| Library / Tipiṭaka / တိပိဋက • Tipiṭaka / မဟာဝိဘင္ဂ-အဋ္ဌကထာ • Mahāvibhaṅga-aṭṭhakathā |
၅. အစေလကဝဂ္ဂော
5. Acelakavaggo
၁. အစေလကသိက္ခာပဒဝဏ္ဏနာ
1. Acelakasikkhāpadavaṇṇanā
၂၆၉. အစေလကဝဂ္ဂသ္သ ၉ ပဌမသိက္ခာပဒေ – ပရိဝေသနန္တိ ပရိဝိသနဋ္ဌာနံ။ ပရိဗ္ဗာဇကသမာပန္နောတိ ပဗ္ဗဇ္ဇံ သမာပန္နော။ ဒေတိ အာပတ္တိ ပာစိတ္တိယသ္သာတိ သမတိတ္တိကံ ယာဂုပတ္တံ ဧကပယောဂေန ဒေတိ, ဧကံ ပာစိတ္တိယံ။ အဝစ္ဆိန္ဒိတ္ဝာ အဝစ္ဆိန္ဒိတ္ဝာ ဒေတိ, ပယောဂေ ပယောဂေ ပာစိတ္တိယံ။ ဧသေဝ နယော ပူဝဘတ္တာဒီသု။ တိတ္ထိယေ အတိတ္ထိယသညီတိ မာတာ ဝာ ပိတာ ဝာ တိတ္ထိယေသု ပဗ္ဗဇတိ, တေသံ မာတာပိတုသညာယ ဒေန္တသ္သာပိ ပာစိတ္တိယမေဝ ဟောတိ။ ဒာပေတီတိ အနုပသမ္ပန္နေန ဒာပေတိ။
269. Acelakavaggassa 9 paṭhamasikkhāpade – parivesananti parivisanaṭṭhānaṃ. Paribbājakasamāpannoti pabbajjaṃ samāpanno. Deti āpatti pācittiyassāti samatittikaṃ yāgupattaṃ ekapayogena deti, ekaṃ pācittiyaṃ. Avacchinditvā avacchinditvā deti, payoge payoge pācittiyaṃ. Eseva nayo pūvabhattādīsu. Titthiye atitthiyasaññīti mātā vā pitā vā titthiyesu pabbajati, tesaṃ mātāpitusaññāya dentassāpi pācittiyameva hoti. Dāpetīti anupasampannena dāpeti.
၂၇၃. ဥပနိက္ခိပိတ္ဝာ ဒေတီတိ တထာရူပေ ဘာဇနေ ဌပေတ္ဝာ တံ ဘာဇနံ တေသံ သန္တိကေ ဘူမိယံ နိက္ခိပိတ္ဝာ ဒေတိ, တေသံ ဝာ ဘာဇနံ နိက္ခိပာပေတ္ဝာ တတ္ထ ဒေတိ, ပတ္တံ အာဓာရကေ ဝာ ဘူမိယံ ဝာ ဌပေတ္ဝာပိ ‘‘ဣတော ဂဏ္ဟထာ’’တိ ဝတ္တုံ ဝဋ္ဋတိ။ သစေ တိတ္ထိယော ဝဒတိ ‘‘မယ္ဟံ နာမ ဣဒံ သန္တကံ, ဣဓ န အာကိရထာ’’တိ အာကိရိတဗ္ဗံ။ တသ္သ သန္တကတ္တာ သဟတ္ထာ ဒာနံ နာမ န ဟောတိ။ သေသမေတ္ထ ဥတ္တာနမေဝ။
273.Upanikkhipitvā detīti tathārūpe bhājane ṭhapetvā taṃ bhājanaṃ tesaṃ santike bhūmiyaṃ nikkhipitvā deti, tesaṃ vā bhājanaṃ nikkhipāpetvā tattha deti, pattaṃ ādhārake vā bhūmiyaṃ vā ṭhapetvāpi ‘‘ito gaṇhathā’’ti vattuṃ vaṭṭati. Sace titthiyo vadati ‘‘mayhaṃ nāma idaṃ santakaṃ, idha na ākirathā’’ti ākiritabbaṃ. Tassa santakattā sahatthā dānaṃ nāma na hoti. Sesamettha uttānameva.
ဧဠကလောမသမုဋ္ဌာနံ – ကိရိယံ, နောသညာဝိမောက္ခံ, အစိတ္တကံ, ပဏ္ဏတ္တိဝဇ္ဇံ, ကာယကမ္မံ, တိစိတ္တံ, တိဝေဒနန္တိ။
Eḷakalomasamuṭṭhānaṃ – kiriyaṃ, nosaññāvimokkhaṃ, acittakaṃ, paṇṇattivajjaṃ, kāyakammaṃ, ticittaṃ, tivedananti.
အစေလကသိက္ခာပဒံ ပဌမံ။
Acelakasikkhāpadaṃ paṭhamaṃ.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / မဟာဝိဘင္ဂ • Mahāvibhaṅga / ၅. အစေလကဝဂ္ဂော • 5. Acelakavaggo
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / ၁. အစေလကသိက္ခာပဒဝဏ္ဏနာ • 1. Acelakasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / ၁. အစေလကသိက္ခာပဒဝဏ္ဏနာ • 1. Acelakasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / ၁. အစေလကသိက္ခာပဒဝဏ္ဏနာ • 1. Acelakasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi / ၁. အစေလကသိက္ခာပဒ-အတ္ထယောဇနာ • 1. Acelakasikkhāpada-atthayojanā
