| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
(16) 6. ажзлагаваг̇г̇аван̣н̣анаа
(16) 6. Acelakavaggavaṇṇanā
157-163. ид̇о барзсу ааг̇аал̣хаа бадибад̣̇аад̇и г̇аал̣хаа гагкал̣аа лобхавасзна т̇ираг̇г̇ахан̣аа. ниж̇жхаамаад̇и ад̇д̇агиламат̇аануяог̇авасзна судту жхаамаа санд̇ад̇д̇аа барид̇ад̇д̇аа. маж̇жхимаад̇и нзва гагкал̣аа на жхаамаа маж̇жхз бхаваа. ажзлагод̇и нижжзло наг̇г̇о. муд̇д̇аажаарод̇и виссадтаажааро, ужжаарагаммаад̣̇ийсу логияагулабуд̇д̇аажаарзна вирахид̇о тид̇агова ужжаарам̣ гарод̇и, бассаавам̣ гарод̇и, каад̣̇ад̇и бхун̃ж̇ад̇и. хад̇т̇аабалзканод̇и хад̇т̇з бин̣д̣амхи нидтид̇з ж̇ивхааяа хад̇т̇ам̣ абалзкад̇и, ужжаарамби гад̇ваа хад̇т̇асмим̣язва д̣̇ан̣д̣агасан̃н̃ий худ̇ваа хад̇т̇зна абалзкад̇и. бхигкааяа г̇ахан̣ад̇т̇ам̣ ‘‘зхи, бхад̣̇анд̇з’’д̇и вуд̇д̇о на зд̇ийд̇и на зхибхад̣̇анд̇иго. ‘‘д̇зна хи д̇идта, бханд̇з’’д̇и вуд̇д̇оби на д̇идтад̇ийд̇и на д̇идтабхад̣̇анд̇иго. д̇ад̣̇убхаяамби гира со ‘‘зд̇асса важанам̣ гад̇ам̣ бхависсад̇ий’’д̇и на гарод̇и. абхихаданд̇и бурзд̇арам̣ г̇ахзд̇ваа аахадабхигкам̣. уд̣̇д̣̇иссагад̇анд̇и ид̣̇ам̣ д̇умхз уд̣̇д̣̇исса гад̇анд̇и звамаарожид̇абхигкам̣. ниманд̇ананд̇и ‘‘асугам̣ наама гулам̣ ваа вийт̇им̣ ваа г̇аамам̣ ваа бависзяяаат̇аа’’д̇и звам̣ ниманд̇ид̇абхигкамби на саад̣̇ияад̇и на г̇ан̣хаад̇и. на гумбхимукаад̇и гумбхид̇о уд̣̇д̇харид̇ваа д̣̇ийяамаанам̣ бхигкамби на г̇ан̣хаад̇и. на гал̣обимукаад̇и гал̣обийд̇и угкали ваа бажчи ваа, д̇ад̇оби на г̇ан̣хаад̇и. гасмаа? ‘‘гумбхигал̣обияо мам̣ ниссааяа гадажчунаа бахаарам̣ лабханд̇ий’’д̇и. на зл̣агаманд̇аранд̇и уммаарам̣ анд̇арам̣ гад̇ваа д̣̇ийяамаанам̣ на г̇ан̣хаад̇и. гасмаа? ‘‘аяам̣ мам̣ ниссааяа анд̇арагаран̣ам̣ лабхад̇ий’’д̇и. д̣̇ан̣д̣амусалзсуби зсзва наяо. д̣̇виннанд̇и д̣̇вийсу бхун̃ж̇амаанзсу згасмим̣ удтааяа д̣̇знд̇з на г̇ан̣хаад̇и. гасмаа? габ̣ал̣анд̇арааяо ход̇ийд̇и.
157-163. Ito paresu āgāḷhā paṭipadāti gāḷhā kakkhaḷā lobhavasena thiraggahaṇā. Nijjhāmāti attakilamathānuyogavasena suṭṭhu jhāmā santattā paritattā. Majjhimāti neva kakkhaḷā na jhāmā majjhe bhavā. Acelakoti niccelo naggo. Muttācāroti vissaṭṭhācāro, uccārakammādīsu lokiyakulaputtācārena virahito ṭhitakova uccāraṃ karoti, passāvaṃ karoti, khādati bhuñjati. Hatthāpalekhanoti hatthe piṇḍamhi niṭṭhite jivhāya hatthaṃ apalekhati, uccārampi katvā hatthasmiṃyeva daṇḍakasaññī hutvā hatthena apalekhati. Bhikkhāya gahaṇatthaṃ ‘‘ehi, bhadante’’ti vutto na etīti na ehibhadantiko. ‘‘Tena hi tiṭṭha, bhante’’ti vuttopi na tiṭṭhatīti na tiṭṭhabhadantiko. Tadubhayampi kira so ‘‘etassa vacanaṃ kataṃ bhavissatī’’ti na karoti. Abhihaṭanti puretaraṃ gahetvā āhaṭabhikkhaṃ. Uddissakatanti idaṃ tumhe uddissa katanti evamārocitabhikkhaṃ. Nimantananti ‘‘asukaṃ nāma kulaṃ vā vīthiṃ vā gāmaṃ vā paviseyyāthā’’ti evaṃ nimantitabhikkhampi na sādiyati na gaṇhāti. Na kumbhimukhāti kumbhito uddharitvā dīyamānaṃ bhikkhampi na gaṇhāti. Na kaḷopimukhāti kaḷopīti ukkhali vā pacchi vā, tatopi na gaṇhāti. Kasmā? ‘‘Kumbhikaḷopiyo maṃ nissāya kaṭacchunā pahāraṃ labhantī’’ti. Na eḷakamantaranti ummāraṃ antaraṃ katvā dīyamānaṃ na gaṇhāti. Kasmā? ‘‘Ayaṃ maṃ nissāya antarakaraṇaṃ labhatī’’ti. Daṇḍamusalesupi eseva nayo. Dvinnanti dvīsu bhuñjamānesu ekasmiṃ uṭṭhāya dente na gaṇhāti. Kasmā? Kabaḷantarāyo hotīti.
на г̇аб̣бхинияаад̇иаад̣̇ийсу бана г̇аб̣бхинияаа гужчияам̣ д̣̇аараго гиламад̇и, бааяанд̇ияаа д̣̇аарагасса кийранд̇арааяо ход̇и, бурисанд̇араг̇ад̇ааяа рад̇ианд̇арааяо ход̇ийд̇и на г̇ан̣хаад̇и. на сан̇гид̇д̇ийсууд̇и сан̇гид̇д̇зд̇ваа гад̇абхад̇д̇зсу. д̣̇уб̣бхигкасамаяз гира ажзлагасаавагаа ажзлагаанам̣ ад̇т̇ааяа д̇ад̇о д̇ад̇о д̇ан̣д̣улаад̣̇ийни самаад̣̇абзд̇ваа бхад̇д̇ам̣ бажанд̇и, уггадтаажзлаго д̇ад̇о на бадиг̇г̇ан̣хаад̇и. на яад̇т̇а саад̇и яад̇т̇а сунако ‘‘бин̣д̣ам̣ лабхиссаамий’’д̇и убадтид̇о ход̇и, д̇ад̇т̇а д̇асса ад̣̇ад̇ваа аахадам̣ на г̇ан̣хаад̇и. гасмаа? зд̇асса бин̣д̣анд̇арааяо ход̇ийд̇и. сан̣д̣асан̣д̣ажааринийд̇и самуухасамуухажаариний . сажз хи ажзлагам̣ д̣̇исваа ‘‘имасса бхигкам̣ д̣̇ассаамаа’’д̇и мануссаа бхад̇д̇аг̇зхам̣ бависанд̇и, д̇зсу жа бависанд̇зсу гал̣обимукаад̣̇ийсу нилийнаа магкигаа уббад̇ид̇ваа сан̣д̣асан̣д̣аа жаранд̇и, д̇ад̇о аахадам̣ бхигкам̣ на г̇ан̣хаад̇и. гасмаа? ‘‘мам̣ ниссааяа магкигаанам̣ г̇ожаранд̇арааяо ж̇аад̇о’’д̇и.
Na gabbhiniyātiādīsu pana gabbhiniyā kucchiyaṃ dārako kilamati, pāyantiyā dārakassa khīrantarāyo hoti, purisantaragatāya ratiantarāyo hotīti na gaṇhāti. Na saṅkittīsūti saṅkittetvā katabhattesu. Dubbhikkhasamaye kira acelakasāvakā acelakānaṃ atthāya tato tato taṇḍulādīni samādapetvā bhattaṃ pacanti, ukkaṭṭhācelako tato na paṭiggaṇhāti. Na yattha sāti yattha sunakho ‘‘piṇḍaṃ labhissāmī’’ti upaṭṭhito hoti, tattha tassa adatvā āhaṭaṃ na gaṇhāti. Kasmā? Etassa piṇḍantarāyo hotīti. Saṇḍasaṇḍacārinīti samūhasamūhacārinī . Sace hi acelakaṃ disvā ‘‘imassa bhikkhaṃ dassāmā’’ti manussā bhattagehaṃ pavisanti, tesu ca pavisantesu kaḷopimukhādīsu nilīnā makkhikā uppatitvā saṇḍasaṇḍā caranti, tato āhaṭaṃ bhikkhaṃ na gaṇhāti. Kasmā? ‘‘Maṃ nissāya makkhikānaṃ gocarantarāyo jāto’’ti.
т̇усод̣̇аганд̇и саб̣б̣асассасамбхаарзхи гад̇асовийрагам̣. зд̇т̇а жа сураабаанамзва сааваж̇ж̇ам̣, аяам̣ бана саб̣б̣зсу сааваж̇ж̇асан̃н̃ий. згааг̇ааригод̇и яо згасмим̣язва г̇зхз бхигкам̣ лабхид̇ваа нивад̇д̇ад̇и. згаалобигод̇и згзнзва аалобзна яаабзд̇и. д̣̇вааг̇ааригаад̣̇ийсуби зсзва наяо. згиссааби д̣̇ад̇д̇ияаад̇и згааяа д̣̇ад̇д̇ияаа. д̣̇ад̇д̇и наама згаа куд̣̇д̣̇агабаад̇и ход̇и, яад̇т̇а аг̇г̇абхигкам̣ багкибид̇ваа табзнд̇и. згаахиганд̇и згад̣̇ивасанд̇аригам̣. ад̣̇д̇хамаасиганд̇и ад̣̇д̇хамаасанд̇аригам̣. барияааяабхад̇д̇абхож̇ананд̇и ваарабхад̇д̇абхож̇анам̣, згаахаваарзна д̣̇вийхаваарзна сад̇д̇аахаваарзна ад̣̇д̇хамаасаваарзнаад̇и звам̣ д̣̇ивасаваарзна аабхад̇абхад̇д̇абхож̇анам̣. саагабхагкод̇иаад̣̇ийни вуд̇д̇ад̇т̇аанзва.
Thusodakanti sabbasassasambhārehi katasovīrakaṃ. Ettha ca surāpānameva sāvajjaṃ, ayaṃ pana sabbesu sāvajjasaññī. Ekāgārikoti yo ekasmiṃyeva gehe bhikkhaṃ labhitvā nivattati. Ekālopikoti ekeneva ālopena yāpeti. Dvāgārikādīsupi eseva nayo. Ekissāpi dattiyāti ekāya dattiyā. Datti nāma ekā khuddakapāti hoti, yattha aggabhikkhaṃ pakkhipitvā ṭhapenti. Ekāhikanti ekadivasantarikaṃ. Addhamāsikanti addhamāsantarikaṃ. Pariyāyabhattabhojananti vārabhattabhojanaṃ, ekāhavārena dvīhavārena sattāhavārena addhamāsavārenāti evaṃ divasavārena ābhatabhattabhojanaṃ. Sākabhakkhotiādīni vuttatthāneva.
уб̣бхадтагод̇и уд̣̇д̇хам̣ тид̇аго. уггудигаббад̇хаанамануяуд̇д̇од̇и уггудигавийрияамануяуд̇д̇о, г̇ажчанд̇оби уггудигова худ̇ваа уббад̇ид̇ваа уббад̇ид̇ваа г̇ажчад̇и. ган̣дагаабассаяигод̇и аяаган̣дагз ваа багад̇иган̣дагз ваа бхуумияам̣ годдзд̇ваа д̇ад̇т̇а жаммам̣ ад̇т̇арид̇ваа таанажан̇гамаад̣̇ийни гарод̇и. сзяяанд̇и саяанд̇оби д̇ад̇т̇зва сзяяам̣ габбзд̇и. сааяам̣ д̇ад̇ияамассаад̇и сааяад̇ад̇ияагам̣. баад̇о маж̇жханхигз сааяанд̇и д̣̇ивасасса д̇игкад̇д̇ум̣ ‘‘баабам̣ баваахзссаамий’’д̇и уд̣̇агороханаануяог̇ам̣ ануяуд̇д̇о вихарад̇и.
Ubbhaṭṭhakoti uddhaṃ ṭhitako. Ukkuṭikappadhānamanuyuttoti ukkuṭikavīriyamanuyutto, gacchantopi ukkuṭikova hutvā uppatitvā uppatitvā gacchati. Kaṇṭakāpassayikoti ayakaṇṭake vā pakatikaṇṭake vā bhūmiyaṃ koṭṭetvā tattha cammaṃ attharitvā ṭhānacaṅkamādīni karoti. Seyyanti sayantopi tattheva seyyaṃ kappeti. Sāyaṃ tatiyamassāti sāyatatiyakaṃ. Pāto majjhanhike sāyanti divasassa tikkhattuṃ ‘‘pāpaṃ pavāhessāmī’’ti udakorohanānuyogaṃ anuyutto viharati.
гааяз гааяаанубассийд̇иаад̣̇ийни хздтаа згаганибаад̇аван̣н̣анааяам̣ вуд̇д̇анаязнзва взд̣̇ид̇аб̣б̣аани. аяам̣ вужжад̇и, бхигкавз, маж̇жхимаа бадибад̣̇аад̇и, бхигкавз, аяам̣ гаамасукаллигаануяог̇ан̃жа ад̇д̇агиламат̇аануяог̇ан̃жаад̇и д̣̇вз анд̇з анубаг̇ад̇аа, сассад̇ужчзд̣̇анд̇зхи ваа вимуд̇д̇аа маж̇жхимаа бадибад̣̇аад̇и взд̣̇ид̇аб̣б̣аа.
Kāye kāyānupassītiādīni heṭṭhā ekakanipātavaṇṇanāyaṃ vuttanayeneva veditabbāni. Ayaṃ vuccati, bhikkhave, majjhimā paṭipadāti, bhikkhave, ayaṃ kāmasukhallikānuyogañca attakilamathānuyogañcāti dve ante anupagatā, sassatucchedantehi vā vimuttā majjhimā paṭipadāti veditabbā.
ажзлагаваг̇г̇о чадто.
Acelakavaggo chaṭṭho.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / (16) 6. ажзлагаваг̇г̇о • (16) 6. Acelakavaggo
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / (16) 6. ажзлагаваг̇г̇аван̣н̣анаа • (16) 6. Acelakavaggavaṇṇanā
