| Library / Tipiṭaka / ཏིཔིཊཀ • Tipiṭaka / མཧཱཝིབྷངྒ-ཨཊྛཀཐཱ • Mahāvibhaṅga-aṭṭhakathā |
༥. ཨཙེལཀཝགྒོ
5. Acelakavaggo
༡. ཨཙེལཀསིཀྑཱཔདཝཎྞནཱ
1. Acelakasikkhāpadavaṇṇanā
༢༦༩. ཨཙེལཀཝགྒསྶ ༩ པཋམསིཀྑཱཔདེ – པརིཝེསནནྟི པརིཝིསནཊྛཱནཾ། པརིབྦཱཛཀསམཱཔནྣོཏི པབྦཛྫཾ སམཱཔནྣོ། དེཏི ཨཱཔཏྟི པཱཙིཏྟིཡསྶཱཏི སམཏིཏྟིཀཾ ཡཱགུཔཏྟཾ ཨེཀཔཡོགེན དེཏི, ཨེཀཾ པཱཙིཏྟིཡཾ། ཨཝཙྪིནྡིཏྭཱ ཨཝཙྪིནྡིཏྭཱ དེཏི, པཡོགེ པཡོགེ པཱཙིཏྟིཡཾ། ཨེསེཝ ནཡོ པཱུཝབྷཏྟཱདཱིསུ། ཏིཏྠིཡེ ཨཏིཏྠིཡསཉྙཱིཏི མཱཏཱ ཝཱ པིཏཱ ཝཱ ཏིཏྠིཡེསུ པབྦཛཏི, ཏེསཾ མཱཏཱཔིཏུསཉྙཱཡ དེནྟསྶཱཔི པཱཙིཏྟིཡམེཝ ཧོཏི། དཱཔེཏཱིཏི ཨནུཔསམྤནྣེན དཱཔེཏི།
269. Acelakavaggassa 9 paṭhamasikkhāpade – parivesananti parivisanaṭṭhānaṃ. Paribbājakasamāpannoti pabbajjaṃ samāpanno. Deti āpatti pācittiyassāti samatittikaṃ yāgupattaṃ ekapayogena deti, ekaṃ pācittiyaṃ. Avacchinditvā avacchinditvā deti, payoge payoge pācittiyaṃ. Eseva nayo pūvabhattādīsu. Titthiye atitthiyasaññīti mātā vā pitā vā titthiyesu pabbajati, tesaṃ mātāpitusaññāya dentassāpi pācittiyameva hoti. Dāpetīti anupasampannena dāpeti.
༢༧༣. ཨུཔནིཀྑིཔིཏྭཱ དེཏཱིཏི ཏཐཱརཱུཔེ བྷཱཛནེ ཋཔེཏྭཱ ཏཾ བྷཱཛནཾ ཏེསཾ སནྟིཀེ བྷཱུམིཡཾ ནིཀྑིཔིཏྭཱ དེཏི, ཏེསཾ ཝཱ བྷཱཛནཾ ནིཀྑིཔཱཔེཏྭཱ ཏཏྠ དེཏི, པཏྟཾ ཨཱདྷཱརཀེ ཝཱ བྷཱུམིཡཾ ཝཱ ཋཔེཏྭཱཔི ‘‘ཨིཏོ གཎྷཐཱ’’ཏི ཝཏྟུཾ ཝཊྚཏི། སཙེ ཏིཏྠིཡོ ཝདཏི ‘‘མཡ྄ཧཾ ནཱམ ཨིདཾ སནྟཀཾ, ཨིདྷ ན ཨཱཀིརཐཱ’’ཏི ཨཱཀིརིཏབྦཾ། ཏསྶ སནྟཀཏྟཱ སཧཏྠཱ དཱནཾ ནཱམ ན ཧོཏི། སེསམེཏྠ ཨུཏྟཱནམེཝ།
273.Upanikkhipitvā detīti tathārūpe bhājane ṭhapetvā taṃ bhājanaṃ tesaṃ santike bhūmiyaṃ nikkhipitvā deti, tesaṃ vā bhājanaṃ nikkhipāpetvā tattha deti, pattaṃ ādhārake vā bhūmiyaṃ vā ṭhapetvāpi ‘‘ito gaṇhathā’’ti vattuṃ vaṭṭati. Sace titthiyo vadati ‘‘mayhaṃ nāma idaṃ santakaṃ, idha na ākirathā’’ti ākiritabbaṃ. Tassa santakattā sahatthā dānaṃ nāma na hoti. Sesamettha uttānameva.
ཨེལ༹ཀལོམསམུཊྛཱནཾ – ཀིརིཡཾ, ནོསཉྙཱཝིམོཀྑཾ, ཨཙིཏྟཀཾ, པཎྞཏྟིཝཛྫཾ, ཀཱཡཀམྨཾ, ཏིཙིཏྟཾ, ཏིཝེདནནྟི།
Eḷakalomasamuṭṭhānaṃ – kiriyaṃ, nosaññāvimokkhaṃ, acittakaṃ, paṇṇattivajjaṃ, kāyakammaṃ, ticittaṃ, tivedananti.
ཨཙེལཀསིཀྑཱཔདཾ པཋམཾ།
Acelakasikkhāpadaṃ paṭhamaṃ.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / མཧཱཝིབྷངྒ • Mahāvibhaṅga / ༥. ཨཙེལཀཝགྒོ • 5. Acelakavaggo
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / སཱརཏྠདཱིཔནཱི-ཊཱིཀཱ • Sāratthadīpanī-ṭīkā / ༡. ཨཙེལཀསིཀྑཱཔདཝཎྞནཱ • 1. Acelakasikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝཛིརབུདྡྷི-ཊཱིཀཱ • Vajirabuddhi-ṭīkā / ༡. ཨཙེལཀསིཀྑཱཔདཝཎྞནཱ • 1. Acelakasikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝིམཏིཝིནོདནཱི-ཊཱིཀཱ • Vimativinodanī-ṭīkā / ༡. ཨཙེལཀསིཀྑཱཔདཝཎྞནཱ • 1. Acelakasikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi / ༡. ཨཙེལཀསིཀྑཱཔད-ཨཏྠཡོཛནཱ • 1. Acelakasikkhāpada-atthayojanā
