| Library / Tipiṭaka / ਤਿਪਿਟਕ • Tipiṭaka / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā |
੫. ਅਚੇਲਕવਗ੍ਗੋ
5. Acelakavaggo
੧. ਅਚੇਲਕਸਿਕ੍ਖਾਪਦવਣ੍ਣਨਾ
1. Acelakasikkhāpadavaṇṇanā
੨੬੯. ਅਚੇਲਕવਗ੍ਗਸ੍ਸ ੯ ਪਠਮਸਿਕ੍ਖਾਪਦੇ – ਪਰਿવੇਸਨਨ੍ਤਿ ਪਰਿવਿਸਨਟ੍ਠਾਨਂ। ਪਰਿਬ੍ਬਾਜਕਸਮਾਪਨ੍ਨੋਤਿ ਪਬ੍ਬਜ੍ਜਂ ਸਮਾਪਨ੍ਨੋ। ਦੇਤਿ ਆਪਤ੍ਤਿ ਪਾਚਿਤ੍ਤਿਯਸ੍ਸਾਤਿ ਸਮਤਿਤ੍ਤਿਕਂ ਯਾਗੁਪਤ੍ਤਂ ਏਕਪਯੋਗੇਨ ਦੇਤਿ, ਏਕਂ ਪਾਚਿਤ੍ਤਿਯਂ। ਅવਚ੍ਛਿਨ੍ਦਿਤ੍વਾ ਅવਚ੍ਛਿਨ੍ਦਿਤ੍વਾ ਦੇਤਿ, ਪਯੋਗੇ ਪਯੋਗੇ ਪਾਚਿਤ੍ਤਿਯਂ। ਏਸੇવ ਨਯੋ ਪੂવਭਤ੍ਤਾਦੀਸੁ। ਤਿਤ੍ਥਿਯੇ ਅਤਿਤ੍ਥਿਯਸਞ੍ਞੀਤਿ ਮਾਤਾ વਾ ਪਿਤਾ વਾ ਤਿਤ੍ਥਿਯੇਸੁ ਪਬ੍ਬਜਤਿ, ਤੇਸਂ ਮਾਤਾਪਿਤੁਸਞ੍ਞਾਯ ਦੇਨ੍ਤਸ੍ਸਾਪਿ ਪਾਚਿਤ੍ਤਿਯਮੇવ ਹੋਤਿ। ਦਾਪੇਤੀਤਿ ਅਨੁਪਸਮ੍ਪਨ੍ਨੇਨ ਦਾਪੇਤਿ।
269. Acelakavaggassa 9 paṭhamasikkhāpade – parivesananti parivisanaṭṭhānaṃ. Paribbājakasamāpannoti pabbajjaṃ samāpanno. Deti āpatti pācittiyassāti samatittikaṃ yāgupattaṃ ekapayogena deti, ekaṃ pācittiyaṃ. Avacchinditvā avacchinditvā deti, payoge payoge pācittiyaṃ. Eseva nayo pūvabhattādīsu. Titthiye atitthiyasaññīti mātā vā pitā vā titthiyesu pabbajati, tesaṃ mātāpitusaññāya dentassāpi pācittiyameva hoti. Dāpetīti anupasampannena dāpeti.
੨੭੩. ਉਪਨਿਕ੍ਖਿਪਿਤ੍વਾ ਦੇਤੀਤਿ ਤਥਾਰੂਪੇ ਭਾਜਨੇ ਠਪੇਤ੍વਾ ਤਂ ਭਾਜਨਂ ਤੇਸਂ ਸਨ੍ਤਿਕੇ ਭੂਮਿਯਂ ਨਿਕ੍ਖਿਪਿਤ੍વਾ ਦੇਤਿ, ਤੇਸਂ વਾ ਭਾਜਨਂ ਨਿਕ੍ਖਿਪਾਪੇਤ੍વਾ ਤਤ੍ਥ ਦੇਤਿ, ਪਤ੍ਤਂ ਆਧਾਰਕੇ વਾ ਭੂਮਿਯਂ વਾ ਠਪੇਤ੍વਾਪਿ ‘‘ਇਤੋ ਗਣ੍ਹਥਾ’’ਤਿ વਤ੍ਤੁਂ વਟ੍ਟਤਿ। ਸਚੇ ਤਿਤ੍ਥਿਯੋ વਦਤਿ ‘‘ਮਯ੍ਹਂ ਨਾਮ ਇਦਂ ਸਨ੍ਤਕਂ, ਇਧ ਨ ਆਕਿਰਥਾ’’ਤਿ ਆਕਿਰਿਤਬ੍ਬਂ। ਤਸ੍ਸ ਸਨ੍ਤਕਤ੍ਤਾ ਸਹਤ੍ਥਾ ਦਾਨਂ ਨਾਮ ਨ ਹੋਤਿ। ਸੇਸਮੇਤ੍ਥ ਉਤ੍ਤਾਨਮੇવ।
273.Upanikkhipitvā detīti tathārūpe bhājane ṭhapetvā taṃ bhājanaṃ tesaṃ santike bhūmiyaṃ nikkhipitvā deti, tesaṃ vā bhājanaṃ nikkhipāpetvā tattha deti, pattaṃ ādhārake vā bhūmiyaṃ vā ṭhapetvāpi ‘‘ito gaṇhathā’’ti vattuṃ vaṭṭati. Sace titthiyo vadati ‘‘mayhaṃ nāma idaṃ santakaṃ, idha na ākirathā’’ti ākiritabbaṃ. Tassa santakattā sahatthā dānaṃ nāma na hoti. Sesamettha uttānameva.
ਏਲ਼ਕਲੋਮਸਮੁਟ੍ਠਾਨਂ – ਕਿਰਿਯਂ, ਨੋਸਞ੍ਞਾવਿਮੋਕ੍ਖਂ, ਅਚਿਤ੍ਤਕਂ, ਪਣ੍ਣਤ੍ਤਿવਜ੍ਜਂ, ਕਾਯਕਮ੍ਮਂ, ਤਿਚਿਤ੍ਤਂ, ਤਿવੇਦਨਨ੍ਤਿ।
Eḷakalomasamuṭṭhānaṃ – kiriyaṃ, nosaññāvimokkhaṃ, acittakaṃ, paṇṇattivajjaṃ, kāyakammaṃ, ticittaṃ, tivedananti.
ਅਚੇਲਕਸਿਕ੍ਖਾਪਦਂ ਪਠਮਂ।
Acelakasikkhāpadaṃ paṭhamaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੫. ਅਚੇਲਕવਗ੍ਗੋ • 5. Acelakavaggo
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੧. ਅਚੇਲਕਸਿਕ੍ਖਾਪਦવਣ੍ਣਨਾ • 1. Acelakasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੧. ਅਚੇਲਕਸਿਕ੍ਖਾਪਦવਣ੍ਣਨਾ • 1. Acelakasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੧. ਅਚੇਲਕਸਿਕ੍ਖਾਪਦવਣ੍ਣਨਾ • 1. Acelakasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੧. ਅਚੇਲਕਸਿਕ੍ਖਾਪਦ-ਅਤ੍ਥਯੋਜਨਾ • 1. Acelakasikkhāpada-atthayojanā
