| Library / Tipiṭaka / ติปิฎก • Tipiṭaka / ปาจิตฺยาทิโยชนาปาฬิ • Pācityādiyojanāpāḷi |
๕. อเจลกวโคฺค
5. Acelakavaggo
๑. อเจลกสิกฺขาปท-อตฺถโยชนา
1. Acelakasikkhāpada-atthayojanā
๒๖๙. อเจลกวคฺคสฺส ปฐเม ปริวิสติ เอตฺถาติ ปริเวสนนฺติ ทเสฺสโนฺต อาห ‘‘ปริเวสนฎฺฐาน’’นฺติฯ ปริพฺพาชกปพฺพชสทฺทา สมานาติ อาห ‘‘ปริพฺพาชกสมาปโนฺนติ ปพฺพชฺชํ สมาปโนฺน’’ติฯ ติเตฺถน สมํ ปูรตีติ สมติตฺถีกํ, นทีอาทีสุ อุทกํ, สมติตฺถิกํ วิยาติ สมติตฺถิกํ, ปตฺตภาชเนสุ ยาคุภตฺตํฯ เตสนฺติ มาตาปิตูนํ เทนฺตสฺสาติ สมฺพโนฺธฯ ‘‘ทาเปตี’’ติ เอตฺถ ทาธาตุยา สมฺปทานสฺส สุวิชานิตตฺตา ตํ อทเสฺสตฺวา การิตกมฺมเมว ทเสฺสโนฺต อาห ‘‘อนุปสมฺปเนฺนนา’’ติฯ
269. Acelakavaggassa paṭhame parivisati etthāti parivesananti dassento āha ‘‘parivesanaṭṭhāna’’nti. Paribbājakapabbajasaddā samānāti āha ‘‘paribbājakasamāpannoti pabbajjaṃ samāpanno’’ti. Titthena samaṃ pūratīti samatitthīkaṃ, nadīādīsu udakaṃ, samatitthikaṃ viyāti samatitthikaṃ, pattabhājanesu yāgubhattaṃ. Tesanti mātāpitūnaṃ dentassāti sambandho. ‘‘Dāpetī’’ti ettha dādhātuyā sampadānassa suvijānitattā taṃ adassetvā kāritakammameva dassento āha ‘‘anupasampannenā’’ti.
๒๗๓. ‘‘สนฺติเก’’ติอิมินา ‘‘อุปนิกฺขิปิตฺวา’’ติ เอตฺถ อุปสทฺทสฺส สมีปตฺถํ ทเสฺสติฯ เตสนฺติ ติตฺถิยานํฯ ตตฺถาติ ภาชเนฯ อิโตติ ปตฺตโตฯ อิธาติ มยฺหํ ภาชเนฯ นนฺติ ขาทนียโภชนียํฯ ตสฺสาติ ติตฺถิยสฺสาติฯ ปฐมํฯ
273. ‘‘Santike’’tiiminā ‘‘upanikkhipitvā’’ti ettha upasaddassa samīpatthaṃ dasseti. Tesanti titthiyānaṃ. Tatthāti bhājane. Itoti pattato. Idhāti mayhaṃ bhājane. Nanti khādanīyabhojanīyaṃ. Tassāti titthiyassāti. Paṭhamaṃ.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / มหาวิภงฺค • Mahāvibhaṅga / ๕. อเจลกวโคฺค • 5. Acelakavaggo
อฎฺฐกถา • Aṭṭhakathā / วินยปิฎก (อฎฺฐกถา) • Vinayapiṭaka (aṭṭhakathā) / มหาวิภงฺค-อฎฺฐกถา • Mahāvibhaṅga-aṭṭhakathā / ๑. อเจลกสิกฺขาปทวณฺณนา • 1. Acelakasikkhāpadavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / สารตฺถทีปนี-ฎีกา • Sāratthadīpanī-ṭīkā / ๑. อเจลกสิกฺขาปทวณฺณนา • 1. Acelakasikkhāpadavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วชิรพุทฺธิ-ฎีกา • Vajirabuddhi-ṭīkā / ๑. อเจลกสิกฺขาปทวณฺณนา • 1. Acelakasikkhāpadavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วิมติวิโนทนี-ฎีกา • Vimativinodanī-ṭīkā / ๑. อเจลกสิกฺขาปทวณฺณนา • 1. Acelakasikkhāpadavaṇṇanā
