| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
(16) 6. ажзлагаваг̇г̇аван̣н̣анаа
(16) 6. Acelakavaggavaṇṇanā
157-163. ид̇о барзсу бана суд̇д̇абад̣̇зсу ‘‘г̇аал̣хаа’’д̇и вуд̇д̇амад̇т̇ам̣ виваранд̇о ‘‘гагкал̣аа’’д̇и ааха. гагкал̣ажааро жассаа на луукасабхааво. ат̇а ко д̇ан̣хаавасзна т̇ираг̇г̇ахан̣анд̇и ааха ‘‘лобхавасзна т̇ираг̇г̇ахан̣аа’’д̇и. аг̇аал̣хаа бадибад̣̇аад̇и ваа гаамаанам̣ ог̇ааханам̣ бадибад̇д̇и, гаамасукаануяог̇од̇и ад̇т̇о. ниж̇жхаамаа бадибад̣̇аад̇и гааяасса ниж̇жхаабанавасзна кзбанавасзна бавад̇д̇аа бадибад̇д̇и, ад̇д̇агиламат̇аануяог̇од̇и ад̇т̇о. нижжзлод̇и ниссадтажзло саб̣б̣зна саб̣б̣ам̣ бадигкид̇д̇ажзло. наг̇г̇ияавад̇асамаад̣̇аанзна наг̇г̇о. тид̇агова ужжаарам̣ гарод̇ийд̇иаад̣̇и нид̣̇ассанамад̇д̇ам̣ вамид̇ваа мукавигкааланаад̣̇иаажаарассаби д̇зна виссадтад̇д̇аа. ж̇ивхааяа хад̇т̇ам̣ абалзкад̇и авалзкад̇и уд̣̇агзна ад̇хованад̇о. д̣̇уд̇ияавигаббзби зсзва наяо. ‘‘зхи, бхад̣̇анд̇з’’д̇и вуд̇д̇з убаг̇аманасан̇каад̇о вид̇хи зхибхад̣̇анд̇о, д̇ам̣ жарад̇ийд̇и зхибхад̣̇анд̇иго, д̇аббадигкзбзна на зхибхад̣̇анд̇иго. на гарод̇и ‘‘саман̣зна наама барасса важанагарзна на бхавид̇аб̣б̣а’’нд̇и ад̇хиббааязна.
157-163. Ito paresu pana suttapadesu ‘‘gāḷhā’’ti vuttamatthaṃ vivaranto ‘‘kakkhaḷā’’ti āha. Kakkhaḷacāro cassā na lūkhasabhāvo. Atha kho taṇhāvasena thiraggahaṇanti āha ‘‘lobhavasena thiraggahaṇā’’ti. Agāḷhā paṭipadāti vā kāmānaṃ ogāhanaṃ paṭipatti, kāmasukhānuyogoti attho. Nijjhāmā paṭipadāti kāyassa nijjhāpanavasena khepanavasena pavattā paṭipatti, attakilamathānuyogoti attho. Nicceloti nissaṭṭhacelo sabbena sabbaṃ paṭikkhittacelo. Naggiyavatasamādānena naggo. Ṭhitakova uccāraṃ karotītiādi nidassanamattaṃ vamitvā mukhavikkhālanādiācārassapi tena vissaṭṭhattā. Jivhāya hatthaṃ apalekhati avalekhati udakena adhovanato. Dutiyavikappepi eseva nayo. ‘‘Ehi, bhadante’’ti vutte upagamanasaṅkhāto vidhi ehibhadanto, taṃ caratīti ehibhadantiko, tappaṭikkhepena na ehibhadantiko. Na karoti ‘‘samaṇena nāma parassa vacanakarena na bhavitabba’’nti adhippāyena.
бурзд̇аранд̇и д̇ам̣ таанам̣ ад̇д̇ано убаг̇аманад̇о бурзд̇арам̣. д̇ам̣ гира со ‘‘бхигкунаа наама яад̣̇ижчагаа зва бхигкаа г̇ахзд̇аб̣б̣аа’’д̇и ад̇хиббааязна на г̇ан̣хаад̇и. уд̣̇д̣̇исса гад̇ам̣ мама нимид̇д̇абхаавзна б̣ахуу куд̣̇д̣̇агаа баан̣аа сан̇гхаад̇ам̣ аабаад̣̇ид̇аад̇и на г̇ан̣хаад̇и. ниманд̇анам̣ на саад̣̇ияад̇и звам̣ д̇зсам̣ важанам̣ гад̇ам̣ бхависсад̇ийд̇и. гумбхи аад̣̇ийсуби со сад̇д̇асан̃н̃ийд̇и ааха ‘‘гумбхи-гал̣обияо’’д̇иаад̣̇и. габ̣ал̣анд̇арааяо ход̇ийд̇и удтид̇асса д̣̇виннамби габ̣ал̣анд̇арааяо ход̇и. г̇аамасабхааг̇аад̣̇ивасзна сан̇г̇амма гид̇д̇знд̇и зд̇иссаад̇и сан̇гид̇д̇и, яат̇аасам̣хад̇ад̇ан̣д̣улаад̣̇исан̃жаяо. маанусагаанийд̇и взяяааважжагараа мануссаа.
Puretaranti taṃ ṭhānaṃ attano upagamanato puretaraṃ. Taṃ kira so ‘‘bhikkhunā nāma yadicchakā eva bhikkhā gahetabbā’’ti adhippāyena na gaṇhāti. Uddissa kataṃ mama nimittabhāvena bahū khuddakā pāṇā saṅghātaṃ āpāditāti na gaṇhāti. Nimantanaṃ na sādiyati evaṃ tesaṃ vacanaṃ kataṃ bhavissatīti. Kumbhi ādīsupi so sattasaññīti āha ‘‘kumbhi-kaḷopiyo’’tiādi. Kabaḷantarāyo hotīti uṭṭhitassa dvinnampi kabaḷantarāyo hoti. Gāmasabhāgādivasena saṅgamma kittenti etissāti saṅkitti, yathāsaṃhatataṇḍulādisañcayo. Mānusakānīti veyyāvaccakarā manussā.
сураабаанамзваад̇и маж̇ж̇алагкан̣аббад̇д̇ааяа сурааяа баанамзва. сурааг̇ахан̣знзвзд̇т̇а мзраяамби сан̇г̇ахид̇ам̣. згааг̇аарамзва ун̃чад̇ийд̇и згааг̇аариго. згаалобзнзва вад̇д̇ад̇ийд̇и згаалобиго. д̣̇ийяад̇и зд̇ааяаад̇и д̣̇ад̇д̇и, д̣̇вад̇д̇иаалобамад̇д̇аг̇г̇аахи куд̣̇д̣̇агам̣ бхигкаад̣̇аанабхааж̇анам̣. д̇знааха ‘‘куд̣̇д̣̇агабаад̇ий’’д̇и. абхун̃ж̇анавасзна зго ахо зд̇асса ад̇т̇ийд̇и згаахиго, аахааро, д̇ам̣ згаахигам̣. со бана ад̇т̇ад̇о згад̣̇ивасам̣ лан̇гхаго ход̇ийд̇и ааха ‘‘згаад̣̇ивасанд̇арига’’нд̇и. д̣̇ваахиганд̇иаад̣̇ийсуби зсзва наяо. згаахам̣ абхун̃ж̇ид̇ваа згаахам̣ бхун̃ж̇анам̣ згаахавааро, д̇ам̣ згаахигамзва ад̇т̇ад̇о. д̣̇вийхам̣ абхун̃ж̇ид̇ваа д̣̇вийхам̣ бхун̃ж̇анам̣ д̣̇вийхавааро. сзсабад̣̇ад̣̇ваязби зсзва наяо. уггадто бана барияааяабхад̇д̇абхож̇аниго д̣̇вийхам̣ абхун̃ж̇ид̇ваа згаахамзва бхун̃ж̇ад̇и. сзсад̣̇ваязби зсзва наяо.
Surāpānamevāti majjalakkhaṇappattāya surāya pānameva. Surāgahaṇenevettha merayampi saṅgahitaṃ. Ekāgārameva uñchatīti ekāgāriko. Ekālopeneva vattatīti ekālopiko. Dīyati etāyāti datti, dvattiālopamattaggāhi khuddakaṃ bhikkhādānabhājanaṃ. Tenāha ‘‘khuddakapātī’’ti. Abhuñjanavasena eko aho etassa atthīti ekāhiko, āhāro, taṃ ekāhikaṃ. So pana atthato ekadivasaṃ laṅghako hotīti āha ‘‘ekādivasantarika’’nti. Dvāhikantiādīsupi eseva nayo. Ekāhaṃ abhuñjitvā ekāhaṃ bhuñjanaṃ ekāhavāro, taṃ ekāhikameva atthato. Dvīhaṃ abhuñjitvā dvīhaṃ bhuñjanaṃ dvīhavāro. Sesapadadvayepi eseva nayo. Ukkaṭṭho pana pariyāyabhattabhojaniko dvīhaṃ abhuñjitvā ekāhameva bhuñjati. Sesadvayepi eseva nayo.
мижчаавааяаамавасзнзва уггудигавад̇аануяог̇од̇и ааха ‘‘уггудигавийрияамануяуд̇д̇о’’д̇и. ад̇д̇агиламат̇аануяог̇анд̇и ад̇д̇ано гиламат̇аануяог̇ам̣, сарийрад̣̇угкагааран̣анд̇и ад̇т̇о. сарийрабарияааяо хи ид̇ха ад̇д̇асад̣̇д̣̇о ‘‘ад̇д̇анд̇або’’д̇иаад̣̇ийсу (ма. ни. 2.413) вияа. д̣̇вз анд̇зд̇и убхо годияо, убхо лаамагабадибад̇д̇ияод̇и ад̇т̇о. лаамагамби хи анд̇од̇и вужжад̇и ‘‘анд̇амид̣̇ам̣, бхигкавз, ж̇ийвигаанам̣ (сам̣. ни. 3.80; ид̇иву. 61), годтаго анд̇о’’д̇и звамаад̣̇ийсу. маж̇жхимабадибад̣̇ааяа уббат̇абхаавзна аманийяаа г̇анд̇аб̣б̣аа н̃аад̇аб̣б̣аад̇и анд̇аа. д̇ад̇о зва лаамагаа.
Micchāvāyāmavaseneva ukkuṭikavatānuyogoti āha ‘‘ukkuṭikavīriyamanuyutto’’ti. Attakilamathānuyoganti attano kilamathānuyogaṃ, sarīradukkhakāraṇanti attho. Sarīrapariyāyo hi idha attasaddo ‘‘attantapo’’tiādīsu (ma. ni. 2.413) viya. Dve anteti ubho koṭiyo, ubho lāmakapaṭipattiyoti attho. Lāmakampi hi antoti vuccati ‘‘antamidaṃ, bhikkhave, jīvikānaṃ (saṃ. ni. 3.80; itivu. 61), koṭṭhako anto’’ti evamādīsu. Majjhimapaṭipadāya uppathabhāvena amanīyā gantabbā ñātabbāti antā. Tato eva lāmakā.
ажзлагаваг̇г̇аван̣н̣анаа нидтид̇аа.
Acelakavaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / (16) 6. ажзлагаваг̇г̇о • (16) 6. Acelakavaggo
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / (16) 6. ажзлагаваг̇г̇аван̣н̣анаа • (16) 6. Acelakavaggavaṇṇanā
