| Library / Tipiṭaka / ತಿಪಿಟಕ • Tipiṭaka / ಮಹಾವಿಭಙ್ಗ-ಅಟ್ಠಕಥಾ • Mahāvibhaṅga-aṭṭhakathā |
೫. ಅಚೇಲಕವಗ್ಗೋ
5. Acelakavaggo
೧. ಅಚೇಲಕಸಿಕ್ಖಾಪದವಣ್ಣನಾ
1. Acelakasikkhāpadavaṇṇanā
೨೬೯. ಅಚೇಲಕವಗ್ಗಸ್ಸ ೯ ಪಠಮಸಿಕ್ಖಾಪದೇ – ಪರಿವೇಸನನ್ತಿ ಪರಿವಿಸನಟ್ಠಾನಂ। ಪರಿಬ್ಬಾಜಕಸಮಾಪನ್ನೋತಿ ಪಬ್ಬಜ್ಜಂ ಸಮಾಪನ್ನೋ। ದೇತಿ ಆಪತ್ತಿ ಪಾಚಿತ್ತಿಯಸ್ಸಾತಿ ಸಮತಿತ್ತಿಕಂ ಯಾಗುಪತ್ತಂ ಏಕಪಯೋಗೇನ ದೇತಿ, ಏಕಂ ಪಾಚಿತ್ತಿಯಂ। ಅವಚ್ಛಿನ್ದಿತ್ವಾ ಅವಚ್ಛಿನ್ದಿತ್ವಾ ದೇತಿ, ಪಯೋಗೇ ಪಯೋಗೇ ಪಾಚಿತ್ತಿಯಂ। ಏಸೇವ ನಯೋ ಪೂವಭತ್ತಾದೀಸು। ತಿತ್ಥಿಯೇ ಅತಿತ್ಥಿಯಸಞ್ಞೀತಿ ಮಾತಾ ವಾ ಪಿತಾ ವಾ ತಿತ್ಥಿಯೇಸು ಪಬ್ಬಜತಿ, ತೇಸಂ ಮಾತಾಪಿತುಸಞ್ಞಾಯ ದೇನ್ತಸ್ಸಾಪಿ ಪಾಚಿತ್ತಿಯಮೇವ ಹೋತಿ। ದಾಪೇತೀತಿ ಅನುಪಸಮ್ಪನ್ನೇನ ದಾಪೇತಿ।
269. Acelakavaggassa 9 paṭhamasikkhāpade – parivesananti parivisanaṭṭhānaṃ. Paribbājakasamāpannoti pabbajjaṃ samāpanno. Deti āpatti pācittiyassāti samatittikaṃ yāgupattaṃ ekapayogena deti, ekaṃ pācittiyaṃ. Avacchinditvā avacchinditvā deti, payoge payoge pācittiyaṃ. Eseva nayo pūvabhattādīsu. Titthiye atitthiyasaññīti mātā vā pitā vā titthiyesu pabbajati, tesaṃ mātāpitusaññāya dentassāpi pācittiyameva hoti. Dāpetīti anupasampannena dāpeti.
೨೭೩. ಉಪನಿಕ್ಖಿಪಿತ್ವಾ ದೇತೀತಿ ತಥಾರೂಪೇ ಭಾಜನೇ ಠಪೇತ್ವಾ ತಂ ಭಾಜನಂ ತೇಸಂ ಸನ್ತಿಕೇ ಭೂಮಿಯಂ ನಿಕ್ಖಿಪಿತ್ವಾ ದೇತಿ, ತೇಸಂ ವಾ ಭಾಜನಂ ನಿಕ್ಖಿಪಾಪೇತ್ವಾ ತತ್ಥ ದೇತಿ, ಪತ್ತಂ ಆಧಾರಕೇ ವಾ ಭೂಮಿಯಂ ವಾ ಠಪೇತ್ವಾಪಿ ‘‘ಇತೋ ಗಣ್ಹಥಾ’’ತಿ ವತ್ತುಂ ವಟ್ಟತಿ। ಸಚೇ ತಿತ್ಥಿಯೋ ವದತಿ ‘‘ಮಯ್ಹಂ ನಾಮ ಇದಂ ಸನ್ತಕಂ, ಇಧ ನ ಆಕಿರಥಾ’’ತಿ ಆಕಿರಿತಬ್ಬಂ। ತಸ್ಸ ಸನ್ತಕತ್ತಾ ಸಹತ್ಥಾ ದಾನಂ ನಾಮ ನ ಹೋತಿ। ಸೇಸಮೇತ್ಥ ಉತ್ತಾನಮೇವ।
273.Upanikkhipitvā detīti tathārūpe bhājane ṭhapetvā taṃ bhājanaṃ tesaṃ santike bhūmiyaṃ nikkhipitvā deti, tesaṃ vā bhājanaṃ nikkhipāpetvā tattha deti, pattaṃ ādhārake vā bhūmiyaṃ vā ṭhapetvāpi ‘‘ito gaṇhathā’’ti vattuṃ vaṭṭati. Sace titthiyo vadati ‘‘mayhaṃ nāma idaṃ santakaṃ, idha na ākirathā’’ti ākiritabbaṃ. Tassa santakattā sahatthā dānaṃ nāma na hoti. Sesamettha uttānameva.
ಏಳಕಲೋಮಸಮುಟ್ಠಾನಂ – ಕಿರಿಯಂ, ನೋಸಞ್ಞಾವಿಮೋಕ್ಖಂ, ಅಚಿತ್ತಕಂ, ಪಣ್ಣತ್ತಿವಜ್ಜಂ, ಕಾಯಕಮ್ಮಂ, ತಿಚಿತ್ತಂ, ತಿವೇದನನ್ತಿ।
Eḷakalomasamuṭṭhānaṃ – kiriyaṃ, nosaññāvimokkhaṃ, acittakaṃ, paṇṇattivajjaṃ, kāyakammaṃ, ticittaṃ, tivedananti.
ಅಚೇಲಕಸಿಕ್ಖಾಪದಂ ಪಠಮಂ।
Acelakasikkhāpadaṃ paṭhamaṃ.
Related texts:
ತಿಪಿಟಕ (ಮೂಲ) • Tipiṭaka (Mūla) / ವಿನಯಪಿಟಕ • Vinayapiṭaka / ಮಹಾವಿಭಙ್ಗ • Mahāvibhaṅga / ೫. ಅಚೇಲಕವಗ್ಗೋ • 5. Acelakavaggo
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಸಾರತ್ಥದೀಪನೀ-ಟೀಕಾ • Sāratthadīpanī-ṭīkā / ೧. ಅಚೇಲಕಸಿಕ್ಖಾಪದವಣ್ಣನಾ • 1. Acelakasikkhāpadavaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ವಜಿರಬುದ್ಧಿ-ಟೀಕಾ • Vajirabuddhi-ṭīkā / ೧. ಅಚೇಲಕಸಿಕ್ಖಾಪದವಣ್ಣನಾ • 1. Acelakasikkhāpadavaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ವಿಮತಿವಿನೋದನೀ-ಟೀಕಾ • Vimativinodanī-ṭīkā / ೧. ಅಚೇಲಕಸಿಕ್ಖಾಪದವಣ್ಣನಾ • 1. Acelakasikkhāpadavaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಪಾಚಿತ್ಯಾದಿಯೋಜನಾಪಾಳಿ • Pācityādiyojanāpāḷi / ೧. ಅಚೇಲಕಸಿಕ್ಖಾಪದ-ಅತ್ಥಯೋಜನಾ • 1. Acelakasikkhāpada-atthayojanā
