| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
7. ажзлагассабасуд̇д̇аван̣н̣анаа
7. Acelakassapasuttavaṇṇanā
17. сад̇д̇амз ажзло гассабод̇и лин̇г̇зна ажзло нижжзло, наамзна гассабо. д̣̇уурад̇оваад̇и махад̇аа бхигкусан̇гхзна баривуд̇ам̣ ааг̇ажчанд̇ам̣ д̣̇уурад̇о зва ад̣̇д̣̇аса. гин̃жид̣̇зва д̣̇зсанд̇и гин̃жид̣̇зва гааран̣ам̣. огаасанд̇и бан̃хаб̣яаагаран̣асса кан̣ам̣ гаалам̣. анд̇арагхаранд̇и ‘‘на баллад̇т̇игааяа анд̇арагхарз нисийд̣̇иссаамий’’д̇и зд̇т̇а анд̇онивзсанам̣ анд̇арагхарам̣. ‘‘огкид̇д̇ажагку анд̇арагхарз г̇амиссаамий’’д̇и зд̇т̇а инд̣̇акийлад̇о бадтааяа анд̇ог̇аамо. ид̇хааби аяамзва ад̇хиббзд̇о. яад̣̇ааган̇касийд̇и яам̣ ижчаси.
17. Sattame acelo kassapoti liṅgena acelo niccelo, nāmena kassapo. Dūratovāti mahatā bhikkhusaṅghena parivutaṃ āgacchantaṃ dūrato eva addasa. Kiñcideva desanti kiñcideva kāraṇaṃ. Okāsanti pañhabyākaraṇassa khaṇaṃ kālaṃ. Antaragharanti ‘‘na pallatthikāya antaraghare nisīdissāmī’’ti ettha antonivesanaṃ antaragharaṃ. ‘‘Okkhittacakkhu antaraghare gamissāmī’’ti ettha indakhīlato paṭṭhāya antogāmo. Idhāpi ayameva adhippeto. Yadākaṅkhasīti yaṃ icchasi.
гасмаа бана бхаг̇аваа гат̇зд̇угаамо яаавад̇ад̇ияам̣ бадигкибийд̇и? г̇аараваж̇ананад̇т̇ам̣. д̣̇идтиг̇ад̇игаа хи киббам̣ гат̇ияамаанз г̇ааравам̣ на гаронд̇и, ‘‘саман̣ам̣ г̇од̇амам̣ убасан̇гамид̇умби бужчид̇умби сугарам̣, бужчид̇амад̇д̇зязва гат̇зд̇ий’’д̇и важанамби на сад̣̇д̣̇аханд̇и. д̣̇вз д̇аяо ваарз бадигкид̇д̇з бана г̇ааравам̣ гаронд̇и, ‘‘саман̣ам̣ г̇од̇амам̣ убасан̇гамид̇умби бан̃хам̣ бужчид̇умби д̣̇уггара’’нд̇и яаавад̇ад̇ияам̣ яаажид̇з гат̇ияамаанам̣ суссуусанд̇и сад̣̇д̣̇аханд̇и. ид̇и бхаг̇аваа ‘‘аяам̣ суссуусиссад̇и сад̣̇д̣̇ахиссад̇ий’’д̇и яаавад̇ад̇ияам̣ яаажаабзд̇ваа гат̇зси. абижа яат̇аа бхисагго д̇злам̣ ваа паан̣ид̇ам̣ ваа бажанд̇о муд̣̇убаагакарабаагаанам̣ баагагаалам̣ ааг̇амаяамаано баагагаалам̣ анад̇иггамид̇ваава од̇аарзд̇и. звам̣ бхаг̇аваа сад̇д̇аанам̣ н̃аан̣абарибаагам̣ ааг̇амаяамаано ‘‘зд̇д̇агзна гаалзна имасса н̃аан̣ам̣ барибаагам̣ г̇амиссад̇ий’’д̇и н̃ад̇ваава яаавад̇ад̇ияам̣ яаажаабзси.
Kasmā pana bhagavā kathetukāmo yāvatatiyaṃ paṭikkhipīti? Gāravajananatthaṃ. Diṭṭhigatikā hi khippaṃ kathiyamāne gāravaṃ na karonti, ‘‘samaṇaṃ gotamaṃ upasaṅkamitumpi pucchitumpi sukaraṃ, pucchitamatteyeva kathetī’’ti vacanampi na saddahanti. Dve tayo vāre paṭikkhitte pana gāravaṃ karonti, ‘‘samaṇaṃ gotamaṃ upasaṅkamitumpi pañhaṃ pucchitumpi dukkara’’nti yāvatatiyaṃ yācite kathiyamānaṃ sussūsanti saddahanti. Iti bhagavā ‘‘ayaṃ sussūsissati saddahissatī’’ti yāvatatiyaṃ yācāpetvā kathesi. Apica yathā bhisakko telaṃ vā phāṇitaṃ vā pacanto mudupākakharapākānaṃ pākakālaṃ āgamayamāno pākakālaṃ anatikkamitvāva otāreti. Evaṃ bhagavā sattānaṃ ñāṇaparipākaṃ āgamayamāno ‘‘ettakena kālena imassa ñāṇaṃ paripākaṃ gamissatī’’ti ñatvāva yāvatatiyaṃ yācāpesi.
маа хзвам̣, гассабаад̇и, гассаба, маа звам̣ бхан̣и. саяам̣гад̇ам̣ д̣̇угканд̇и хи вад̇д̇ум̣ на ваддад̇и, ад̇д̇аа наама гожи д̣̇угкасса гаараго над̇т̇ийд̇и д̣̇ийбзд̇и. барад̇оби зсзва наяо. ад̇хижжасамуббаннанд̇и агааран̣зна яад̣̇ижчааяа уббаннам̣. ид̇и будто самаанод̇и гасмаа звамааха? звам̣ гирасса ахоси – ‘‘аяам̣ ‘саяам̣гад̇ам̣ д̣̇угка’нд̇иаад̣̇инаа будто ‘маа хзва’нд̇и вад̣̇ад̇и, ‘над̇т̇ий’д̇и будто ‘ад̇т̇ий’д̇и вад̣̇ад̇и. ‘бхавам̣ г̇од̇амо д̣̇угкам̣ на ж̇аанаад̇и на бассад̇ий’д̇и будто ‘ж̇аанаами квааха’нд̇и вад̣̇ад̇и. гин̃жи ну ко маяаа вираж̇жхид̇ваа бужчид̇о’’д̇и муулад̇о бадтааяа ад̇д̇ано бужчамзва сод̇хзнд̇о звамааха. аажигкад̇у жа мз, бханд̇з, бхаг̇аваад̇и ид̇ха сад̇т̇ари сан̃ж̇аад̇аг̇аараво ‘‘бхава’’нд̇и авад̇ваа ‘‘бхаг̇аваа’’д̇и вад̣̇ад̇и.
Mā hevaṃ, kassapāti, kassapa, mā evaṃ bhaṇi. Sayaṃkataṃ dukkhanti hi vattuṃ na vaṭṭati, attā nāma koci dukkhassa kārako natthīti dīpeti. Paratopi eseva nayo. Adhiccasamuppannanti akāraṇena yadicchāya uppannaṃ. Iti puṭṭho samānoti kasmā evamāha? Evaṃ kirassa ahosi – ‘‘ayaṃ ‘sayaṃkataṃ dukkha’ntiādinā puṭṭho ‘mā heva’nti vadati, ‘natthī’ti puṭṭho ‘atthī’ti vadati. ‘Bhavaṃ gotamo dukkhaṃ na jānāti na passatī’ti puṭṭho ‘jānāmi khvāha’nti vadati. Kiñci nu kho mayā virajjhitvā pucchito’’ti mūlato paṭṭhāya attano pucchameva sodhento evamāha. Ācikkhatu ca me, bhante, bhagavāti idha satthari sañjātagāravo ‘‘bhava’’nti avatvā ‘‘bhagavā’’ti vadati.
со гарод̇ийд̇иаад̣̇и, ‘‘саяам̣гад̇ам̣ д̣̇угка’’нд̇и лад̣̇д̇хияаа бадисзд̇ханад̇т̇ам̣ вуд̇д̇ам̣. зд̇т̇а жа сад̇од̇и ид̣̇ам̣ бхуммад̇т̇з саамиважанам̣, д̇асмаа звамад̇т̇о д̣̇адтаб̣б̣о – со гарод̇и со бадисам̣взд̣̇аяад̇ийд̇и ко, гассаба, аад̣̇имхиязва звам̣ сад̇и бажчаа саяам̣гад̇ам̣ д̣̇угканд̇и аяам̣ лад̣̇д̇хи ход̇и. зд̇т̇а жа д̣̇угканд̇и ваддад̣̇угкам̣ ад̇хиббзд̇ам̣. ид̇и вад̣̇анд̇и зд̇асса буримзна аад̣̇исад̣̇д̣̇зна ананд̇арзна жа сассад̇асад̣̇д̣̇зна самб̣анд̇хо ход̇и. ‘‘д̣̇ийбзд̇и г̇ан̣хаад̇ий’’д̇и аяам̣ банзд̇т̇а баатасзсо. ид̣̇ан̃хи вуд̇д̇ам̣ ход̇и – ид̇и звам̣ вад̣̇анд̇о аад̣̇ид̇ова сассад̇ам̣ д̣̇ийбзд̇и, сассад̇ам̣ г̇ан̣хаад̇и. гасмаа? д̇асса хи д̇ам̣ д̣̇ассанам̣ зд̇ам̣ барзд̇и, гаараган̃жа взд̣̇аган̃жа згамзва г̇ан̣ханд̇ам̣ зд̇ам̣ сассад̇ам̣ убаг̇ажчад̇ийд̇и ад̇т̇о.
So karotītiādi, ‘‘sayaṃkataṃ dukkha’’nti laddhiyā paṭisedhanatthaṃ vuttaṃ. Ettha ca satoti idaṃ bhummatthe sāmivacanaṃ, tasmā evamattho daṭṭhabbo – so karoti so paṭisaṃvedayatīti kho, kassapa, ādimhiyeva evaṃ sati pacchā sayaṃkataṃ dukkhanti ayaṃ laddhi hoti. Ettha ca dukkhanti vaṭṭadukkhaṃ adhippetaṃ. Iti vadanti etassa purimena ādisaddena anantarena ca sassatasaddena sambandho hoti. ‘‘Dīpeti gaṇhātī’’ti ayaṃ panettha pāṭhaseso. Idañhi vuttaṃ hoti – iti evaṃ vadanto āditova sassataṃ dīpeti, sassataṃ gaṇhāti. Kasmā? Tassa hi taṃ dassanaṃ etaṃ pareti, kārakañca vedakañca ekameva gaṇhantaṃ etaṃ sassataṃ upagacchatīti attho.
ан̃н̃о гарод̇ийд̇иаад̣̇и бана ‘‘барам̣гад̇ам̣ д̣̇угка’’нд̇и лад̣̇д̇хияаа бадисзд̇ханад̇т̇ам̣ вуд̇д̇ам̣. ‘‘аад̣̇ид̇о сад̇о’’д̇и ид̣̇ам̣ бана ид̇хааби аахарид̇аб̣б̣ам̣. аяан̃хзд̇т̇а ад̇т̇о – ан̃н̃о гарод̇и ан̃н̃о бадисам̣взд̣̇ияад̇ийд̇и ко бана, гассаба, аад̣̇имхиязва звам̣ сад̇и, бажчаа ‘‘гаараго ид̇хзва ужчиж̇ж̇ад̇и, д̇зна гад̇ам̣ ан̃н̃о бадисам̣взд̣̇ияад̇ий’’д̇и звам̣ уббаннааяа ужчзд̣̇ад̣̇идтияаа сад̣̇д̇хим̣ самбаяуд̇д̇ааяа взд̣̇анааяа абхид̇уннасса вид̣̇д̇хасса сад̇о ‘‘барам̣гад̇ам̣ д̣̇угка’’нд̇и аяам̣ лад̣̇д̇хи ход̇ийд̇и. ид̇и вад̣̇анд̇иаад̣̇и вуд̇д̇анаязнзва яож̇зд̇аб̣б̣ам̣. д̇ад̇рааяам̣ яож̇анаа – зван̃жа вад̣̇анд̇о аад̣̇ид̇ова ужчзд̣̇ам̣ д̣̇ийбзд̇и, ужчзд̣̇ам̣ г̇ан̣хаад̇и. гасмаа? д̇асса хи д̇ам̣ д̣̇ассанам̣ зд̇ам̣ барзд̇и, зд̇ам̣ ужчзд̣̇ам̣ убаг̇ажчад̇ийд̇и ад̇т̇о.
Añño karotītiādi pana ‘‘paraṃkataṃ dukkha’’nti laddhiyā paṭisedhanatthaṃ vuttaṃ. ‘‘Ādito sato’’ti idaṃ pana idhāpi āharitabbaṃ. Ayañhettha attho – añño karoti añño paṭisaṃvediyatīti kho pana, kassapa, ādimhiyeva evaṃ sati, pacchā ‘‘kārako idheva ucchijjati, tena kataṃ añño paṭisaṃvediyatī’’ti evaṃ uppannāya ucchedadiṭṭhiyā saddhiṃ sampayuttāya vedanāya abhitunnassa viddhassa sato ‘‘paraṃkataṃ dukkha’’nti ayaṃ laddhi hotīti. Iti vadantiādi vuttanayeneva yojetabbaṃ. Tatrāyaṃ yojanā – evañca vadanto āditova ucchedaṃ dīpeti, ucchedaṃ gaṇhāti. Kasmā? Tassa hi taṃ dassanaṃ etaṃ pareti, etaṃ ucchedaṃ upagacchatīti attho.
зд̇з д̇зд̇и яз сассад̇ужчзд̣̇асан̇каад̇з убхо анд̇з (анубаг̇амма д̇ат̇ааг̇ад̇о д̇хаммам̣ д̣̇зсзд̇и, зд̇з д̇з, гассаба, убхо анд̇з) анубаг̇амма бахааяа аналлийяид̇ваа маж̇жхзна д̇ат̇ааг̇ад̇о д̇хаммам̣ д̣̇зсзд̇и, маж̇жхимааяа бадибад̣̇ааяа тид̇о д̣̇зсзд̇ийд̇и ад̇т̇о. гад̇арам̣ д̇хамманд̇и жз? яад̣̇ид̣̇ам̣ авиж̇ж̇аабажжаяаа сан̇каараад̇и. зд̇т̇а хи гааран̣ад̇о палам̣, гааран̣анирод̇хзна жасса нирод̇хо д̣̇ийбид̇о, на гожи гаараго ваа взд̣̇аго ваа нид̣̇д̣̇идто. зд̇д̇аавад̇аа сзсабан̃хаа бадисзд̇хид̇аа хонд̇и. убхо анд̇з анубаг̇аммаад̇и иминаа хи д̇ад̇ияабан̃хо бадигкид̇д̇о. авиж̇ж̇аабажжаяаа сан̇каараад̇и иминаа ад̇хижжасамуббаннад̇аа жзва аж̇аананан̃жа бадигкид̇д̇анд̇и взд̣̇ид̇аб̣б̣ам̣.
Ete teti ye sassatucchedasaṅkhāte ubho ante (anupagamma tathāgato dhammaṃ deseti, ete te, kassapa, ubho ante) anupagamma pahāya anallīyitvā majjhena tathāgato dhammaṃ deseti, majjhimāya paṭipadāya ṭhito desetīti attho. Kataraṃ dhammanti ce? Yadidaṃ avijjāpaccayā saṅkhārāti. Ettha hi kāraṇato phalaṃ, kāraṇanirodhena cassa nirodho dīpito, na koci kārako vā vedako vā niddiṭṭho. Ettāvatā sesapañhā paṭisedhitā honti. Ubho ante anupagammāti iminā hi tatiyapañho paṭikkhitto. Avijjāpaccayā saṅkhārāti iminā adhiccasamuppannatā ceva ajānanañca paṭikkhittanti veditabbaṃ.
лабхзяяанд̇и ид̣̇ам̣ со бхаг̇авад̇о санд̇игз бхигкубхаавам̣ бад̇т̇аяамаано ааха. ат̇а бхаг̇аваа яонзна канд̇хагз д̇ид̇т̇ияабариваасо (махаава. 86) бан̃н̃ад̇д̇о, яам̣ ан̃н̃ад̇ид̇т̇ияабуб̣б̣о сааман̣зрабхуумияам̣ тид̇о ‘‘ахам̣, бханд̇з, ид̇т̇аннаамо ан̃н̃ад̇ид̇т̇ияабуб̣б̣о имасмим̣ д̇хаммавинаяз ааган̇каами убасамбад̣̇ам̣. сваахам̣, бханд̇з, сан̇гхам̣ жад̇д̇ааро маасз бариваасам̣ яаажаамий’’д̇иаад̣̇инаа наязна самаад̣̇ияид̇ваа баривасад̇и, д̇ам̣ санд̇хааяа яо ко, гассаба, ан̃н̃ад̇ид̇т̇ияабуб̣б̣од̇иаад̣̇имааха. д̇ад̇т̇а баб̣б̣аж̇ж̇анд̇и важанасилидтад̇аавасзна вуд̇д̇ам̣. абаривасид̇вааязва хи баб̣б̣аж̇ж̇ам̣ лабхад̇и. убасамбад̣̇ад̇т̇игзна бана наад̇игаалзна г̇аамаббавзсанаад̣̇ийни адта вад̇д̇аани буурзнд̇зна баривасид̇аб̣б̣ам̣. аарад̣̇д̇хажид̇д̇аад̇и адтавад̇д̇абууран̣зна д̇удтажид̇д̇аа. аяамзд̇т̇а сан̇кзбо, вид̇т̇аарад̇о банзса д̇ид̇т̇ияабариваасо саманд̇абаасаад̣̇игааяа винаяадтагат̇ааяа баб̣б̣аж̇ж̇агканд̇хагаван̣н̣анааяам̣ (махаава. адта. 86) вуд̇д̇анаязнзва взд̣̇ид̇аб̣б̣о.
Labheyyanti idaṃ so bhagavato santike bhikkhubhāvaṃ patthayamāno āha. Atha bhagavā yonena khandhake titthiyaparivāso (mahāva. 86) paññatto, yaṃ aññatitthiyapubbo sāmaṇerabhūmiyaṃ ṭhito ‘‘ahaṃ, bhante, itthannāmo aññatitthiyapubbo imasmiṃ dhammavinaye ākaṅkhāmi upasampadaṃ. Svāhaṃ, bhante, saṅghaṃ cattāro māse parivāsaṃ yācāmī’’tiādinā nayena samādiyitvā parivasati, taṃ sandhāya yo kho, kassapa, aññatitthiyapubbotiādimāha. Tattha pabbajjanti vacanasiliṭṭhatāvasena vuttaṃ. Aparivasitvāyeva hi pabbajjaṃ labhati. Upasampadatthikena pana nātikālena gāmappavesanādīni aṭṭha vattāni pūrentena parivasitabbaṃ. Āraddhacittāti aṭṭhavattapūraṇena tuṭṭhacittā. Ayamettha saṅkhepo, vitthārato panesa titthiyaparivāso samantapāsādikāya vinayaṭṭhakathāya pabbajjakkhandhakavaṇṇanāyaṃ (mahāva. aṭṭha. 86) vuttanayeneva veditabbo.
абижа маяаад̇и аяамзд̇т̇а баато, ан̃н̃ад̇т̇а бана ‘‘абижа мзд̇т̇аа’’д̇и. буг̇г̇алавзмад̇д̇ад̇аа вид̣̇ид̇аад̇и буг̇г̇аланаанад̇д̇ам̣ вид̣̇ид̇ам̣. ‘‘аяам̣ буг̇г̇ало бариваасаарахо, аяам̣ на бариваасаарахо’’д̇и ид̣̇ам̣ маяхам̣ баагаданд̇и д̣̇ассзд̇и. д̇ад̇о гассабо жинд̇зси – ‘‘ахо ажчарияам̣ б̣уд̣̇д̇хасаасанам̣, яад̇т̇а звам̣ гхам̣сид̇ваа годдзд̇ваа яуд̇д̇амзва г̇ан̣ханд̇и, аяуд̇д̇ам̣ чад̣д̣знд̇ий’’д̇и. д̇ад̇о судтуд̇арам̣ баб̣б̣аж̇ж̇ааяа сан̃ж̇аад̇уссаахо сажз, бханд̇зд̇иаад̣̇имааха. ат̇а бхаг̇аваа д̇асса д̇иб̣б̣ажчанд̣̇ад̇ам̣ вид̣̇ид̇ваа ‘‘на гассабо бариваасам̣ арахад̇ий’’д̇и ан̃н̃ад̇арам̣ бхигкум̣ ааманд̇зси – ‘‘г̇ажча, бхигку, гассабам̣ нахаабзд̇ваа баб̣б̣ааж̇зд̇ваа аанзхий’’д̇и. со д̇ат̇аа гад̇ваа д̇ам̣ баб̣б̣ааж̇зд̇ваа бхаг̇авад̇о санд̇игам̣ аг̇амааси. бхаг̇аваа г̇ан̣з нисийд̣̇ид̇ваа убасамбаад̣̇зси. д̇зна вуд̇д̇ам̣ алад̇т̇а ко ажзло гассабо бхаг̇авад̇о санд̇игз баб̣б̣аж̇ж̇ам̣, алад̇т̇а убасамбад̣̇анд̇и. ажируубасамбаннод̇иаад̣̇и сзсам̣ б̣раахман̣асам̣яуд̇д̇з (сам̣. ни. 1.187) вуд̇д̇амзваад̇и. сад̇д̇амам̣.
Apica mayāti ayamettha pāṭho, aññattha pana ‘‘apica metthā’’ti. Puggalavemattatā viditāti puggalanānattaṃ viditaṃ. ‘‘Ayaṃ puggalo parivāsāraho, ayaṃ na parivāsāraho’’ti idaṃ mayhaṃ pākaṭanti dasseti. Tato kassapo cintesi – ‘‘aho acchariyaṃ buddhasāsanaṃ, yattha evaṃ ghaṃsitvā koṭṭetvā yuttameva gaṇhanti, ayuttaṃ chaḍḍentī’’ti. Tato suṭṭhutaraṃ pabbajjāya sañjātussāho sace, bhantetiādimāha. Atha bhagavā tassa tibbacchandataṃ viditvā ‘‘na kassapo parivāsaṃ arahatī’’ti aññataraṃ bhikkhuṃ āmantesi – ‘‘gaccha, bhikkhu, kassapaṃ nahāpetvā pabbājetvā ānehī’’ti. So tathā katvā taṃ pabbājetvā bhagavato santikaṃ agamāsi. Bhagavā gaṇe nisīditvā upasampādesi. Tena vuttaṃ alattha kho acelo kassapo bhagavato santike pabbajjaṃ, alattha upasampadanti. Acirūpasampannotiādi sesaṃ brāhmaṇasaṃyutte (saṃ. ni. 1.187) vuttamevāti. Sattamaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 7. ажзлагассабасуд̇д̇ам̣ • 7. Acelakassapasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 7. ажзлагассабасуд̇д̇аван̣н̣анаа • 7. Acelakassapasuttavaṇṇanā
