| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya |
੬. ਅਚ੍ਛਰਾਸਙ੍ਘਾਤવਗ੍ਗੋ
6. Accharāsaṅghātavaggo
੫੧. ‘‘ਪਭਸ੍ਸਰਮਿਦਂ , ਭਿਕ੍ਖવੇ, ਚਿਤ੍ਤਂ। ਤਞ੍ਚ ਖੋ ਆਗਨ੍ਤੁਕੇਹਿ ਉਪਕ੍ਕਿਲੇਸੇਹਿ ਉਪਕ੍ਕਿਲਿਟ੍ਠਂ। ਤਂ ਅਸ੍ਸੁਤવਾ ਪੁਥੁਜ੍ਜਨੋ ਯਥਾਭੂਤਂ ਨਪ੍ਪਜਾਨਾਤਿ। ਤਸ੍ਮਾ ‘ਅਸ੍ਸੁਤવਤੋ ਪੁਥੁਜ੍ਜਨਸ੍ਸ ਚਿਤ੍ਤਭਾવਨਾ ਨਤ੍ਥੀ’ਤਿ વਦਾਮੀ’’ਤਿ। ਪਠਮਂ।
51. ‘‘Pabhassaramidaṃ , bhikkhave, cittaṃ. Tañca kho āgantukehi upakkilesehi upakkiliṭṭhaṃ. Taṃ assutavā puthujjano yathābhūtaṃ nappajānāti. Tasmā ‘assutavato puthujjanassa cittabhāvanā natthī’ti vadāmī’’ti. Paṭhamaṃ.
੫੨. ‘‘ਪਭਸ੍ਸਰਮਿਦਂ , ਭਿਕ੍ਖવੇ, ਚਿਤ੍ਤਂ। ਤਞ੍ਚ ਖੋ ਆਗਨ੍ਤੁਕੇਹਿ ਉਪਕ੍ਕਿਲੇਸੇਹਿ વਿਪ੍ਪਮੁਤ੍ਤਂ। ਤਂ ਸੁਤવਾ ਅਰਿਯਸਾવਕੋ ਯਥਾਭੂਤਂ ਪਜਾਨਾਤਿ। ਤਸ੍ਮਾ ‘ਸੁਤવਤੋ ਅਰਿਯਸਾવਕਸ੍ਸ ਚਿਤ੍ਤਭਾવਨਾ ਅਤ੍ਥੀ’ਤਿ વਦਾਮੀ’’ਤਿ। ਦੁਤਿਯਂ।
52. ‘‘Pabhassaramidaṃ , bhikkhave, cittaṃ. Tañca kho āgantukehi upakkilesehi vippamuttaṃ. Taṃ sutavā ariyasāvako yathābhūtaṃ pajānāti. Tasmā ‘sutavato ariyasāvakassa cittabhāvanā atthī’ti vadāmī’’ti. Dutiyaṃ.
੫੩. ‘‘ਅਚ੍ਛਰਾਸਙ੍ਘਾਤਮਤ੍ਤਮ੍ਪਿ ਚੇ, ਭਿਕ੍ਖવੇ, ਭਿਕ੍ਖੁ ਮੇਤ੍ਤਾਚਿਤ੍ਤਂ 1 ਆਸੇવਤਿ; ਅਯਂ વੁਚ੍ਚਤਿ, ਭਿਕ੍ਖવੇ – ‘ਭਿਕ੍ਖੁ ਅਰਿਤ੍ਤਜ੍ਝਾਨੋ વਿਹਰਤਿ ਸਤ੍ਥੁਸਾਸਨਕਰੋ ਓવਾਦਪਤਿਕਰੋ, ਅਮੋਘਂ ਰਟ੍ਠਪਿਣ੍ਡਂ ਭੁਞ੍ਜਤਿ’। ਕੋ ਪਨ વਾਦੋ ਯੇ ਨਂ ਬਹੁਲੀਕਰੋਨ੍ਤੀ’’ਤਿ! ਤਤਿਯਂ।
53. ‘‘Accharāsaṅghātamattampi ce, bhikkhave, bhikkhu mettācittaṃ 2 āsevati; ayaṃ vuccati, bhikkhave – ‘bhikkhu arittajjhāno viharati satthusāsanakaro ovādapatikaro, amoghaṃ raṭṭhapiṇḍaṃ bhuñjati’. Ko pana vādo ye naṃ bahulīkarontī’’ti! Tatiyaṃ.
੫੪. ‘‘ਅਚ੍ਛਰਾਸਙ੍ਘਾਤਮਤ੍ਤਮ੍ਪਿ ਚੇ, ਭਿਕ੍ਖવੇ, ਭਿਕ੍ਖੁ ਮੇਤ੍ਤਾਚਿਤ੍ਤਂ ਭਾવੇਤਿ; ਅਯਂ વੁਚ੍ਚਤਿ, ਭਿਕ੍ਖવੇ – ‘ਭਿਕ੍ਖੁ ਅਰਿਤ੍ਤਜ੍ਝਾਨੋ વਿਹਰਤਿ ਸਤ੍ਥੁਸਾਸਨਕਰੋ ਓવਾਦਪਤਿਕਰੋ, ਅਮੋਘਂ ਰਟ੍ਠਪਿਣ੍ਡਂ ਭੁਞ੍ਜਤਿ’। ਕੋ ਪਨ વਾਦੋ ਯੇ ਨਂ ਬਹੁਲੀਕਰੋਨ੍ਤੀ’’ਤਿ! ਚਤੁਤ੍ਥਂ।
54. ‘‘Accharāsaṅghātamattampi ce, bhikkhave, bhikkhu mettācittaṃ bhāveti; ayaṃ vuccati, bhikkhave – ‘bhikkhu arittajjhāno viharati satthusāsanakaro ovādapatikaro, amoghaṃ raṭṭhapiṇḍaṃ bhuñjati’. Ko pana vādo ye naṃ bahulīkarontī’’ti! Catutthaṃ.
੫੫. ‘‘ਅਚ੍ਛਰਾਸਙ੍ਘਾਤਮਤ੍ਤਮ੍ਪਿ ਚੇ, ਭਿਕ੍ਖવੇ, ਭਿਕ੍ਖੁ ਮੇਤ੍ਤਾਚਿਤ੍ਤਂ ਮਨਸਿ ਕਰੋਤਿ; ਅਯਂ વੁਚ੍ਚਤਿ, ਭਿਕ੍ਖવੇ – ‘ਭਿਕ੍ਖੁ ਅਰਿਤ੍ਤਜ੍ਝਾਨੋ વਿਹਰਤਿ ਸਤ੍ਥੁਸਾਸਨਕਰੋ ਓવਾਦਪਤਿਕਰੋ ਅਮੋਘਂ ਰਟ੍ਠਪਿਣ੍ਡਂ ਭੁਞ੍ਜਤਿ’। ਕੋ ਪਨ વਾਦੋ ਯੇ ਨਂ ਬਹੁਲੀਕਰੋਨ੍ਤੀ’’ਤਿ! ਪਞ੍ਚਮਂ।
55. ‘‘Accharāsaṅghātamattampi ce, bhikkhave, bhikkhu mettācittaṃ manasi karoti; ayaṃ vuccati, bhikkhave – ‘bhikkhu arittajjhāno viharati satthusāsanakaro ovādapatikaro amoghaṃ raṭṭhapiṇḍaṃ bhuñjati’. Ko pana vādo ye naṃ bahulīkarontī’’ti! Pañcamaṃ.
੫੬. ‘‘ਯੇ ਕੇਚਿ, ਭਿਕ੍ਖવੇ, ਧਮ੍ਮਾ ਅਕੁਸਲਾ ਅਕੁਸਲਭਾਗਿਯਾ ਅਕੁਸਲਪਕ੍ਖਿਕਾ, ਸਬ੍ਬੇ ਤੇ ਮਨੋਪੁਬ੍ਬਙ੍ਗਮਾ। ਮਨੋ ਤੇਸਂ ਧਮ੍ਮਾਨਂ ਪਠਮਂ ਉਪ੍ਪਜ੍ਜਤਿ, ਅਨ੍વਦੇવ ਅਕੁਸਲਾ ਧਮ੍ਮਾ’’ਤਿ। ਛਟ੍ਠਂ।
56. ‘‘Ye keci, bhikkhave, dhammā akusalā akusalabhāgiyā akusalapakkhikā, sabbe te manopubbaṅgamā. Mano tesaṃ dhammānaṃ paṭhamaṃ uppajjati, anvadeva akusalā dhammā’’ti. Chaṭṭhaṃ.
੫੭. ‘‘ਯੇ ਕੇਚਿ, ਭਿਕ੍ਖવੇ, ਧਮ੍ਮਾ ਕੁਸਲਾ ਕੁਸਲਭਾਗਿਯਾ ਕੁਸਲਪਕ੍ਖਿਕਾ, ਸਬ੍ਬੇ ਤੇ ਮਨੋਪੁਬ੍ਬਙ੍ਗਮਾ। ਮਨੋ ਤੇਸਂ ਧਮ੍ਮਾਨਂ ਪਠਮਂ ਉਪ੍ਪਜ੍ਜਤਿ, ਅਨ੍વਦੇવ ਕੁਸਲਾ ਧਮ੍ਮਾ’’ਤਿ। ਸਤ੍ਤਮਂ।
57. ‘‘Ye keci, bhikkhave, dhammā kusalā kusalabhāgiyā kusalapakkhikā, sabbe te manopubbaṅgamā. Mano tesaṃ dhammānaṃ paṭhamaṃ uppajjati, anvadeva kusalā dhammā’’ti. Sattamaṃ.
੫੮. ‘‘ਨਾਹਂ, ਭਿਕ੍ਖવੇ, ਅਞ੍ਞਂ ਏਕਧਮ੍ਮਮ੍ਪਿ ਸਮਨੁਪਸ੍ਸਾਮਿ ਯੇਨ ਅਨੁਪ੍ਪਨ੍ਨਾ વਾ ਅਕੁਸਲਾ ਧਮ੍ਮਾ ਉਪ੍ਪਜ੍ਜਨ੍ਤਿ ਉਪ੍ਪਨ੍ਨਾ વਾ ਕੁਸਲਾ ਧਮ੍ਮਾ ਪਰਿਹਾਯਨ੍ਤਿ ਯਥਯਿਦਂ, ਭਿਕ੍ਖવੇ, ਪਮਾਦੋ। ਪਮਤ੍ਤਸ੍ਸ, ਭਿਕ੍ਖવੇ, ਅਨੁਪ੍ਪਨ੍ਨਾ ਚੇવ ਅਕੁਸਲਾ ਧਮ੍ਮਾ ਉਪ੍ਪਜ੍ਜਨ੍ਤਿ ਉਪ੍ਪਨ੍ਨਾ ਚ ਕੁਸਲਾ ਧਮ੍ਮਾ ਪਰਿਹਾਯਨ੍ਤੀ’’ਤਿ। ਅਟ੍ਠਮਂ।
58. ‘‘Nāhaṃ, bhikkhave, aññaṃ ekadhammampi samanupassāmi yena anuppannā vā akusalā dhammā uppajjanti uppannā vā kusalā dhammā parihāyanti yathayidaṃ, bhikkhave, pamādo. Pamattassa, bhikkhave, anuppannā ceva akusalā dhammā uppajjanti uppannā ca kusalā dhammā parihāyantī’’ti. Aṭṭhamaṃ.
੫੯. ‘‘ਨਾਹਂ, ਭਿਕ੍ਖવੇ, ਅਞ੍ਞਂ ਏਕਧਮ੍ਮਮ੍ਪਿ ਸਮਨੁਪਸ੍ਸਾਮਿ ਯੇਨ ਅਨੁਪ੍ਪਨ੍ਨਾ વਾ ਕੁਸਲਾ ਧਮ੍ਮਾ ਉਪ੍ਪਜ੍ਜਨ੍ਤਿ ਉਪ੍ਪਨ੍ਨਾ વਾ ਅਕੁਸਲਾ ਧਮ੍ਮਾ ਪਰਿਹਾਯਨ੍ਤਿ ਯਥਯਿਦਂ, ਭਿਕ੍ਖવੇ, ਅਪ੍ਪਮਾਦੋ। ਅਪ੍ਪਮਤ੍ਤਸ੍ਸ, ਭਿਕ੍ਖવੇ, ਅਨੁਪ੍ਪਨ੍ਨਾ ਚੇવ ਕੁਸਲਾ ਧਮ੍ਮਾ ਉਪ੍ਪਜ੍ਜਨ੍ਤਿ ਉਪ੍ਪਨ੍ਨਾ ਚ ਅਕੁਸਲਾ ਧਮ੍ਮਾ ਪਰਿਹਾਯਨ੍ਤੀ’’ਤਿ। ਨવਮਂ।
59. ‘‘Nāhaṃ, bhikkhave, aññaṃ ekadhammampi samanupassāmi yena anuppannā vā kusalā dhammā uppajjanti uppannā vā akusalā dhammā parihāyanti yathayidaṃ, bhikkhave, appamādo. Appamattassa, bhikkhave, anuppannā ceva kusalā dhammā uppajjanti uppannā ca akusalā dhammā parihāyantī’’ti. Navamaṃ.
੬੦. ‘‘ਨਾਹਂ, ਭਿਕ੍ਖવੇ, ਅਞ੍ਞਂ ਏਕਧਮ੍ਮਮ੍ਪਿ ਸਮਨੁਪਸ੍ਸਾਮਿ ਯੇਨ ਅਨੁਪ੍ਪਨ੍ਨਾ વਾ ਅਕੁਸਲਾ ਧਮ੍ਮਾ ਉਪ੍ਪਜ੍ਜਨ੍ਤਿ ਉਪ੍ਪਨ੍ਨਾ વਾ ਕੁਸਲਾ ਧਮ੍ਮਾ ਪਰਿਹਾਯਨ੍ਤਿ ਯਥਯਿਦਂ, ਭਿਕ੍ਖવੇ, ਕੋਸਜ੍ਜਂ। ਕੁਸੀਤਸ੍ਸ, ਭਿਕ੍ਖવੇ, ਅਨੁਪ੍ਪਨ੍ਨਾ ਚੇવ ਅਕੁਸਲਾ ਧਮ੍ਮਾ ਉਪ੍ਪਜ੍ਜਨ੍ਤਿ ਉਪ੍ਪਨ੍ਨਾ ਚ ਕੁਸਲਾ ਧਮ੍ਮਾ ਪਰਿਹਾਯਨ੍ਤੀ’’ਤਿ। ਦਸਮਂ।
60. ‘‘Nāhaṃ, bhikkhave, aññaṃ ekadhammampi samanupassāmi yena anuppannā vā akusalā dhammā uppajjanti uppannā vā kusalā dhammā parihāyanti yathayidaṃ, bhikkhave, kosajjaṃ. Kusītassa, bhikkhave, anuppannā ceva akusalā dhammā uppajjanti uppannā ca kusalā dhammā parihāyantī’’ti. Dasamaṃ.
ਅਚ੍ਛਰਾਸਙ੍ਘਾਤવਗ੍ਗੋ ਛਟ੍ਠੋ।
Accharāsaṅghātavaggo chaṭṭho.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੬. ਅਚ੍ਛਰਾਸਙ੍ਘਾਤવਗ੍ਗવਣ੍ਣਨਾ • 6. Accharāsaṅghātavaggavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੬. ਅਚ੍ਛਰਾਸਙ੍ਘਾਤવਗ੍ਗવਣ੍ਣਨਾ • 6. Accharāsaṅghātavaggavaṇṇanā
