| Library / Tipiṭaka / ਤਿਪਿਟਕ • Tipiṭaka / ਕਙ੍ਖਾવਿਤਰਣੀ-ਅਭਿਨવ-ਟੀਕਾ • Kaṅkhāvitaraṇī-abhinava-ṭīkā |
੫. ਅਚੇਲਕવਗ੍ਗੋ
5. Acelakavaggo
੧. ਅਚੇਲਕਸਿਕ੍ਖਾਪਦવਣ੍ਣਨਾ
1. Acelakasikkhāpadavaṇṇanā
ਅਚੇਲਕਸ੍ਸਾਤਿ ਯਸ੍ਸ ਕਸ੍ਸਚਿ ਪਬ੍ਬਜ੍ਜਾਸਮਾਪਨ੍ਨਸ੍ਸ ਨਗ੍ਗਸ੍ਸ। ਪਰਿਬ੍ਬਾਜਕਸ੍ਸਾਤਿ ਠਪੇਤ੍વਾ ਭਿਕ੍ਖੁਞ੍ਚ ਸਾਮਣੇਰਞ੍ਚ ਅવਸੇਸਸ੍ਸ ਯਸ੍ਸ ਕਸ੍ਸਚਿ ਪਬ੍ਬਜ੍ਜਾਸਮਾਪਨ੍ਨਸ੍ਸ। ਪਰਿਬ੍ਬਾਜਿਕਾਯਾਤਿ ਠਪੇਤ੍વਾ ਭਿਕ੍ਖੁਨਿਂ, ਸਿਕ੍ਖਮਾਨਂ, ਸਾਮਣੇਰਿਞ੍ਚ ਅવਸੇਸਾਯ ਯਾਯ ਕਾਯਚਿ ਪਬ੍ਬਜ੍ਜਾਸਮਾਪਨ੍ਨਾਯ। ਏਤੇ ਚ ਸਬ੍ਬੇ ਅਞ੍ਞਤਿਤ੍ਥਿਯਾ વੇਦਿਤਬ੍ਬਾ। ਤੇਨਾਹ ‘‘ਏਤੇਸਂ ਅਚੇਲਕਾਦੀਨਂ ਅਞ੍ਞਤਿਤ੍ਥਿਯਾਨ’’ਨ੍ਤਿ।
Acelakassāti yassa kassaci pabbajjāsamāpannassa naggassa. Paribbājakassāti ṭhapetvā bhikkhuñca sāmaṇerañca avasesassa yassa kassaci pabbajjāsamāpannassa. Paribbājikāyāti ṭhapetvā bhikkhuniṃ, sikkhamānaṃ, sāmaṇeriñca avasesāya yāya kāyaci pabbajjāsamāpannāya. Ete ca sabbe aññatitthiyā veditabbā. Tenāha ‘‘etesaṃ acelakādīnaṃ aññatitthiyāna’’nti.
ਤੇਸਨ੍ਤਿ ਅਞ੍ਞਤਿਤ੍ਥਿਯਾਨਂ। ਭਾਜਨਂ ਨਿਕ੍ਖਿਪਿਤ੍વਾਤਿ ਆਮਿਸਭਰਿਤਂ ਭਾਜਨਂ ਨਿਕ੍ਖਿਪਿਤ੍વਾ। ਬਾਹਿਰਾਲੇਪਨ੍ਤਿ ਤੇਲਾਦਿਂ।
Tesanti aññatitthiyānaṃ. Bhājanaṃ nikkhipitvāti āmisabharitaṃ bhājanaṃ nikkhipitvā. Bāhirālepanti telādiṃ.
ਅਚੇਲਕਾਦਯੋ ਯਸ੍ਮਾ, ਤਿਤ੍ਥਿਯਾવ ਮਤਾ ਇਧ।
Acelakādayo yasmā, titthiyāva matā idha;
ਤਸ੍ਮਾ ਤਿਤ੍ਥਿਯਨਾਮੇਨ, ਤਿਕਚ੍ਛੇਦੋ ਕਤੋ ਤਯੋ॥
Tasmā titthiyanāmena, tikacchedo kato tayo.
ਅਤਿਤ੍ਥਿਯਸ੍ਸ ਨਗ੍ਗਸ੍ਸ, ਤਥਾ ਤਿਤ੍ਥਿਯਲਿਙ੍ਗਿਨੋ।
Atitthiyassa naggassa, tathā titthiyaliṅgino;
ਗਹਟ੍ਠਸ੍ਸਾਪਿ ਭਿਕ੍ਖੁਸ੍ਸ, ਕਪ੍ਪਤੀਤਿ વਿਨਿਚ੍ਛਯੋ॥
Gahaṭṭhassāpi bhikkhussa, kappatīti vinicchayo.
ਅਤਿਤ੍ਥਿਯਸ੍ਸ ਚਿਤ੍ਤੇਨ, ਤਿਤ੍ਥਿਯਸ੍ਸ ਚ ਲਿਙ੍ਗਿਨੋ।
Atitthiyassa cittena, titthiyassa ca liṅgino;
ਸੋਤਾਪਨ੍ਨਾਦਿਨੋ ਦਾਤੁਂ, ਕਪ੍ਪਤੀਤੀਧ ਨੋ ਮਤਿ॥
Sotāpannādino dātuṃ, kappatītīdha no mati.
ਅਚੇਲਕਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Acelakasikkhāpadavaṇṇanā niṭṭhitā.
