| Library / Tipiṭaka / ติปิฎก • Tipiṭaka / กงฺขาวิตรณี-อภินว-ฎีกา • Kaṅkhāvitaraṇī-abhinava-ṭīkā |
๕. อเจลกวโคฺค
5. Acelakavaggo
๑. อเจลกสิกฺขาปทวณฺณนา
1. Acelakasikkhāpadavaṇṇanā
อเจลกสฺสาติ ยสฺส กสฺสจิ ปพฺพชฺชาสมาปนฺนสฺส นคฺคสฺสฯ ปริพฺพาชกสฺสาติ ฐเปตฺวา ภิกฺขุญฺจ สามเณรญฺจ อวเสสสฺส ยสฺส กสฺสจิ ปพฺพชฺชาสมาปนฺนสฺสฯ ปริพฺพาชิกายาติ ฐเปตฺวา ภิกฺขุนิํ, สิกฺขมานํ, สามเณริญฺจ อวเสสาย ยาย กายจิ ปพฺพชฺชาสมาปนฺนายฯ เอเต จ สเพฺพ อญฺญติตฺถิยา เวทิตพฺพาฯ เตนาห ‘‘เอเตสํ อเจลกาทีนํ อญฺญติตฺถิยาน’’นฺติฯ
Acelakassāti yassa kassaci pabbajjāsamāpannassa naggassa. Paribbājakassāti ṭhapetvā bhikkhuñca sāmaṇerañca avasesassa yassa kassaci pabbajjāsamāpannassa. Paribbājikāyāti ṭhapetvā bhikkhuniṃ, sikkhamānaṃ, sāmaṇeriñca avasesāya yāya kāyaci pabbajjāsamāpannāya. Ete ca sabbe aññatitthiyā veditabbā. Tenāha ‘‘etesaṃ acelakādīnaṃ aññatitthiyāna’’nti.
เตสนฺติ อญฺญติตฺถิยานํฯ ภาชนํ นิกฺขิปิตฺวาติ อามิสภริตํ ภาชนํ นิกฺขิปิตฺวาฯ พาหิราเลปนฺติ เตลาทิํฯ
Tesanti aññatitthiyānaṃ. Bhājanaṃ nikkhipitvāti āmisabharitaṃ bhājanaṃ nikkhipitvā. Bāhirālepanti telādiṃ.
อเจลกาทโย ยสฺมา, ติตฺถิยาว มตา อิธ;
Acelakādayo yasmā, titthiyāva matā idha;
ตสฺมา ติตฺถิยนาเมน, ติกเจฺฉโท กโต ตโยฯ
Tasmā titthiyanāmena, tikacchedo kato tayo.
อติตฺถิยสฺส นคฺคสฺส, ตถา ติตฺถิยลิงฺคิโน;
Atitthiyassa naggassa, tathā titthiyaliṅgino;
คหฎฺฐสฺสาปิ ภิกฺขุสฺส, กปฺปตีติ วินิจฺฉโยฯ
Gahaṭṭhassāpi bhikkhussa, kappatīti vinicchayo.
อติตฺถิยสฺส จิเตฺตน, ติตฺถิยสฺส จ ลิงฺคิโน;
Atitthiyassa cittena, titthiyassa ca liṅgino;
โสตาปนฺนาทิโน ทาตุํ, กปฺปตีตีธ โน มติฯ
Sotāpannādino dātuṃ, kappatītīdha no mati.
อเจลกสิกฺขาปทวณฺณนา นิฎฺฐิตาฯ
Acelakasikkhāpadavaṇṇanā niṭṭhitā.
