| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
6. ажчараасуд̇д̇аван̣н̣анаа
6. Accharāsuttavaṇṇanā
46. ‘‘ажчарааг̇ан̣асан̇гхудта’’нд̇и г̇аат̇аа д̣̇звабуд̇д̇зна язнаад̇хиббааязна г̇ааяид̇аа, со анубуб̣б̣игат̇ааяа винаа на бан̃н̃ааяад̇ийд̇и д̇ам̣ ааг̇аманад̇о бадтааяа гат̇знд̇о ‘‘аяам̣ гира д̣̇звабуд̇д̇о’’д̇иаад̣̇имааха. д̇ад̇т̇а саасанзд̇и имассзва сад̇т̇усаасанз. гаммаагамманд̇и гаммавинижчаяам̣. ад̇т̇абурзгкаарад̇ааяа аббагижжад̇ааяа жа саллахугавуд̇д̇иго. саяанасса годтаасод̇и д̣̇ивасам̣ буримаяааман̃жа бхааванаануяог̇авасзна гиланд̇агааяасса самассаасанад̇т̇ам̣ сзяяааяа убаг̇аманабхааг̇о анун̃н̃аад̇о.
46. ‘‘Accharāgaṇasaṅghuṭṭha’’nti gāthā devaputtena yenādhippāyena gāyitā, so anupubbikathāya vinā na paññāyatīti taṃ āgamanato paṭṭhāya kathento ‘‘ayaṃ kira devaputto’’tiādimāha. Tattha sāsaneti imasseva satthusāsane. Kammākammanti kammavinicchayaṃ. Atthapurekkhāratāya appakiccatāya ca sallahukavuttiko. Sayanassa koṭṭhāsoti divasaṃ purimayāmañca bhāvanānuyogavasena kilantakāyassa samassāsanatthaṃ seyyāya upagamanabhāgo anuññāto.
аб̣бханд̇арзд̇и гужчияам̣ бхад̇д̇асса барид̇д̇ад̇ааяа сад̇т̇агаваад̇аад̇и д̇игкабхаавзна сад̇т̇агаа вияа ганд̇анагаа ваад̇аа. д̇хурасмим̣язваад̇и гилзсамаарзна яуд̣̇д̇хз зва. вимуд̇д̇ааяад̇анасийсз тад̇ваа д̇хаммам̣ д̣̇зсзнд̇о ваа. убаниссаяаманд̣̇ад̇ааяа абарибагган̃аан̣ад̇ааяа аасавагкаяам̣ аббад̇д̇о гаалам̣ гад̇ваад̇и яож̇анаа. убари тид̇анд̇и баригкаарабхаавзна д̣̇иб̣б̣ад̣̇уссуубари тид̇ам̣. д̇ат̇зва адтаасийд̇и д̇аахи д̇ат̇аа вуд̇д̇зби яат̇аа д̇ад̇о буб̣б̣з, д̇ат̇зва адтааси. суван̣н̣абадданд̇и ниб̣б̣уд̣̇д̇хз бадиж̇инид̇ваа лад̣̇д̇хаб̣б̣асуван̣н̣абаддам̣. вийд̇иггамасса агад̇ад̇д̇аа асамбхиннзнзва сийлзна. яасмаа д̇асмим̣ сад̇т̇у санд̇игам̣ ааг̇ажчанд̇з д̇ааби д̇зна сад̣̇д̇хим̣ ааг̇амам̣су д̇асмаа ‘‘ажчараасан̇гхабаривуд̇о’’д̇и вуд̇д̇ам̣.
Abbhantareti kucchiyaṃ bhattassa parittatāya satthakavātāti tikkhabhāvena satthakā viya kantanakā vātā. Dhurasmiṃyevāti kilesamārena yuddhe eva. Vimuttāyatanasīse ṭhatvā dhammaṃ desento vā. Upanissayamandatāya aparipakkañāṇatāya āsavakkhayaṃ appatto kālaṃ katvāti yojanā. Upari ṭhitanti parikkhārabhāvena dibbadussūpari ṭhitaṃ. Tatheva aṭṭhāsīti tāhi tathā vuttepi yathā tato pubbe, tatheva aṭṭhāsi. Suvaṇṇapaṭṭanti nibbuddhe paṭijinitvā laddhabbasuvaṇṇapaṭṭaṃ. Vītikkamassa akatattā asambhinneneva sīlena. Yasmā tasmiṃ satthu santikaṃ āgacchante tāpi tena saddhiṃ āgamaṃsu tasmā ‘‘accharāsaṅghaparivuto’’ti vuttaṃ.
сан̇гхосид̇анд̇и сан̇г̇амма гхосид̇ам̣, д̇ад̇т̇а д̇ад̇т̇а ажчараанам̣ г̇ийд̇асад̣̇д̣̇авасзна гхосид̇ам̣. бисаажаг̇ан̣ам̣ гад̇ваа вад̣̇ад̇и ажчанд̣̇арааг̇ад̇ааяа. нияаамажид̇д̇ад̇ааяаад̇и саммад̇д̇анияаамз ниннажид̇д̇ад̇ааяа. г̇арубхаавзнаад̇и д̇аасам̣ васз авад̇д̇анад̇о г̇арудтаанабхаавзна. яаад̇раад̇и ниб̣б̣аанам̣ бад̇и яаад̇раа. д̇ам̣ бана ваддад̇о ниг̇г̇аманам̣ ход̇ийд̇и ааха ‘‘гат̇ам̣ ниг̇г̇аманам̣ бхависсад̇ий’’д̇и.
Saṅghositanti saṅgamma ghositaṃ, tattha tattha accharānaṃ gītasaddavasena ghositaṃ. Pisācagaṇaṃ katvā vadati acchandarāgatāya. Niyāmacittatāyāti sammattaniyāme ninnacittatāya. Garubhāvenāti tāsaṃ vase avattanato garuṭṭhānabhāvena. Yātrāti nibbānaṃ pati yātrā. Taṃ pana vaṭṭato niggamanaṃ hotīti āha ‘‘kathaṃ niggamanaṃ bhavissatī’’ti.
ад̇исаллзкад̇зваад̇и ад̇ивияа гилзсаанам̣ саллзкид̇авуд̇д̇иго. агад̇аабхинивзсассаад̇и бхааванаманануяуд̇д̇асса анаарад̣̇д̇хавибассагасса. гаарагассаад̇и суг̇ад̇оваад̣̇агаарагасса саммаабадибаж̇ж̇ад̇о. сун̃н̃ад̇аавибассананд̇и сун̃н̃ад̇аад̣̇ийбанам̣ вибассанам̣ д̣̇ужжарид̇ад̇ан̣хааяа д̣̇уурийгаран̣зна згавихаарид̇ааяа. зго маг̇г̇о ассаад̇и логуд̇д̇арамаг̇г̇о зва асса анааг̇ад̇о, буб̣б̣абхааг̇амаг̇г̇о бана гад̇абарижаяод̇и ад̇т̇о.
Atisallekhatevāti ativiya kilesānaṃ sallekhitavuttiko. Akatābhinivesassāti bhāvanamananuyuttassa anāraddhavipassakassa. Kārakassāti sugatovādakārakassa sammāpaṭipajjato. Suññatāvipassananti suññatādīpanaṃ vipassanaṃ duccaritataṇhāya dūrīkaraṇena ekavihāritāya. Eko maggo assāti lokuttaramaggo eva assa anāgato, pubbabhāgamaggo pana kataparicayoti attho.
гааяаван̇гаад̣̇ийнанд̇и гааяад̣̇ужжарид̇аад̣̇ийнам̣ абхаавад̇о самужчинд̣̇анзна анубалаб̣бханад̇о. над̇т̇и зд̇т̇а бхаяам̣, асмим̣ ваа ад̇хиг̇ад̇з буг̇г̇аласса над̇т̇и бхаяанд̇и абхаяам̣ наама. сам̣саараганд̇аарам̣ ад̇иггамид̇ваа ниб̣б̣аанасан̇каад̇ам̣ кзмам̣ амад̇адтаанам̣ г̇аманз суг̇ад̇асаарат̇инаа сусаж̇ж̇ид̇аяаанабхаавад̇о рат̇о агууж̇анод̇и адтан̇г̇иго маг̇г̇ова ад̇хиббзд̇о. д̇хаммад̇о анабзд̇ад̇ааяа абараабаруббад̇д̇ияаа жа д̇хаммажаггзхи.
Kāyavaṅkādīnanti kāyaduccaritādīnaṃ abhāvato samucchindanena anupalabbhanato. Natthi ettha bhayaṃ, asmiṃ vā adhigate puggalassa natthi bhayanti abhayaṃ nāma. Saṃsārakantāraṃ atikkamitvā nibbānasaṅkhātaṃ khemaṃ amataṭṭhānaṃ gamane sugatasārathinā susajjitayānabhāvato ratho akūjanoti aṭṭhaṅgiko maggova adhippeto. Dhammato anapetatāya aparāparuppattiyā ca dhammacakkehi.
од̇д̇аббамби г̇ахид̇амзва авинаабхааваа. абааламб̣од̇и авассаяо. бариваарод̇и баригкааро абхисан̇каран̣ад̇о. маг̇г̇асса гаран̣адтаанз д̇хаммо д̇аббарияаабаннаа саммаад̣̇идти. анижжаад̣̇ивасзнаад̇и анижжаанубассанаад̣̇ивасзна. сод̇хид̇зсу важ̇жхамаанзсу. бхуумилад̣̇д̇хавадданд̇и бхуумилад̣̇д̇хасан̇каад̇ам̣ ваддам̣. д̇ад̇т̇а вибассанааяа бавад̇д̇идтаанабхаавад̇о бан̃жагканд̇хаа бхууми наама, ваддамаяагаммабхаавад̇о д̇ад̇т̇а уббаж̇ж̇анаарахам̣ гилзсаж̇аад̇ам̣ бхуумилад̣̇д̇хаваддам̣. бариж̇аанамаанаад̇и барижчинд̣̇анавасзна самад̇иггамавасзна ж̇аанамаанаа бадивиж̇жханд̇ий.
Ottappampi gahitameva avinābhāvā. Apālamboti avassayo. Parivāroti parikkhāro abhisaṅkharaṇato. Maggassa karaṇaṭṭhāne dhammo tappariyāpannā sammādiṭṭhi. Aniccādivasenāti aniccānupassanādivasena. Sodhitesu vajjhamānesu. Bhūmiladdhavaṭṭanti bhūmiladdhasaṅkhātaṃ vaṭṭaṃ. Tattha vipassanāya pavattiṭṭhānabhāvato pañcakkhandhā bhūmi nāma, vaṭṭamayakammabhāvato tattha uppajjanārahaṃ kilesajātaṃ bhūmiladdhavaṭṭaṃ. Parijānamānāti paricchindanavasena samatikkamavasena jānamānā paṭivijjhantī.
гасмаа д̣̇звабуд̇д̇о сод̇аабад̇д̇ипалзязва бад̇идтааси, нану жа саа д̣̇зсанаа бхаг̇авад̇аа жад̇умаг̇г̇аббад̇хаанабхаавзна бавад̇д̇ид̇аад̇и ааха ‘‘яат̇аа хий’’д̇иаад̣̇и.
Kasmā devaputto sotāpattiphaleyeva patiṭṭhāsi, nanu ca sā desanā bhagavatā catumaggappadhānabhāvena pavattitāti āha ‘‘yathā hī’’tiādi.
ажчараасуд̇д̇аван̣н̣анаа нидтид̇аа.
Accharāsuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 6. ажчараасуд̇д̇ам̣ • 6. Accharāsuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 6. ажчараасуд̇д̇аван̣н̣анаа • 6. Accharāsuttavaṇṇanā
