| Library / Tipiṭaka / తిపిటక • Tipiṭaka / మహావిభఙ్గ-అట్ఠకథా • Mahāvibhaṅga-aṭṭhakathā |
౫. అచేలకవగ్గో
5. Acelakavaggo
౧. అచేలకసిక్ఖాపదవణ్ణనా
1. Acelakasikkhāpadavaṇṇanā
౨౬౯. అచేలకవగ్గస్స ౯ పఠమసిక్ఖాపదే – పరివేసనన్తి పరివిసనట్ఠానం. పరిబ్బాజకసమాపన్నోతి పబ్బజ్జం సమాపన్నో. దేతి ఆపత్తి పాచిత్తియస్సాతి సమతిత్తికం యాగుపత్తం ఏకపయోగేన దేతి, ఏకం పాచిత్తియం. అవచ్ఛిన్దిత్వా అవచ్ఛిన్దిత్వా దేతి, పయోగే పయోగే పాచిత్తియం. ఏసేవ నయో పూవభత్తాదీసు. తిత్థియే అతిత్థియసఞ్ఞీతి మాతా వా పితా వా తిత్థియేసు పబ్బజతి, తేసం మాతాపితుసఞ్ఞాయ దేన్తస్సాపి పాచిత్తియమేవ హోతి. దాపేతీతి అనుపసమ్పన్నేన దాపేతి.
269. Acelakavaggassa 9 paṭhamasikkhāpade – parivesananti parivisanaṭṭhānaṃ. Paribbājakasamāpannoti pabbajjaṃ samāpanno. Deti āpatti pācittiyassāti samatittikaṃ yāgupattaṃ ekapayogena deti, ekaṃ pācittiyaṃ. Avacchinditvā avacchinditvā deti, payoge payoge pācittiyaṃ. Eseva nayo pūvabhattādīsu. Titthiye atitthiyasaññīti mātā vā pitā vā titthiyesu pabbajati, tesaṃ mātāpitusaññāya dentassāpi pācittiyameva hoti. Dāpetīti anupasampannena dāpeti.
౨౭౩. ఉపనిక్ఖిపిత్వా దేతీతి తథారూపే భాజనే ఠపేత్వా తం భాజనం తేసం సన్తికే భూమియం నిక్ఖిపిత్వా దేతి, తేసం వా భాజనం నిక్ఖిపాపేత్వా తత్థ దేతి, పత్తం ఆధారకే వా భూమియం వా ఠపేత్వాపి ‘‘ఇతో గణ్హథా’’తి వత్తుం వట్టతి. సచే తిత్థియో వదతి ‘‘మయ్హం నామ ఇదం సన్తకం, ఇధ న ఆకిరథా’’తి ఆకిరితబ్బం. తస్స సన్తకత్తా సహత్థా దానం నామ న హోతి. సేసమేత్థ ఉత్తానమేవ.
273.Upanikkhipitvā detīti tathārūpe bhājane ṭhapetvā taṃ bhājanaṃ tesaṃ santike bhūmiyaṃ nikkhipitvā deti, tesaṃ vā bhājanaṃ nikkhipāpetvā tattha deti, pattaṃ ādhārake vā bhūmiyaṃ vā ṭhapetvāpi ‘‘ito gaṇhathā’’ti vattuṃ vaṭṭati. Sace titthiyo vadati ‘‘mayhaṃ nāma idaṃ santakaṃ, idha na ākirathā’’ti ākiritabbaṃ. Tassa santakattā sahatthā dānaṃ nāma na hoti. Sesamettha uttānameva.
ఏళకలోమసముట్ఠానం – కిరియం, నోసఞ్ఞావిమోక్ఖం, అచిత్తకం, పణ్ణత్తివజ్జం, కాయకమ్మం, తిచిత్తం, తివేదనన్తి.
Eḷakalomasamuṭṭhānaṃ – kiriyaṃ, nosaññāvimokkhaṃ, acittakaṃ, paṇṇattivajjaṃ, kāyakammaṃ, ticittaṃ, tivedananti.
అచేలకసిక్ఖాపదం పఠమం.
Acelakasikkhāpadaṃ paṭhamaṃ.
Related texts:
తిపిటక (మూల) • Tipiṭaka (Mūla) / వినయపిటక • Vinayapiṭaka / మహావిభఙ్గ • Mahāvibhaṅga / ౫. అచేలకవగ్గో • 5. Acelakavaggo
టీకా • Tīkā / వినయపిటక (టీకా) • Vinayapiṭaka (ṭīkā) / సారత్థదీపనీ-టీకా • Sāratthadīpanī-ṭīkā / ౧. అచేలకసిక్ఖాపదవణ్ణనా • 1. Acelakasikkhāpadavaṇṇanā
టీకా • Tīkā / వినయపిటక (టీకా) • Vinayapiṭaka (ṭīkā) / వజిరబుద్ధి-టీకా • Vajirabuddhi-ṭīkā / ౧. అచేలకసిక్ఖాపదవణ్ణనా • 1. Acelakasikkhāpadavaṇṇanā
టీకా • Tīkā / వినయపిటక (టీకా) • Vinayapiṭaka (ṭīkā) / విమతివినోదనీ-టీకా • Vimativinodanī-ṭīkā / ౧. అచేలకసిక్ఖాపదవణ్ణనా • 1. Acelakasikkhāpadavaṇṇanā
టీకా • Tīkā / వినయపిటక (టీకా) • Vinayapiṭaka (ṭīkā) / పాచిత్యాదియోజనాపాళి • Pācityādiyojanāpāḷi / ౧. అచేలకసిక్ఖాపద-అత్థయోజనా • 1. Acelakasikkhāpada-atthayojanā
