| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
6. ажчараасуд̇д̇аван̣н̣анаа
6. Accharāsuttavaṇṇanā
46. чадтз ажчарааг̇ан̣асан̇гхудтанд̇и аяам̣ гира д̣̇звабуд̇д̇о сад̇т̇усаасанз баб̣б̣аж̇ид̇ваа вад̇д̇абадибад̇д̇им̣ буураяамаано бан̃жавассагаалз баваарзд̇ваа д̣̇взмаад̇игам̣ баг̇ун̣ам̣ гад̇ваа гаммаагаммам̣ уг̇г̇ахзд̇ваа жид̇д̇аружид̇ам̣ гаммадтаанам̣ уг̇г̇ан̣хид̇ваа саллахугавуд̇д̇иго аран̃н̃ам̣ бависид̇ваа яо бхаг̇авад̇аа маж̇жхимаяаамо саяанасса годтаасод̇и анун̃н̃аад̇о. д̇асмимби самбад̇д̇з ‘‘бамаад̣̇асса бхааяаамий’’д̇и ман̃жагам̣ угкибид̇ваа рад̇д̇ин̃жа д̣̇иваа жа нираахааро гаммадтаанамзва манасаагааси.
46. Chaṭṭhe accharāgaṇasaṅghuṭṭhanti ayaṃ kira devaputto satthusāsane pabbajitvā vattapaṭipattiṃ pūrayamāno pañcavassakāle pavāretvā dvemātikaṃ paguṇaṃ katvā kammākammaṃ uggahetvā cittarucitaṃ kammaṭṭhānaṃ uggaṇhitvā sallahukavuttiko araññaṃ pavisitvā yo bhagavatā majjhimayāmo sayanassa koṭṭhāsoti anuññāto. Tasmimpi sampatte ‘‘pamādassa bhāyāmī’’ti mañcakaṃ ukkhipitvā rattiñca divā ca nirāhāro kammaṭṭhānameva manasākāsi.
ат̇асса аб̣бханд̇арз сад̇т̇агаваад̇аа уббаж̇ж̇ид̇ваа ж̇ийвид̇ам̣ барияаад̣̇ияим̣су. со д̇хурасмим̣язва гааламагааси. яо хи гожи бхигку жан̇гамз жан̇гамамаано ваа ааламб̣анад̇т̇амбхам̣ ниссааяа тид̇о ваа жан̇гамагодияам̣ жийварам̣ сийсз табзд̇ваа нисинно ваа нибанно ваа барисамаж̇жхз алан̇гад̇ад̇хаммаасанз д̇хаммам̣ д̣̇зсзнд̇о ваа гаалам̣ гарод̇и, саб̣б̣о со д̇хурасмим̣ гаалам̣ гарод̇и наама. ид̇и аяам̣ жан̇гаманз гаалам̣ гад̇ваа убаниссаяаманд̣̇ад̇ааяа аасавагкаяам̣ аббад̇д̇о д̇аавад̇им̣сабхаванз махаавимаанад̣̇ваарз нид̣̇д̣̇ааяид̇ваа баб̣уж̇жханд̇о вияа бадисанд̇хим̣ аг̇г̇ахзси. д̇аавад̣̇звасса суван̣н̣ад̇оран̣ам̣ вияа д̇иг̇аавуд̇о ад̇д̇абхааво ниб̣б̣ад̇д̇и.
Athassa abbhantare satthakavātā uppajjitvā jīvitaṃ pariyādiyiṃsu. So dhurasmiṃyeva kālamakāsi. Yo hi koci bhikkhu caṅkame caṅkamamāno vā ālambanatthambhaṃ nissāya ṭhito vā caṅkamakoṭiyaṃ cīvaraṃ sīse ṭhapetvā nisinno vā nipanno vā parisamajjhe alaṅkatadhammāsane dhammaṃ desento vā kālaṃ karoti, sabbo so dhurasmiṃ kālaṃ karoti nāma. Iti ayaṃ caṅkamane kālaṃ katvā upanissayamandatāya āsavakkhayaṃ appatto tāvatiṃsabhavane mahāvimānadvāre niddāyitvā pabujjhanto viya paṭisandhiṃ aggahesi. Tāvadevassa suvaṇṇatoraṇaṃ viya tigāvuto attabhāvo nibbatti.
анд̇овимаанз сахассамад̇д̇аа ажчараа д̇ам̣ д̣̇исваа, ‘‘вимаанасаамиго д̣̇звабуд̇д̇о ааг̇ад̇о, рамаяиссаама на’’нд̇и д̇уурияаани г̇ахзд̇ваа бариваараяим̣су. д̣̇звабуд̇д̇о на д̇аава жуд̇абхаавам̣ ж̇аанаад̇и, баб̣б̣аж̇ид̇асан̃н̃ийязва ажчараа ологзд̇ваа вихааражааригам̣ ааг̇ад̇ам̣ маад̇уг̇аамам̣ д̣̇исваа лаж̇ж̇ий. бам̣сугуулиго вияа убари тид̇ам̣ гханад̣̇угуулам̣ згам̣сам̣ гаронд̇о ам̣сагуудам̣ бадижчаад̣̇зд̇ваа инд̣̇рияаани огкибид̇ваа ад̇хомуко адтааси. д̇асса гааяавигаарзнзва д̇аа д̣̇звад̇аа ‘‘саман̣ад̣̇звабуд̇д̇о аяа’’нд̇и н̃ад̇ваа звамаахам̣су – ‘‘аяяа, д̣̇звабуд̇д̇а, д̣̇звалого наамааяам̣, на саман̣ад̇хаммасса гаран̣огаасо, самбад̇д̇им̣ анубхаваногаасо’’д̇и. со д̇ат̇зва адтааси. д̣̇звад̇аа ‘‘на д̇аавааяам̣ саллагкзд̇ий’’д̇и д̇уурияаани баг̇г̇ан̣хим̣су. со д̇ат̇ааби анологзнд̇ова адтааси.
Antovimāne sahassamattā accharā taṃ disvā, ‘‘vimānasāmiko devaputto āgato, ramayissāma na’’nti tūriyāni gahetvā parivārayiṃsu. Devaputto na tāva cutabhāvaṃ jānāti, pabbajitasaññīyeva accharā oloketvā vihāracārikaṃ āgataṃ mātugāmaṃ disvā lajjī. Paṃsukūliko viya upari ṭhitaṃ ghanadukūlaṃ ekaṃsaṃ karonto aṃsakūṭaṃ paṭicchādetvā indriyāni okkhipitvā adhomukho aṭṭhāsi. Tassa kāyavikāreneva tā devatā ‘‘samaṇadevaputto aya’’nti ñatvā evamāhaṃsu – ‘‘ayya, devaputta, devaloko nāmāyaṃ, na samaṇadhammassa karaṇokāso, sampattiṃ anubhavanokāso’’ti. So tatheva aṭṭhāsi. Devatā ‘‘na tāvāyaṃ sallakkhetī’’ti tūriyāni paggaṇhiṃsu. So tathāpi anolokentova aṭṭhāsi.
ат̇асса саб̣б̣агааяигам̣ аад̣̇аасам̣ бурад̇о табаяим̣су. со чааяам̣ д̣̇исваа жуд̇абхаавам̣ н̃ад̇ваа, ‘‘на маяаа имам̣ таанам̣ бад̇т̇зд̇ваа саман̣ад̇хаммо гад̇о, уд̇д̇амад̇т̇ам̣ арахад̇д̇ам̣ бад̇т̇зд̇ваа гад̇о’’д̇и самбад̇д̇ияаа виббадисаарий ахоси, ‘‘суван̣н̣абадам̣ бадилабхиссаамий’’д̇и д̇аггаяид̇ваа яуд̣̇д̇хадтаанам̣ од̇ин̣н̣амалло муулагамудтим̣ лабхид̇ваа вияа. со – ‘‘аяам̣ саг̇г̇асамбад̇д̇и наама сулабхаа, б̣уд̣̇д̇хаанам̣ баад̇убхааво д̣̇уллабхо’’д̇и жинд̇зд̇ваа вимаанам̣ абависид̇ваава асамбхиннзнзва сийлзна ажчараасан̇гхабаривуд̇о д̣̇асаб̣аласса санд̇игам̣ ааг̇амма абхиваад̣̇зд̇ваа згаманд̇ам̣ тид̇о имам̣ г̇аат̇ам̣ абхааси.
Athassa sabbakāyikaṃ ādāsaṃ purato ṭhapayiṃsu. So chāyaṃ disvā cutabhāvaṃ ñatvā, ‘‘na mayā imaṃ ṭhānaṃ patthetvā samaṇadhammo kato, uttamatthaṃ arahattaṃ patthetvā kato’’ti sampattiyā vippaṭisārī ahosi, ‘‘suvaṇṇapaṭaṃ paṭilabhissāmī’’ti takkayitvā yuddhaṭṭhānaṃ otiṇṇamallo mūlakamuṭṭhiṃ labhitvā viya. So – ‘‘ayaṃ saggasampatti nāma sulabhā, buddhānaṃ pātubhāvo dullabho’’ti cintetvā vimānaṃ apavisitvāva asambhinneneva sīlena accharāsaṅghaparivuto dasabalassa santikaṃ āgamma abhivādetvā ekamantaṃ ṭhito imaṃ gāthaṃ abhāsi.
д̇ад̇т̇а ажчарааг̇ан̣асан̇гхудтанд̇и ажчарааг̇ан̣зна г̇ийд̇аваад̣̇ид̇асад̣̇д̣̇зхи сан̇гхосид̇ам̣. бисаажаг̇ан̣асзвид̇анд̇и д̇амзва ажчарааг̇ан̣ам̣ бисаажаг̇ан̣ам̣ гад̇ваа вад̣̇ад̇и. вананд̇и нанд̣̇анаванам̣ санд̇хааяа вад̣̇ад̇и. аяан̃хи нияаамажид̇д̇ад̇ааяа ад̇д̇ано г̇арубхаавзна д̣̇зваг̇ан̣ам̣ ‘‘д̣̇зваг̇ан̣о’’д̇и вад̇д̇ум̣ на рожзд̇и. ‘‘бисаажаг̇ан̣о’’д̇и вад̣̇ад̇и. нанд̣̇анаванан̃жа ‘‘нанд̣̇ана’’нд̇и авад̇ваа ‘‘мохана’’нд̇и вад̣̇ад̇и . гат̇ам̣ яаад̇раа бхависсад̇ийд̇и гат̇ам̣ ниг̇г̇аманам̣ бхависсад̇и, гат̇ам̣ ад̇иггамо бхависсад̇и, арахад̇д̇асса мз бад̣̇адтаанабхууд̇ам̣ вибассанам̣ аажигкат̇а бхаг̇аваад̇и вад̣̇ад̇и.
Tattha accharāgaṇasaṅghuṭṭhanti accharāgaṇena gītavāditasaddehi saṅghositaṃ. Pisācagaṇasevitanti tameva accharāgaṇaṃ pisācagaṇaṃ katvā vadati. Vananti nandanavanaṃ sandhāya vadati. Ayañhi niyāmacittatāya attano garubhāvena devagaṇaṃ ‘‘devagaṇo’’ti vattuṃ na roceti. ‘‘Pisācagaṇo’’ti vadati. Nandanavanañca ‘‘nandana’’nti avatvā ‘‘mohana’’nti vadati . Kathaṃ yātrā bhavissatīti kathaṃ niggamanaṃ bhavissati, kathaṃ atikkamo bhavissati, arahattassa me padaṭṭhānabhūtaṃ vipassanaṃ ācikkhatha bhagavāti vadati.
ат̇а бхаг̇аваа ‘‘ад̇исалликад̇зва аяам̣ д̣̇звабуд̇д̇о, гим̣ ну ко ид̣̇а’’нд̇и? ааваж̇ж̇знд̇о ад̇д̇ано саасанз баб̣б̣аж̇ид̇абхаавам̣ н̃ад̇ваа – ‘‘аяам̣ ажжаарад̣̇д̇хавийрияад̇ааяа гаалам̣ гад̇ваа д̣̇звалогз ниб̣б̣ад̇д̇о, аж̇ж̇аабисса жан̇гаманасмим̣язва ад̇д̇абхааво асамбхиннзна сийлзна ааг̇ад̇о’’д̇и жинд̇зси. б̣уд̣̇д̇хаа жа агад̇аабхинивзсасса аад̣̇игаммигасса агад̇абаригаммасса анд̇зваасино жид̇д̇агааро бхид̇д̇ибаригаммам̣ вияа – ‘‘сийлам̣ д̇аава сод̇хзхи, самаад̇хим̣ бхаавзхи, гаммассагад̇абан̃н̃ам̣ уж̇ум̣ гарохий’’д̇и батамам̣ буб̣б̣абхааг̇аббадибад̣̇ам̣ аажигканд̇и, гаарагасса бана яуд̇д̇абаяуд̇д̇асса арахад̇д̇амаг̇г̇абад̣̇адтаанабхууд̇ам̣ сан̣хасукумам̣ сун̃н̃ад̇аавибассанам̣язва аажигканд̇и, аяан̃жа д̣̇звабуд̇д̇о гаараго абхиннасийло, зго маг̇г̇о асса анааг̇ад̇од̇и сун̃н̃ад̇аавибассанам̣ аажигканд̇о уж̇уго наамаад̇иаад̣̇имааха.
Atha bhagavā ‘‘atisallikhateva ayaṃ devaputto, kiṃ nu kho ida’’nti? Āvajjento attano sāsane pabbajitabhāvaṃ ñatvā – ‘‘ayaṃ accāraddhavīriyatāya kālaṃ katvā devaloke nibbatto, ajjāpissa caṅkamanasmiṃyeva attabhāvo asambhinnena sīlena āgato’’ti cintesi. Buddhā ca akatābhinivesassa ādikammikassa akataparikammassa antevāsino cittakāro bhittiparikammaṃ viya – ‘‘sīlaṃ tāva sodhehi, samādhiṃ bhāvehi, kammassakatapaññaṃ ujuṃ karohī’’ti paṭhamaṃ pubbabhāgappaṭipadaṃ ācikkhanti, kārakassa pana yuttapayuttassa arahattamaggapadaṭṭhānabhūtaṃ saṇhasukhumaṃ suññatāvipassanaṃyeva ācikkhanti, ayañca devaputto kārako abhinnasīlo, eko maggo assa anāgatoti suññatāvipassanaṃ ācikkhanto ujuko nāmātiādimāha.
д̇ад̇т̇а уж̇угод̇и гааяаван̇гаад̣̇ийнам̣ абхаавад̇о адтан̇г̇иго маг̇г̇о уж̇уго наама. абхаяаа наама саа д̣̇исаад̇и ниб̣б̣аанам̣ санд̇хааяааха. д̇асмим̣ хи гин̃жи бхаяам̣ над̇т̇и, д̇ам̣ ваа бад̇д̇асса бхаяам̣ над̇т̇ийд̇и ‘‘абхаяаа наама саа д̣̇исаа’’д̇и вуд̇д̇ам̣. рат̇о агууж̇анод̇и адтан̇г̇иго маг̇г̇ова ад̇хиббзд̇о. яат̇аа хи баагад̇игарат̇о агкз ваа анаб̣бхан̃ж̇ид̇з ад̇ирзгзсу ваа мануссзсу абхирул̣хзсу гууж̇ад̇и виравад̇и, на звам̣ арияамаг̇г̇о. со хи згаббахаарзна жад̇ураасийд̇ияааби баан̣асахассзсу абхируханд̇зсу на гууж̇ад̇и на виравад̇и. д̇асмаа ‘‘агууж̇ано’’д̇и вуд̇д̇о. д̇хаммажаггзхи сам̣яуд̇од̇и гааяигажзд̇асигавийрияасан̇каад̇зхи д̇хаммажаггзхи сам̣яуд̇д̇о.
Tattha ujukoti kāyavaṅkādīnaṃ abhāvato aṭṭhaṅgiko maggo ujuko nāma. Abhayā nāma sā disāti nibbānaṃ sandhāyāha. Tasmiṃ hi kiñci bhayaṃ natthi, taṃ vā pattassa bhayaṃ natthīti ‘‘abhayā nāma sā disā’’ti vuttaṃ. Ratho akūjanoti aṭṭhaṅgiko maggova adhippeto. Yathā hi pākatikaratho akkhe vā anabbhañjite atirekesu vā manussesu abhiruḷhesu kūjati viravati, na evaṃ ariyamaggo. So hi ekappahārena caturāsītiyāpi pāṇasahassesu abhiruhantesu na kūjati na viravati. Tasmā ‘‘akūjano’’ti vutto. Dhammacakkehi saṃyutoti kāyikacetasikavīriyasaṅkhātehi dhammacakkehi saṃyutto.
хирийд̇и зд̇т̇а хириг̇г̇ахан̣зна од̇д̇аббамби г̇ахид̇амзва ход̇и. д̇асса абааламб̣од̇и яат̇аа б̣аахирагарат̇асса рат̇з тид̇аанам̣ яод̇хаанам̣ абад̇анад̇т̇ааяа д̣̇аарумаяам̣ абааламб̣анам̣ ход̇и, звам̣ имасса маг̇г̇арат̇асса аж̇жхад̇д̇аб̣ахид̣̇д̇хаасамудтаанам̣ хирод̇д̇аббам̣ абааламб̣анам̣. сад̇яасса баривааран̣анд̇и рат̇асса сийхажаммаад̣̇ибаривааро вияа имассааби маг̇г̇арат̇асса самбаяуд̇д̇аа сад̇и баривааран̣ам̣. д̇хамманд̇и логуд̇д̇арамаг̇г̇ам̣ . саммаад̣̇идтибурзж̇аванд̇и вибассанаасаммаад̣̇идтибурзж̇аваа асса буб̣б̣аяааяигаад̇и саммаад̣̇идтибурзж̇аво, д̇ам̣ саммаад̣̇идтибурзж̇авам̣. яат̇аа хи батамад̇арам̣ рааж̇абурисзхи гаан̣агун̣иаад̣̇ийнам̣нийхаран̣зна маг̇г̇з сод̇хид̇з бажчаа рааж̇аа нигкамад̇и, звамзвам̣ вибассанаа саммаад̣̇идтияаа анижжаад̣̇ивасзна канд̇хаад̣̇ийсу сод̇хид̇зсу бажчаа бхуумилад̣̇д̇хаваддам̣ бариж̇аанамаанаа маг̇г̇асаммаад̣̇идти уббаж̇ж̇ад̇и. д̇зна вуд̇д̇ам̣ ‘‘д̇хаммаахам̣ саарат̇им̣ б̣рууми, саммаад̣̇идтибурзж̇ава’’нд̇и.
Hirīti ettha hiriggahaṇena ottappampi gahitameva hoti. Tassa apālamboti yathā bāhirakarathassa rathe ṭhitānaṃ yodhānaṃ apatanatthāya dārumayaṃ apālambanaṃ hoti, evaṃ imassa maggarathassa ajjhattabahiddhāsamuṭṭhānaṃ hirottappaṃ apālambanaṃ. Satyassaparivāraṇanti rathassa sīhacammādiparivāro viya imassāpi maggarathassa sampayuttā sati parivāraṇaṃ. Dhammanti lokuttaramaggaṃ . Sammādiṭṭhipurejavanti vipassanāsammādiṭṭhipurejavā assa pubbayāyikāti sammādiṭṭhipurejavo, taṃ sammādiṭṭhipurejavaṃ. Yathā hi paṭhamataraṃ rājapurisehi kāṇakuṇiādīnaṃnīharaṇena magge sodhite pacchā rājā nikkhamati, evamevaṃ vipassanā sammādiṭṭhiyā aniccādivasena khandhādīsu sodhitesu pacchā bhūmiladdhavaṭṭaṃ parijānamānā maggasammādiṭṭhi uppajjati. Tena vuttaṃ ‘‘dhammāhaṃ sārathiṃ brūmi, sammādiṭṭhipurejava’’nti.
ид̇и бхаг̇аваа д̣̇зсанам̣ нидтаабзд̇ваа авасаанз жад̇д̇аари сажжаани д̣̇ийбзси. д̣̇зсанаабарияосаанз д̣̇звабуд̇д̇о сод̇аабад̇д̇ипалз бад̇идтааси. яат̇аа хи ран̃н̃о бхож̇анагаалз ад̇д̇ано мукаббамаан̣з габ̣ал̣з угкид̇д̇з ан̇гз нисинно буд̇д̇о ад̇д̇ано мукаббамаан̣знзва д̇ад̇о габ̣ал̣ам̣ гарод̇и, звамзвам̣ бхаг̇авад̇и арахад̇д̇анигуудзна д̣̇зсанам̣ д̣̇зсзнд̇зби сад̇д̇аа ад̇д̇ано убаниссаяаануруубзна сод̇аабад̇д̇ипалаад̣̇ийни баабун̣анд̇и. аяамби д̣̇звабуд̇д̇о сод̇аабад̇д̇ипалам̣ бад̇ваа бхаг̇аванд̇ам̣ г̇анд̇хаад̣̇ийхи бууж̇зд̇ваа баггаамийд̇и. чадтам̣.
Iti bhagavā desanaṃ niṭṭhāpetvā avasāne cattāri saccāni dīpesi. Desanāpariyosāne devaputto sotāpattiphale patiṭṭhāsi. Yathā hi rañño bhojanakāle attano mukhappamāṇe kabaḷe ukkhitte aṅke nisinno putto attano mukhappamāṇeneva tato kabaḷaṃ karoti, evamevaṃ bhagavati arahattanikūṭena desanaṃ desentepi sattā attano upanissayānurūpena sotāpattiphalādīni pāpuṇanti. Ayampi devaputto sotāpattiphalaṃ patvā bhagavantaṃ gandhādīhi pūjetvā pakkāmīti. Chaṭṭhaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 6. ажчараасуд̇д̇ам̣ • 6. Accharāsuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 6. ажчараасуд̇д̇аван̣н̣анаа • 6. Accharāsuttavaṇṇanā
