| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
6. ажчараасан̇гхаад̇аваг̇г̇о
6. Accharāsaṅghātavaggo
51. ‘‘бабхассарамид̣̇ам̣ , бхигкавз, жид̇д̇ам̣. д̇ан̃жа ко ааг̇анд̇угзхи убаггилзсзхи убаггилидтам̣. д̇ам̣ ассуд̇аваа бут̇уж̇ж̇ано яат̇аабхууд̇ам̣ наббаж̇аанаад̇и. д̇асмаа ‘ассуд̇авад̇о бут̇уж̇ж̇анасса жид̇д̇абхааванаа над̇т̇ий’д̇и вад̣̇аамий’’д̇и. батамам̣.
51. ‘‘Pabhassaramidaṃ , bhikkhave, cittaṃ. Tañca kho āgantukehi upakkilesehi upakkiliṭṭhaṃ. Taṃ assutavā puthujjano yathābhūtaṃ nappajānāti. Tasmā ‘assutavato puthujjanassa cittabhāvanā natthī’ti vadāmī’’ti. Paṭhamaṃ.
52. ‘‘бабхассарамид̣̇ам̣ , бхигкавз, жид̇д̇ам̣. д̇ан̃жа ко ааг̇анд̇угзхи убаггилзсзхи виббамуд̇д̇ам̣. д̇ам̣ суд̇аваа арияасааваго яат̇аабхууд̇ам̣ баж̇аанаад̇и. д̇асмаа ‘суд̇авад̇о арияасаавагасса жид̇д̇абхааванаа ад̇т̇ий’д̇и вад̣̇аамий’’д̇и. д̣̇уд̇ияам̣.
52. ‘‘Pabhassaramidaṃ , bhikkhave, cittaṃ. Tañca kho āgantukehi upakkilesehi vippamuttaṃ. Taṃ sutavā ariyasāvako yathābhūtaṃ pajānāti. Tasmā ‘sutavato ariyasāvakassa cittabhāvanā atthī’ti vadāmī’’ti. Dutiyaṃ.
53. ‘‘ажчараасан̇гхаад̇амад̇д̇амби жз, бхигкавз, бхигку мзд̇д̇аажид̇д̇ам̣ 1 аасзвад̇и; аяам̣ вужжад̇и, бхигкавз – ‘бхигку арид̇д̇аж̇жхаано вихарад̇и сад̇т̇усаасанагаро оваад̣̇абад̇игаро, амогхам̣ радтабин̣д̣ам̣ бхун̃ж̇ад̇и’. го бана ваад̣̇о яз нам̣ б̣ахулийгаронд̇ий’’д̇и! д̇ад̇ияам̣.
53. ‘‘Accharāsaṅghātamattampi ce, bhikkhave, bhikkhu mettācittaṃ 2 āsevati; ayaṃ vuccati, bhikkhave – ‘bhikkhu arittajjhāno viharati satthusāsanakaro ovādapatikaro, amoghaṃ raṭṭhapiṇḍaṃ bhuñjati’. Ko pana vādo ye naṃ bahulīkarontī’’ti! Tatiyaṃ.
54. ‘‘ажчараасан̇гхаад̇амад̇д̇амби жз, бхигкавз, бхигку мзд̇д̇аажид̇д̇ам̣ бхаавзд̇и; аяам̣ вужжад̇и, бхигкавз – ‘бхигку арид̇д̇аж̇жхаано вихарад̇и сад̇т̇усаасанагаро оваад̣̇абад̇игаро, амогхам̣ радтабин̣д̣ам̣ бхун̃ж̇ад̇и’. го бана ваад̣̇о яз нам̣ б̣ахулийгаронд̇ий’’д̇и! жад̇уд̇т̇ам̣.
54. ‘‘Accharāsaṅghātamattampi ce, bhikkhave, bhikkhu mettācittaṃ bhāveti; ayaṃ vuccati, bhikkhave – ‘bhikkhu arittajjhāno viharati satthusāsanakaro ovādapatikaro, amoghaṃ raṭṭhapiṇḍaṃ bhuñjati’. Ko pana vādo ye naṃ bahulīkarontī’’ti! Catutthaṃ.
55. ‘‘ажчараасан̇гхаад̇амад̇д̇амби жз, бхигкавз, бхигку мзд̇д̇аажид̇д̇ам̣ манаси гарод̇и; аяам̣ вужжад̇и, бхигкавз – ‘бхигку арид̇д̇аж̇жхаано вихарад̇и сад̇т̇усаасанагаро оваад̣̇абад̇игаро амогхам̣ радтабин̣д̣ам̣ бхун̃ж̇ад̇и’. го бана ваад̣̇о яз нам̣ б̣ахулийгаронд̇ий’’д̇и! бан̃жамам̣.
55. ‘‘Accharāsaṅghātamattampi ce, bhikkhave, bhikkhu mettācittaṃ manasi karoti; ayaṃ vuccati, bhikkhave – ‘bhikkhu arittajjhāno viharati satthusāsanakaro ovādapatikaro amoghaṃ raṭṭhapiṇḍaṃ bhuñjati’. Ko pana vādo ye naṃ bahulīkarontī’’ti! Pañcamaṃ.
56. ‘‘яз гзжи, бхигкавз, д̇хаммаа агусалаа агусалабхааг̇ияаа агусалабагкигаа, саб̣б̣з д̇з манобуб̣б̣ан̇г̇амаа. мано д̇зсам̣ д̇хаммаанам̣ батамам̣ уббаж̇ж̇ад̇и, анвад̣̇зва агусалаа д̇хаммаа’’д̇и. чадтам̣.
56. ‘‘Ye keci, bhikkhave, dhammā akusalā akusalabhāgiyā akusalapakkhikā, sabbe te manopubbaṅgamā. Mano tesaṃ dhammānaṃ paṭhamaṃ uppajjati, anvadeva akusalā dhammā’’ti. Chaṭṭhaṃ.
57. ‘‘яз гзжи, бхигкавз, д̇хаммаа гусалаа гусалабхааг̇ияаа гусалабагкигаа, саб̣б̣з д̇з манобуб̣б̣ан̇г̇амаа. мано д̇зсам̣ д̇хаммаанам̣ батамам̣ уббаж̇ж̇ад̇и, анвад̣̇зва гусалаа д̇хаммаа’’д̇и. сад̇д̇амам̣.
57. ‘‘Ye keci, bhikkhave, dhammā kusalā kusalabhāgiyā kusalapakkhikā, sabbe te manopubbaṅgamā. Mano tesaṃ dhammānaṃ paṭhamaṃ uppajjati, anvadeva kusalā dhammā’’ti. Sattamaṃ.
58. ‘‘наахам̣, бхигкавз, ан̃н̃ам̣ згад̇хаммамби саманубассаами язна ануббаннаа ваа агусалаа д̇хаммаа уббаж̇ж̇анд̇и уббаннаа ваа гусалаа д̇хаммаа барихааяанд̇и яат̇аяид̣̇ам̣, бхигкавз, бамаад̣̇о. бамад̇д̇асса, бхигкавз, ануббаннаа жзва агусалаа д̇хаммаа уббаж̇ж̇анд̇и уббаннаа жа гусалаа д̇хаммаа барихааяанд̇ий’’д̇и. адтамам̣.
58. ‘‘Nāhaṃ, bhikkhave, aññaṃ ekadhammampi samanupassāmi yena anuppannā vā akusalā dhammā uppajjanti uppannā vā kusalā dhammā parihāyanti yathayidaṃ, bhikkhave, pamādo. Pamattassa, bhikkhave, anuppannā ceva akusalā dhammā uppajjanti uppannā ca kusalā dhammā parihāyantī’’ti. Aṭṭhamaṃ.
59. ‘‘наахам̣, бхигкавз, ан̃н̃ам̣ згад̇хаммамби саманубассаами язна ануббаннаа ваа гусалаа д̇хаммаа уббаж̇ж̇анд̇и уббаннаа ваа агусалаа д̇хаммаа барихааяанд̇и яат̇аяид̣̇ам̣, бхигкавз, аббамаад̣̇о. аббамад̇д̇асса, бхигкавз, ануббаннаа жзва гусалаа д̇хаммаа уббаж̇ж̇анд̇и уббаннаа жа агусалаа д̇хаммаа барихааяанд̇ий’’д̇и. навамам̣.
59. ‘‘Nāhaṃ, bhikkhave, aññaṃ ekadhammampi samanupassāmi yena anuppannā vā kusalā dhammā uppajjanti uppannā vā akusalā dhammā parihāyanti yathayidaṃ, bhikkhave, appamādo. Appamattassa, bhikkhave, anuppannā ceva kusalā dhammā uppajjanti uppannā ca akusalā dhammā parihāyantī’’ti. Navamaṃ.
60. ‘‘наахам̣, бхигкавз, ан̃н̃ам̣ згад̇хаммамби саманубассаами язна ануббаннаа ваа агусалаа д̇хаммаа уббаж̇ж̇анд̇и уббаннаа ваа гусалаа д̇хаммаа барихааяанд̇и яат̇аяид̣̇ам̣, бхигкавз, госаж̇ж̇ам̣. гусийд̇асса, бхигкавз, ануббаннаа жзва агусалаа д̇хаммаа уббаж̇ж̇анд̇и уббаннаа жа гусалаа д̇хаммаа барихааяанд̇ий’’д̇и. д̣̇асамам̣.
60. ‘‘Nāhaṃ, bhikkhave, aññaṃ ekadhammampi samanupassāmi yena anuppannā vā akusalā dhammā uppajjanti uppannā vā kusalā dhammā parihāyanti yathayidaṃ, bhikkhave, kosajjaṃ. Kusītassa, bhikkhave, anuppannā ceva akusalā dhammā uppajjanti uppannā ca kusalā dhammā parihāyantī’’ti. Dasamaṃ.
ажчараасан̇гхаад̇аваг̇г̇о чадто.
Accharāsaṅghātavaggo chaṭṭho.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 6. ажчараасан̇гхаад̇аваг̇г̇аван̣н̣анаа • 6. Accharāsaṅghātavaggavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 6. ажчараасан̇гхаад̇аваг̇г̇аван̣н̣анаа • 6. Accharāsaṅghātavaggavaṇṇanā
