| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
9. அசேலகஸ்ஸபஸுத்தவண்ணனா
9. Acelakassapasuttavaṇṇanā
351. நவமே கீவசிரங் பப்³ப³ஜிதஸ்ஸாதி கீவசிரோ காலோ பப்³ப³ஜிதஸ்ஸாதி அத்தோ². உத்தரி மனுஸ்ஸத⁴ம்மாதி மனுஸ்ஸத⁴ம்மோ நாம த³ஸகுஸலகம்மபதா², ததோ மனுஸ்ஸத⁴ம்மதோ உத்தரி. அலமரியஞாணத³ஸ்ஸனவிஸேஸோதி அரியபா⁴வங் காதுங் ஸமத்த²தாய அலமரியோதி ஸங்கா²தோ ஞாணத³ஸ்ஸனவிஸேஸோ. நக்³கெ³ய்யாதி நக்³க³பா⁴வதோ. முண்டெ³ய்யாதி முண்ட³பா⁴வதோ. பவாளனிப்போ²டனாயாதி பாவளனிப்போ²டனதோ, பூ⁴மியங் நிஸீத³ந்தஸ்ஸ ஆனிஸத³ட்டா²னே லக்³கா³னங் பங்ஸுரஜவாலிகானங் போ²டனத்த²ங் க³ஹிதமோரபிஞ்ச²மத்ததோதி அத்தோ².
351. Navame kīvaciraṃ pabbajitassāti kīvaciro kālo pabbajitassāti attho. Uttari manussadhammāti manussadhammo nāma dasakusalakammapathā, tato manussadhammato uttari. Alamariyañāṇadassanavisesoti ariyabhāvaṃ kātuṃ samatthatāya alamariyoti saṅkhāto ñāṇadassanaviseso. Naggeyyāti naggabhāvato. Muṇḍeyyāti muṇḍabhāvato. Pavāḷanipphoṭanāyāti pāvaḷanipphoṭanato, bhūmiyaṃ nisīdantassa ānisadaṭṭhāne laggānaṃ paṃsurajavālikānaṃ phoṭanatthaṃ gahitamorapiñchamattatoti attho.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 9. அசேலகஸ்ஸபஸுத்தங் • 9. Acelakassapasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 9. அசேலகஸ்ஸபஸுத்தவண்ணனா • 9. Acelakassapasuttavaṇṇanā
