| Library / Tipiṭaka / তিপিটক • Tipiṭaka / মহাৰিভঙ্গ-অট্ঠকথা • Mahāvibhaṅga-aṭṭhakathā |
৫. অচেলকৰগ্গো
5. Acelakavaggo
১. অচেলকসিক্খাপদৰণ্ণনা
1. Acelakasikkhāpadavaṇṇanā
২৬৯. অচেলকৰগ্গস্স ৯ পঠমসিক্খাপদে – পরিৰেসনন্তি পরিৰিসনট্ঠানং। পরিব্বাজকসমাপন্নোতি পব্বজ্জং সমাপন্নো। দেতি আপত্তি পাচিত্তিযস্সাতি সমতিত্তিকং যাগুপত্তং একপযোগেন দেতি, একং পাচিত্তিযং। অৰচ্ছিন্দিত্ৰা অৰচ্ছিন্দিত্ৰা দেতি, পযোগে পযোগে পাচিত্তিযং। এসেৰ নযো পূৰভত্তাদীসু। তিত্থিযে অতিত্থিযসঞ্ঞীতি মাতা ৰা পিতা ৰা তিত্থিযেসু পব্বজতি, তেসং মাতাপিতুসঞ্ঞায দেন্তস্সাপি পাচিত্তিযমেৰ হোতি। দাপেতীতি অনুপসম্পন্নেন দাপেতি।
269. Acelakavaggassa 9 paṭhamasikkhāpade – parivesananti parivisanaṭṭhānaṃ. Paribbājakasamāpannoti pabbajjaṃ samāpanno. Deti āpatti pācittiyassāti samatittikaṃ yāgupattaṃ ekapayogena deti, ekaṃ pācittiyaṃ. Avacchinditvā avacchinditvā deti, payoge payoge pācittiyaṃ. Eseva nayo pūvabhattādīsu. Titthiye atitthiyasaññīti mātā vā pitā vā titthiyesu pabbajati, tesaṃ mātāpitusaññāya dentassāpi pācittiyameva hoti. Dāpetīti anupasampannena dāpeti.
২৭৩. উপনিক্খিপিত্ৰা দেতীতি তথারূপে ভাজনে ঠপেত্ৰা তং ভাজনং তেসং সন্তিকে ভূমিযং নিক্খিপিত্ৰা দেতি, তেসং ৰা ভাজনং নিক্খিপাপেত্ৰা তত্থ দেতি, পত্তং আধারকে ৰা ভূমিযং ৰা ঠপেত্ৰাপি ‘‘ইতো গণ্হথা’’তি ৰত্তুং ৰট্টতি। সচে তিত্থিযো ৰদতি ‘‘ময্হং নাম ইদং সন্তকং, ইধ ন আকিরথা’’তি আকিরিতব্বং। তস্স সন্তকত্তা সহত্থা দানং নাম ন হোতি। সেসমেত্থ উত্তানমেৰ।
273.Upanikkhipitvā detīti tathārūpe bhājane ṭhapetvā taṃ bhājanaṃ tesaṃ santike bhūmiyaṃ nikkhipitvā deti, tesaṃ vā bhājanaṃ nikkhipāpetvā tattha deti, pattaṃ ādhārake vā bhūmiyaṃ vā ṭhapetvāpi ‘‘ito gaṇhathā’’ti vattuṃ vaṭṭati. Sace titthiyo vadati ‘‘mayhaṃ nāma idaṃ santakaṃ, idha na ākirathā’’ti ākiritabbaṃ. Tassa santakattā sahatthā dānaṃ nāma na hoti. Sesamettha uttānameva.
এল়কলোমসমুট্ঠানং – কিরিযং, নোসঞ্ঞাৰিমোক্খং, অচিত্তকং, পণ্ণত্তিৰজ্জং, কাযকম্মং, তিচিত্তং, তিৰেদনন্তি।
Eḷakalomasamuṭṭhānaṃ – kiriyaṃ, nosaññāvimokkhaṃ, acittakaṃ, paṇṇattivajjaṃ, kāyakammaṃ, ticittaṃ, tivedananti.
অচেলকসিক্খাপদং পঠমং।
Acelakasikkhāpadaṃ paṭhamaṃ.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / মহাৰিভঙ্গ • Mahāvibhaṅga / ৫. অচেলকৰগ্গো • 5. Acelakavaggo
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / ১. অচেলকসিক্খাপদৰণ্ণনা • 1. Acelakasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā / ১. অচেলকসিক্খাপদৰণ্ণনা • 1. Acelakasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / ১. অচেলকসিক্খাপদৰণ্ণনা • 1. Acelakasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi / ১. অচেলকসিক্খাপদ-অত্থযোজনা • 1. Acelakasikkhāpada-atthayojanā
