| Library / Tipiṭaka / तिपिटक • Tipiṭaka / पाचित्यादियोजनापाळि • Pācityādiyojanāpāḷi |
५. अचेलकवग्गो
5. Acelakavaggo
१. अचेलकसिक्खापद-अत्थयोजना
1. Acelakasikkhāpada-atthayojanā
२६९. अचेलकवग्गस्स पठमे परिविसति एत्थाति परिवेसनन्ति दस्सेन्तो आह ‘‘परिवेसनट्ठान’’न्ति। परिब्बाजकपब्बजसद्दा समानाति आह ‘‘परिब्बाजकसमापन्नोति पब्बज्जं समापन्नो’’ति। तित्थेन समं पूरतीति समतित्थीकं, नदीआदीसु उदकं, समतित्थिकं वियाति समतित्थिकं, पत्तभाजनेसु यागुभत्तं। तेसन्ति मातापितूनं देन्तस्साति सम्बन्धो। ‘‘दापेती’’ति एत्थ दाधातुया सम्पदानस्स सुविजानितत्ता तं अदस्सेत्वा कारितकम्ममेव दस्सेन्तो आह ‘‘अनुपसम्पन्नेना’’ति।
269. Acelakavaggassa paṭhame parivisati etthāti parivesananti dassento āha ‘‘parivesanaṭṭhāna’’nti. Paribbājakapabbajasaddā samānāti āha ‘‘paribbājakasamāpannoti pabbajjaṃ samāpanno’’ti. Titthena samaṃ pūratīti samatitthīkaṃ, nadīādīsu udakaṃ, samatitthikaṃ viyāti samatitthikaṃ, pattabhājanesu yāgubhattaṃ. Tesanti mātāpitūnaṃ dentassāti sambandho. ‘‘Dāpetī’’ti ettha dādhātuyā sampadānassa suvijānitattā taṃ adassetvā kāritakammameva dassento āha ‘‘anupasampannenā’’ti.
२७३. ‘‘सन्तिके’’तिइमिना ‘‘उपनिक्खिपित्वा’’ति एत्थ उपसद्दस्स समीपत्थं दस्सेति। तेसन्ति तित्थियानं। तत्थाति भाजने। इतोति पत्ततो। इधाति मय्हं भाजने। नन्ति खादनीयभोजनीयं। तस्साति तित्थियस्साति। पठमं।
273. ‘‘Santike’’tiiminā ‘‘upanikkhipitvā’’ti ettha upasaddassa samīpatthaṃ dasseti. Tesanti titthiyānaṃ. Tatthāti bhājane. Itoti pattato. Idhāti mayhaṃ bhājane. Nanti khādanīyabhojanīyaṃ. Tassāti titthiyassāti. Paṭhamaṃ.
Related texts:
तिपिटक (मूल) • Tipiṭaka (Mūla) / विनयपिटक • Vinayapiṭaka / महाविभङ्ग • Mahāvibhaṅga / ५. अचेलकवग्गो • 5. Acelakavaggo
अट्ठकथा • Aṭṭhakathā / विनयपिटक (अट्ठकथा) • Vinayapiṭaka (aṭṭhakathā) / महाविभङ्ग-अट्ठकथा • Mahāvibhaṅga-aṭṭhakathā / १. अचेलकसिक्खापदवण्णना • 1. Acelakasikkhāpadavaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / सारत्थदीपनी-टीका • Sāratthadīpanī-ṭīkā / १. अचेलकसिक्खापदवण्णना • 1. Acelakasikkhāpadavaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / वजिरबुद्धि-टीका • Vajirabuddhi-ṭīkā / १. अचेलकसिक्खापदवण्णना • 1. Acelakasikkhāpadavaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / विमतिविनोदनी-टीका • Vimativinodanī-ṭīkā / १. अचेलकसिक्खापदवण्णना • 1. Acelakasikkhāpadavaṇṇanā
