| Library / Tipiṭaka / д̇ибидага • Tipiṭaka / маж̇жхиманигааяа (адтагат̇аа) • Majjhimanikāya (aṭṭhakathā) |
3. ажчарияааб̣бхуд̇асуд̇д̇аван̣н̣анаа
3. Acchariyaabbhutasuttavaṇṇanā
197. звам̣ мз суд̇анд̇и ажчарияааб̣бхуд̇асуд̇д̇ам̣. д̇ад̇т̇а яад̇ра хи наамаад̇и ажчарияад̇т̇з нибаад̇о. яо наама д̇ат̇ааг̇ад̇од̇и ад̇т̇о. чиннабабан̃жзд̇и зд̇т̇а бабан̃жаа наама д̇ан̣хаа маано д̣̇идтийд̇и имз д̇аяо гилзсаа. чиннавадумзд̇и зд̇т̇а вадуманд̇и гусалаагусалагаммаваддам̣ вужжад̇и. барияаад̣̇иннаваддзд̇и д̇ассзва взважанам̣. саб̣б̣ад̣̇угкавийд̇ивад̇д̇зд̇и саб̣б̣ам̣ вибаагаваддасан̇каад̇ам̣ д̣̇угкам̣ вийд̇ивад̇д̇з. ануссариссад̇ийд̇и ид̣̇ам̣ яад̇раад̇и нибаад̇авасзна анааг̇ад̇аважанам̣, ад̇т̇о банзд̇т̇а ад̇ийд̇авасзна взд̣̇ид̇аб̣б̣о. бхаг̇аваа хи д̇з б̣уд̣̇д̇хз ануссари, на ид̣̇аани ануссариссад̇и. звам̣ж̇ажжаад̇и вибассийаад̣̇аяо кад̇д̇ияаж̇ажжаа, гагусанд̇хаад̣̇аяо б̣раахман̣аж̇ажжаад̇и. звам̣г̇од̇д̇аад̇и вибассийаад̣̇аяо гон̣д̣ан̃н̃аг̇од̇д̇аа, гагусанд̇хаад̣̇аяо гассабаг̇од̇д̇аад̇и. звам̣сийлаад̇и логияалогуд̇д̇арасийлзна звам̣сийлаа. звам̣д̇хаммаад̇и зд̇т̇а самаад̇хибагкаа д̇хаммаа ад̇хиббзд̇аа . логияалогуд̇д̇арзна самаад̇хинаа звам̣самаад̇хинод̇и ад̇т̇о. звам̣бан̃н̃аад̇и логияалогуд̇д̇арабан̃н̃ааяа звам̣бан̃н̃аа. звам̣вихаарийд̇и зд̇т̇а бана хздтаа самаад̇хибагкаанам̣ д̇хаммаанам̣ г̇ахид̇ад̇д̇аа вихааро г̇ахид̇ова, буна гасмаа г̇ахид̇амзва г̇ан̣хаад̇ийд̇и жз, на ид̣̇ам̣ г̇ахид̇амзва. ид̣̇ан̃хи нирод̇хасамаабад̇д̇ид̣̇ийбанад̇т̇ам̣, д̇асмаа звам̣нирод̇хасамаабад̇д̇ивихаарийд̇и аяамзд̇т̇а ад̇т̇о.
197.Evaṃme sutanti acchariyaabbhutasuttaṃ. Tattha yatra hi nāmāti acchariyatthe nipāto. Yo nāma tathāgatoti attho. Chinnapapañceti ettha papañcā nāma taṇhā māno diṭṭhīti ime tayo kilesā. Chinnavaṭumeti ettha vaṭumanti kusalākusalakammavaṭṭaṃ vuccati. Pariyādinnavaṭṭeti tasseva vevacanaṃ. Sabbadukkhavītivatteti sabbaṃ vipākavaṭṭasaṅkhātaṃ dukkhaṃ vītivatte. Anussarissatīti idaṃ yatrāti nipātavasena anāgatavacanaṃ, attho panettha atītavasena veditabbo. Bhagavā hi te buddhe anussari, na idāni anussarissati. Evaṃjaccāti vipassīādayo khattiyajaccā, kakusandhādayo brāhmaṇajaccāti. Evaṃgottāti vipassīādayo koṇḍaññagottā, kakusandhādayo kassapagottāti. Evaṃsīlāti lokiyalokuttarasīlena evaṃsīlā. Evaṃdhammāti ettha samādhipakkhā dhammā adhippetā . Lokiyalokuttarena samādhinā evaṃsamādhinoti attho. Evaṃpaññāti lokiyalokuttarapaññāya evaṃpaññā. Evaṃvihārīti ettha pana heṭṭhā samādhipakkhānaṃ dhammānaṃ gahitattā vihāro gahitova, puna kasmā gahitameva gaṇhātīti ce, na idaṃ gahitameva. Idañhi nirodhasamāpattidīpanatthaṃ, tasmā evaṃnirodhasamāpattivihārīti ayamettha attho.
звам̣вимуд̇д̇аад̇и зд̇т̇а вигкамбханавимуд̇д̇и д̇ад̣̇ан̇г̇авимуд̇д̇и самужчзд̣̇авимуд̇д̇и бадиббассад̣̇д̇хивимуд̇д̇и ниссаран̣авимуд̇д̇ийд̇и бан̃жавид̇хаа вимуд̇д̇ияо. д̇ад̇т̇а адта самаабад̇д̇ияо саяам̣ вигкамбхид̇зхи нийваран̣аад̣̇ийхи вимуд̇д̇ад̇д̇аа вигкамбханавимуд̇д̇ийд̇и сан̇кам̣ г̇ажчанд̇и. анижжаанубассанаад̣̇игаа сад̇д̇а анубассанаа саяам̣ д̇асса д̇асса бажжанийган̇г̇авасзна барижад̇д̇аахи нижжасан̃н̃аад̣̇ийхи вимуд̇д̇ад̇д̇аа д̇ад̣̇ан̇г̇авимуд̇д̇ийд̇и сан̇кам̣ г̇ажчанд̇и. жад̇д̇ааро арияамаг̇г̇аа саяам̣ самужчиннзхи гилзсзхи вимуд̇д̇ад̇д̇аа самужчзд̣̇авимуд̇д̇ийд̇и сан̇кам̣ г̇ажчанд̇и. жад̇д̇аари сааман̃н̃апалаани маг̇г̇аанубхаавзна гилзсаанам̣ бадиббассад̣̇д̇ханд̇з уббаннад̇д̇аа бадиббассад̣̇д̇хивимуд̇д̇ийд̇и сан̇кам̣ г̇ажчанд̇и. ниб̣б̣аанам̣ саб̣б̣агилзсзхи ниссадад̇д̇аа абаг̇ад̇ад̇д̇аа д̣̇уурз тид̇ад̇д̇аа ниссаран̣авимуд̇д̇ийд̇и сан̇кам̣ г̇ад̇ам̣. ид̇и имаасам̣ бан̃жаннам̣ вимуд̇д̇ийнам̣ васзна звам̣вимуд̇д̇аад̇и звамзд̇т̇а ад̇т̇о взд̣̇ид̇аб̣б̣о.
Evaṃvimuttāti ettha vikkhambhanavimutti tadaṅgavimutti samucchedavimutti paṭippassaddhivimutti nissaraṇavimuttīti pañcavidhā vimuttiyo. Tattha aṭṭha samāpattiyo sayaṃ vikkhambhitehi nīvaraṇādīhi vimuttattā vikkhambhanavimuttīti saṅkhaṃ gacchanti. Aniccānupassanādikā satta anupassanā sayaṃ tassa tassa paccanīkaṅgavasena paricattāhi niccasaññādīhi vimuttattā tadaṅgavimuttīti saṅkhaṃ gacchanti. Cattāro ariyamaggā sayaṃ samucchinnehi kilesehi vimuttattā samucchedavimuttīti saṅkhaṃ gacchanti. Cattāri sāmaññaphalāni maggānubhāvena kilesānaṃ paṭippassaddhante uppannattā paṭippassaddhivimuttīti saṅkhaṃ gacchanti. Nibbānaṃ sabbakilesehi nissaṭattā apagatattā dūre ṭhitattā nissaraṇavimuttīti saṅkhaṃ gataṃ. Iti imāsaṃ pañcannaṃ vimuttīnaṃ vasena evaṃvimuttāti evamettha attho veditabbo.
199. д̇асмаад̇ихаад̇и яасмаа д̇вам̣ ‘‘д̇ат̇ааг̇ад̇аа ажчарияаа’’д̇и вад̣̇аси, д̇асмаа д̇ам̣ бхияяосо мад̇д̇ааяа бадибханд̇у д̇ат̇ааг̇ад̇асса ажчарияаа аб̣бхуд̇ад̇хаммаад̇и. сад̇о самбаж̇аанод̇и зд̇т̇а д̣̇взсамбаж̇ан̃н̃аани мануссалогз д̣̇звалогз жа. д̇ад̇т̇а взссанд̇араж̇аад̇агз б̣раахман̣асса д̣̇вз буд̇д̇з д̣̇ад̇ваа бунад̣̇ивасз саггасса д̣̇звим̣ д̣̇ад̇ваа саггзна басийд̣̇ид̇ваа д̣̇иннз адта варз г̇ан̣ханд̇о –
199.Tasmātihāti yasmā tvaṃ ‘‘tathāgatā acchariyā’’ti vadasi, tasmā taṃ bhiyyoso mattāya paṭibhantu tathāgatassa acchariyā abbhutadhammāti. Sato sampajānoti ettha dvesampajaññāni manussaloke devaloke ca. Tattha vessantarajātake brāhmaṇassa dve putte datvā punadivase sakkassa deviṃ datvā sakkena pasīditvā dinne aṭṭha vare gaṇhanto –
‘‘ид̇о вимужжамаанаахам̣, саг̇г̇аг̇аамий висзсаг̇уу;
‘‘Ito vimuccamānāhaṃ, saggagāmī visesagū;
анивад̇д̇ий д̇ад̇о ассам̣, адтамзд̇ам̣ варам̣ варз’’д̇и. (ж̇аа. 2.22.2300) –
Anivattī tato assaṃ, aṭṭhametaṃ varaṃ vare’’ti. (jā. 2.22.2300) –
звам̣ д̇усид̇абхаванз мз бадисанд̇хи ход̇ууд̇и варам̣ аг̇г̇ахзси, д̇ад̇о бадтааяа д̇усид̇абхаванз уббаж̇ж̇иссаамийд̇и ж̇аанаад̇и, ид̣̇ам̣ мануссалогз самбаж̇ан̃н̃ам̣. взссанд̇арад̇д̇абхаавад̇о бана жуд̇о буна д̇усид̇абхаванз ниб̣б̣ад̇д̇ид̇ваа ниб̣б̣ад̇д̇осмийд̇и ан̃н̃ааси, ид̣̇ам̣ д̣̇звалогз самбаж̇ан̃н̃ам̣.
Evaṃ tusitabhavane me paṭisandhi hotūti varaṃ aggahesi, tato paṭṭhāya tusitabhavane uppajjissāmīti jānāti, idaṃ manussaloke sampajaññaṃ. Vessantarattabhāvato pana cuto puna tusitabhavane nibbattitvā nibbattosmīti aññāsi, idaṃ devaloke sampajaññaṃ.
гим̣ бана сзсад̣̇звад̇аа на ж̇аананд̇ийд̇и? но на ж̇аананд̇и. д̇аа бана уяяаанавимаанагаббаругкз ологзд̇ваа д̣̇званаадагзхи д̇уурияасад̣̇д̣̇зна баб̣од̇хид̇аа ‘‘маариса аяам̣ д̣̇звалого д̇умхз ид̇ха ниб̣б̣ад̇д̇аа’’д̇и саарид̇аа ж̇аананд̇и. б̣од̇хисад̇д̇о батамаж̇аванаваарз на ж̇аанаад̇и, д̣̇уд̇ияаж̇аванад̇о бадтааяа ж̇аанаад̇и. ижжасса ан̃н̃зхи асаад̇хааран̣аж̇аананам̣ ход̇и.
Kiṃ pana sesadevatā na jānantīti? No na jānanti. Tā pana uyyānavimānakapparukkhe oloketvā devanāṭakehi tūriyasaddena pabodhitā ‘‘mārisa ayaṃ devaloko tumhe idha nibbattā’’ti sāritā jānanti. Bodhisatto paṭhamajavanavāre na jānāti, dutiyajavanato paṭṭhāya jānāti. Iccassa aññehi asādhāraṇajānanaṃ hoti.
адтаасийд̇и зд̇т̇а гин̃жааби ан̃н̃зби д̣̇зваа д̇ад̇т̇а тид̇аа тид̇амхаад̇и ж̇аананд̇и, д̇з бана часу д̣̇ваарзсу б̣алавад̇аа идтаарамман̣зна абхибхуяяамаанаа сад̇им̣ виссаж̇ж̇зд̇ваа ад̇д̇ано бхуд̇д̇абийд̇абхаавамби аж̇аананд̇аа аахааруубажчзд̣̇зна гаалам̣ гаронд̇и. б̣од̇хисад̇д̇асса гим̣ д̇ат̇ааруубам̣ аарамман̣ам̣ над̇т̇ийд̇и? но над̇т̇и. со хи сзсад̣̇звз д̣̇асахи таанзхи ад̇хиг̇г̇ан̣хаад̇и, аарамман̣зна бана ад̇д̇аанам̣ мад̣̇д̣̇ид̇ум̣ на д̣̇зд̇и, д̇ам̣ аарамман̣ам̣ абхибхавид̇ваа д̇идтад̇и. д̇зна вуд̇д̇ам̣ – ‘‘сад̇о самбаж̇аано, аананд̣̇а, б̣од̇хисад̇д̇о д̇усид̇з гааяз адтаасий’’д̇и.
Aṭṭhāsīti ettha kiñcāpi aññepi devā tattha ṭhitā ṭhitamhāti jānanti, te pana chasu dvāresu balavatā iṭṭhārammaṇena abhibhuyyamānā satiṃ vissajjetvā attano bhuttapītabhāvampi ajānantā āhārūpacchedena kālaṃ karonti. Bodhisattassa kiṃ tathārūpaṃ ārammaṇaṃ natthīti? No natthi. So hi sesadeve dasahi ṭhānehi adhiggaṇhāti, ārammaṇena pana attānaṃ maddituṃ na deti, taṃ ārammaṇaṃ abhibhavitvā tiṭṭhati. Tena vuttaṃ – ‘‘sato sampajāno, ānanda, bodhisatto tusite kāye aṭṭhāsī’’ti.
200. яаавад̇ааяуганд̇и сзсад̇д̇абхаавзсу гим̣ яаавад̇ааяугам̣ на д̇идтад̇д̇ийд̇и? аама на д̇идтад̇и. ан̃н̃ад̣̇аа хи д̣̇ийгхааяугад̣̇звалогз ниб̣б̣ад̇д̇о д̇ад̇т̇а баарамияо на саггаа буурзд̇унд̇и агкийни нимийлзд̇ваа ад̇химуд̇д̇игаалам̣гирияам̣ наама гад̇ваа мануссалогз ниб̣б̣ад̇д̇ад̇и . аяам̣ гаалан̇гирияаа ан̃н̃зсам̣ на ход̇и. д̇ад̣̇аа бана ад̣̇иннад̣̇аанам̣ наама над̇т̇и, арагкид̇асийлам̣ наама над̇т̇и, саб̣б̣абаарамийнам̣ буурид̇ад̇д̇аа яаавад̇ааяугам̣ адтааси.
200.Yāvatāyukanti sesattabhāvesu kiṃ yāvatāyukaṃ na tiṭṭhattīti? Āma na tiṭṭhati. Aññadā hi dīghāyukadevaloke nibbatto tattha pāramiyo na sakkā pūretunti akkhīni nimīletvā adhimuttikālaṃkiriyaṃ nāma katvā manussaloke nibbattati . Ayaṃ kālaṅkiriyā aññesaṃ na hoti. Tadā pana adinnadānaṃ nāma natthi, arakkhitasīlaṃ nāma natthi, sabbapāramīnaṃ pūritattā yāvatāyukaṃ aṭṭhāsi.
сад̇о самбаж̇аано д̇усид̇аа гааяаа жавид̇ваа маад̇угужчим̣ оггамад̇ийд̇и звам̣ д̇аава саб̣б̣абаарамияо буурзд̇ваа д̇ад̣̇аа б̣од̇хисад̇д̇о яаавад̇ааяугам̣ адтааси. д̣̇звад̇аанам̣ бана – ‘‘мануссаг̇ан̣анаавасзна ид̣̇аани сад̇д̇ахи д̣̇ивасзхи жуд̇и бхависсад̇ий’’д̇и бан̃жа буб̣б̣анимид̇д̇аани уббаж̇ж̇анд̇и – маалаа милааяанд̇и, вад̇т̇аани гилиссанд̇и, гажчзхи сзд̣̇аа мужжанд̇и, гааяз д̣̇уб̣б̣ан̣н̣ияам̣ оггамад̇и, д̣̇зво д̣̇зваасанз на сан̣таад̇и.
Sato sampajāno tusitā kāyā cavitvā mātukucchiṃ okkamatīti evaṃ tāva sabbapāramiyo pūretvā tadā bodhisatto yāvatāyukaṃ aṭṭhāsi. Devatānaṃ pana – ‘‘manussagaṇanāvasena idāni sattahi divasehi cuti bhavissatī’’ti pañca pubbanimittāni uppajjanti – mālā milāyanti, vatthāni kilissanti, kacchehi sedā muccanti, kāye dubbaṇṇiyaṃ okkamati, devo devāsane na saṇṭhāti.
д̇ад̇т̇а маалаад̇и бадисанд̇хиг̇г̇ахан̣ад̣̇ивасз бил̣анд̇ханамаалаа. д̇аа гира садтисад̇асахассаад̇хигаа сад̇д̇абан̣н̣ааса-вассагодияо амилааяид̇ваа д̇ад̣̇аа милааяанд̇и. вад̇т̇зсуби зсзва наяо. зд̇д̇агам̣ бана гаалам̣ д̣̇зваанам̣ нзва сийд̇ам̣ на ун̣хам̣ ход̇и, д̇асмим̣ гаалз сарийрад̇о б̣инд̣̇уб̣инд̣̇увасзна сзд̣̇аа мужжанд̇и. зд̇д̇аган̃жа гаалам̣ д̇зсам̣ сарийрз кан̣д̣ижжабаалижжаад̣̇ивасзна виван̣н̣ад̇аа на бан̃н̃ааяад̇и, д̣̇звад̇хийд̇аа сол̣асавассуд̣̇д̣̇зсигаа вияа, д̣̇звабуд̇д̇аа вийсад̇ивассуд̣̇д̣̇зсигаа вияа кааяанд̇и. маран̣агаалз бана нзсам̣ гиланд̇аруубо ад̇д̇абхааво ход̇и. зд̇д̇аган̃жа нзсам̣ гаалам̣ д̣̇звалогз угган̣тид̇аа наама над̇т̇и, маран̣агаалз бана ниссасанд̇и виж̇амбханд̇и, сагз аасанз наабхираманд̇и.
Tattha mālāti paṭisandhiggahaṇadivase piḷandhanamālā. Tā kira saṭṭhisatasahassādhikā sattapaṇṇāsa-vassakoṭiyo amilāyitvā tadā milāyanti. Vatthesupi eseva nayo. Ettakaṃ pana kālaṃ devānaṃ neva sītaṃ na uṇhaṃ hoti, tasmiṃ kāle sarīrato bindubinduvasena sedā muccanti. Ettakañca kālaṃ tesaṃ sarīre khaṇḍiccapāliccādivasena vivaṇṇatā na paññāyati, devadhītā soḷasavassuddesikā viya, devaputtā vīsativassuddesikā viya khāyanti. Maraṇakāle pana nesaṃ kilantarūpo attabhāvo hoti. Ettakañca nesaṃ kālaṃ devaloke ukkaṇṭhitā nāma natthi, maraṇakāle pana nissasanti vijambhanti, sake āsane nābhiramanti.
имаани бана буб̣б̣анимид̇д̇аани, яат̇аа логз махаабун̃н̃аанам̣ рааж̇арааж̇амахаамад̇д̇аад̣̇ийнам̣язва уггаабаад̇абхуумижаалажанд̣̇аг̇г̇аахаад̣̇ийни нимид̇д̇аани бан̃н̃ааяанд̇и, на саб̣б̣зсам̣, звамзва махзсагкаанам̣ д̣̇звад̇аанам̣язва бан̃н̃ааяанд̇и, на саб̣б̣зсам̣. яат̇аа жа мануссзсу буб̣б̣анимид̇д̇аани нагкад̇д̇абаатагаад̣̇аяова ж̇аананд̇и, на саб̣б̣з, звамзва д̇ааниби саб̣б̣з д̣̇зваа на ж̇аананд̇и, бан̣д̣ид̇аа зва бана ж̇аананд̇и. д̇ад̇т̇а яз жа манд̣̇зна гусалагаммзна ниб̣б̣ад̇д̇аа д̣̇звабуд̇д̇аа, д̇з д̇зсу уббаннзсу – ‘‘ид̣̇аани го ж̇аанаад̇и, гухим̣ ниб̣б̣ад̇д̇иссаамаа’’д̇и бхааяанд̇и. яз махаабун̃н̃аа, д̇з – ‘‘амхзхи д̣̇иннам̣ д̣̇аанам̣ рагкид̇ам̣ сийлам̣ бхаавид̇ам̣ бхааванам̣ ааг̇амма убарид̣̇звалогзсу самбад̇д̇им̣ анубхависсаамаа’’д̇и на бхааяанд̇и. б̣од̇хисад̇д̇оби д̇аани буб̣б̣анимид̇д̇аани д̣̇исваа ‘‘ид̣̇аани ананд̇арз ад̇д̇абхаавз б̣уд̣̇д̇хо бхависсаамий’’д̇и на бхааяи. ат̇асса д̇зсу нимид̇д̇зсу баад̇убхууд̇зсу д̣̇асасахассажаггаваал̣ад̣̇звад̇аа саннибад̇ид̇ваа – ‘‘маариса д̇умхзхи д̣̇аса баарамияо буурзнд̇зхи на саггасамбад̇д̇им̣ на маараб̣рахмажаггавад̇д̇исамбад̇д̇им̣ бад̇т̇знд̇зхи буурид̇аа, логанид̇т̇аран̣ад̇т̇ааяа бана б̣уд̣̇д̇хад̇д̇ам̣ бад̇т̇аяамаанзхи буурид̇аа. со во ид̣̇аани гаало маариса б̣уд̣̇д̇хад̇д̇ааяа, самаяо маариса б̣уд̣̇д̇хад̇д̇ааяаа’’д̇и яаажанд̇и.
Imāni pana pubbanimittāni, yathā loke mahāpuññānaṃ rājarājamahāmattādīnaṃyeva ukkāpātabhūmicālacandaggāhādīni nimittāni paññāyanti, na sabbesaṃ, evameva mahesakkhānaṃ devatānaṃyeva paññāyanti, na sabbesaṃ. Yathā ca manussesu pubbanimittāni nakkhattapāṭhakādayova jānanti, na sabbe, evameva tānipi sabbe devā na jānanti, paṇḍitā eva pana jānanti. Tattha ye ca mandena kusalakammena nibbattā devaputtā, te tesu uppannesu – ‘‘idāni ko jānāti, kuhiṃ nibbattissāmā’’ti bhāyanti. Ye mahāpuññā, te – ‘‘amhehi dinnaṃ dānaṃ rakkhitaṃ sīlaṃ bhāvitaṃ bhāvanaṃ āgamma uparidevalokesu sampattiṃ anubhavissāmā’’ti na bhāyanti. Bodhisattopi tāni pubbanimittāni disvā ‘‘idāni anantare attabhāve buddho bhavissāmī’’ti na bhāyi. Athassa tesu nimittesu pātubhūtesu dasasahassacakkavāḷadevatā sannipatitvā – ‘‘mārisa tumhehi dasa pāramiyo pūrentehi na sakkasampattiṃ na mārabrahmacakkavattisampattiṃ patthentehi pūritā, lokanittharaṇatthāya pana buddhattaṃ patthayamānehi pūritā. So vo idāni kālo mārisa buddhattāya, samayo mārisa buddhattāyā’’ti yācanti.
ат̇а махаасад̇д̇о д̣̇звад̇аанам̣ бадин̃н̃ам̣ ад̣̇ад̇ваава гаалад̣̇ийбад̣̇зсагулаж̇анзд̇д̇иааяубарижчзд̣̇авасзна бан̃жамахаавилоганам̣ наама вилогзси. д̇ад̇т̇а ‘‘гаало ну ко, на гаало’’д̇и батамам̣ гаалам̣ вилогзси. д̇ад̇т̇а вассасад̇асахассад̇о уд̣̇д̇хам̣ вад̣дхид̇аааяугаало гаало наама на ход̇и. гасмаа? д̇ад̣̇аа хи сад̇д̇аанам̣ ж̇аад̇иж̇араамаран̣аани на бан̃н̃ааяанд̇и, б̣уд̣̇д̇хаанан̃жа д̇хаммад̣̇зсанаа наама д̇илагкан̣амуд̇д̇аа над̇т̇и, д̇зсам̣ анижжам̣ д̣̇угкам̣ анад̇д̇аад̇и гат̇знд̇аанам̣ ‘‘гим̣ наамзд̇ам̣ гат̇знд̇ий’’д̇и нзва сод̇ум̣ на сад̣̇д̇хаад̇ум̣ ман̃н̃анд̇и, д̇ад̇о абхисамаяо на ход̇и, д̇асмим̣ асад̇и анияяаанигам̣ саасанам̣ ход̇и. д̇асмаа со агаало. вассасад̇ад̇о уунаааяугаалоби гаало наама на ход̇и. гасмаа? д̇ад̣̇аа хи сад̇д̇аа уссаннагилзсаа хонд̇и, уссаннагилзсаанан̃жа д̣̇инноваад̣̇о оваад̣̇адтаанз на д̇идтад̇и. уд̣̇агз д̣̇ан̣д̣арааж̇и вияа киббам̣ виг̇ажчад̇и. д̇асмаа соби агаало. сад̇асахассад̇о бана бадтааяа хздтаа вассасад̇ад̇о бадтааяа уд̣̇д̇хам̣ ааяугаало гаало наама. д̇ад̣̇аа жа вассасад̇агаало ход̇и. ат̇а махаасад̇д̇о ‘‘ниб̣б̣ад̇д̇ид̇аб̣б̣агаало’’д̇и гаалам̣ басси.
Atha mahāsatto devatānaṃ paṭiññaṃ adatvāva kāladīpadesakulajanettiāyuparicchedavasena pañcamahāvilokanaṃ nāma vilokesi. Tattha ‘‘kālo nu kho, na kālo’’ti paṭhamaṃ kālaṃ vilokesi. Tattha vassasatasahassato uddhaṃ vaḍḍhitaāyukālo kālo nāma na hoti. Kasmā? Tadā hi sattānaṃ jātijarāmaraṇāni na paññāyanti, buddhānañca dhammadesanā nāma tilakkhaṇamuttā natthi, tesaṃ aniccaṃ dukkhaṃ anattāti kathentānaṃ ‘‘kiṃ nāmetaṃ kathentī’’ti neva sotuṃ na saddhātuṃ maññanti, tato abhisamayo na hoti, tasmiṃ asati aniyyānikaṃ sāsanaṃ hoti. Tasmā so akālo. Vassasatato ūnaāyukālopi kālo nāma na hoti. Kasmā? Tadā hi sattā ussannakilesā honti, ussannakilesānañca dinnovādo ovādaṭṭhāne na tiṭṭhati. Udake daṇḍarāji viya khippaṃ vigacchati. Tasmā sopi akālo. Satasahassato pana paṭṭhāya heṭṭhā vassasatato paṭṭhāya uddhaṃ āyukālo kālo nāma. Tadā ca vassasatakālo hoti. Atha mahāsatto ‘‘nibbattitabbakālo’’ti kālaṃ passi.
д̇ад̇о д̣̇ийбам̣ вилогзнд̇о сабариваарз жад̇д̇ааро д̣̇ийбз ологзд̇ваа – ‘‘д̇ийсу д̣̇ийбзсу б̣уд̣̇д̇хаа на ниб̣б̣ад̇д̇анд̇и, ж̇амб̣уд̣̇ийбзязва ниб̣б̣ад̇д̇анд̇ий’’д̇и д̣̇ийбам̣ басси.
Tato dīpaṃ vilokento saparivāre cattāro dīpe oloketvā – ‘‘tīsu dīpesu buddhā na nibbattanti, jambudīpeyeva nibbattantī’’ti dīpaṃ passi.
д̇ад̇о – ‘‘ж̇амб̣уд̣̇ийбо наама махаа, д̣̇асаяож̇анасахассабаримаан̣о, гад̇арасмим̣ ну ко бад̣̇зсз б̣уд̣̇д̇хаа ниб̣б̣ад̇д̇анд̇ий’’д̇и д̣̇зсам̣ вилогзнд̇о маж̇жхимад̣̇зсам̣ басси. маж̇жхимад̣̇зсо наама ‘‘бурад̇т̇имааяа д̣̇исааяа г̇аж̇ан̇г̇алам̣ наама ниг̇амо’’д̇иаад̣̇инаа наязна винаяз (махаава. 259) вуд̇д̇ова. со бана ааяаамад̇о д̇ийн̣и яож̇анасад̇аани. вид̇т̇аарад̇о ад̣дхад̇ияаани, баригкзбад̇о наваяож̇анасад̇аанийд̇и. зд̇асмин̃хи бад̣̇зсз жад̇д̇аари адта сол̣аса ваа асан̇кязяяаани, габбасад̇асахассан̃жа баарамияо буурзд̇ваа саммаасамб̣уд̣̇д̇хаа уббаж̇ж̇анд̇и. д̣̇вз асан̇кязяяаани, габбасад̇асахассан̃жа баарамияо буурзд̇ваа бажжзгаб̣уд̣̇д̇хаа уббаж̇ж̇анд̇и, згам̣ асан̇кязяяам̣, габбасад̇асахассан̃жа баарамияо буурзд̇ваа саарибуд̇д̇амог̇г̇аллаанаад̣̇аяо махаасаавагаа уббаж̇ж̇анд̇и, жад̇уннам̣ махаад̣̇ийбаанам̣ д̣̇висахассаанам̣ барид̇д̇ад̣̇ийбаанан̃жа иссарияаад̇хибажжагаарагажаггавад̇д̇ирааж̇аано уббаж̇ж̇анд̇и, ан̃н̃з жа махзсагкаа кад̇д̇ияаб̣раахман̣аг̇ахабад̇имахаасаалаа уббаж̇ж̇анд̇и. ид̣̇ан̃жзд̇т̇а габилавад̇т̇у наама наг̇арам̣, д̇ад̇т̇а маяаа ниб̣б̣ад̇д̇ид̇аб̣б̣анд̇и нидтамаг̇амааси.
Tato – ‘‘jambudīpo nāma mahā, dasayojanasahassaparimāṇo, katarasmiṃ nu kho padese buddhā nibbattantī’’ti desaṃ vilokento majjhimadesaṃ passi. Majjhimadeso nāma ‘‘puratthimāya disāya gajaṅgalaṃ nāma nigamo’’tiādinā nayena vinaye (mahāva. 259) vuttova. So pana āyāmato tīṇi yojanasatāni. Vitthārato aḍḍhatiyāni, parikkhepato navayojanasatānīti. Etasmiñhi padese cattāri aṭṭha soḷasa vā asaṅkhyeyyāni, kappasatasahassañca pāramiyo pūretvā sammāsambuddhā uppajjanti. Dve asaṅkhyeyyāni, kappasatasahassañca pāramiyo pūretvā paccekabuddhā uppajjanti, ekaṃ asaṅkhyeyyaṃ, kappasatasahassañca pāramiyo pūretvā sāriputtamoggallānādayo mahāsāvakā uppajjanti, catunnaṃ mahādīpānaṃ dvisahassānaṃ parittadīpānañca issariyādhipaccakārakacakkavattirājāno uppajjanti, aññe ca mahesakkhā khattiyabrāhmaṇagahapatimahāsālā uppajjanti. Idañcettha kapilavatthu nāma nagaraṃ, tattha mayā nibbattitabbanti niṭṭhamagamāsi.
д̇ад̇о гулам̣ вилогзнд̇о – ‘‘б̣уд̣̇д̇хаа наама логасаммад̇з гулз ниб̣б̣ад̇д̇анд̇и, ид̣̇аани жа кад̇д̇ияагулам̣ логасаммад̇ам̣, д̇ад̇т̇а ниб̣б̣ад̇д̇иссаами, суд̣̇д̇ход̣̇ано наама рааж̇аа мз бид̇аа бхависсад̇ий’’д̇и гулам̣ басси.
Tato kulaṃ vilokento – ‘‘buddhā nāma lokasammate kule nibbattanti, idāni ca khattiyakulaṃ lokasammataṃ, tattha nibbattissāmi, suddhodano nāma rājā me pitā bhavissatī’’ti kulaṃ passi.
д̇ад̇о маад̇арам̣ вилогзнд̇о – ‘‘б̣уд̣̇д̇хамаад̇аа наама лолаа сураад̇худ̇д̇аа на ход̇и, габбасад̇асахассам̣ буурид̇абаарамий ж̇аад̇ид̇о бадтааяа акан̣д̣абан̃жасийлаа ход̇и, аяан̃жа махаамааяаа наама д̣̇звий зд̣̇исаа. аяам̣ мз маад̇аа бхависсад̇и. гид̇д̇агам̣ банассаа ааяуу’’д̇и ааваж̇ж̇анд̇о – ‘‘д̣̇асаннам̣ маасаанам̣ убари сад̇д̇а д̣̇ивасааний’’д̇и басси.
Tato mātaraṃ vilokento – ‘‘buddhamātā nāma lolā surādhuttā na hoti, kappasatasahassaṃ pūritapāramī jātito paṭṭhāya akhaṇḍapañcasīlā hoti, ayañca mahāmāyā nāma devī edisā. Ayaṃ me mātā bhavissati. Kittakaṃ panassā āyū’’ti āvajjanto – ‘‘dasannaṃ māsānaṃ upari satta divasānī’’ti passi.
ид̇и имам̣ бан̃жамахаавилоганам̣ вилогзд̇ваа – ‘‘гаало мз маарисаа б̣уд̣̇д̇хабхаавааяаа’’д̇и д̣̇звад̇аанам̣ сан̇г̇ахам̣ гаронд̇о бадин̃н̃ам̣ д̣̇ад̇ваа ‘‘г̇ажчат̇а д̇умхз’’д̇и д̇аа д̣̇звад̇аа уяяож̇зд̇ваа д̇усид̇ад̣̇звад̇аахи баривуд̇о д̇усид̇абурз нанд̣̇анаванам̣ баависи. саб̣б̣ад̣̇звалогзсу хи нанд̣̇анаванам̣ ад̇т̇иязва. д̇ад̇т̇а нам̣ д̣̇звад̇аа – ‘‘ид̇о жуд̇о суг̇ад̇им̣ г̇ажча, ид̇о жуд̇о суг̇ад̇им̣ г̇ажчаа’’д̇и буб̣б̣згад̇агусалагаммогаасам̣ саараяамаанаа вижаранд̇и. со звам̣ д̣̇звад̇аахи гусалам̣ саараяамаанаахи баривуд̇о д̇ад̇т̇а вижаранд̇ова жави.
Iti imaṃ pañcamahāvilokanaṃ viloketvā – ‘‘kālo me mārisā buddhabhāvāyā’’ti devatānaṃ saṅgahaṃ karonto paṭiññaṃ datvā ‘‘gacchatha tumhe’’ti tā devatā uyyojetvā tusitadevatāhi parivuto tusitapure nandanavanaṃ pāvisi. Sabbadevalokesu hi nandanavanaṃ atthiyeva. Tattha naṃ devatā – ‘‘ito cuto sugatiṃ gaccha, ito cuto sugatiṃ gacchā’’ti pubbekatakusalakammokāsaṃ sārayamānā vicaranti. So evaṃ devatāhi kusalaṃ sārayamānāhi parivuto tattha vicarantova cavi.
звам̣ жуд̇о жаваамийд̇и баж̇аанаад̇и, жуд̇ижид̇д̇ам̣ на ж̇аанаад̇и. бадисанд̇хим̣ г̇ахзд̇вааби бадисанд̇хижид̇д̇ам̣ на ж̇аанаад̇и, имасмим̣ мз таанз бадисанд̇хи г̇ахид̇аад̇и звам̣ бана ж̇аанаад̇и. гзжи бана т̇зраа ‘‘ааваж̇ж̇анабарияааяо наама лад̣̇д̇хум̣ ваддад̇и, д̣̇уд̇ияад̇ад̇ияажид̇д̇аваарзязва ж̇ааниссад̇ий’’д̇и вад̣̇анд̇и. д̇ибидагамахаасийвад̇т̇зро банааха – ‘‘махаасад̇д̇аанам̣ бадисанд̇хи на ан̃н̃зсам̣ бадисанд̇хисад̣̇исаа, годиббад̇д̇ам̣ д̇зсам̣ сад̇исамбаж̇ан̃н̃ам̣. яасмаа бана д̇знзва жид̇д̇зна д̇ам̣ жид̇д̇ам̣ н̃аад̇ум̣ на саггаа, д̇асмаа жуд̇ижид̇д̇ам̣ на ж̇аанаад̇и. жуд̇игкан̣зби жаваамийд̇и баж̇аанаад̇и, бадисанд̇хим̣ г̇ахзд̇вааби бадисанд̇хижид̇д̇ам̣ на ж̇аанаад̇и, асугасмим̣ таанз бадисанд̇хи г̇ахид̇аад̇и баж̇аанаад̇и, д̇асмим̣ гаалз д̣̇асасахассий гамбад̇ий’’д̇и. звам̣ сад̇о самбаж̇аано маад̇угужчим̣ оггаманд̇о бана згуунавийсад̇ияаа бадисанд̇хижид̇д̇зсу мзд̇д̇аабуб̣б̣абхааг̇асса соманасса-сахаг̇ад̇а-н̃аан̣асамбаяуд̇д̇а-асан̇каарига-гусалажид̇д̇асса сад̣̇исамахаавибаагажид̇д̇зна бадисанд̇хим̣ г̇ан̣хи. махаасийвад̇т̇зро бана ‘‘убзгкаасахаг̇ад̇знаа’’д̇и ааха.
Evaṃ cuto cavāmīti pajānāti, cuticittaṃ na jānāti. Paṭisandhiṃ gahetvāpi paṭisandhicittaṃ na jānāti, imasmiṃ me ṭhāne paṭisandhi gahitāti evaṃ pana jānāti. Keci pana therā ‘‘āvajjanapariyāyo nāma laddhuṃ vaṭṭati, dutiyatatiyacittavāreyeva jānissatī’’ti vadanti. Tipiṭakamahāsīvatthero panāha – ‘‘mahāsattānaṃ paṭisandhi na aññesaṃ paṭisandhisadisā, koṭippattaṃ tesaṃ satisampajaññaṃ. Yasmā pana teneva cittena taṃ cittaṃ ñātuṃ na sakkā, tasmā cuticittaṃ na jānāti. Cutikkhaṇepi cavāmīti pajānāti, paṭisandhiṃ gahetvāpi paṭisandhicittaṃ na jānāti, asukasmiṃ ṭhāne paṭisandhi gahitāti pajānāti, tasmiṃ kāle dasasahassī kampatī’’ti. Evaṃ sato sampajāno mātukucchiṃ okkamanto pana ekūnavīsatiyā paṭisandhicittesu mettāpubbabhāgassa somanassa-sahagata-ñāṇasampayutta-asaṅkhārika-kusalacittassa sadisamahāvipākacittena paṭisandhiṃ gaṇhi. Mahāsīvatthero pana ‘‘upekkhāsahagatenā’’ti āha.
бадисанд̇хим̣ г̇ан̣ханд̇о бана аасаал̣хийбун̣н̣амааяам̣ уд̇д̇араасаал̣ханагкад̇д̇зна аг̇г̇ахзси. д̇ад̣̇аа гира махаамааяаа бурз бун̣н̣амааяа сад̇д̇амад̣̇ивасад̇о бадтааяа виг̇ад̇асураабаанам̣ маалааг̇анд̇хавибхуусанасамбаннам̣ нагкад̇д̇агийл̣ам̣ анубхавамаанаа сад̇д̇амз д̣̇ивасз баад̇о вудтааяа г̇анд̇ход̣̇агзна нхааяид̇ваа саб̣б̣аалан̇гааравибхуусид̇аа варабхож̇анам̣ бхун̃ж̇ид̇ваа убосат̇ан̇г̇аани ад̇хидтааяа сирийг̇аб̣бхам̣ бависид̇ваа сирийсаяанз нибаннаа нид̣̇д̣̇ам̣ оггамамаанаа ид̣̇ам̣ субинам̣ ад̣̇д̣̇аса – ‘‘жад̇д̇ааро гира нам̣ махаарааж̇аано саяанзнзва сад̣̇д̇хим̣ угкибид̇ваа анод̇ад̇д̇ад̣̇ахам̣ нзд̇ваа згаманд̇ам̣ адтам̣су. ат̇а нзсам̣ д̣̇звияо ааг̇анд̇ваа мануссамалахаран̣ад̇т̇ам̣ нхаабзд̇ваа д̣̇иб̣б̣авад̇т̇ам̣ ниваасзд̇ваа г̇анд̇хзхи вилимбзд̇ваа д̣̇иб̣б̣абубпаани бил̣анд̇хид̇ваа д̇ад̇о авид̣̇уурз раж̇ад̇абаб̣б̣ад̇о, д̇асса анд̇о ганагавимаанам̣ ад̇т̇и, д̇асмим̣ баажийнад̇о сийсам̣ гад̇ваа нибаж̇ж̇аабзсум̣. ат̇а б̣од̇хисад̇д̇о сзд̇аваравааран̣о худ̇ваа д̇ад̇о авид̣̇уурз зго суван̣н̣абаб̣б̣ад̇о, д̇ад̇т̇а жарид̇ваа д̇ад̇о оруяха раж̇ад̇абаб̣б̣ад̇ам̣ абхирухид̇ваа уд̇д̇арад̣̇исад̇о ааг̇амма ганагавимаанам̣ бависид̇ваа маад̇арам̣ бад̣̇агкин̣ам̣ гад̇ваа д̣̇агкин̣абассам̣ паалзд̇ваа гужчим̣ бавидтасад̣̇исо ахоси.
Paṭisandhiṃ gaṇhanto pana āsāḷhīpuṇṇamāyaṃ uttarāsāḷhanakkhattena aggahesi. Tadā kira mahāmāyā pure puṇṇamāya sattamadivasato paṭṭhāya vigatasurāpānaṃ mālāgandhavibhūsanasampannaṃ nakkhattakīḷaṃ anubhavamānā sattame divase pāto vuṭṭhāya gandhodakena nhāyitvā sabbālaṅkāravibhūsitā varabhojanaṃ bhuñjitvā uposathaṅgāni adhiṭṭhāya sirīgabbhaṃ pavisitvā sirīsayane nipannā niddaṃ okkamamānā idaṃ supinaṃ addasa – ‘‘cattāro kira naṃ mahārājāno sayaneneva saddhiṃ ukkhipitvā anotattadahaṃ netvā ekamantaṃ aṭṭhaṃsu. Atha nesaṃ deviyo āgantvā manussamalaharaṇatthaṃ nhāpetvā dibbavatthaṃ nivāsetvā gandhehi vilimpetvā dibbapupphāni piḷandhitvā tato avidūre rajatapabbato, tassa anto kanakavimānaṃ atthi, tasmiṃ pācīnato sīsaṃ katvā nipajjāpesuṃ. Atha bodhisatto setavaravāraṇo hutvā tato avidūre eko suvaṇṇapabbato, tattha caritvā tato oruyha rajatapabbataṃ abhiruhitvā uttaradisato āgamma kanakavimānaṃ pavisitvā mātaraṃ padakkhiṇaṃ katvā dakkhiṇapassaṃ phāletvā kucchiṃ paviṭṭhasadiso ahosi.
ат̇а баб̣уд̣̇д̇хаа д̣̇звий д̇ам̣ субинам̣ ран̃н̃о аарожзси. рааж̇аа бабхаад̇ааяа рад̇д̇ияаа жад̇усадтимад̇д̇з б̣раахман̣абаамогкз баггосаабзд̇ваа харид̇уубалид̇д̇ааяа лааж̇аад̣̇ийхи гад̇аман̇г̇аласаггаарааяа бхуумияаа махаарахаани аасанаани бан̃н̃аабзд̇ваа д̇ад̇т̇а нисиннаанам̣ б̣раахман̣аанам̣ саббимад̇хусаггараабхисан̇каарасса варабааяаасасса суван̣н̣араж̇ад̇абаад̇ияо буурзд̇ваа суван̣н̣араж̇ад̇абаад̇ийд̇ихзва бадигуж̇ж̇ид̇ваа ад̣̇ааси, ан̃н̃зхи жа ахад̇авад̇т̇агабилаг̇аавийд̣̇аанаад̣̇ийхи д̇з санд̇аббзси. ат̇а нзсам̣ саб̣б̣агаамасанд̇аббид̇аанам̣ субинам̣ аарожаабзд̇ваа – ‘‘гим̣ бхависсад̇ий’’д̇и бужчи. б̣раахман̣аа аахам̣су – ‘‘маа жинд̇аяи махаарааж̇а, д̣̇звияаа д̇з гужчимхи г̇аб̣бхо бад̇идтид̇о, со жа ко бурисаг̇аб̣бхо, на ид̇т̇иг̇аб̣бхо, буд̇д̇о д̇з бхависсад̇и. со сажз аг̇аарам̣ аж̇жхаавасиссад̇и, рааж̇аа бхависсад̇и жаггавад̇д̇ий. сажз аг̇аараа нигкамма баб̣б̣аж̇иссад̇и, б̣уд̣̇д̇хо бхависсад̇и логз виваддажчад̣̇о’’д̇и. звам̣ сад̇о самбаж̇аано б̣од̇хисад̇д̇о д̇усид̇агааяаа жавид̇ваа маад̇угужчим̣ оггамад̇и.
Atha pabuddhā devī taṃ supinaṃ rañño ārocesi. Rājā pabhātāya rattiyā catusaṭṭhimatte brāhmaṇapāmokkhe pakkosāpetvā haritūpalittāya lājādīhi katamaṅgalasakkārāya bhūmiyā mahārahāni āsanāni paññāpetvā tattha nisinnānaṃ brāhmaṇānaṃ sappimadhusakkarābhisaṅkhārassa varapāyāsassa suvaṇṇarajatapātiyo pūretvā suvaṇṇarajatapātītiheva paṭikujjitvā adāsi, aññehi ca ahatavatthakapilagāvīdānādīhi te santappesi. Atha nesaṃ sabbakāmasantappitānaṃ supinaṃ ārocāpetvā – ‘‘kiṃ bhavissatī’’ti pucchi. Brāhmaṇā āhaṃsu – ‘‘mā cintayi mahārāja, deviyā te kucchimhi gabbho patiṭṭhito, so ca kho purisagabbho, na itthigabbho, putto te bhavissati. So sace agāraṃ ajjhāvasissati, rājā bhavissati cakkavattī. Sace agārā nikkhamma pabbajissati, buddho bhavissati loke vivaṭṭacchado’’ti. Evaṃ sato sampajāno bodhisatto tusitakāyā cavitvā mātukucchiṃ okkamati.
д̇ад̇т̇а сад̇о самбаж̇аанод̇и иминаа жад̇уд̇т̇ааяа г̇аб̣бхаавагганд̇ияаа оггамад̇ийд̇и д̣̇ассзд̇и. жад̇ассо хи г̇аб̣бхаавагганд̇ияо.
Tattha sato sampajānoti iminā catutthāya gabbhāvakkantiyā okkamatīti dasseti. Catasso hi gabbhāvakkantiyo.
‘‘жад̇ассо имаа, бханд̇з, г̇аб̣бхаавагганд̇ияо. ид̇ха, бханд̇з, згажжо асамбаж̇аано маад̇угужчим̣ оггамад̇и, асамбаж̇аано маад̇угужчисмим̣ таад̇и, асамбаж̇аано маад̇угужчимхаа нигкамад̇и, аяам̣ батамаа г̇аб̣бхаавагганд̇и.
‘‘Catasso imā, bhante, gabbhāvakkantiyo. Idha, bhante, ekacco asampajāno mātukucchiṃ okkamati, asampajāno mātukucchismiṃ ṭhāti, asampajāno mātukucchimhā nikkhamati, ayaṃ paṭhamā gabbhāvakkanti.
буна жабарам̣, бханд̇з, ид̇хзгажжо самбаж̇аано маад̇угужчим̣ оггамад̇и, асамбаж̇аано маад̇угужчисмим̣ таад̇и, асамбаж̇аано маад̇угужчимхаа нигкамад̇и, аяам̣ д̣̇уд̇ияаа г̇аб̣бхаавагганд̇и.
Puna caparaṃ, bhante, idhekacco sampajāno mātukucchiṃ okkamati, asampajāno mātukucchismiṃ ṭhāti, asampajāno mātukucchimhā nikkhamati, ayaṃ dutiyā gabbhāvakkanti.
буна жабарам̣, бханд̇з, ид̇хзгажжо самбаж̇аано маад̇угужчим̣ оггамад̇и, самбаж̇аано маад̇угужчисмим̣ таад̇и, асамбаж̇аано маад̇угужчимхаа нигкамад̇и, аяам̣ д̇ад̇ияаа г̇аб̣бхаавагганд̇и.
Puna caparaṃ, bhante, idhekacco sampajāno mātukucchiṃ okkamati, sampajāno mātukucchismiṃ ṭhāti, asampajāno mātukucchimhā nikkhamati, ayaṃ tatiyā gabbhāvakkanti.
буна жабарам̣, бханд̇з, ид̇хзгажжо самбаж̇аано маад̇угужчим̣ оггамад̇и, самбаж̇аано маад̇угужчисмим̣ таад̇и, самбаж̇аано маад̇угужчимхаа нигкамад̇и, аяам̣ жад̇уд̇т̇аа г̇аб̣бхаавагганд̇ий’’д̇и (д̣̇ий. ни. 3.147).
Puna caparaṃ, bhante, idhekacco sampajāno mātukucchiṃ okkamati, sampajāno mātukucchismiṃ ṭhāti, sampajāno mātukucchimhā nikkhamati, ayaṃ catutthā gabbhāvakkantī’’ti (dī. ni. 3.147).
зд̇аасу батамаа логияамануссаанам̣ ход̇и, д̣̇уд̇ияаа асийд̇имахаасаавагаанам̣, д̇ад̇ияаа д̣̇виннам̣ аг̇г̇асаавагаанам̣ бажжзгаб̣од̇хисад̇д̇аанан̃жа. д̇з гира гаммаж̇аваад̇зхи уд̣̇д̇хам̣баад̣̇аа ад̇хосираа анзгасад̇аборисз бабаад̇з вияа яонимукз д̇аал̣ажчиг̇г̇алзна хад̇т̇ий вияа ад̇ивияа самб̣аад̇хзна яонимукзна нигкамамаанаа ананд̇ам̣ д̣̇угкам̣ баабун̣анд̇и. д̇зна нзсам̣ ‘‘маяам̣ нигкамаамаа’’д̇и самбаж̇аанад̇аа на ход̇и. жад̇уд̇т̇аа саб̣б̣ан̃н̃уб̣од̇хисад̇д̇аанам̣. д̇з хи маад̇угужчисмим̣ бадисанд̇хим̣ г̇ан̣ханд̇ааби ж̇аананд̇и, д̇ад̇т̇а васанд̇ааби ж̇аананд̇и. нигкаманагаалзби нзсам̣ гаммаж̇аваад̇аа уд̣̇д̇хам̣баад̣̇з ад̇хосирз гад̇ваа кибид̇ум̣ на саггонд̇и, д̣̇вз хад̇т̇з басаарзд̇ваа агкийни уммийлзд̇ваа тид̇агаава нигкаманд̇и.
Etāsu paṭhamā lokiyamanussānaṃ hoti, dutiyā asītimahāsāvakānaṃ, tatiyā dvinnaṃ aggasāvakānaṃ paccekabodhisattānañca. Te kira kammajavātehi uddhaṃpādā adhosirā anekasataporise papāte viya yonimukhe tāḷacchiggalena hatthī viya ativiya sambādhena yonimukhena nikkhamamānā anantaṃ dukkhaṃ pāpuṇanti. Tena nesaṃ ‘‘mayaṃ nikkhamāmā’’ti sampajānatā na hoti. Catutthā sabbaññubodhisattānaṃ. Te hi mātukucchismiṃ paṭisandhiṃ gaṇhantāpi jānanti, tattha vasantāpi jānanti. Nikkhamanakālepi nesaṃ kammajavātā uddhaṃpāde adhosire katvā khipituṃ na sakkonti, dve hatthe pasāretvā akkhīni ummīletvā ṭhitakāva nikkhamanti.
201. маад̇угужчим̣ оггамад̇ийд̇и зд̇т̇а маад̇угужчим̣ огганд̇о ход̇ийд̇и ад̇т̇о. огганд̇з хи д̇асмим̣ звам̣ ход̇и, на оггамамаанз. аббамаан̣од̇и б̣уд̣̇д̇хаббамаан̣о, вибулод̇и ад̇т̇о. ул̣аарод̇и д̇ассзва взважанам̣. д̣̇зваанубхааванд̇и зд̇т̇а д̣̇зваанам̣ аяамаанубхааво – нивад̇т̇авад̇т̇асса бабхаа д̣̇ваад̣̇аса яож̇анаани парад̇и, д̇ат̇аа сарийрасса, д̇ат̇аа алан̇гаарасса, д̇ат̇аа вимаанасса, д̇ам̣ ад̇иггамид̇ваад̇и ад̇т̇о.
201.Mātukucchiṃ okkamatīti ettha mātukucchiṃ okkanto hotīti attho. Okkante hi tasmiṃ evaṃ hoti, na okkamamāne. Appamāṇoti buddhappamāṇo, vipuloti attho. Uḷāroti tasseva vevacanaṃ. Devānubhāvanti ettha devānaṃ ayamānubhāvo – nivatthavatthassa pabhā dvādasa yojanāni pharati, tathā sarīrassa, tathā alaṅkārassa, tathā vimānassa, taṃ atikkamitvāti attho.
логанд̇аригаад̇и д̇ин̣н̣ам̣ д̇ин̣н̣ам̣ жаггаваал̣аанам̣ анд̇араа згзго логанд̇аригаа ход̇и, д̇ин̣н̣ам̣ сагадажаггаанам̣ бад̇д̇аанам̣ ваа ан̃н̃аман̃н̃ам̣ аахажжа табид̇аанам̣ маж̇жхз огаасо вияа. со бана логанд̇ариганираяо баримаан̣ад̇о адтаяож̇анасахассо ход̇и. агхаад̇и нижжавивадаа. асам̣вуд̇аад̇и хздтааби аббад̇идтаа. анд̇хагаараад̇и д̇амабхууд̇аа. анд̇хагаарад̇имисаад̇и жагкувин̃н̃аан̣уббад̇д̇инивааран̣ад̇о анд̇хабхаавагаран̣ад̇имисзна саманнааг̇ад̇аа. д̇ад̇т̇а гира жагкувин̃н̃аан̣ам̣ на ж̇ааяад̇и. звам̣махид̣̇д̇хигаад̇и жанд̣̇имасуурияаа гира згаббахаарзнзва д̇ийсу д̣̇ийбзсу бан̃н̃ааяанд̇и, звам̣махид̣̇д̇хигаа. згзгааяа д̣̇исааяа наванаваяож̇анасад̇асахассаани анд̇хагаарам̣ вид̇хамид̇ваа аалогам̣ д̣̇ассзнд̇и, звам̣ махаанубхааваа. аабхааяа наанубхонд̇ийд̇и ад̇д̇ано бабхааяа наббахонд̇и. д̇з гира жаггаваал̣абаб̣б̣ад̇асса взмаж̇жхзна жаранд̇и, жаггаваал̣абаб̣б̣ад̇ан̃жа ад̇иггамма логанд̇ариганираяо, д̇асмаа д̇з д̇ад̇т̇а аабхааяа наббахонд̇и.
Lokantarikāti tiṇṇaṃ tiṇṇaṃ cakkavāḷānaṃ antarā ekeko lokantarikā hoti, tiṇṇaṃ sakaṭacakkānaṃ pattānaṃ vā aññamaññaṃ āhacca ṭhapitānaṃ majjhe okāso viya. So pana lokantarikanirayo parimāṇato aṭṭhayojanasahasso hoti. Aghāti niccavivaṭā. Asaṃvutāti heṭṭhāpi appatiṭṭhā. Andhakārāti tamabhūtā. Andhakāratimisāti cakkhuviññāṇuppattinivāraṇato andhabhāvakaraṇatimisena samannāgatā. Tattha kira cakkhuviññāṇaṃ na jāyati. Evaṃmahiddhikāti candimasūriyā kira ekappahāreneva tīsu dīpesu paññāyanti, evaṃmahiddhikā. Ekekāya disāya navanavayojanasatasahassāni andhakāraṃ vidhamitvā ālokaṃ dassenti, evaṃ mahānubhāvā. Ābhāyanānubhontīti attano pabhāya nappahonti. Te kira cakkavāḷapabbatassa vemajjhena caranti, cakkavāḷapabbatañca atikkamma lokantarikanirayo, tasmā te tattha ābhāya nappahonti.
язби д̇ад̇т̇а сад̇д̇аад̇и язби д̇асмим̣ логанд̇арамахаанираяз сад̇д̇аа убабаннаа. гим̣ бана гаммам̣ гад̇ваа д̇з д̇ад̇т̇а уббаж̇ж̇анд̇ийд̇и? бхаарияам̣ д̣̇аарун̣ам̣ маад̇аабид̇уунам̣ д̇хаммигасаман̣аб̣раахман̣аанан̃жа убари абараад̇хам̣ ан̃н̃ан̃жа д̣̇ивасз д̣̇ивасз баан̣авад̇хаад̣̇исаахасигагаммам̣ гад̇ваа уббаж̇ж̇анд̇и д̇амб̣абан̣н̣ид̣̇ийбз абхаяажоранааг̇ажораад̣̇аяо вияа. д̇зсам̣ ад̇д̇абхааво д̇иг̇аавуд̇иго ход̇и, ваг̇г̇улийнам̣ вияа д̣̇ийгханакаа хонд̇и. д̇з ругкз ваг̇г̇улияо вияа накзхи жаггаваал̣абаад̣̇з лаг̇г̇анд̇и. яад̣̇аа бана сам̣саббанд̇аа ан̃н̃аман̃н̃асса хад̇т̇абаасам̣ г̇ад̇аа хонд̇и, ат̇а ‘‘бхагко но лад̣̇д̇хо’’д̇и ман̃н̃амаанаа д̇ад̇т̇а ваавадаа вибаривад̇д̇ид̇ваа логасанд̇хаарагауд̣̇агз бад̇анд̇и. ваад̇з бахаранд̇з мад̇хугапалаани вияа чиж̇ж̇ид̇ваа уд̣̇агз бад̇анд̇и. бад̇ид̇амад̇д̇аа жа ажжанд̇акаарз уд̣̇агз бидтабин̣д̣и вияа вилийяанд̇и.
Yepi tattha sattāti yepi tasmiṃ lokantaramahāniraye sattā upapannā. Kiṃ pana kammaṃ katvā te tattha uppajjantīti? Bhāriyaṃ dāruṇaṃ mātāpitūnaṃ dhammikasamaṇabrāhmaṇānañca upari aparādhaṃ aññañca divase divase pāṇavadhādisāhasikakammaṃ katvā uppajjanti tambapaṇṇidīpe abhayacoranāgacorādayo viya. Tesaṃ attabhāvo tigāvutiko hoti, vaggulīnaṃ viya dīghanakhā honti. Te rukkhe vagguliyo viya nakhehi cakkavāḷapāde lagganti. Yadā pana saṃsappantā aññamaññassa hatthapāsaṃ gatā honti, atha ‘‘bhakkho no laddho’’ti maññamānā tattha vāvaṭā viparivattitvā lokasandhārakaudake patanti. Vāte paharante madhukaphalāni viya chijjitvā udake patanti. Patitamattā ca accantakhāre udake piṭṭhapiṇḍi viya vilīyanti.
ан̃н̃зби гира бхо санд̇и сад̇д̇аад̇и – ‘‘яат̇аа маяам̣ махаад̣̇угкам̣ анубхаваама, звам̣ ан̃н̃зби гира сад̇д̇аа ид̣̇ам̣ д̣̇угкам̣ анубхаванд̇аа ид̇хуубабаннаа’’д̇и д̇ам̣ д̣̇ивасам̣ бассанд̇и. аяам̣ бана обхаасо згаяааг̇убаанамад̇д̇амби на д̇идтад̇и, яаавад̇аа нид̣̇д̣̇ааяид̇ваа баб̣уд̣̇д̇хо аарамман̣ам̣ вибхаавзд̇и, д̇ад̇д̇агам̣ гаалам̣ ход̇и. д̣̇ийгхабхаан̣агаа бана ‘‘ажчараасан̇гхаадамад̇д̇амзва виж̇ж̇убхаасо вияа нижчарид̇ваа гим̣ ид̣̇анд̇и бхан̣анд̇аанам̣язва анд̇арад̇хааяад̇ий’’д̇и вад̣̇анд̇и. сан̇гамбад̇ийд̇и саманд̇ад̇о гамбад̇и. ид̇арад̣̇ваяам̣ буримабассзва взважанам̣. буна аббамаан̣о жаад̇иаад̣̇и ниг̇аманад̇т̇ам̣ вуд̇д̇ам̣.
Aññepi kira bho santi sattāti – ‘‘yathā mayaṃ mahādukkhaṃ anubhavāma, evaṃ aññepi kira sattā idaṃ dukkhaṃ anubhavantā idhūpapannā’’ti taṃ divasaṃ passanti. Ayaṃ pana obhāso ekayāgupānamattampi na tiṭṭhati, yāvatā niddāyitvā pabuddho ārammaṇaṃ vibhāveti, tattakaṃ kālaṃ hoti. Dīghabhāṇakā pana ‘‘accharāsaṅghāṭamattameva vijjubhāso viya niccharitvā kiṃ idanti bhaṇantānaṃyeva antaradhāyatī’’ti vadanti. Saṅkampatīti samantato kampati. Itaradvayaṃ purimapasseva vevacanaṃ. Puna appamāṇo cātiādi nigamanatthaṃ vuttaṃ.
202. жад̇д̇ааро д̣̇звабуд̇д̇аа жад̇уд̣̇д̣̇исам̣ аарагкааяа убаг̇ажчанд̇ийд̇и зд̇т̇а жад̇д̇аарод̇и жад̇уннам̣ махаарааж̇уунам̣ васзна вуд̇д̇ам̣, д̣̇асасахассажаггаваал̣з бана жад̇д̇ааро жад̇д̇ааро гад̇ваа жад̇д̇аалийсад̣̇асасахассаа хонд̇и. д̇ад̇т̇а имасмим̣ жаггаваал̣з махаарааж̇аано каг̇г̇ахад̇т̇аа ааг̇анд̇ваа б̣од̇хисад̇д̇асса аарагкан̣ад̇т̇ааяа убаг̇анд̇ваа сирийг̇аб̣бхам̣ бавидтаа, ид̇арз г̇аб̣бхад̣̇ваарад̇о бадтааяа аваруд̣̇д̇хабам̣субисаажагаад̣̇ияагкаг̇ан̣з бадиггамаабзд̇ваа яаава жаггаваал̣аа аарагкам̣ г̇ан̣хим̣су.
202.Cattāro devaputtā catuddisaṃ ārakkhāya upagacchantīti ettha cattāroti catunnaṃ mahārājūnaṃ vasena vuttaṃ, dasasahassacakkavāḷe pana cattāro cattāro katvā cattālīsadasasahassā honti. Tattha imasmiṃ cakkavāḷe mahārājāno khaggahatthā āgantvā bodhisattassa ārakkhaṇatthāya upagantvā sirīgabbhaṃ paviṭṭhā, itare gabbhadvārato paṭṭhāya avaruddhapaṃsupisācakādiyakkhagaṇe paṭikkamāpetvā yāva cakkavāḷā ārakkhaṃ gaṇhiṃsu.
гимад̇т̇ам̣ банааяам̣ рагкаа ааг̇ад̇аа? нану бадисанд̇хигкан̣з галалагаалад̇о бадтааяа сажзби годисад̇асахассаа маараа годисад̇асахассам̣ синзрум̣ угкибид̇ваа б̣од̇хисад̇д̇асса ваа б̣од̇хисад̇д̇амаад̇уяаа ваа анд̇арааяагаран̣ад̇т̇ам̣ ааг̇ажчзяяум̣, саб̣б̣з анд̇араава анд̇арад̇хааязяяум̣. вуд̇д̇амби жзд̇ам̣ бхаг̇авад̇аа рухируббаад̣̇авад̇т̇усмим̣ – ‘‘адтаанамзд̇ам̣, бхигкавз, анавагаасо, яам̣ баруубаггамзна д̇ат̇ааг̇ад̇ам̣ ж̇ийвид̇аа воробзяяа. анубаггамзна, бхигкавз, д̇ат̇ааг̇ад̇аа бариниб̣б̣ааяанд̇и. г̇ажчат̇а д̇умхз, бхигкавз, яат̇аавихаарам̣, арагкияаа, бхигкавз, д̇ат̇ааг̇ад̇аа’’д̇и (жуул̣ава. 341). звамзд̇ам̣, на баруубаггамзна д̇зсам̣ ж̇ийвид̇анд̇арааяо ад̇т̇и. санд̇и ко бана амануссаа вируубаа д̣̇уд̣̇д̣̇асигаа, бхзраварубаа багкино, язсам̣ руубам̣ д̣̇исваа сад̣̇д̣̇ам̣ ваа суд̇ваа б̣од̇хисад̇д̇амаад̇у бхаяам̣ ваа санд̇аасо ваа уббаж̇ж̇зяяа, д̇зсам̣ нивааран̣ад̇т̇ааяа рагкам̣ аг̇г̇ахзсум̣. абижа ко б̣од̇хисад̇д̇асса бун̃н̃ад̇зж̇зна сан̃ж̇аад̇аг̇аараваа ад̇д̇ано г̇аараважод̣̇ид̇ааби д̇з звамагам̣су.
Kimatthaṃ panāyaṃ rakkhā āgatā? Nanu paṭisandhikkhaṇe kalalakālato paṭṭhāya sacepi koṭisatasahassā mārā koṭisatasahassaṃ sineruṃ ukkhipitvā bodhisattassa vā bodhisattamātuyā vā antarāyakaraṇatthaṃ āgaccheyyuṃ, sabbe antarāva antaradhāyeyyuṃ. Vuttampi cetaṃ bhagavatā ruhiruppādavatthusmiṃ – ‘‘aṭṭhānametaṃ, bhikkhave, anavakāso, yaṃ parūpakkamena tathāgataṃ jīvitā voropeyya. Anupakkamena, bhikkhave, tathāgatā parinibbāyanti. Gacchatha tumhe, bhikkhave, yathāvihāraṃ, arakkhiyā, bhikkhave, tathāgatā’’ti (cūḷava. 341). Evametaṃ, na parūpakkamena tesaṃ jīvitantarāyo atthi. Santi kho pana amanussā virūpā duddasikā, bheravarupā pakkhino, yesaṃ rūpaṃ disvā saddaṃ vā sutvā bodhisattamātu bhayaṃ vā santāso vā uppajjeyya, tesaṃ nivāraṇatthāya rakkhaṃ aggahesuṃ. Apica kho bodhisattassa puññatejena sañjātagāravā attano gāravacoditāpi te evamakaṃsu.
гим̣ бана д̇з анд̇ог̇аб̣бхам̣ бависид̇ваа тид̇аа жад̇д̇ааро махаарааж̇аано б̣од̇хисад̇д̇амаад̇уяаа ад̇д̇аанам̣ д̣̇ассзнд̇и на д̣̇ассзнд̇ийд̇и? нахаанаман̣д̣анабхож̇анаад̣̇исарийрагижжагаалз на д̣̇ассзнд̇и, сирийг̇аб̣бхам̣ бависид̇ваа варасаяанз нибаннагаалз бана д̣̇ассзнд̇и. д̇ад̇т̇а гин̃жааби амануссад̣̇ассанам̣ наама мануссаанам̣ саббадибхаяам̣ ход̇и, б̣од̇хисад̇д̇амаад̇аа бана ад̇д̇ано жзва буд̇д̇асса жа бун̃н̃аанубхаавзна д̇з д̣̇исваа на бхааяад̇и, багад̇ианд̇збурабаалагзсу вияа ассаа д̇зсу жид̇д̇ам̣ уббаж̇ж̇ад̇и.
Kiṃ pana te antogabbhaṃ pavisitvā ṭhitā cattāro mahārājāno bodhisattamātuyā attānaṃ dassenti na dassentīti? Nahānamaṇḍanabhojanādisarīrakiccakāle na dassenti, sirīgabbhaṃ pavisitvā varasayane nipannakāle pana dassenti. Tattha kiñcāpi amanussadassanaṃ nāma manussānaṃ sappaṭibhayaṃ hoti, bodhisattamātā pana attano ceva puttassa ca puññānubhāvena te disvā na bhāyati, pakatiantepurapālakesu viya assā tesu cittaṃ uppajjati.
203. багад̇ияаа сийлавад̇ийд̇и сабхаавзнзва сийласамбаннаа. ануббаннз гира б̣уд̣̇д̇хз мануссаа д̇аабасабариб̣б̣ааж̇агаанам̣ санд̇игз ванд̣̇ид̇ваа уггудигам̣ нисийд̣̇ид̇ваа сийлам̣ г̇ан̣ханд̇и, б̣од̇хисад̇д̇амаад̇ааби гаалад̣̇звиласса исино санд̇игз г̇ан̣хаад̇и. б̣од̇хисад̇д̇з бана гужчиг̇ад̇з ан̃н̃асса баад̣̇амуулз нисийд̣̇ид̇ум̣ наама на саггаа, самаасанз нисийд̣̇ид̇ваа г̇ахид̇асийламби аван̃н̃аа гааран̣амад̇д̇ам̣ ход̇и. д̇асмаа саяамзва сийлам̣ аг̇г̇ахзсийд̇и вуд̇д̇ам̣ ход̇и.
203.Pakatiyāsīlavatīti sabhāveneva sīlasampannā. Anuppanne kira buddhe manussā tāpasaparibbājakānaṃ santike vanditvā ukkuṭikaṃ nisīditvā sīlaṃ gaṇhanti, bodhisattamātāpi kāladevilassa isino santike gaṇhāti. Bodhisatte pana kucchigate aññassa pādamūle nisīdituṃ nāma na sakkā, samāsane nisīditvā gahitasīlampi avaññā kāraṇamattaṃ hoti. Tasmā sayameva sīlaṃ aggahesīti vuttaṃ hoti.
бурисзсууд̇и б̣од̇хисад̇д̇асса бид̇арам̣ аад̣̇им̣ гад̇ваа гзсужи мануссзсу бурисаад̇хиббааяажид̇д̇ам̣ нуббаж̇ж̇ад̇и. д̇ан̃жа ко б̣од̇хисад̇д̇з г̇ааравзна, на бахийнагилзсад̇ааяа. б̣од̇хисад̇д̇амаад̇у руубам̣ бана сугусалааби сиббигаа бод̇т̇агаммаад̣̇ийсуби гаад̇ум̣ на саггонд̇и, д̇ам̣ д̣̇исваа бурисасса рааг̇о нуббаж̇ж̇ад̇ийд̇и на саггаа вад̇д̇ум̣. сажз бана д̇ам̣ рад̇д̇ажид̇д̇о убасан̇гамид̇угаамо ход̇и, баад̣̇аа на ваханд̇и, д̣̇иб̣б̣асан̇калигаа вияа б̣аж̇жханд̇и. д̇асмаа ‘‘анад̇иггаманийяаа’’д̇иаад̣̇и вуд̇д̇ам̣.
Purisesūti bodhisattassa pitaraṃ ādiṃ katvā kesuci manussesu purisādhippāyacittaṃ nuppajjati. Tañca kho bodhisatte gāravena, na pahīnakilesatāya. Bodhisattamātu rūpaṃ pana sukusalāpi sippikā potthakammādīsupi kātuṃ na sakkonti, taṃ disvā purisassa rāgo nuppajjatīti na sakkā vattuṃ. Sace pana taṃ rattacitto upasaṅkamitukāmo hoti, pādā na vahanti, dibbasaṅkhalikā viya bajjhanti. Tasmā ‘‘anatikkamanīyā’’tiādi vuttaṃ.
бан̃жаннам̣ гаамаг̇ун̣аананд̇и буб̣б̣з ‘‘гаамаг̇ун̣уубасам̣хид̇а’’нд̇и бурисаад̇хиббааяавасзна вад̇т̇убадигкзбо гат̇ид̇о, ид̇ха аарамман̣аббадилаабхо д̣̇ассид̇о. д̇ад̣̇аа гира ‘‘д̣̇звияаа зваруубо буд̇д̇о гужчисмим̣ уббанно’’д̇и, суд̇ваа саманд̇ад̇о рааж̇аано махаг̇гхааабхаран̣ад̇уурияаад̣̇ивасзна бан̃жад̣̇ваараарамман̣авад̇т̇убхууд̇ам̣ бан̣н̣аагаарам̣ бзсзнд̇и, б̣од̇хисад̇д̇асса жа б̣од̇хисад̇д̇амаад̇уяаа жа гад̇агаммасса уссаннад̇д̇аа лаабхасаггаарасса бамаан̣абарижчзд̣̇о наама над̇т̇и.
Pañcannaṃ kāmaguṇānanti pubbe ‘‘kāmaguṇūpasaṃhita’’nti purisādhippāyavasena vatthupaṭikkhepo kathito, idha ārammaṇappaṭilābho dassito. Tadā kira ‘‘deviyā evarūpo putto kucchismiṃ uppanno’’ti, sutvā samantato rājāno mahagghaābharaṇatūriyādivasena pañcadvārārammaṇavatthubhūtaṃ paṇṇākāraṃ pesenti, bodhisattassa ca bodhisattamātuyā ca katakammassa ussannattā lābhasakkārassa pamāṇaparicchedo nāma natthi.
204. агиланд̇агааяаад̇и яат̇аа ан̃н̃аа ид̇т̇ияо г̇аб̣бхабхаарзна гиламанд̇и, хад̇т̇абаад̣̇аа уд̣̇д̇хумаад̇агаад̣̇ийни баабун̣анд̇и, на звам̣ д̇ассаа гожи гиламат̇о ахоси. д̇ирогужчиг̇ад̇анд̇и анд̇огужчиг̇ад̇ам̣. галалаад̣̇игаалам̣ ад̇иггамид̇ваа сан̃ж̇аад̇аан̇г̇абажжан̇г̇ам̣ ахийнинд̣̇рияабхаавам̣ убаг̇ад̇ам̣язва бассад̇и. гимад̇т̇ам̣ бассад̇и? сукаваасад̇т̇ам̣. яат̇зва хи маад̇аа буд̇д̇зна сад̣̇д̇хим̣ нисиннаа ваа нибаннаа ваа ‘‘хад̇т̇ам̣ ваа баад̣̇ам̣ ваа оламб̣анд̇ам̣ угкибид̇ваа сан̣табзссаамий’’д̇и сукаваасад̇т̇ам̣ буд̇д̇ам̣ ологзд̇и, звам̣ б̣од̇хисад̇д̇амаад̇ааби яам̣ д̇ам̣ маад̇у удтаанаг̇аманабаривад̇д̇ананисаж̇ж̇аад̣̇ийсу ун̣хасийд̇алон̣игад̇ид̇д̇агагадугаахаарааж̇жхохаран̣агаалзсу жа г̇аб̣бхасса д̣̇угкам̣ уббаж̇ж̇ад̇и, ад̇т̇и ну ко мз д̇ам̣ буд̇д̇ассаад̇и сукаваасад̇т̇ам̣ б̣од̇хисад̇д̇ам̣ ологаяамаанаа баллан̇гам̣ аабхуж̇ид̇ваа нисиннам̣ б̣од̇хисад̇д̇ам̣ бассад̇и. яат̇аа хи ан̃н̃з анд̇огужчиг̇ад̇аа баггаасаяам̣ аж̇жход̇т̇арид̇ваа аамаасаяам̣ угкибид̇ваа уд̣̇арабадалам̣ бидтид̇о гад̇ваа бидтиган̣дагам̣ ниссааяа уггудигаа д̣̇вийсу мудтийсу ханугам̣ табзд̇ваа д̣̇звз вассанд̇з ругкасусирз маггадаа вияа нисийд̣̇анд̇и, на звам̣ б̣од̇хисад̇д̇о. б̣од̇хисад̇д̇о бана бидтиган̣дагам̣ бидтид̇о гад̇ваа д̇хаммаасанз д̇хаммагат̇иго вияа баллан̇гам̣ аабхуж̇ид̇ваа бурад̇т̇аабхимуко нисийд̣̇ад̇и. буб̣б̣з гад̇агаммам̣ банассаа вад̇т̇ум̣ сод̇хзд̇и, суд̣̇д̇хз вад̇т̇умхи сукумажчавилагкан̣ам̣ ниб̣б̣ад̇д̇ад̇и . ат̇а нам̣ гужчиг̇ад̇ам̣ д̇ажо бадижчаад̣̇зд̇ум̣ на саггод̇и, ологзнд̇ияаа б̣ахи тид̇о вияа бан̃н̃ааяад̇и. д̇амад̇т̇ам̣ убамааяа вибхаавзнд̇о сзяяат̇аабийд̇иаад̣̇имааха. б̣од̇хисад̇д̇о бана анд̇огужчиг̇ад̇о маад̇арам̣ на бассад̇и. на хи анд̇огужчияам̣ жагкувин̃н̃аан̣ам̣ уббаж̇ж̇ад̇и.
204.Akilantakāyāti yathā aññā itthiyo gabbhabhārena kilamanti, hatthapādā uddhumātakādīni pāpuṇanti, na evaṃ tassā koci kilamatho ahosi. Tirokucchigatanti antokucchigataṃ. Kalalādikālaṃ atikkamitvā sañjātaaṅgapaccaṅgaṃ ahīnindriyabhāvaṃ upagataṃyeva passati. Kimatthaṃ passati? Sukhavāsatthaṃ. Yatheva hi mātā puttena saddhiṃ nisinnā vā nipannā vā ‘‘hatthaṃ vā pādaṃ vā olambantaṃ ukkhipitvā saṇṭhapessāmī’’ti sukhavāsatthaṃ puttaṃ oloketi, evaṃ bodhisattamātāpi yaṃ taṃ mātu uṭṭhānagamanaparivattananisajjādīsu uṇhasītaloṇikatittakakaṭukāhāraajjhoharaṇakālesu ca gabbhassa dukkhaṃ uppajjati, atthi nu kho me taṃ puttassāti sukhavāsatthaṃ bodhisattaṃ olokayamānā pallaṅkaṃ ābhujitvā nisinnaṃ bodhisattaṃ passati. Yathā hi aññe antokucchigatā pakkāsayaṃ ajjhottharitvā āmāsayaṃ ukkhipitvā udarapaṭalaṃ piṭṭhito katvā piṭṭhikaṇṭakaṃ nissāya ukkuṭikā dvīsu muṭṭhīsu hanukaṃ ṭhapetvā deve vassante rukkhasusire makkaṭā viya nisīdanti, na evaṃ bodhisatto. Bodhisatto pana piṭṭhikaṇṭakaṃ piṭṭhito katvā dhammāsane dhammakathiko viya pallaṅkaṃ ābhujitvā puratthābhimukho nisīdati. Pubbe katakammaṃ panassā vatthuṃ sodheti, suddhe vatthumhi sukhumacchavilakkhaṇaṃ nibbattati . Atha naṃ kucchigataṃ taco paṭicchādetuṃ na sakkoti, olokentiyā bahi ṭhito viya paññāyati. Tamatthaṃ upamāya vibhāvento seyyathāpītiādimāha. Bodhisatto pana antokucchigato mātaraṃ na passati. Na hi antokucchiyaṃ cakkhuviññāṇaṃ uppajjati.
205. гаалам̣ гарод̇ийд̇и на виж̇аад̇абхаавабажжаяаа, ааяубаригкаязнзва. б̣од̇хисад̇д̇зна васид̇адтаанан̃хи жзд̇ияагудисад̣̇исам̣ ход̇и ан̃н̃зсам̣ абарибхог̇ам̣, на жа саггаа б̣од̇хисад̇д̇амаад̇арам̣ абанзд̇ваа ан̃н̃ам̣ аг̇г̇амахзсидтаанз табзд̇унд̇и д̇ад̇д̇агам̣язва б̣од̇хисад̇д̇амаад̇у ааяуббамаан̣ам̣ ход̇и, д̇асмаа д̇ад̣̇аа гаалам̣ гарод̇и. гад̇арасмим̣ бана ваяз гаалам̣ гарод̇ийд̇и? маж̇жхимаваяз. батамаваяасмин̃хи сад̇д̇аанам̣ ад̇д̇абхаавз чанд̣̇арааг̇о б̣алаваа ход̇и, д̇зна д̇ад̣̇аа сан̃ж̇аад̇аг̇аб̣бхаа ид̇т̇ий д̇ам̣ г̇аб̣бхам̣ анурагкид̇ум̣ на саггонд̇и, г̇аб̣бхо б̣ахвааб̣аад̇хо ход̇и. маж̇жхимаваяасса бана д̣̇вз годтаасз ад̇иггамма д̇ад̇ияагодтаасз вад̇т̇ум̣ висад̣̇ам̣ ход̇и, висад̣̇з вад̇т̇умхи ниб̣б̣ад̇д̇аа д̣̇аарагаа арог̇аа хонд̇и. д̇асмаа б̣од̇хисад̇д̇амаад̇ааби батамаваяз самбад̇д̇им̣ анубхавид̇ваа маж̇жхимаваяасса д̇ад̇ияагодтаасз виж̇ааяид̇ваа гаалам̣ гарод̇и.
205.Kālaṃkarotīti na vijātabhāvapaccayā, āyuparikkhayeneva. Bodhisattena vasitaṭṭhānañhi cetiyakuṭisadisaṃ hoti aññesaṃ aparibhogaṃ, na ca sakkā bodhisattamātaraṃ apanetvā aññaṃ aggamahesiṭṭhāne ṭhapetunti tattakaṃyeva bodhisattamātu āyuppamāṇaṃ hoti, tasmā tadā kālaṃ karoti. Katarasmiṃ pana vaye kālaṃ karotīti? Majjhimavaye. Paṭhamavayasmiñhi sattānaṃ attabhāve chandarāgo balavā hoti, tena tadā sañjātagabbhā itthī taṃ gabbhaṃ anurakkhituṃ na sakkonti, gabbho bahvābādho hoti. Majjhimavayassa pana dve koṭṭhāse atikkamma tatiyakoṭṭhāse vatthuṃ visadaṃ hoti, visade vatthumhi nibbattā dārakā arogā honti. Tasmā bodhisattamātāpi paṭhamavaye sampattiṃ anubhavitvā majjhimavayassa tatiyakoṭṭhāse vijāyitvā kālaṃ karoti.
нава ваа д̣̇аса ваад̇и зд̇т̇а ваа-сад̣̇д̣̇зна вигаббанавасзна сад̇д̇а ваа адта ваа згаад̣̇аса ваа д̣̇ваад̣̇аса ваад̇и звамаад̣̇ийнамби сан̇г̇ахо взд̣̇ид̇аб̣б̣о. д̇ад̇т̇а сад̇д̇амаасаж̇аад̇о ж̇ийвад̇и, сийд̇ун̣хагкамо бана на ход̇и. адтамаасаж̇аад̇о на ж̇ийвад̇и, сзсаа ж̇ийванд̇и.
Nava vā dasa vāti ettha vā-saddena vikappanavasena satta vā aṭṭha vā ekādasa vā dvādasa vāti evamādīnampi saṅgaho veditabbo. Tattha sattamāsajāto jīvati, sītuṇhakkhamo pana na hoti. Aṭṭhamāsajāto na jīvati, sesā jīvanti.
тид̇ааваад̇и тид̇аава худ̇ваа. махаамааяааби д̣̇звий убавиж̇ан̃н̃аа н̃аад̇игулагхарам̣ г̇амиссаамийд̇и ран̃н̃о аарожзси. рааж̇аа габилавад̇т̇уд̇о д̣̇звад̣̇аханаг̇араг̇аамимаг̇г̇ам̣ алан̇гаараабзд̇ваа д̣̇звим̣ суван̣н̣асивигааяа нисийд̣̇аабзси. сагаланаг̇араваасино сагяаа бариваарзд̇ваа г̇анд̇хамаалаад̣̇ийхи бууж̇аяамаанаа д̣̇звим̣ г̇ахзд̇ваа бааяим̣су. саа д̣̇звад̣̇аханаг̇арасса авид̣̇уурз лумб̣инисаалавануяяаанам̣ д̣̇исваа уяяаанавижаран̣ад̇т̇ааяа жид̇д̇ам̣ уббаад̣̇зд̇ваа ран̃н̃о сан̃н̃ам̣ ад̣̇ааси. рааж̇аа уяяаанам̣ бадиж̇аг̇г̇аабзд̇ваа аарагкам̣ сам̣вид̣̇ахаабзси. д̣̇звияаа уяяаанам̣ бавидтамад̇д̇ааяа гааяад̣̇уб̣б̣аляам̣ ахоси, ат̇ассаа ман̇г̇аласааламуулз сирийсаяанам̣ бан̃н̃аабзд̇ваа саан̣ияаа баригкибим̣су. саа анд̇осаан̣им̣ бависид̇ваа сааласаакам̣ хад̇т̇зна г̇ахзд̇ваа адтааси. ат̇ассаа д̇аавад̣̇зва г̇аб̣бхавудтаанам̣ ахоси.
Ṭhitāvāti ṭhitāva hutvā. Mahāmāyāpi devī upavijaññā ñātikulagharaṃ gamissāmīti rañño ārocesi. Rājā kapilavatthuto devadahanagaragāmimaggaṃ alaṅkārāpetvā deviṃ suvaṇṇasivikāya nisīdāpesi. Sakalanagaravāsino sakyā parivāretvā gandhamālādīhi pūjayamānā deviṃ gahetvā pāyiṃsu. Sā devadahanagarassa avidūre lumbinisālavanuyyānaṃ disvā uyyānavicaraṇatthāya cittaṃ uppādetvā rañño saññaṃ adāsi. Rājā uyyānaṃ paṭijaggāpetvā ārakkhaṃ saṃvidahāpesi. Deviyā uyyānaṃ paviṭṭhamattāya kāyadubbalyaṃ ahosi, athassā maṅgalasālamūle sirīsayanaṃ paññāpetvā sāṇiyā parikkhipiṃsu. Sā antosāṇiṃ pavisitvā sālasākhaṃ hatthena gahetvā aṭṭhāsi. Athassā tāvadeva gabbhavuṭṭhānaṃ ahosi.
д̣̇зваа нам̣ батамам̣ бадиг̇г̇ан̣ханд̇ийд̇и кийн̣аасаваа суд̣̇д̇хааваасаб̣рахмаано бадиг̇г̇ан̣ханд̇и. гат̇ам̣? сууд̇ивзсам̣ г̇ан̣хид̇ваад̇и згз. д̇ам̣ бана бадигкибид̇ваа ид̣̇ам̣ вуд̇д̇ам̣ – д̇ад̣̇аа б̣од̇хисад̇д̇амаад̇аа суван̣н̣акажид̇ам̣ вад̇т̇ам̣ ниваасзд̇ваа мажчагкисад̣̇исам̣ д̣̇угуулабадам̣ яаава баад̣̇анд̇аава баарубид̇ваа адтааси. ат̇ассаа саллахугам̣ г̇аб̣бхавудтаанам̣ ахоси д̇хаммагаран̣ад̇о уд̣̇аганигкаманасад̣̇исам̣. ат̇а д̇з багад̇иб̣рахмавзсзнзва убасан̇гамид̇ваа батамам̣ суван̣н̣аж̇аалзна бадиг̇г̇ахзсум̣. д̇зсам̣ хад̇т̇ад̇о мануссаа д̣̇угуулажумб̣адагзна бадиг̇г̇ахзсум̣. д̇зна вуд̇д̇ам̣ – ‘‘д̣̇зваа нам̣ батамам̣ бадиг̇г̇ан̣ханд̇и бажчаа мануссаа’’д̇и.
Devā naṃ paṭhamaṃ paṭiggaṇhantīti khīṇāsavā suddhāvāsabrahmāno paṭiggaṇhanti. Kathaṃ? Sūtivesaṃ gaṇhitvāti eke. Taṃ pana paṭikkhipitvā idaṃ vuttaṃ – tadā bodhisattamātā suvaṇṇakhacitaṃ vatthaṃ nivāsetvā macchakkhisadisaṃ dukūlapaṭaṃ yāva pādantāva pārupitvā aṭṭhāsi. Athassā sallahukaṃ gabbhavuṭṭhānaṃ ahosi dhammakaraṇato udakanikkhamanasadisaṃ. Atha te pakatibrahmaveseneva upasaṅkamitvā paṭhamaṃ suvaṇṇajālena paṭiggahesuṃ. Tesaṃ hatthato manussā dukūlacumbaṭakena paṭiggahesuṃ. Tena vuttaṃ – ‘‘devā naṃ paṭhamaṃ paṭiggaṇhanti pacchā manussā’’ti.
206. жад̇д̇ааро нам̣ д̣̇звабуд̇д̇аад̇и жад̇д̇ааро махаарааж̇аано. бадиг̇г̇ахзд̇ваад̇и аж̇инаббавзн̣ияаа бадиг̇г̇ахзд̇ваа. махзсагкод̇и махаад̇зж̇о махааяасо лагкан̣асамбаннод̇и ад̇т̇о.
206.Cattāro naṃ devaputtāti cattāro mahārājāno. Paṭiggahetvāti ajinappaveṇiyā paṭiggahetvā. Mahesakkhoti mahātejo mahāyaso lakkhaṇasampannoti attho.
висад̣̇ова нигкамад̇ийд̇и яат̇аа ан̃н̃з сад̇д̇аа яонимаг̇г̇з лаг̇г̇анд̇аа бхаг̇г̇авибхаг̇г̇аа нигкаманд̇и, на звам̣ нигкамад̇и, алаг̇г̇о худ̇ваа нигкамад̇ийд̇и ад̇т̇о. уд̣̇знаад̇и уд̣̇агзна. гзнажи асужинаад̇и яат̇аа ан̃н̃з сад̇д̇аа гаммаж̇аваад̇зхи уд̣̇д̇хам̣баад̣̇аа ад̇хосираа яонимаг̇г̇з багкид̇д̇аа сад̇аборисанарагабабаад̇ам̣ бад̇анд̇аа вияа д̇аал̣ажчид̣̇д̣̇зна ниггад̣дхияамаанаа хад̇т̇ий вияа махаад̣̇угкам̣ анубхаванд̇аа наанааасужимагкид̇аава нигкаманд̇и, на звам̣ б̣од̇хисад̇д̇о. б̣од̇хисад̇д̇ан̃хи гаммаж̇аваад̇аа уд̣̇д̇хам̣баад̣̇ам̣ ад̇хосирам̣ гаад̇ум̣ на саггонд̇и. со д̇хаммаасанад̇о од̇аранд̇о д̇хаммагат̇иго вияа ниссзн̣ид̇о од̇аранд̇о бурисо вияа жа д̣̇вз хад̇т̇з жа баад̣̇з жа басаарзд̇ваа тид̇агова маад̇угужчисамбхавзна гзнажи асужинаа амагкид̇ова нигкамад̇и.
Visadova nikkhamatīti yathā aññe sattā yonimagge laggantā bhaggavibhaggā nikkhamanti, na evaṃ nikkhamati, alaggo hutvā nikkhamatīti attho. Udenāti udakena. Kenaci asucināti yathā aññe sattā kammajavātehi uddhaṃpādā adhosirā yonimagge pakkhittā sataporisanarakapapātaṃ patantā viya tāḷacchiddena nikkaḍḍhiyamānā hatthī viya mahādukkhaṃ anubhavantā nānāasucimakkhitāva nikkhamanti, na evaṃ bodhisatto. Bodhisattañhi kammajavātā uddhaṃpādaṃ adhosiraṃ kātuṃ na sakkonti. So dhammāsanato otaranto dhammakathiko viya nisseṇito otaranto puriso viya ca dve hatthe ca pāde ca pasāretvā ṭhitakova mātukucchisambhavena kenaci asucinā amakkhitova nikkhamati.
уд̣̇агасса д̇хаараад̇и уд̣̇агаваддияо. д̇аасу сийд̇аа суван̣н̣агадаахз бад̇ад̇и, ун̣хаа раж̇ад̇агадаахз. ид̣̇ан̃жа бат̇авийд̇алз гзнажи асужинаа асаммиссам̣ д̇зсам̣ баанийяабарибхож̇анийяауд̣̇аган̃жзва ан̃н̃зхи асаад̇хааран̣ам̣ гийл̣анауд̣̇аган̃жа д̣̇ассзд̇ум̣ вуд̇д̇ам̣. ан̃н̃асса бана суван̣н̣араж̇ад̇агхадзхи аахарияамаанауд̣̇агасса жзва хам̣саваддагаад̣̇ибогкаран̣иг̇ад̇асса жа уд̣̇агасса барижчзд̣̇о над̇т̇и.
Udakassa dhārāti udakavaṭṭiyo. Tāsu sītā suvaṇṇakaṭāhe patati, uṇhā rajatakaṭāhe. Idañca pathavītale kenaci asucinā asammissaṃ tesaṃ pānīyaparibhojanīyaudakañceva aññehi asādhāraṇaṃ kīḷanaudakañca dassetuṃ vuttaṃ. Aññassa pana suvaṇṇarajataghaṭehi āhariyamānaudakassa ceva haṃsavaṭṭakādipokkharaṇigatassa ca udakassa paricchedo natthi.
207. самбад̇иж̇аад̇од̇и мухуд̇д̇аж̇аад̇о. баал̣ияам̣ бана маад̇угужчид̇о нигканд̇амад̇д̇о вияа д̣̇ассид̇о, на бана звам̣ д̣̇адтаб̣б̣ам̣. нигканд̇амад̇д̇ан̃хи д̇ам̣ батамам̣ б̣рахмаано суван̣н̣аж̇аалзна бадиг̇г̇ан̣хим̣су, д̇зсам̣ хад̇т̇ад̇о жад̇д̇ааро махаарааж̇аано ман̇г̇аласаммад̇ааяа сукасампассааяа аж̇инаббавзн̣ияаа, д̇зсам̣ хад̇т̇ад̇о мануссаа д̣̇угуулажумб̣адагзна, мануссаанам̣ хад̇т̇ад̇о мужжид̇ваа бат̇авияам̣ бад̇идтид̇о.
207.Sampatijātoti muhuttajāto. Pāḷiyaṃ pana mātukucchito nikkhantamatto viya dassito, na pana evaṃ daṭṭhabbaṃ. Nikkhantamattañhi taṃ paṭhamaṃ brahmāno suvaṇṇajālena paṭiggaṇhiṃsu, tesaṃ hatthato cattāro mahārājāno maṅgalasammatāya sukhasamphassāya ajinappaveṇiyā, tesaṃ hatthato manussā dukūlacumbaṭakena, manussānaṃ hatthato muccitvā pathaviyaṃ patiṭṭhito.
сзд̇амхи чад̇д̇з ануд̇хаарияамаанзд̇и д̣̇иб̣б̣асзд̇ажчад̇д̇з ануд̇хаарияамаанз. зд̇т̇а жа чад̇д̇асса бариваараани каг̇г̇аад̣̇ийни бан̃жа рааж̇агагуд̇хабхан̣д̣ааниби ааг̇ад̇аанзва. баал̣ияам̣ бана рааж̇аг̇аманз рааж̇аа вияа чад̇д̇амзва вуд̇д̇ам̣. д̇зсу чад̇д̇амзва бан̃н̃ааяад̇и, на чад̇д̇аг̇г̇аахагаа. д̇ат̇аа каг̇г̇а-д̇аалаван̣да-морахад̇т̇ага-ваал̣аб̣ийж̇ани-ун̣хийсамад̇д̇ааязва бан̃н̃ааяанд̇и, на д̇зсам̣ г̇аахагаа. саб̣б̣аани гира д̇аани ад̣̇иссамаанаруубаа д̣̇звад̇аа г̇ан̣хим̣су. вуд̇д̇амби жзд̇ам̣ –
Setamhi chatte anudhāriyamāneti dibbasetacchatte anudhāriyamāne. Ettha ca chattassa parivārāni khaggādīni pañca rājakakudhabhaṇḍānipi āgatāneva. Pāḷiyaṃ pana rājagamane rājā viya chattameva vuttaṃ. Tesu chattameva paññāyati, na chattaggāhakā. Tathā khagga-tālavaṇṭa-morahatthaka-vāḷabījani-uṇhīsamattāyeva paññāyanti, na tesaṃ gāhakā. Sabbāni kira tāni adissamānarūpā devatā gaṇhiṃsu. Vuttampi cetaṃ –
‘‘анзгасаакан̃жа сахассаман̣д̣алам̣,
‘‘Anekasākhañca sahassamaṇḍalaṃ,
чад̇д̇ам̣ маруу д̇хаараяуманд̇алигкз;
Chattaṃ marū dhārayumantalikkhe;
суван̣н̣ад̣̇ан̣д̣аа вибад̇анд̇и жаамараа,
Suvaṇṇadaṇḍā vipatanti cāmarā,
на д̣̇иссарз жаамарачад̇д̇аг̇аахагаа’’д̇и. (су. ни. 693);
Na dissare cāmarachattagāhakā’’ti. (su. ni. 693);
саб̣б̣аа жа д̣̇исаад̇и ид̣̇ам̣ сад̇д̇абад̣̇авийд̇ихааруубари тид̇асса вияа саб̣б̣ад̣̇исаанувилоганам̣ вуд̇д̇ам̣, на ко банзвам̣ д̣̇адтаб̣б̣ам̣. махаасад̇д̇о хи мануссаанам̣ хад̇т̇ад̇о мужжид̇ваа бурад̇т̇имад̣̇исам̣ ологзси, анзгажаггаваал̣асахассаани зган̇г̇ан̣аани ахзсум̣. д̇ад̇т̇а д̣̇звамануссаа г̇анд̇хамаалаад̣̇ийхи бууж̇аяамаанаа – ‘‘махаабуриса ид̇ха д̇умхзхи сад̣̇исоби над̇т̇и, гуд̇о уд̇д̇арид̇аро’’д̇и аахам̣су. звам̣ жад̇ассо д̣̇исаа, жад̇ассо ануд̣̇исаа, хздтаа, убарийд̇и д̣̇асаби д̣̇исаа анувилогзд̇ваа ад̇д̇анаа сад̣̇исам̣ ад̣̇исваа аяам̣ уд̇д̇араа д̣̇исаад̇и сад̇д̇абад̣̇авийд̇ихаарзна аг̇амаасийд̇и звамзд̇т̇а ад̇т̇о д̣̇адтаб̣б̣о. аасабхинд̇и уд̇д̇амам̣. аг̇г̇од̇и г̇ун̣зхи саб̣б̣абатамо. ид̇араани д̣̇вз бад̣̇аани зд̇ассзва взважанаани. аяаманд̇имаа ж̇аад̇и, над̇т̇и д̣̇аани бунаб̣бхавод̇и бад̣̇ад̣̇ваязна имасмим̣ ад̇д̇абхаавз бад̇д̇аб̣б̣ам̣ арахад̇д̇ам̣ б̣яаагааси.
Sabbā ca disāti idaṃ sattapadavītihārūpari ṭhitassa viya sabbadisānuvilokanaṃ vuttaṃ, na kho panevaṃ daṭṭhabbaṃ. Mahāsatto hi manussānaṃ hatthato muccitvā puratthimadisaṃ olokesi, anekacakkavāḷasahassāni ekaṅgaṇāni ahesuṃ. Tattha devamanussā gandhamālādīhi pūjayamānā – ‘‘mahāpurisa idha tumhehi sadisopi natthi, kuto uttaritaro’’ti āhaṃsu. Evaṃ catasso disā, catasso anudisā, heṭṭhā, uparīti dasapi disā anuviloketvā attanā sadisaṃ adisvā ayaṃ uttarā disāti sattapadavītihārena agamāsīti evamettha attho daṭṭhabbo. Āsabhinti uttamaṃ. Aggoti guṇehi sabbapaṭhamo. Itarāni dve padāni etasseva vevacanāni. Ayamantimā jāti, natthi dāni punabbhavoti padadvayena imasmiṃ attabhāve pattabbaṃ arahattaṃ byākāsi.
зд̇т̇а жа самзхи баад̣̇зхи бат̇авияам̣ бад̇идтаанам̣ жад̇уид̣̇д̇хибаад̣̇абадилаабхасса буб̣б̣анимид̇д̇ам̣, уд̇д̇араабхимукабхааво махааж̇анам̣ аж̇жход̇т̇арид̇ваа абхибхавид̇ваа г̇аманасса буб̣б̣анимид̇д̇ам̣ , сад̇д̇абад̣̇аг̇аманам̣ сад̇д̇аб̣ож̇жхан̇г̇арад̇анабадилаабхасса буб̣б̣анимид̇д̇ам̣, д̣̇иб̣б̣асзд̇ажчад̇д̇ад̇хааран̣ам̣ вимуд̇д̇ижчад̇д̇абадилаабхасса буб̣б̣анимид̇д̇ам̣, бан̃жарааж̇агагуд̇хабхан̣д̣аани бан̃жахи вимуд̇д̇ийхи вимужжанасса буб̣б̣анимид̇д̇ам̣, д̣̇исаанувилоганам̣ анааваран̣ан̃аан̣абадилаабхасса буб̣б̣анимид̇д̇ам̣, аасабхийваажаабхаасанам̣ аббадивад̇д̇ияад̇хаммажаггаббавад̇д̇анасса буб̣б̣анимид̇д̇ам̣. ‘‘аяаманд̇имаа ж̇аад̇ий’’д̇и сийханаад̣̇о анубаад̣̇исзсааяа ниб̣б̣аанад̇хаад̇уяаа бариниб̣б̣аанасса буб̣б̣анимид̇д̇анд̇и взд̣̇ид̇аб̣б̣ам̣. имз ваараа баал̣ияам̣ ааг̇ад̇аа, самб̣ахулавааро бана ааг̇ад̇о, аахарид̇ваа д̣̇ийбзд̇аб̣б̣о.
Ettha ca samehi pādehi pathaviyaṃ patiṭṭhānaṃ catuiddhipādapaṭilābhassa pubbanimittaṃ, uttarābhimukhabhāvo mahājanaṃ ajjhottharitvā abhibhavitvā gamanassa pubbanimittaṃ , sattapadagamanaṃ sattabojjhaṅgaratanapaṭilābhassa pubbanimittaṃ, dibbasetacchattadhāraṇaṃ vimutticchattapaṭilābhassa pubbanimittaṃ, pañcarājakakudhabhaṇḍāni pañcahi vimuttīhi vimuccanassa pubbanimittaṃ, disānuvilokanaṃ anāvaraṇañāṇapaṭilābhassa pubbanimittaṃ, āsabhīvācābhāsanaṃ appaṭivattiyadhammacakkappavattanassa pubbanimittaṃ. ‘‘Ayamantimā jātī’’ti sīhanādo anupādisesāya nibbānadhātuyā parinibbānassa pubbanimittanti veditabbaṃ. Ime vārā pāḷiyaṃ āgatā, sambahulavāro pana āgato, āharitvā dīpetabbo.
махаабурисасса хи ж̇аад̇ад̣̇ивасз д̣̇асасахассилогад̇хаад̇у гамби. д̣̇асасахассилогад̇хаад̇умхи д̣̇звад̇аа згажаггаваал̣з саннибад̇им̣су. батамам̣ д̣̇зваа бадиг̇г̇ахим̣су, бажчаа мануссаа. д̇анд̇иб̣ад̣̇д̇хаа вийн̣аа жаммаб̣ад̣̇д̇хаа бхзрияо жа гзнажи аваад̣̇ид̇аа саяамзва важ̇ж̇им̣су, мануссаанам̣ анд̣̇уб̣анд̇ханаад̣̇ийни кан̣д̣аакан̣д̣ам̣ бхиж̇ж̇им̣су. саб̣б̣арог̇аа амб̣илзна д̇ход̇ад̇амб̣амалам̣ вияа виг̇ажчим̣су, ж̇ажжанд̇хаа руубаани бассим̣су. ж̇ажжаб̣ад̇хираа сад̣̇д̣̇ам̣ сун̣им̣су, бийтасаббий ж̇аванасамбаннаа ахзсум̣, ж̇аад̇иж̇ал̣аанамби зл̣амууг̇аанам̣ сад̇и бад̇идтааси, вид̣̇зсз багканд̣̇анааваа субадданам̣ баабун̣им̣су, аагаасадтагабхуумадтагарад̇анаани сагад̇зж̇обхаасид̇аани ахзсум̣, взрино мзд̇д̇ажид̇д̇ам̣ бадилабхим̣су, авийжимхи аг̇г̇и ниб̣б̣ааяи. логанд̇арз аалого уд̣̇абаад̣̇и, над̣̇ийсу ж̇алам̣ на бавад̇д̇и, махаасамуд̣̇д̣̇зсу мад̇хурасад̣̇исам̣ уд̣̇агам̣ ахоси, ваад̇о на вааяи, аагаасабаб̣б̣ад̇аругкаг̇ад̇аа сагун̣аа бхассид̇ваа бат̇авийг̇ад̇аа ахзсум̣, жанд̣̇о ад̇ирожи, суурияо на ун̣хо на сийд̇ало ниммало уд̇усамбанно ахоси, д̣̇звад̇аа ад̇д̇ано ад̇д̇ано вимаанад̣̇ваарз тад̇ваа абподанасзл̣анажзлугкзбаад̣̇ийхи махаагийл̣ам̣ гийл̣им̣су, жаад̇уд̣̇д̣̇ийбигамахаамзгхо васси, махааж̇анам̣ нзва куд̣̇аа на бибаасаа бийл̣зси, д̣̇ваарагаваадаани саяамзва виварим̣су, бубпуубаг̇апалуубаг̇аа ругкаа бубпапалаани г̇ан̣хим̣су, д̣̇асасахассилогад̇хаад̇у згад̣̇д̇хаж̇амаалаа ахосийд̇и.
Mahāpurisassa hi jātadivase dasasahassilokadhātu kampi. Dasasahassilokadhātumhi devatā ekacakkavāḷe sannipatiṃsu. Paṭhamaṃ devā paṭiggahiṃsu, pacchā manussā. Tantibaddhā vīṇā cammabaddhā bheriyo ca kenaci avāditā sayameva vajjiṃsu, manussānaṃ andubandhanādīni khaṇḍākhaṇḍaṃ bhijjiṃsu. Sabbarogā ambilena dhotatambamalaṃ viya vigacchiṃsu, jaccandhā rūpāni passiṃsu. Jaccabadhirā saddaṃ suṇiṃsu, pīṭhasappī javanasampannā ahesuṃ, jātijaḷānampi eḷamūgānaṃ sati patiṭṭhāsi, videse pakkhandanāvā supaṭṭanaṃ pāpuṇiṃsu, ākāsaṭṭhakabhūmaṭṭhakaratanāni sakatejobhāsitāni ahesuṃ, verino mettacittaṃ paṭilabhiṃsu, avīcimhi aggi nibbāyi. Lokantare āloko udapādi, nadīsu jalaṃ na pavatti, mahāsamuddesu madhurasadisaṃ udakaṃ ahosi, vāto na vāyi, ākāsapabbatarukkhagatā sakuṇā bhassitvā pathavīgatā ahesuṃ, cando atiroci, sūriyo na uṇho na sītalo nimmalo utusampanno ahosi, devatā attano attano vimānadvāre ṭhatvā apphoṭanaseḷanacelukkhepādīhi mahākīḷaṃ kīḷiṃsu, cātuddīpikamahāmegho vassi, mahājanaṃ neva khudā na pipāsā pīḷesi, dvārakavāṭāni sayameva vivariṃsu, pupphūpagaphalūpagā rukkhā pupphaphalāni gaṇhiṃsu, dasasahassilokadhātu ekaddhajamālā ahosīti.
д̇ад̇раабисса д̣̇асасахассилогад̇хаад̇угамбо саб̣б̣ан̃н̃уд̇ан̃аан̣абадилаабхасса буб̣б̣анимид̇д̇ам̣, д̣̇звад̇аанам̣ згажаггаваал̣з саннибаад̇о д̇хаммажаггаббавад̇д̇анагаалз згаббахаарзна саннибад̇ид̇ваа д̇хаммабадиг̇г̇ан̣ханасса буб̣б̣анимид̇д̇ам̣, батамам̣ д̣̇звад̇аанам̣ бадиг̇г̇ахан̣ам̣ жад̇уннам̣ руубааважараж̇жхаанаанам̣ бадилаабхасса буб̣б̣анимид̇д̇ам̣. бажчаа мануссаанам̣ бадиг̇г̇ахан̣ам̣ жад̇уннам̣ аруубаж̇жхаанаанам̣ бадилаабхасса буб̣б̣анимид̇д̇ам̣, д̇анд̇иб̣ад̣̇д̇хавийн̣аанам̣ саяам̣ важ̇ж̇анам̣ анубуб̣б̣авихаарабадилаабхасса буб̣б̣анимид̇д̇ам̣, жаммаб̣ад̣̇д̇хабхзрийнам̣ важ̇ж̇анам̣ махад̇ияаа д̇хаммабхзрияаа ануссааванасса буб̣б̣анимид̇д̇ам̣, анд̣̇уб̣анд̇ханаад̣̇ийнам̣ чзд̣̇о асмимаанасамужчзд̣̇асса буб̣б̣анимид̇д̇ам̣, саб̣б̣арог̇авиг̇амо саб̣б̣агилзсавиг̇амасса буб̣б̣анимид̇д̇ам̣, ж̇ажжанд̇хаанам̣ руубад̣̇ассанам̣ д̣̇иб̣б̣ажагкубадилаабхасса буб̣б̣анимид̇д̇ам̣, ж̇ажжаб̣ад̇хираанам̣ сад̣̇д̣̇ассаванам̣ д̣̇иб̣б̣асод̇ад̇хаад̇убадилаабхасса буб̣б̣анимид̇д̇ам̣ , бийтасаббийнам̣ ж̇аванасамбад̣̇аа жад̇уид̣̇д̇хибаад̣̇аад̇хиг̇амасса буб̣б̣анимид̇д̇ам̣, ж̇ал̣аанам̣ сад̇ибад̇идтаанам̣ жад̇усад̇ибадтаанабадилаабхасса буб̣б̣анимид̇д̇ам̣, вид̣̇зсабагканд̣̇анааваанам̣ субадданасамбаабун̣анам̣ жад̇убадисамбхид̣̇аад̇хиг̇амасса буб̣б̣анимид̇д̇ам̣, рад̇анаанам̣ сагад̇зж̇обхаасид̇ад̇д̇ам̣ яам̣ логасса д̇хаммобхаасам̣ д̣̇ассзссад̇и д̇асса буб̣б̣анимид̇д̇ам̣.
Tatrāpissa dasasahassilokadhātukampo sabbaññutañāṇapaṭilābhassa pubbanimittaṃ, devatānaṃ ekacakkavāḷe sannipāto dhammacakkappavattanakāle ekappahārena sannipatitvā dhammapaṭiggaṇhanassa pubbanimittaṃ, paṭhamaṃ devatānaṃ paṭiggahaṇaṃ catunnaṃ rūpāvacarajjhānānaṃ paṭilābhassa pubbanimittaṃ. Pacchā manussānaṃ paṭiggahaṇaṃ catunnaṃ arūpajjhānānaṃ paṭilābhassa pubbanimittaṃ, tantibaddhavīṇānaṃ sayaṃ vajjanaṃ anupubbavihārapaṭilābhassa pubbanimittaṃ, cammabaddhabherīnaṃ vajjanaṃ mahatiyā dhammabheriyā anussāvanassa pubbanimittaṃ, andubandhanādīnaṃ chedo asmimānasamucchedassa pubbanimittaṃ, sabbarogavigamo sabbakilesavigamassa pubbanimittaṃ, jaccandhānaṃ rūpadassanaṃ dibbacakkhupaṭilābhassa pubbanimittaṃ, jaccabadhirānaṃ saddassavanaṃ dibbasotadhātupaṭilābhassa pubbanimittaṃ , pīṭhasappīnaṃ javanasampadā catuiddhipādādhigamassa pubbanimittaṃ, jaḷānaṃ satipatiṭṭhānaṃ catusatipaṭṭhānapaṭilābhassa pubbanimittaṃ, videsapakkhandanāvānaṃ supaṭṭanasampāpuṇanaṃ catupaṭisambhidādhigamassa pubbanimittaṃ, ratanānaṃ sakatejobhāsitattaṃ yaṃ lokassa dhammobhāsaṃ dassessati tassa pubbanimittaṃ.
взрийнам̣ мзд̇д̇ажид̇д̇абадилаабхо жад̇уб̣рахмавихаарабадилаабхасса буб̣б̣анимид̇д̇ам̣, авийжимхи аг̇г̇иниб̣б̣аанам̣ згаад̣̇асааг̇г̇иниб̣б̣аанасса буб̣б̣анимид̇д̇ам̣, логанд̇араалого авиж̇ж̇анд̇хагаарам̣ вид̇хамид̇ваа н̃аан̣аалогад̣̇ассанасса буб̣б̣анимид̇д̇ам̣, махаасамуд̣̇д̣̇асса мад̇хурад̇аа ниб̣б̣аанарасзна згарасабхаавасса буб̣б̣анимид̇д̇ам̣, ваад̇асса авааяанам̣ д̣̇ваасадтид̣̇идтиг̇ад̇абхинд̣̇анасса буб̣б̣анимид̇д̇ам̣, сагун̣аанам̣ бат̇авийг̇аманам̣ махааж̇анасса оваад̣̇ам̣ суд̇ваа баан̣зхи саран̣аг̇аманасса буб̣б̣анимид̇д̇ам̣, жанд̣̇асса ад̇ивирожанам̣ б̣ахуж̇анаганд̇ад̇ааяа буб̣б̣анимид̇д̇ам̣, суурияасса ун̣хасийд̇авиваж̇ж̇анауд̇усукад̇аа гааяигажзд̇асигасукуббад̇д̇ияаа буб̣б̣анимид̇д̇ам̣, д̣̇звад̇аанам̣ вимаанад̣̇ваарзсу абподанаад̣̇ийхи гийл̣анам̣ б̣уд̣̇д̇хабхаавам̣ бад̇ваа уд̣̇аанам̣ уд̣̇аанасса буб̣б̣анимид̇д̇ам̣, жаад̇уд̣̇д̣̇ийбигамахаамзгхавассанам̣ махад̇о д̇хаммамзгхавассанасса буб̣б̣анимид̇д̇ам̣, куд̣̇аабийл̣анасса абхааво гааяаг̇ад̇аасад̇иамад̇абадилаабхасса буб̣б̣анимид̇д̇ам̣, бибаасаабийл̣анасса абхааво вимуд̇д̇исукзна сукид̇абхаавасса буб̣б̣анимид̇д̇ам̣, д̣̇ваарагаваадаанам̣ саяамзва виваран̣ам̣ адтан̇г̇игамаг̇г̇ад̣̇вааравиваран̣асса буб̣б̣анимид̇д̇ам̣, ругкаанам̣ бубпапалаг̇ахан̣ам̣ вимуд̇д̇ибубпзхи бубпид̇асса жа сааман̃н̃апалабхаарабхарид̇абхаавасса жа буб̣б̣анимид̇д̇ам̣, д̣̇асасахассилогад̇хаад̇уяаа згад̣̇д̇хаж̇амаалад̇аа арияад̣̇д̇хаж̇амаалаамаалид̇ааяа буб̣б̣анимид̇д̇анд̇и взд̣̇ид̇аб̣б̣ам̣. аяам̣ самб̣ахулавааро наама.
Verīnaṃ mettacittapaṭilābho catubrahmavihārapaṭilābhassa pubbanimittaṃ, avīcimhi agginibbānaṃ ekādasaagginibbānassa pubbanimittaṃ, lokantarāloko avijjandhakāraṃ vidhamitvā ñāṇālokadassanassa pubbanimittaṃ, mahāsamuddassa madhuratā nibbānarasena ekarasabhāvassa pubbanimittaṃ, vātassa avāyanaṃ dvāsaṭṭhidiṭṭhigatabhindanassa pubbanimittaṃ, sakuṇānaṃ pathavīgamanaṃ mahājanassa ovādaṃ sutvā pāṇehi saraṇagamanassa pubbanimittaṃ, candassa ativirocanaṃ bahujanakantatāya pubbanimittaṃ, sūriyassa uṇhasītavivajjanautusukhatā kāyikacetasikasukhuppattiyā pubbanimittaṃ, devatānaṃ vimānadvāresu apphoṭanādīhi kīḷanaṃ buddhabhāvaṃ patvā udānaṃ udānassa pubbanimittaṃ, cātuddīpikamahāmeghavassanaṃ mahato dhammameghavassanassa pubbanimittaṃ, khudāpīḷanassa abhāvo kāyagatāsatiamatapaṭilābhassa pubbanimittaṃ, pipāsāpīḷanassa abhāvo vimuttisukhena sukhitabhāvassa pubbanimittaṃ, dvārakavāṭānaṃ sayameva vivaraṇaṃ aṭṭhaṅgikamaggadvāravivaraṇassa pubbanimittaṃ, rukkhānaṃ pupphaphalagahaṇaṃ vimuttipupphehi pupphitassa ca sāmaññaphalabhārabharitabhāvassa ca pubbanimittaṃ, dasasahassilokadhātuyā ekaddhajamālatā ariyaddhajamālāmālitāya pubbanimittanti veditabbaṃ. Ayaṃ sambahulavāro nāma.
зд̇т̇а бан̃хз бужчанд̇и – ‘‘яад̣̇аа махаабурисо бат̇авияам̣ бад̇идтахид̇ваа уд̇д̇араабхимуко г̇анд̇ваа аасабхим̣ ваажам̣ бхаасад̇и, д̇ад̣̇аа гим̣ бат̇авияаа г̇ад̇о , уд̣̇ааху аагаасзна? д̣̇иссамаано г̇ад̇о, уд̣̇ааху ад̣̇иссамаано? ажзлаго г̇ад̇о, уд̣̇ааху алан̇гад̇аббадияад̇д̇о? д̣̇ахаро худ̇ваа г̇ад̇о, уд̣̇ааху махаллаго? бажчааби гим̣ д̇аад̣̇исова ахоси, уд̣̇ааху буна б̣аалад̣̇аараго’’д̇и? аяам̣ бана бан̃хо хздтаа лохабаасаад̣̇з сан̇гхасаннибаад̇з д̇ибидагажуул̣аабхаяад̇т̇зрзна виссаж̇ж̇ид̇ова. т̇зро гирзд̇т̇а нияад̇и буб̣б̣згад̇агамма-иссараниммаанаваад̣̇авасзна д̇ам̣ д̇ам̣ б̣ахум̣ вад̇ваа авасаанз звам̣ б̣яаагааси – ‘‘махаабурисо бат̇авияам̣ г̇ад̇о, махааж̇анасса бана аагаасз г̇ажчанд̇о вияа ахоси. д̣̇иссамаано г̇ад̇о, махааж̇анасса бана ад̣̇иссамаано вияа ахоси. ажзлаго г̇ад̇о, махааж̇анасса бана алан̇гад̇аббадияад̇д̇ова убадтааси. д̣̇ахарова г̇ад̇о, махааж̇анасса бана сол̣асавассуд̣̇д̣̇зсиго вияа ахоси. бажчаа бана б̣аалад̣̇аарагова ахоси, на д̇аад̣̇исо’’д̇и. звам̣ вуд̇д̇з барисаа жасса ‘‘б̣уд̣̇д̇хзна вияа худ̇ваа бхо т̇зрзна бан̃хо гат̇ид̇о’’д̇и ад̇д̇аманаа ахоси. логанд̇аригавааро вуд̇д̇анаяо зва.
Ettha pañhe pucchanti – ‘‘yadā mahāpuriso pathaviyaṃ patiṭṭhahitvā uttarābhimukho gantvā āsabhiṃ vācaṃ bhāsati, tadā kiṃ pathaviyā gato , udāhu ākāsena? Dissamāno gato, udāhu adissamāno? Acelako gato, udāhu alaṅkatappaṭiyatto? Daharo hutvā gato, udāhu mahallako? Pacchāpi kiṃ tādisova ahosi, udāhu puna bāladārako’’ti? Ayaṃ pana pañho heṭṭhā lohapāsāde saṅghasannipāte tipiṭakacūḷābhayattherena vissajjitova. Thero kirettha niyati pubbekatakamma-issaranimmānavādavasena taṃ taṃ bahuṃ vatvā avasāne evaṃ byākāsi – ‘‘mahāpuriso pathaviyaṃ gato, mahājanassa pana ākāse gacchanto viya ahosi. Dissamāno gato, mahājanassa pana adissamāno viya ahosi. Acelako gato, mahājanassa pana alaṅkatappaṭiyattova upaṭṭhāsi. Daharova gato, mahājanassa pana soḷasavassuddesiko viya ahosi. Pacchā pana bāladārakova ahosi, na tādiso’’ti. Evaṃ vutte parisā cassa ‘‘buddhena viya hutvā bho therena pañho kathito’’ti attamanā ahosi. Lokantarikavāro vuttanayo eva.
вид̣̇ид̇аад̇и баагадаа худ̇ваа. яат̇аа хи саавагаа нахаанамукад̇хованакаад̣̇анабиванаад̣̇игаалз аногаасаг̇ад̇з ад̇ийд̇асан̇каарз ниббад̣̇зсз саммасид̇ум̣ на саггонд̇и, огаасабад̇д̇аязва саммасанд̇и, на звам̣ б̣уд̣̇д̇хаа. б̣уд̣̇д̇хаа хи сад̇д̇ад̣̇ивасаб̣бханд̇арз вавад̇т̇ид̇асан̇каарз аад̣̇ид̇о бадтааяа саммасид̇ваа д̇илагкан̣ам̣ ааробзд̇ваава виссаж̇ж̇знд̇и, д̇зсам̣ авибассид̇ад̇хаммо наама над̇т̇и, д̇асмаа ‘‘вид̣̇ид̇аа’’д̇и ааха. сзсам̣ саб̣б̣ад̇т̇а уд̇д̇аанамзваад̇и.
Viditāti pākaṭā hutvā. Yathā hi sāvakā nahānamukhadhovanakhādanapivanādikāle anokāsagate atītasaṅkhāre nippadese sammasituṃ na sakkonti, okāsapattayeva sammasanti, na evaṃ buddhā. Buddhā hi sattadivasabbhantare vavatthitasaṅkhāre ādito paṭṭhāya sammasitvā tilakkhaṇaṃ āropetvāva vissajjenti, tesaṃ avipassitadhammo nāma natthi, tasmā ‘‘viditā’’ti āha. Sesaṃ sabbattha uttānamevāti.
бабан̃жасууд̣̇анияаа маж̇жхиманигааяадтагат̇ааяа
Papañcasūdaniyā majjhimanikāyaṭṭhakathāya
ажчарияааб̣бхуд̇асуд̇д̇аван̣н̣анаа нидтид̇аа.
Acchariyaabbhutasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 3. ажчарияааб̣бхуд̇асуд̇д̇ам̣ • 3. Acchariyaabbhutasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 3. ажчарияаб̣бхуд̇асуд̇д̇аван̣н̣анаа • 3. Acchariyabbhutasuttavaṇṇanā
