад̣̇ивасам̣ г̇аавуд̇аад̣дхаяож̇анад̇иг̇аавуд̇аяож̇анабарамам̣ жааригам̣ жаранд̇о згасмим̣ бад̣̇зсз маханд̇ам̣ сусираругкам̣ аг̇г̇инаа самбаж̇ж̇алид̇ам̣ д̣̇исваа ‘‘имамзва вад̇т̇ум̣ гад̇ваа сад̇д̇ахи ан̇г̇зхи бадиман̣д̣зд̇ваа д̇хаммад̣̇зсанам̣ гат̇зссаамий’’д̇и г̇аманам̣ бажчинд̣̇ид̇ваа ан̃н̃ад̇арам̣ ругкамуулам̣ убасан̇гамид̇ваа нисаж̇ж̇аагаарам̣ д̣̇ассзси. аананд̣̇ад̇т̇зро сад̇т̇у ад̇хиббааяам̣ н̃ад̇ваа ‘‘ад̣̇д̇хаа гааран̣ам̣ бхависсад̇и, на агааран̣зна д̇ат̇ааг̇ад̇аа г̇аманам̣ бажчинд̣̇ид̇ваа нисийд̣̇анд̇ий’’д̇и жад̇уг̇г̇ун̣ам̣ сан̇гхаадим̣ бан̃н̃аабзси. сад̇т̇аа нисийд̣̇ид̇ваа бхигкуу ааманд̇зд̇ваа ‘‘бассат̇а но д̇умхз, бхигкавз, амум̣ маханд̇ам̣ аг̇г̇игканд̇ха’’нд̇и аг̇г̇игканд̇хобамасуд̇д̇анд̇ам̣ (а. ни. 7.72) д̣̇зсзд̇и.
Thero anupariveṇaṃ gantvā, ‘‘āvuso, satthā mahājanassa saṅgahatthāya cārikaṃ caritukāmo, gantukāmā āgacchathā’’ti āha. Bhikkhū mahālābhaṃ labhitvā viya tuṭṭhamānasā ‘‘labhissāma vata mahājanassa dhammaṃ desentassa bhagavato suvaṇṇavaṇṇaṃ sarīraṃ oloketuṃ madhurañca dhammakathaṃ sotu’’nti paruḷhakesā kese ohāretvā malaggahitapattā patte pacitvā kiliṭṭhacīvarā cīvarāni dhovitvā gamanasajjā ahesuṃ. Satthā aparicchinnena bhikkhusaṅghena parivuto kosalaraṭṭhaṃ cārikāya nikkhanto gāmanigamapaṭipāṭiyā ekadivasaṃ gāvutaaḍḍhayojanatigāvutayojanaparamaṃ cārikaṃ caranto ekasmiṃ padese mahantaṃ susirarukkhaṃ agginā sampajjalitaṃ disvā ‘‘imameva vatthuṃ katvā sattahi aṅgehi paṭimaṇḍetvā dhammadesanaṃ kathessāmī’’ti gamanaṃ pacchinditvā aññataraṃ rukkhamūlaṃ upasaṅkamitvā nisajjākāraṃ dassesi. Ānandatthero satthu adhippāyaṃ ñatvā ‘‘addhā kāraṇaṃ bhavissati, na akāraṇena tathāgatā gamanaṃ pacchinditvā nisīdantī’’ti catugguṇaṃ saṅghāṭiṃ paññāpesi. Satthā nisīditvā bhikkhū āmantetvā ‘‘passatha no tumhe, bhikkhave, amuṃ mahantaṃ aggikkhandha’’nti aggikkhandhopamasuttantaṃ (a. ni. 7.72) deseti.
имасмин̃жа бана взяяаагаран̣з бхан̃н̃амаанз садтимад̇д̇аанам̣ бхигкуунам̣ ун̣хам̣ лохид̇ам̣ мукад̇о уг̇г̇ан̃чи, садтимад̇д̇аа бхигкуу сигкам̣ бажжагкааяа хийнааяаавад̇д̇им̣су, садтимад̇д̇аанам̣ бхигкуунам̣ анубаад̣̇ааяа аасавзхи жид̇д̇аани вимужжим̣су. д̇ан̃хи взяяаагаран̣ам̣ суд̇ваа садтимад̇д̇аанам̣ бхигкуунам̣ наамагааяо санд̇ад̇д̇о, наамагааяз санд̇ад̇д̇з гараж̇агааяо санд̇ад̇д̇о, гараж̇агааяз санд̇ад̇д̇з нид̇хаанаг̇ад̇ам̣ ун̣хам̣ лохид̇ам̣ мукад̇о уг̇г̇ан̃чи. садтимад̇д̇аа бхигкуу ‘‘д̣̇уггарам̣ вад̇а б̣уд̣̇д̇хасаасанз яааваж̇ийвам̣ барибун̣н̣ам̣ барисуд̣̇д̇хам̣ б̣рахмажарияам̣ жарид̇у’’нд̇и сигкам̣ бажжагкааяа хийнааяаавад̇д̇аа, садтимад̇д̇аа бхигкуу сад̇т̇у д̣̇зсанаабхимукам̣ н̃аан̣ам̣ бзсзд̇ваа саха бадисамбхид̣̇аахи арахад̇д̇ам̣ бад̇д̇аа.
Imasmiñca pana veyyākaraṇe bhaññamāne saṭṭhimattānaṃ bhikkhūnaṃ uṇhaṃ lohitaṃ mukhato uggañchi, saṭṭhimattā bhikkhū sikkhaṃ paccakkhāya hīnāyāvattiṃsu, saṭṭhimattānaṃ bhikkhūnaṃ anupādāya āsavehi cittāni vimucciṃsu. Tañhi veyyākaraṇaṃ sutvā saṭṭhimattānaṃ bhikkhūnaṃ nāmakāyo santatto, nāmakāye santatte karajakāyo santatto, karajakāye santatte nidhānagataṃ uṇhaṃ lohitaṃ mukhato uggañchi. Saṭṭhimattā bhikkhū ‘‘dukkaraṃ vata buddhasāsane yāvajīvaṃ paripuṇṇaṃ parisuddhaṃ brahmacariyaṃ caritu’’nti sikkhaṃ paccakkhāya hīnāyāvattā, saṭṭhimattā bhikkhū satthu desanābhimukhaṃ ñāṇaṃ pesetvā saha paṭisambhidāhi arahattaṃ pattā.
д̇ад̇т̇а язсам̣ ун̣хам̣ лохид̇ам̣ мукад̇о уг̇г̇ан̃чи, д̇з баарааж̇игам̣ аабаж̇ж̇им̣су. яз г̇ихибхаавам̣ бад̇д̇аа, д̇з куд̣̇д̣̇аанукуд̣̇д̣̇агаани сигкаабад̣̇аани мад̣̇д̣̇анд̇аа вижарим̣су. яз арахад̇д̇ам̣ бад̇д̇аа, д̇з барисуд̣̇д̇хасийлаава ахзсум̣. сад̇т̇у д̇хаммад̣̇зсанаа имзсам̣ д̇ин̣н̣амби сапалаава ж̇аад̇аад̇и. арахад̇д̇ам̣ бад̇д̇аанам̣ д̇аава сапалаа ход̇у, ид̇арзсам̣ гат̇ам̣ сапалаа ж̇аад̇аад̇и? д̇зби хи сажз имам̣ д̇хаммад̣̇зсанам̣ на сун̣зяяум̣, бамад̇д̇аава худ̇ваа таанам̣ ж̇ахид̇ум̣ на саггун̣зяяум̣. д̇ад̇о нзсам̣ д̇ам̣ баабам̣ вад̣дхамаанам̣ абааязсуязва сам̣сийд̣̇аабзяяа . имам̣ бана д̣̇зсанам̣ суд̇ваа ж̇аад̇асам̣взг̇аа таанам̣ ж̇ахид̇ваа сааман̣зрабхуумияам̣ тид̇аа д̣̇аса сийлаани буурзд̇ваа яонисо манасигаарз яуд̇д̇аббаяуд̇д̇аа гзжи сод̇аабаннаа гзжи сагад̣̇ааг̇аамино гзжи анааг̇аамино ахзсум̣, гзжи д̣̇звалогз ниб̣б̣ад̇д̇им̣су, звам̣ баарааж̇игаабаннаанамби сапалаа ахоси. ид̇арз бана сажз имам̣ д̇хаммад̣̇зсанам̣ на сун̣зяяум̣, г̇ажчанд̇з г̇ажчанд̇з гаалз анубуб̣б̣зна сан̇гхаад̣̇исзсамби баарааж̇игамби баабун̣ид̇ваа абааязсуязва уббаж̇ж̇ид̇ваа махаад̣̇угкам̣ анубхавзяяум̣. имам̣ бана д̣̇зсанам̣ суд̇ваа ‘‘ахо саллзкид̇ам̣ б̣уд̣̇д̇хасаасанам̣, на саггаа амхзхи яааваж̇ийвам̣ имам̣ бадибад̇д̇им̣ буурзд̇ум̣, сигкам̣ бажжагкааяа убаасагад̇хаммам̣ буурзд̇ваа д̣̇угкаа мужжиссаамаа’’д̇и г̇ихибхаавам̣ убаг̇амим̣су. д̇з д̇ийсу саран̣зсу бад̇идтааяа бан̃жа сийлаани рагкид̇ваа убаасагад̇хаммам̣ буурзд̇ваа гзжи сод̇аабаннаа гзжи сагад̣̇ааг̇аамино гзжи анааг̇аамино ж̇аад̇аа, гзжи д̣̇звалогз ниб̣б̣ад̇д̇аад̇и. звам̣ д̇зсамби сапалаава ахоси.
Tattha yesaṃ uṇhaṃ lohitaṃ mukhato uggañchi, te pārājikaṃ āpajjiṃsu. Ye gihibhāvaṃ pattā, te khuddānukhuddakāni sikkhāpadāni maddantā vicariṃsu. Ye arahattaṃ pattā, te parisuddhasīlāva ahesuṃ. Satthu dhammadesanā imesaṃ tiṇṇampi saphalāva jātāti. Arahattaṃ pattānaṃ tāva saphalā hotu, itaresaṃ kathaṃ saphalā jātāti? Tepi hi sace imaṃ dhammadesanaṃ na suṇeyyuṃ, pamattāva hutvā ṭhānaṃ jahituṃ na sakkuṇeyyuṃ. Tato nesaṃ taṃ pāpaṃ vaḍḍhamānaṃ apāyesuyeva saṃsīdāpeyya . Imaṃ pana desanaṃ sutvā jātasaṃvegā ṭhānaṃ jahitvā sāmaṇerabhūmiyaṃ ṭhitā dasa sīlāni pūretvā yoniso manasikāre yuttappayuttā keci sotāpannā keci sakadāgāmino keci anāgāmino ahesuṃ, keci devaloke nibbattiṃsu, evaṃ pārājikāpannānampi saphalā ahosi. Itare pana sace imaṃ dhammadesanaṃ na suṇeyyuṃ, gacchante gacchante kāle anupubbena saṅghādisesampi pārājikampi pāpuṇitvā apāyesuyeva uppajjitvā mahādukkhaṃ anubhaveyyuṃ. Imaṃ pana desanaṃ sutvā ‘‘aho sallekhitaṃ buddhasāsanaṃ, na sakkā amhehi yāvajīvaṃ imaṃ paṭipattiṃ pūretuṃ, sikkhaṃ paccakkhāya upāsakadhammaṃ pūretvā dukkhā muccissāmā’’ti gihibhāvaṃ upagamiṃsu. Te tīsu saraṇesu patiṭṭhāya pañca sīlāni rakkhitvā upāsakadhammaṃ pūretvā keci sotāpannā keci sakadāgāmino keci anāgāmino jātā, keci devaloke nibbattāti. Evaṃ tesampi saphalāva ahosi.
имам̣ бана сад̇т̇у д̇хаммад̣̇зсанам̣ суд̇ваа д̣̇звасан̇гхаа язхиби суд̇аа, язхиби на суд̇аа, саб̣б̣зсам̣язва аарожзнд̇аа вижарим̣су. бхигкуу суд̇ваа суд̇ваа ‘‘д̣̇уггарам̣, бхо, б̣уд̣̇д̇хаанам̣ саасанз яааваж̇ийвам̣ барибун̣н̣ам̣ барисуд̣̇д̇хам̣ б̣рахмажарияам̣ жарид̇у’’нд̇и згагкан̣знзва д̣̇асаби бхигкуу вийсад̇иби садтиби сад̇амби сахассамби бхигкуу г̇ихий хонд̇и. сад̇т̇аа яат̇ааружияаа жааригам̣ жарид̇ваа буна ж̇зд̇аванамзва ааг̇анд̇ваа бхигкуу ааманд̇зси – ‘‘бхигкавз, д̇ат̇ааг̇ад̇о жааригам̣ жарамаано жирам̣ аагин̣н̣о вихааси, ижчаамахам̣, бхигкавз, ад̣дхамаасам̣ бадисаллийяид̇ум̣, наамхи гзнажи убасан̇гамид̇аб̣б̣о ан̃н̃ад̇ра згзна бин̣д̣абаад̇анийхаарагзнаа’’д̇и. ад̣дхамаасам̣ згийбхаавзна вийд̇инаамзд̇ваа бадисаллаанаа вудтид̇о аананд̣̇ад̇т̇зрзна сад̣̇д̇хим̣ вихааражааригам̣ жарамаано ологид̇ологид̇адтаанз д̇анубхууд̇ам̣ бхигкусан̇гхам̣ д̣̇исваа ж̇аананд̇оязва т̇зрам̣ бужчи – ‘‘аананд̣̇а, ан̃н̃асмим̣ гаалз д̇ат̇ааг̇ад̇з жааригам̣ жарид̇ваа ж̇зд̇аванам̣ ааг̇ад̇з сагалавихааро гаасаавабаж̇ж̇од̇о исиваад̇аббадиваад̇о ход̇и, ид̣̇аани бана д̇анубхууд̇о бхигкусан̇гхо д̣̇иссад̇и, язбхуяязна жа уббан̣д̣убан̣д̣угаж̇аад̇аа бхигкуу, гим̣ ну ко зд̇а’’нд̇и? зд̇арахи бхаг̇аваа д̇умхаагам̣ аг̇г̇игканд̇хобамад̇хаммад̣̇зсанам̣ гат̇ид̇агаалад̇о бадтааяа бхигкуу сам̣взг̇аббад̇д̇аа худ̇ваа ‘‘маяам̣ зд̇ам̣ д̇хаммам̣ саб̣б̣аббагаарзна барибуурзд̇ум̣ на сагкиссаама, асаммаавад̇д̇анд̇аанан̃жа ж̇анасса сад̣̇д̇хаад̣̇зяяам̣ барибхун̃ж̇ид̇ум̣ аяуд̇д̇а’’нд̇и г̇ихибхаавам̣ сан̇гаманд̇ийд̇и.
Imaṃ pana satthu dhammadesanaṃ sutvā devasaṅghā yehipi sutā, yehipi na sutā, sabbesaṃyeva ārocentā vicariṃsu. Bhikkhū sutvā sutvā ‘‘dukkaraṃ, bho, buddhānaṃ sāsane yāvajīvaṃ paripuṇṇaṃ parisuddhaṃ brahmacariyaṃ caritu’’nti ekakkhaṇeneva dasapi bhikkhū vīsatipi saṭṭhipi satampi sahassampi bhikkhū gihī honti. Satthā yathāruciyā cārikaṃ caritvā puna jetavanameva āgantvā bhikkhū āmantesi – ‘‘bhikkhave, tathāgato cārikaṃ caramāno ciraṃ ākiṇṇo vihāsi, icchāmahaṃ, bhikkhave, aḍḍhamāsaṃ paṭisallīyituṃ, nāmhi kenaci upasaṅkamitabbo aññatra ekena piṇḍapātanīhārakenā’’ti. Aḍḍhamāsaṃ ekībhāvena vītināmetvā paṭisallānā vuṭṭhito ānandattherena saddhiṃ vihāracārikaṃ caramāno olokitolokitaṭṭhāne tanubhūtaṃ bhikkhusaṅghaṃ disvā jānantoyeva theraṃ pucchi – ‘‘ānanda, aññasmiṃ kāle tathāgate cārikaṃ caritvā jetavanaṃ āgate sakalavihāro kāsāvapajjoto isivātappaṭivāto hoti, idāni pana tanubhūto bhikkhusaṅgho dissati, yebhuyyena ca uppaṇḍupaṇḍukajātā bhikkhū, kiṃ nu kho eta’’nti? Etarahi bhagavā tumhākaṃ aggikkhandhopamadhammadesanaṃ kathitakālato paṭṭhāya bhikkhū saṃvegappattā hutvā ‘‘mayaṃ etaṃ dhammaṃ sabbappakārena paripūretuṃ na sakkhissāma, asammāvattantānañca janassa saddhādeyyaṃ paribhuñjituṃ ayutta’’nti gihibhāvaṃ saṅkamantīti.
д̇асмим̣ кан̣з бхаг̇авад̇о д̇хаммасам̣взг̇о уббаж̇ж̇и. д̇ад̇о т̇зрам̣ ааха – ‘‘маяи бадисаллаанз вийд̇инаамзнд̇з на гожи мама буд̇д̇аанам̣ згам̣ ассаасадтаанам̣ гат̇зси. сааг̇арасса хи од̇аран̣ад̇ид̇т̇аани вияа б̣ахууни имасмим̣ саасанз ассаасагааран̣аани. г̇ажчаананд̣̇а, г̇анд̇хагудибаривзн̣з б̣уд̣̇д̇хаасанам̣ бан̃н̃аабзд̇ваа бхигкусан̇гхам̣ саннибаад̇зхий’’д̇и. т̇зро д̇ат̇аа агааси. сад̇т̇аа б̣уд̣̇д̇хаасанавараг̇ад̇о бхигкуу ааманд̇зд̇ваа, ‘‘бхигкавз, мзд̇д̇ааяа саб̣б̣абуб̣б̣абхааг̇о наама нзва аббанаа, на убажааро, сад̇д̇аанам̣ хид̇апаран̣амад̇д̇амзваа’’д̇и вад̇ваа имиссаа адтуббад̇д̇ияаа имам̣ жуул̣ажчараасан̇гхаад̇асуд̇д̇ам̣ д̣̇зсзси.
Tasmiṃ khaṇe bhagavato dhammasaṃvego uppajji. Tato theraṃ āha – ‘‘mayi paṭisallāne vītināmente na koci mama puttānaṃ ekaṃ assāsaṭṭhānaṃ kathesi. Sāgarassa hi otaraṇatitthāni viya bahūni imasmiṃ sāsane assāsakāraṇāni. Gacchānanda, gandhakuṭipariveṇe buddhāsanaṃ paññāpetvā bhikkhusaṅghaṃ sannipātehī’’ti. Thero tathā akāsi. Satthā buddhāsanavaragato bhikkhū āmantetvā, ‘‘bhikkhave, mettāya sabbapubbabhāgo nāma neva appanā, na upacāro, sattānaṃ hitapharaṇamattamevā’’ti vatvā imissā aṭṭhuppattiyā imaṃ cūḷaccharāsaṅghātasuttaṃ desesi.
д̇ад̇т̇а ажчараасан̇гхаад̇амад̇д̇анд̇и ажчараабахаран̣амад̇д̇ам̣, д̣̇вз ан̇г̇улияо бахарид̇ваа сад̣̇д̣̇агаран̣амад̇д̇анд̇и ад̇т̇о. мзд̇д̇аажид̇д̇анд̇и саб̣б̣асад̇д̇аанам̣ хид̇апаран̣ажид̇д̇ам̣. аасзвад̇ийд̇и гат̇ам̣ аасзвад̇и? ааваж̇ж̇знд̇о аасзвад̇и, ж̇аананд̇о аасзвад̇и, бассанд̇о аасзвад̇и, бажжавзгканд̇о аасзвад̇и, жид̇д̇ам̣ ад̇хидтаханд̇о аасзвад̇и, сад̣̇д̇хааяа ад̇химужжанд̇о аасзвад̇и, вийрияам̣ баг̇г̇ан̣ханд̇о аасзвад̇и, сад̇им̣ убадтаабзнд̇о аасзвад̇и, жид̇д̇ам̣ самаад̣̇аханд̇о аасзвад̇и, бан̃н̃ааяа баж̇аананд̇о аасзвад̇и, абхин̃н̃зяяам̣ абхиж̇аананд̇о аасзвад̇и, барин̃н̃зяяам̣ бариж̇аананд̇о аасзвад̇и, бахаад̇аб̣б̣ам̣ баж̇аханд̇о аасзвад̇и, бхаавзд̇аб̣б̣ам̣ бхаавзнд̇о аасзвад̇и, сажчигаад̇аб̣б̣ам̣ сажчигаронд̇о аасзвад̇ийд̇и (бади. ма. 2.2). ид̇ха бана мзд̇д̇аабуб̣б̣абхааг̇зна хид̇апаран̣аббавад̇д̇анамад̇д̇знзва аасзвад̇ийд̇и взд̣̇ид̇аб̣б̣о.
Tattha accharāsaṅghātamattanti accharāpaharaṇamattaṃ, dve aṅguliyo paharitvā saddakaraṇamattanti attho. Mettācittanti sabbasattānaṃ hitapharaṇacittaṃ. Āsevatīti kathaṃ āsevati? Āvajjento āsevati, jānanto āsevati, passanto āsevati, paccavekkhanto āsevati, cittaṃ adhiṭṭhahanto āsevati, saddhāya adhimuccanto āsevati, vīriyaṃ paggaṇhanto āsevati, satiṃ upaṭṭhāpento āsevati, cittaṃ samādahanto āsevati, paññāya pajānanto āsevati, abhiññeyyaṃ abhijānanto āsevati, pariññeyyaṃ parijānanto āsevati, pahātabbaṃ pajahanto āsevati, bhāvetabbaṃ bhāvento āsevati, sacchikātabbaṃ sacchikaronto āsevatīti (paṭi. ma. 2.2). Idha pana mettāpubbabhāgena hitapharaṇappavattanamatteneva āsevatīti veditabbo.
арид̇д̇аж̇жхаанод̇и ад̇ужчаж̇жхаано абарижжад̇д̇аж̇жхаано ваа. вихарад̇ийд̇и ирияад̇и бавад̇д̇ад̇и баалзд̇и яабзд̇и яаабзд̇и жарад̇и вихарад̇и. д̇зна вужжад̇и вихарад̇ийд̇и. иминаа бад̣̇зна мзд̇д̇ам̣ аасзванд̇асса бхигкуно ирияаабат̇авихааро гат̇ид̇о. сад̇т̇усаасанагарод̇и сад̇т̇у анусаасанигаро. оваад̣̇абад̇игарод̇и оваад̣̇агаараго. зд̇т̇а жа сагим̣важанам̣ оваад̣̇о, бунаббунаважанам̣ анусаасаний. саммукааважанамби оваад̣̇о, бзсзд̇ваа бараммукааважанам̣, анусаасаний. од̇ин̣н̣з вад̇т̇усмим̣ важанам̣ оваад̣̇о, од̇ин̣н̣з ваа анод̇ин̣н̣з ваа вад̇т̇усмим̣ д̇анд̇итабанавасзна важанам̣ анусаасаний. звам̣ висзсо взд̣̇ид̇аб̣б̣о. барамад̇т̇ад̇о бана оваад̣̇од̇и ваа анусаасанийд̇и ваа зсз згз згадтз самз самабхааг̇з д̇аж̇ж̇аад̇з д̇ан̃н̃зваад̇и. зд̇т̇а жа ‘‘ажчараасан̇гхаад̇амад̇д̇амби жз, бхигкавз, бхигку мзд̇д̇аажид̇д̇ам̣ аасзвад̇ий’’д̇и ид̣̇амзва сад̇т̇усаасанан̃жзва оваад̣̇о жа, д̇асса гаран̣ад̇о зса саасанагаро оваад̣̇абад̇игарод̇и взд̣̇ид̇аб̣б̣о.
Arittajjhānoti atucchajjhāno apariccattajjhāno vā. Viharatīti iriyati pavattati pāleti yapeti yāpeti carati viharati. Tena vuccati viharatīti. Iminā padena mettaṃ āsevantassa bhikkhuno iriyāpathavihāro kathito. Satthusāsanakaroti satthu anusāsanikaro. Ovādapatikaroti ovādakārako. Ettha ca sakiṃvacanaṃ ovādo, punappunavacanaṃ anusāsanī. Sammukhāvacanampi ovādo, pesetvā parammukhāvacanaṃ, anusāsanī. Otiṇṇe vatthusmiṃ vacanaṃ ovādo, otiṇṇe vā anotiṇṇe vā vatthusmiṃ tantiṭhapanavasena vacanaṃ anusāsanī. Evaṃ viseso veditabbo. Paramatthato pana ovādoti vā anusāsanīti vā ese eke ekaṭṭhe same samabhāge tajjāte taññevāti. Ettha ca ‘‘accharāsaṅghātamattampi ce, bhikkhave, bhikkhu mettācittaṃ āsevatī’’ti idameva satthusāsanañceva ovādo ca, tassa karaṇato esa sāsanakaro ovādapatikaroti veditabbo.
амогханд̇и ад̇ужчам̣. радтабин̣д̣анд̇и н̃аад̇ибариваддам̣ бахааяа радтам̣ ниссааяа баб̣б̣аж̇ид̇зна барзсам̣ г̇зхад̇о бадилад̣̇д̇хад̇д̇аа бин̣д̣абаад̇о радтабин̣д̣о наама вужжад̇и. барибхун̃ж̇ад̇ийд̇и жад̇д̇ааро барибхог̇аа т̇зяяабарибхог̇о ин̣абарибхог̇о д̣̇ааяаж̇ж̇абарибхог̇о саамибарибхог̇од̇и. д̇ад̇т̇а д̣̇уссийласса барибхог̇о т̇зяяабарибхог̇о наама. сийлавад̇о абажжавзгкид̇абарибхог̇о ин̣абарибхог̇о наама. сад̇д̇аннам̣ сзгкаанам̣ барибхог̇о д̣̇ааяаж̇ж̇абарибхог̇аа наама. кийн̣аасавасса барибхог̇о саамибарибхог̇о наама. д̇ад̇т̇а имасса бхигкуно аяам̣ радтабин̣д̣абарибхог̇о д̣̇вийхи гааран̣зхи амогхо ход̇и. ажчараасан̇гхаад̇амад̇д̇амби мзд̇д̇аажид̇д̇ам̣ аасзванд̇о бхигку радтабин̣д̣асса саамиго худ̇ваа, ан̣ан̣о худ̇ваа, д̣̇ааяаад̣̇о худ̇ваа барибхун̃ж̇ад̇ийд̇ибисса амогхо радтабин̣д̣абарибхог̇о. ажчараасан̇гхаад̇амад̇д̇амби мзд̇д̇ам̣ аасзванд̇асса бхигкуно д̣̇иннад̣̇аанам̣ махадтияам̣ ход̇и махабпалам̣ махаанисам̣сам̣ махааж̇уд̇игам̣ махаавибпааранд̇ибисса амогхо радтабин̣д̣абарибхог̇о. го бана ваад̣̇о яз нам̣ б̣ахулийгаронд̇ийд̇и яз бана имам̣ мзд̇д̇аажид̇д̇ам̣ б̣ахулам̣ аасзванд̇и бхаавзнд̇и бунаббунам̣ гаронд̇и, д̇з амогхам̣ радтабин̣д̣ам̣ барибхун̃ж̇анд̇ийд̇и зд̇т̇а вад̇д̇аб̣б̣амзва гим̣? зваруубаа хи бхигкуу радтабин̣д̣асса саамино ан̣ан̣аа д̣̇ааяаад̣̇аа худ̇ваа барибхун̃ж̇анд̇ийд̇и.
Amoghanti atucchaṃ. Raṭṭhapiṇḍanti ñātiparivaṭṭaṃ pahāya raṭṭhaṃ nissāya pabbajitena paresaṃ gehato paṭiladdhattā piṇḍapāto raṭṭhapiṇḍo nāma vuccati. Paribhuñjatīti cattāro paribhogā theyyaparibhogo iṇaparibhogo dāyajjaparibhogo sāmiparibhogoti. Tattha dussīlassa paribhogo theyyaparibhogo nāma. Sīlavato apaccavekkhitaparibhogo iṇaparibhogo nāma. Sattannaṃ sekkhānaṃ paribhogo dāyajjaparibhogā nāma. Khīṇāsavassa paribhogo sāmiparibhogo nāma. Tattha imassa bhikkhuno ayaṃ raṭṭhapiṇḍaparibhogo dvīhi kāraṇehi amogho hoti. Accharāsaṅghātamattampi mettācittaṃ āsevanto bhikkhu raṭṭhapiṇḍassa sāmiko hutvā, aṇaṇo hutvā, dāyādo hutvā paribhuñjatītipissa amogho raṭṭhapiṇḍaparibhogo. Accharāsaṅghātamattampi mettaṃ āsevantassa bhikkhuno dinnadānaṃ mahaṭṭhiyaṃ hoti mahapphalaṃ mahānisaṃsaṃ mahājutikaṃ mahāvipphārantipissa amogho raṭṭhapiṇḍaparibhogo. Ko pana vādo ye naṃ bahulīkarontīti ye pana imaṃ mettācittaṃ bahulaṃ āsevanti bhāventi punappunaṃ karonti, te amoghaṃ raṭṭhapiṇḍaṃ paribhuñjantīti ettha vattabbameva kiṃ? Evarūpā hi bhikkhū raṭṭhapiṇḍassa sāmino aṇaṇā dāyādā hutvā paribhuñjantīti.
54-55. жад̇уд̇т̇з бхаавзд̇ийд̇и уббаад̣̇зд̇и вад̣дхзд̇и. бан̃жамз манаси гарод̇ийд̇и манасмим̣ гарод̇и. сзсам̣ имзсу д̣̇вийсуби д̇ад̇ияз вуд̇д̇анаязнзва взд̣̇ид̇аб̣б̣ам̣. яо хи аасзвад̇и, аяамзва бхаавзд̇и, аяам̣ манаси гарод̇и. язна жид̇д̇зна аасзвад̇и, д̇знзва бхаавзд̇и, д̇зна манаси гарод̇и. саммаасамб̣уд̣̇д̇хо бана яааяа д̇хаммад̇хаад̇уяаа суббадивид̣̇д̇хад̇д̇аа д̣̇зсанаавилаасаббад̇д̇о наама ход̇и, д̇ассаа суббадивид̣̇д̇хад̇д̇аа ад̇д̇ано д̣̇зсанаавилаасам̣ д̇хаммиссарияад̇ам̣ бадисамбхид̣̇аабабхзд̣̇агусалад̇ам̣ аббадихад̇асаб̣б̣ан̃н̃уд̇ан̃н̃аан̣ан̃жа ниссааяа згагкан̣з уббаннам̣ згажид̇д̇амзва д̇ийхи годтаасзхи вибхаж̇ид̇ваа д̣̇ассзсийд̇и.
54-55. Catutthe bhāvetīti uppādeti vaḍḍheti. Pañcame manasi karotīti manasmiṃ karoti. Sesaṃ imesu dvīsupi tatiye vuttanayeneva veditabbaṃ. Yo hi āsevati, ayameva bhāveti, ayaṃ manasi karoti. Yena cittena āsevati, teneva bhāveti, tena manasi karoti. Sammāsambuddho pana yāya dhammadhātuyā suppaṭividdhattā desanāvilāsappatto nāma hoti, tassā suppaṭividdhattā attano desanāvilāsaṃ dhammissariyataṃ paṭisambhidāpabhedakusalataṃ appaṭihatasabbaññutaññāṇañca nissāya ekakkhaṇe uppannaṃ ekacittameva tīhi koṭṭhāsehi vibhajitvā dassesīti.
56. чадтз яз гзжийд̇и анияаамид̇аважанам̣. агусалаад̇и д̇зсам̣ нияаамид̇аважанам̣. зд̇д̇аавад̇аа саб̣б̣аагусалаа асзсад̇о барияаад̣̇иннаа хонд̇и. агусалабхааг̇ияаа агусалабагкигаад̇и агусалаанамзвзд̇ам̣ наамам̣. агусалааязва хи згажжз агусалам̣ сахаж̇аад̇авасзна, згажжз убаниссаяавасзна бхаж̇анд̇и жзва, д̇зсан̃жа багкаа бхаванд̇ийд̇и ‘‘агусалабхааг̇ияаа агусалабагкигаа’’д̇и вужжанд̇и. саб̣б̣зд̇з манобуб̣б̣ан̇г̇амаад̇и мано буб̣б̣ам̣ батамад̇арам̣ г̇ажчад̇и зд̇зсанд̇и манобуб̣б̣ан̇г̇амаа. зд̇з хи гин̃жааби манзна сад̣̇д̇хим̣ згуббаад̣̇аа згавад̇т̇угаа зганирод̇хаа згаарамман̣аа жа хонд̇и. яасмаа бана д̇зсам̣ мано уббаад̣̇аго гаараго ж̇анаго самудтаабаго ниб̣б̣ад̇д̇аго, д̇асмаа манобуб̣б̣ан̇г̇амаа наама хонд̇и.
56. Chaṭṭhe ye kecīti aniyāmitavacanaṃ. Akusalāti tesaṃ niyāmitavacanaṃ. Ettāvatā sabbākusalā asesato pariyādinnā honti. Akusalabhāgiyāakusalapakkhikāti akusalānamevetaṃ nāmaṃ. Akusalāyeva hi ekacce akusalaṃ sahajātavasena, ekacce upanissayavasena bhajanti ceva, tesañca pakkhā bhavantīti ‘‘akusalabhāgiyā akusalapakkhikā’’ti vuccanti. Sabbete manopubbaṅgamāti mano pubbaṃ paṭhamataraṃ gacchati etesanti manopubbaṅgamā. Ete hi kiñcāpi manena saddhiṃ ekuppādā ekavatthukā ekanirodhā ekārammaṇā ca honti. Yasmā pana tesaṃ mano uppādako kārako janako samuṭṭhāpako nibbattako, tasmā manopubbaṅgamā nāma honti.
батамам̣ уббаж̇ж̇ад̇ийд̇и яат̇аа наама ‘‘рааж̇аа нигканд̇о’’д̇и вуд̇д̇з ‘‘рааж̇ааязва нигканд̇о, сзсаа рааж̇асзнаа нигканд̇аа анигканд̇аа’’д̇и бужчид̇аб̣б̣агааран̣ам̣ над̇т̇и, саб̣б̣аа нигканд̇аад̇зва бан̃н̃ааяанд̇и, звамзва мано уббаннод̇и вуд̇д̇агаалад̇о бадтааяа авасзсаа сахаж̇аад̇асам̣садтасамбаяуд̇д̇аа уббаннаа на уббаннаад̇и бужчид̇аб̣б̣агааран̣ам̣ над̇т̇и, саб̣б̣з д̇з уббаннаа д̇взва бан̃н̃ааяанд̇и. зд̇амад̇т̇авасам̣ бадижжа д̇зхи сам̣садтасамбаяуд̇д̇о згуббаад̣̇зганирод̇хоби самаано мано д̇зсам̣ д̇хаммаанам̣ батамам̣ уббаж̇ж̇ад̇ийд̇и вуд̇д̇о. анвад̣̇зваад̇и ануд̣̇зва, сахзва згад̇оязваад̇и ад̇т̇о. б̣яан̃ж̇анажчааяам̣ бана г̇ахзд̇ваа батамам̣ жид̇д̇ам̣ уббаж̇ж̇ад̇и, бажчаа жзд̇асигаад̇и на г̇ахзд̇аб̣б̣ам̣. ад̇т̇о хи бадисаран̣ам̣ , на б̣яан̃ж̇анам̣. ‘‘манобуб̣б̣ан̇г̇амаа д̇хаммаа, маносздтаа маномаяаа’’д̇и г̇аат̇ааяаби зсзва наяо.
Paṭhamaṃ uppajjatīti yathā nāma ‘‘rājā nikkhanto’’ti vutte ‘‘rājāyeva nikkhanto, sesā rājasenā nikkhantā anikkhantā’’ti pucchitabbakāraṇaṃ natthi, sabbā nikkhantāteva paññāyanti, evameva mano uppannoti vuttakālato paṭṭhāya avasesā sahajātasaṃsaṭṭhasampayuttā uppannā na uppannāti pucchitabbakāraṇaṃ natthi, sabbe te uppannā tveva paññāyanti. Etamatthavasaṃ paṭicca tehi saṃsaṭṭhasampayutto ekuppādekanirodhopi samāno mano tesaṃ dhammānaṃ paṭhamaṃ uppajjatīti vutto. Anvadevāti anudeva, saheva ekatoyevāti attho. Byañjanacchāyaṃ pana gahetvā paṭhamaṃ cittaṃ uppajjati, pacchā cetasikāti na gahetabbaṃ. Attho hi paṭisaraṇaṃ , na byañjanaṃ. ‘‘Manopubbaṅgamā dhammā, manoseṭṭhā manomayā’’ti gāthāyapi eseva nayo.
57. сад̇д̇амз гусалаад̇и жад̇убхуумагааби гусалаа д̇хаммаа гат̇ид̇аа. сзсам̣ чадтз вуд̇д̇анаязнзва взд̣̇ид̇аб̣б̣ам̣.
57. Sattame kusalāti catubhūmakāpi kusalā dhammā kathitā. Sesaṃ chaṭṭhe vuttanayeneva veditabbaṃ.
58. адтамз яат̇аяид̣̇ам̣, бхигкавз, бамаад̣̇од̇и зд̇т̇а, бхигкавзд̇и аалабанам̣, яат̇аа аяам̣ бамаад̣̇од̇и ад̇т̇о. бамаад̣̇од̇и бамаж̇ж̇анаагааро. вуд̇д̇ан̃хзд̇ам̣ –
58. Aṭṭhame yathayidaṃ, bhikkhave, pamādoti ettha, bhikkhaveti ālapanaṃ, yathā ayaṃ pamādoti attho. Pamādoti pamajjanākāro. Vuttañhetaṃ –
‘‘д̇ад̇т̇а гад̇амо бамаад̣̇о? гааяад̣̇ужжарид̇з ваа важийд̣̇ужжарид̇з ваа манод̣̇ужжарид̇з ваа бан̃жасу ваа гаамаг̇ун̣зсу жид̇д̇асса воссаг̇г̇о воссаг̇г̇аануббад̣̇аанам̣ гусалаанам̣ ваа д̇хаммаанам̣ бхааванааяа асаггажжагирияад̇аа асаад̇ажжагирияад̇аа анадтид̇агирияад̇аа олийнавуд̇д̇ид̇аа нигкид̇д̇ачанд̣̇ад̇аа нигкид̇д̇ад̇хурад̇аа анад̇хидтаанам̣ анануяог̇о анаасзванаа абхааванаа аб̣ахулийгаммам̣ . яо зваруубо бамаад̣̇о бамаж̇ж̇анаа бамаж̇ж̇ид̇ад̇д̇ам̣, аяам̣ вужжад̇и бамаад̣̇о’’д̇и (вибха. 846).
‘‘Tattha katamo pamādo? Kāyaduccarite vā vacīduccarite vā manoduccarite vā pañcasu vā kāmaguṇesu cittassa vossaggo vossaggānuppadānaṃ kusalānaṃ vā dhammānaṃ bhāvanāya asakkaccakiriyatā asātaccakiriyatā anaṭṭhitakiriyatā olīnavuttitā nikkhittachandatā nikkhittadhuratā anadhiṭṭhānaṃ ananuyogo anāsevanā abhāvanā abahulīkammaṃ . Yo evarūpo pamādo pamajjanā pamajjitattaṃ, ayaṃ vuccati pamādo’’ti (vibha. 846).
уббаннаа жа гусалаа д̇хаммаа барихааяанд̇ийд̇и ид̣̇ам̣ жхаанавибассанаанам̣ васзна вуд̇д̇ам̣. маг̇г̇апалаанам̣ бана сагим̣ уббаннаанам̣ буна барихаанам̣ наама над̇т̇и.
Uppannā ca kusalā dhammā parihāyantīti idaṃ jhānavipassanānaṃ vasena vuttaṃ. Maggaphalānaṃ pana sakiṃ uppannānaṃ puna parihānaṃ nāma natthi.
59. навамз аббамаад̣̇о бамаад̣̇асса бадибагкавасзна вид̇т̇аарад̇о взд̣̇ид̇аб̣б̣о.
59. Navame appamādo pamādassa paṭipakkhavasena vitthārato veditabbo.
60. д̣̇асамз госаж̇ж̇анд̇и гусийд̇абхааво. сзсам̣ вуд̇д̇анаяамзваад̇и.
60. Dasame kosajjanti kusītabhāvo. Sesaṃ vuttanayamevāti.
ажчараасан̇гхаад̇аваг̇г̇аван̣н̣анаа.
Accharāsaṅghātavaggavaṇṇanā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 6. ажчараасан̇гхаад̇аваг̇г̇о • 6. Accharāsaṅghātavaggo
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 6. ажчараасан̇гхаад̇аваг̇г̇аван̣н̣анаа • 6. Accharāsaṅghātavaggavaṇṇanā
