| Library / Tipiṭaka / திபிடக • Tipiṭaka / பாசித்யாதி³யோஜனாபாளி • Pācityādiyojanāpāḷi |
5. அசேலகவக்³கோ³
5. Acelakavaggo
1. அசேலகஸிக்கா²பத³-அத்த²யோஜனா
1. Acelakasikkhāpada-atthayojanā
269. அசேலகவக்³க³ஸ்ஸ பட²மே பரிவிஸதி எத்தா²தி பரிவேஸனந்தி த³ஸ்ஸெந்தோ ஆஹ ‘‘பரிவேஸனட்டா²ன’’ந்தி. பரிப்³பா³ஜகபப்³ப³ஜஸத்³தா³ ஸமானாதி ஆஹ ‘‘பரிப்³பா³ஜகஸமாபன்னோதி பப்³ப³ஜ்ஜங் ஸமாபன்னோ’’தி. தித்தே²ன ஸமங் பூரதீதி ஸமதித்தீ²கங், நதீ³ஆதீ³ஸு உத³கங், ஸமதித்தி²கங் வியாதி ஸமதித்தி²கங், பத்தபா⁴ஜனேஸு யாகு³ப⁴த்தங். தேஸந்தி மாதாபிதூனங் தெ³ந்தஸ்ஸாதி ஸம்ப³ந்தோ⁴. ‘‘தா³பேதீ’’தி எத்த² தா³தா⁴துயா ஸம்பதா³னஸ்ஸ ஸுவிஜானிதத்தா தங் அத³ஸ்ஸெத்வா காரிதகம்மமேவ த³ஸ்ஸெந்தோ ஆஹ ‘‘அனுபஸம்பன்னேனா’’தி.
269. Acelakavaggassa paṭhame parivisati etthāti parivesananti dassento āha ‘‘parivesanaṭṭhāna’’nti. Paribbājakapabbajasaddā samānāti āha ‘‘paribbājakasamāpannoti pabbajjaṃ samāpanno’’ti. Titthena samaṃ pūratīti samatitthīkaṃ, nadīādīsu udakaṃ, samatitthikaṃ viyāti samatitthikaṃ, pattabhājanesu yāgubhattaṃ. Tesanti mātāpitūnaṃ dentassāti sambandho. ‘‘Dāpetī’’ti ettha dādhātuyā sampadānassa suvijānitattā taṃ adassetvā kāritakammameva dassento āha ‘‘anupasampannenā’’ti.
273. ‘‘ஸந்திகே’’திஇமினா ‘‘உபனிக்கி²பித்வா’’தி எத்த² உபஸத்³த³ஸ்ஸ ஸமீபத்த²ங் த³ஸ்ஸேதி. தேஸந்தி தித்தி²யானங். தத்தா²தி பா⁴ஜனே. இதோதி பத்ததோ. இதா⁴தி மய்ஹங் பா⁴ஜனே. நந்தி கா²த³னீயபோ⁴ஜனீயங். தஸ்ஸாதி தித்தி²யஸ்ஸாதி. பட²மங்.
273. ‘‘Santike’’tiiminā ‘‘upanikkhipitvā’’ti ettha upasaddassa samīpatthaṃ dasseti. Tesanti titthiyānaṃ. Tatthāti bhājane. Itoti pattato. Idhāti mayhaṃ bhājane. Nanti khādanīyabhojanīyaṃ. Tassāti titthiyassāti. Paṭhamaṃ.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவிப⁴ங்க³ • Mahāvibhaṅga / 5. அசேலகவக்³கோ³ • 5. Acelakavaggo
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவிப⁴ங்க³-அட்ட²கதா² • Mahāvibhaṅga-aṭṭhakathā / 1. அசேலகஸிக்கா²பத³வண்ணனா • 1. Acelakasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / 1. அசேலகஸிக்கா²பத³வண்ணனா • 1. Acelakasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / 1. அசேலகஸிக்கா²பத³வண்ணனா • 1. Acelakasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / 1. அசேலகஸிக்கா²பத³வண்ணனா • 1. Acelakasikkhāpadavaṇṇanā
