| Library / Tipiṭaka / д̇ибидага • Tipiṭaka / д̣̇взмаад̇игаабаал̣и • Dvemātikāpāḷi |
5. ажзлагаваг̇г̇о
5. Acelakavaggo
1. ажзлагасигкаабад̣̇аван̣н̣анаа
1. Acelakasikkhāpadavaṇṇanā
ажзлагаваг̇г̇асса батамз зд̇зсам̣ ажзлагаад̣̇ийнам̣ ан̃н̃ад̇ид̇т̇ияаанам̣ яам̣гин̃жи аамисам̣ згаббаяог̇зна д̣̇знд̇асса згам̣ баажид̇д̇ияам̣, аважчинд̣̇ид̇ваа аважчинд̣̇ид̇ваа д̣̇знд̇асса баяог̇з баяог̇з баажид̇д̇ияам̣.
Acelakavaggassa paṭhame etesaṃ acelakādīnaṃ aññatitthiyānaṃ yaṃkiñci āmisaṃ ekappayogena dentassa ekaṃ pācittiyaṃ, avacchinditvā avacchinditvā dentassa payoge payoge pācittiyaṃ.
взсаалияам̣ ааяасманд̇ам̣ аананд̣̇ам̣ аараб̣бха бариб̣б̣ааж̇игааяа д̣̇вз буувз д̣̇аанавад̇т̇усмим̣ бан̃н̃ад̇д̇ам̣, асаад̇хааран̣абан̃н̃ад̇д̇и, анаан̣ад̇д̇игам̣, д̇игабаажид̇д̇ияам̣, уд̣̇агад̣̇анд̇абонам̣ д̣̇знд̇асса, ад̇ид̇т̇ияз д̇ид̇т̇ияасан̃н̃исса, взмад̇игасса жа д̣̇уггадам̣. ад̇ид̇т̇ияз ад̇ид̇т̇ияасан̃н̃исса, анубасамбаннзна д̣̇аабзнд̇асса, д̇зсам̣ санд̇игз бхааж̇анам̣ нигкибид̇ваа ‘‘ид̣̇ам̣ г̇ан̣хат̇аа’’д̇и бхан̣анд̇асса, д̇зсам̣ ваа нигкид̇д̇абхааж̇анз д̣̇знд̇асса, б̣аахиралзбам̣ д̣̇знд̇асса, уммад̇д̇агаад̣̇ийнан̃жа анаабад̇д̇и. ан̃н̃ад̇ид̇т̇ияад̇аа, ананун̃н̃аад̇ад̇аа, аж̇жхохаран̣ийяам̣ аж̇жхохаран̣ад̇т̇ааяа сахад̇т̇аа анигкид̇д̇абхааж̇анз д̣̇аананд̇и имаанзд̇т̇а д̇ийн̣и ан̇г̇аани. самудтаанаад̣̇ийни зл̣агаломасад̣̇исаанийд̇и.
Vesāliyaṃ āyasmantaṃ ānandaṃ ārabbha paribbājikāya dve pūve dānavatthusmiṃ paññattaṃ, asādhāraṇapaññatti, anāṇattikaṃ, tikapācittiyaṃ, udakadantaponaṃ dentassa, atitthiye titthiyasaññissa, vematikassa ca dukkaṭaṃ. Atitthiye atitthiyasaññissa, anupasampannena dāpentassa, tesaṃ santike bhājanaṃ nikkhipitvā ‘‘idaṃ gaṇhathā’’ti bhaṇantassa, tesaṃ vā nikkhittabhājane dentassa, bāhiralepaṃ dentassa, ummattakādīnañca anāpatti. Aññatitthiyatā, ananuññātatā, ajjhoharaṇīyaṃ ajjhoharaṇatthāya sahatthā anikkhittabhājane dānanti imānettha tīṇi aṅgāni. Samuṭṭhānādīni eḷakalomasadisānīti.
ажзлагасигкаабад̣̇аван̣н̣анаа нидтид̇аа.
Acelakasikkhāpadavaṇṇanā niṭṭhitā.
2. уяяож̇анасигкаабад̣̇аван̣н̣анаа
2. Uyyojanasikkhāpadavaṇṇanā
д̣̇уд̇ияз д̣̇аабзд̇ваа ваа ад̣̇аабзд̇ваа ваад̇и яам̣гин̃жи аамисам̣ д̣̇аабзд̇ваа ваа на д̣̇аабзд̇ваа ваа. уяяож̇зяяаад̇и маад̇уг̇аамзна сад̣̇д̇хим̣ хасанагийл̣анарахонисаж̇ж̇аад̣̇ийни гад̇д̇угаамо ‘г̇ажчаа’д̇иаад̣̇ийни вад̇ваа уяяож̇зяяа. зд̇ад̣̇зваад̇и зд̇ам̣ анаажаарамзва бажжаяам̣ гарид̇ваа, на ан̃н̃ам̣ бад̇ируубам̣ гааран̣ам̣. баажид̇д̇ияанд̇и уяяож̇анамад̇д̇з д̇аава д̣̇уггадам̣, яад̣̇аа банасса со д̣̇ассануубажаарам̣ ваа савануубажаарам̣ ваа згзна баад̣̇зна виж̇ахад̇и, абарам̣ д̣̇уггадам̣, д̣̇уд̇иязна виж̇ахид̇з баажид̇д̇ияам̣. зд̇т̇а жа д̣̇ассануубажаарасса аж̇жхогаасз тад̇ваа д̣̇ваад̣̇асахад̇т̇аббамаан̣ам̣, д̇ат̇аа савануубажаарасса. сажз бана анд̇араа гуддад̣̇ваарабаагаараад̣̇аяо хонд̇и, д̇зхи анд̇арид̇абхаавоязва убажаараад̇иггамо.
Dutiye dāpetvā vā adāpetvā vāti yaṃkiñci āmisaṃ dāpetvā vā na dāpetvā vā. Uyyojeyyāti mātugāmena saddhiṃ hasanakīḷanarahonisajjādīni kattukāmo ‘gacchā’tiādīni vatvā uyyojeyya. Etadevāti etaṃ anācārameva paccayaṃ karitvā, na aññaṃ patirūpaṃ kāraṇaṃ. Pācittiyanti uyyojanamatte tāva dukkaṭaṃ, yadā panassa so dassanūpacāraṃ vā savanūpacāraṃ vā ekena pādena vijahati, aparaṃ dukkaṭaṃ, dutiyena vijahite pācittiyaṃ. Ettha ca dassanūpacārassa ajjhokāse ṭhatvā dvādasahatthappamāṇaṃ, tathā savanūpacārassa. Sace pana antarā kuṭṭadvārapākārādayo honti, tehi antaritabhāvoyeva upacārātikkamo.
саавад̇т̇ияам̣ убананд̣̇ам̣ аараб̣бха уяяож̇анавад̇т̇усмим̣ бан̃н̃ад̇д̇ам̣, саад̇хааран̣абан̃н̃ад̇д̇и, уяяож̇анаан̣ад̇д̇игааяа саан̣ад̇д̇игам̣, д̇игабаажид̇д̇ияам̣, анубасамбаннз д̇игад̣̇уггадам̣, убхиннамби галисаасанааробанз д̣̇уггадамзва, ‘‘убхо згад̇о на яаабзссаамаа’’д̇и звамаад̣̇ийхи бад̇ируубагааран̣зхи уяяож̇знд̇асса, уммад̇д̇агаад̣̇ийнан̃жа анаабад̇д̇и. анаажаарам̣ аажарид̇угаамад̇аа, д̇ад̣̇ад̇т̇амзва убасамбаннасса уяяож̇анам̣, звам̣ уяяож̇ид̇асса убажаараад̇иггамод̇и имаанзд̇т̇а д̇ийн̣и ан̇г̇аани. самудтаанаад̣̇ийни ад̣̇иннаад̣̇аанасад̣̇исаанийд̇и.
Sāvatthiyaṃ upanandaṃ ārabbha uyyojanavatthusmiṃ paññattaṃ, sādhāraṇapaññatti, uyyojanāṇattikāya sāṇattikaṃ, tikapācittiyaṃ, anupasampanne tikadukkaṭaṃ, ubhinnampi kalisāsanāropane dukkaṭameva, ‘‘ubho ekato na yāpessāmā’’ti evamādīhi patirūpakāraṇehi uyyojentassa, ummattakādīnañca anāpatti. Anācāraṃ ācaritukāmatā, tadatthameva upasampannassa uyyojanaṃ, evaṃ uyyojitassa upacārātikkamoti imānettha tīṇi aṅgāni. Samuṭṭhānādīni adinnādānasadisānīti.
уяяож̇анасигкаабад̣̇аван̣н̣анаа нидтид̇аа.
Uyyojanasikkhāpadavaṇṇanā niṭṭhitā.
3. сабхож̇анасигкаабад̣̇аван̣н̣анаа
3. Sabhojanasikkhāpadavaṇṇanā
д̇ад̇ияз саха убхохи ж̇анзхийд̇и сабхож̇анам̣, д̇асмим̣ сабхож̇анз. ат̇а ваа сабхож̇анзд̇и сабхог̇з, рааг̇абарияудтид̇абурисасса хи ид̇т̇ий бхог̇о, ид̇т̇ияаа жа бурисо, д̇знзвасса бад̣̇абхааж̇анз ‘‘ид̇т̇ий жзва ход̇и, бурисо жаа’’д̇иаад̣̇и (баажи. 281) вуд̇д̇ам̣. анубакаж̇ж̇а нисаж̇ж̇ам̣ габбзяяаад̇и анубависид̇ваа нисийд̣̇зяяа, яам̣ д̇асмим̣ гулз саяанигхарам̣, д̇асса махаажад̇уссаалаад̣̇ийсу гад̇асса махаллагасса бидтасан̇гхаадад̇о хад̇т̇абаасам̣ виж̇ахид̇ваа анд̇осаяанасса аасаннз таанз, куд̣̇д̣̇агасса ваа взмаж̇жхам̣ ад̇иггамид̇ваа нисийд̣̇зяяаад̇и ад̇т̇о, звам̣ нисиннасса баажид̇д̇ияам̣.
Tatiye saha ubhohi janehīti sabhojanaṃ, tasmiṃ sabhojane. Atha vā sabhojaneti sabhoge, rāgapariyuṭṭhitapurisassa hi itthī bhogo, itthiyā ca puriso, tenevassa padabhājane ‘‘itthī ceva hoti, puriso cā’’tiādi (pāci. 281) vuttaṃ. Anupakhajja nisajjaṃ kappeyyāti anupavisitvā nisīdeyya, yaṃ tasmiṃ kule sayanigharaṃ, tassa mahācatussālādīsu katassa mahallakassa piṭṭhasaṅghāṭato hatthapāsaṃ vijahitvā antosayanassa āsanne ṭhāne, khuddakassa vā vemajjhaṃ atikkamitvā nisīdeyyāti attho, evaṃ nisinnassa pācittiyaṃ.
саавад̇т̇ияам̣ убананд̣̇ам̣ аараб̣бха анубакаж̇ж̇а нисаж̇ж̇анавад̇т̇усмим̣ бан̃н̃ад̇д̇ам̣, саад̇хааран̣абан̃н̃ад̇д̇и, анаан̣ад̇д̇игам̣, д̇игабаажид̇д̇ияам̣, асаяанигхарз саяанигхарасан̃н̃ино, взмад̇игасса ваа д̣̇уггадам̣. насаяанигхарасан̃н̃исса, вуд̇д̇алагкан̣ам̣ бад̣̇зсам̣ анад̇иггамид̇ваа нисиннасса, бхигкусмим̣ д̣̇уд̇ияагз сад̇и, убхосу нигканд̇зсу ваа, вийд̇арааг̇зсу ваа нисийд̣̇анд̇асса, уммад̇д̇агаад̣̇ийнан̃жа анаабад̇д̇и. авийд̇арааг̇аж̇ааяамбад̇игаанам̣ саннихид̇ад̇аа, саяанигхарад̇аа, д̣̇уд̇ияасса бхигкуно абхааво, анубакаж̇ж̇а нисийд̣̇ананд̇и имаанзд̇т̇а жад̇д̇аари ан̇г̇аани. самудтаанаад̣̇ийни батамабаарааж̇игасад̣̇исаанийд̇и.
Sāvatthiyaṃ upanandaṃ ārabbha anupakhajja nisajjanavatthusmiṃ paññattaṃ, sādhāraṇapaññatti, anāṇattikaṃ, tikapācittiyaṃ, asayanighare sayanigharasaññino, vematikassa vā dukkaṭaṃ. Nasayanigharasaññissa, vuttalakkhaṇaṃ padesaṃ anatikkamitvā nisinnassa, bhikkhusmiṃ dutiyake sati, ubhosu nikkhantesu vā, vītarāgesu vā nisīdantassa, ummattakādīnañca anāpatti. Avītarāgajāyampatikānaṃ sannihitatā, sayanigharatā, dutiyassa bhikkhuno abhāvo, anupakhajja nisīdananti imānettha cattāri aṅgāni. Samuṭṭhānādīni paṭhamapārājikasadisānīti.
сабхож̇анасигкаабад̣̇аван̣н̣анаа нидтид̇аа.
Sabhojanasikkhāpadavaṇṇanā niṭṭhitā.
4-5. рахобадижчанна-рахонисаж̇ж̇асигкаабад̣̇аван̣н̣анаа
4-5. Rahopaṭicchanna-rahonisajjasikkhāpadavaṇṇanā
жад̇уд̇т̇абан̃жамаани саавад̇т̇ияам̣ убананд̣̇ам̣ аараб̣бха бадижчаннаасанз жа, рахо жа нисаж̇ж̇анавад̇т̇усмим̣ бан̃н̃ад̇д̇аани, саад̇хааран̣абан̃н̃ад̇д̇ияо, зд̇зсамби самудтаанаад̣̇ийни батамабаарааж̇игасад̣̇исаанзва. сзсо гат̇аанаяо анияад̇ад̣̇ваяз вуд̇д̇анаязнзва взд̣̇ид̇аб̣б̣о.
Catutthapañcamāni sāvatthiyaṃ upanandaṃ ārabbha paṭicchannāsane ca, raho ca nisajjanavatthusmiṃ paññattāni, sādhāraṇapaññattiyo, etesampi samuṭṭhānādīni paṭhamapārājikasadisāneva. Seso kathānayo aniyatadvaye vuttanayeneva veditabbo.
рахобадижчанна-рахонисаж̇ж̇асигкаабад̣̇аван̣н̣анаа нидтид̇аа.
Rahopaṭicchanna-rahonisajjasikkhāpadavaṇṇanā niṭṭhitā.
6. жаарид̇д̇асигкаабад̣̇аван̣н̣анаа
6. Cārittasikkhāpadavaṇṇanā
чадтз ниманд̇ид̇од̇и бан̃жаннам̣ бхож̇анаанам̣ ан̃н̃ад̇арзна ниманд̇ид̇о. сабхад̇д̇о самаанод̇и д̇знзва ниманд̇анабхад̇д̇зна сабхад̇д̇о самаано. санд̇ам̣ бхигкум̣ анаабужчаад̇и анд̇оубажаарасиймааяа д̣̇ассануубажаарз бхигкум̣ д̣̇исваа яам̣ саггаа ход̇и багад̇иважанзна аабужчид̇ум̣, д̇аад̣̇исам̣ ‘‘ахам̣ ид̇т̇аннаамасса гхарам̣ г̇ажчаамий’’д̇и ваа ‘‘жаарид̇д̇ам̣ аабаж̇ж̇аамий’’д̇и ваа ийд̣̇исзна важанзна анаабужчид̇ваа. бурзбхад̇д̇ам̣ ваа бажчаабхад̇д̇ам̣ ваад̇и язна бхад̇д̇зна ниманд̇ид̇о, д̇асмим̣ бхуд̇д̇з ваа абхуд̇д̇з ваа. гулзсу жаарид̇д̇ам̣ аабаж̇ж̇зяяаад̇и яасмим̣ гулз ниманд̇ид̇о, д̇ад̇о ан̃н̃аани гулаани бависзяяа. ан̃н̃ад̇ра самаяаа баажид̇д̇ияанд̇и сажз со бхигку вуд̇д̇алагкан̣ам̣ д̣̇увид̇хамби самаяам̣ табзд̇ваа авийд̇ивад̇д̇з маж̇жханхигз ан̃н̃ам̣ гулам̣ бависад̇и, ат̇асса гхаруубажаароггаманз д̣̇уггадам̣, батамабаад̣̇зна уммаарам̣ ад̇иггаманд̇асса абарамби д̣̇уггадам̣, д̣̇уд̇ияабаад̣̇зна ад̇иггамз баажид̇д̇ияам̣.
Chaṭṭhe nimantitoti pañcannaṃ bhojanānaṃ aññatarena nimantito. Sabhatto samānoti teneva nimantanabhattena sabhatto samāno. Santaṃ bhikkhuṃ anāpucchāti antoupacārasīmāya dassanūpacāre bhikkhuṃ disvā yaṃ sakkā hoti pakativacanena āpucchituṃ, tādisaṃ ‘‘ahaṃ itthannāmassa gharaṃ gacchāmī’’ti vā ‘‘cārittaṃ āpajjāmī’’ti vā īdisena vacanena anāpucchitvā. Purebhattaṃ vā pacchābhattaṃ vāti yena bhattena nimantito, tasmiṃ bhutte vā abhutte vā. Kulesu cārittaṃ āpajjeyyāti yasmiṃ kule nimantito, tato aññāni kulāni paviseyya. Aññatra samayā pācittiyanti sace so bhikkhu vuttalakkhaṇaṃ duvidhampi samayaṃ ṭhapetvā avītivatte majjhanhike aññaṃ kulaṃ pavisati, athassa gharūpacārokkamane dukkaṭaṃ, paṭhamapādena ummāraṃ atikkamantassa aparampi dukkaṭaṃ, dutiyapādena atikkame pācittiyaṃ.
рааж̇аг̇ахз убананд̣̇ам̣ аараб̣бха жаарид̇д̇аабаж̇ж̇анавад̇т̇усмим̣ бан̃н̃ад̇д̇ам̣, ‘‘санд̇ам̣ бхигкум̣, анаабужчаа, бурзбхад̇д̇ам̣ бажчаабхад̇д̇ам̣, ан̃н̃ад̇ра самаяаа’’д̇и аяамзд̇т̇а жад̇уб̣б̣ид̇хаа анубан̃н̃ад̇д̇и, саад̇хааран̣абан̃н̃ад̇д̇и, анаан̣ад̇д̇игам̣, д̇игабаажид̇д̇ияам̣, аниманд̇ид̇з ниманд̇ид̇асан̃н̃исса, взмад̇игасса ваа д̣̇уггадам̣. д̇асмим̣ аниманд̇ид̇асан̃н̃исса, самаяз санд̇ам̣ бхигкум̣ аабужчид̇ваа, асанд̇ам̣ бхигкум̣ анаабужчид̇ваа бависад̇о, ан̃н̃асса гхарзна ваа гхаруубажаарзна ваа маг̇г̇о ход̇и, д̇зна г̇ажчад̇о, анд̇араараамабхигкунубассаяад̇ид̇т̇ияасзяяабадиггаманабхад̇д̇ияагхараани г̇ажчад̇о, аабад̣̇аасу, уммад̇д̇агаад̣̇ийнан̃жа анаабад̇д̇и. бан̃жаннам̣ бхож̇анаанам̣ ан̃н̃ад̇арзна ниманд̇анасаад̣̇ияанам̣, санд̇ам̣ бхигкум̣ анаабужчанаа, бхад̇д̇ияагхарад̇о ан̃н̃агхараббависанам̣, маж̇жханхигаанад̇иггамо, самаяасса ваа аабад̣̇аанам̣ ваа абхаавод̇и имаанзд̇т̇а бан̃жа ан̇г̇аани. самудтаанаад̣̇ийни батамагат̇инасад̣̇исаанзва, ид̣̇ам̣ бана гирияаагирияанд̇и.
Rājagahe upanandaṃ ārabbha cārittāpajjanavatthusmiṃ paññattaṃ, ‘‘santaṃ bhikkhuṃ, anāpucchā, purebhattaṃ pacchābhattaṃ, aññatra samayā’’ti ayamettha catubbidhā anupaññatti, sādhāraṇapaññatti, anāṇattikaṃ, tikapācittiyaṃ, animantite nimantitasaññissa, vematikassa vā dukkaṭaṃ. Tasmiṃ animantitasaññissa, samaye santaṃ bhikkhuṃ āpucchitvā, asantaṃ bhikkhuṃ anāpucchitvā pavisato, aññassa gharena vā gharūpacārena vā maggo hoti, tena gacchato, antarārāmabhikkhunupassayatitthiyaseyyapaṭikkamanabhattiyagharāni gacchato, āpadāsu, ummattakādīnañca anāpatti. Pañcannaṃ bhojanānaṃ aññatarena nimantanasādiyanaṃ, santaṃ bhikkhuṃ anāpucchanā, bhattiyagharato aññagharappavisanaṃ, majjhanhikānatikkamo, samayassa vā āpadānaṃ vā abhāvoti imānettha pañca aṅgāni. Samuṭṭhānādīni paṭhamakathinasadisāneva, idaṃ pana kiriyākiriyanti.
жаарид̇д̇асигкаабад̣̇аван̣н̣анаа нидтид̇аа.
Cārittasikkhāpadavaṇṇanā niṭṭhitā.
7. махаанаамасигкаабад̣̇аван̣н̣анаа
7. Mahānāmasikkhāpadavaṇṇanā
сад̇д̇амз жад̇умаасаббажжаяабавааран̣аад̇и жад̇д̇ааро маасз г̇илаанаббажжаяабавааран̣аа, саб̣б̣ан̃жзд̇ам̣ вад̇т̇увасзна вуд̇д̇ам̣. аяам̣ банзд̇т̇а ад̇т̇о – жад̇умаасабавааран̣аа ваа ход̇у, бунабавааран̣аа ваа, нижжабавааран̣аа ваа, саб̣б̣ааби саад̣̇ид̇аб̣б̣аа, ‘‘ид̣̇аани мама рог̇о над̇т̇ий’’д̇и на бадигкибид̇аб̣б̣аа, ‘‘рог̇з бана сад̇и вин̃н̃аабзссаамий’’д̇и ад̇хиваасзд̇аб̣б̣аад̇и. д̇ад̇о жз уд̇д̇ари саад̣̇иязяяаад̇и зд̇т̇а сажз д̇ад̇т̇а рад̇д̇ийхи ваа бхзсаж̇ж̇зхи ваа барижчзд̣̇о гад̇о ход̇и ‘‘зд̇д̇агааязва рад̇д̇ияо, зд̇д̇агаани ваа бхзсаж̇ж̇аани вин̃н̃аабзд̇аб̣б̣ааний’’д̇и, ат̇а д̇ад̇о рад̇д̇ибарияанд̇ад̇о ваа бхзсаж̇ж̇абарияанд̇ад̇о ваа уд̇д̇ари, на бхзсаж̇ж̇агаран̣ийязна ваа бхзсаж̇ж̇ам̣, ан̃н̃абхзсаж̇ж̇агаран̣ийязна ваа ан̃н̃ам̣ бхзсаж̇ж̇ам̣ вин̃н̃аабзнд̇асса баажид̇д̇ияам̣.
Sattame catumāsappaccayapavāraṇāti cattāro māse gilānappaccayapavāraṇā, sabbañcetaṃ vatthuvasena vuttaṃ. Ayaṃ panettha attho – catumāsapavāraṇā vā hotu, punapavāraṇā vā, niccapavāraṇā vā, sabbāpi sāditabbā, ‘‘idāni mama rogo natthī’’ti na paṭikkhipitabbā, ‘‘roge pana sati viññāpessāmī’’ti adhivāsetabbāti. Tato ce uttari sādiyeyyāti ettha sace tattha rattīhi vā bhesajjehi vā paricchedo kato hoti ‘‘ettakāyeva rattiyo, ettakāni vā bhesajjāni viññāpetabbānī’’ti, atha tato rattipariyantato vā bhesajjapariyantato vā uttari, na bhesajjakaraṇīyena vā bhesajjaṃ, aññabhesajjakaraṇīyena vā aññaṃ bhesajjaṃ viññāpentassa pācittiyaṃ.
саггзсу чаб̣б̣аг̇г̇ияз аараб̣бха бхзсаж̇ж̇авин̃н̃аабанавад̇т̇усмим̣ бан̃н̃ад̇д̇ам̣, саад̇хааран̣абан̃н̃ад̇д̇и, анаан̣ад̇д̇игам̣, д̇игабаажид̇д̇ияам̣, над̇ад̇уд̇д̇ари д̇ад̇уд̇д̇арисан̃н̃ино, взмад̇игасса ваа д̣̇уггадам̣. над̇ад̇уд̇д̇ари над̇ад̇уд̇д̇арисан̃н̃исса, язхи бхзсаж̇ж̇зхи баваарид̇о, д̇ад̇о ан̃н̃зхи ваа ад̇хигад̇арзхи ваа ад̇т̇з сад̇и, яаасу жа рад̇д̇ийсу баваарид̇о, д̇аа ад̇иггамид̇вааби ад̇т̇з сад̇и яат̇аабхууд̇ам̣ аажигкид̇ваа вин̃н̃аабзнд̇асса, яз жа н̃аад̇агз ваа буг̇г̇алигаббавааран̣ааяа баваарид̇з ваа абарияанд̇абавааран̣ааяа ваа баваарид̇з, ан̃н̃асса ваа ад̇т̇ааяа, ад̇д̇ано ваа д̇ханзна вин̃н̃аабзнд̇и, д̇зсам̣, уммад̇д̇агаад̣̇ийнан̃жа анаабад̇д̇и. сан̇гхабавааран̣ад̇аа, д̇ад̇о бхзсаж̇ж̇авин̃н̃ад̇д̇и, аг̇илаанад̇аа, барияанд̇аад̇иггамод̇и имаанзд̇т̇а жад̇д̇аари ан̇г̇аани. самудтаанаад̣̇ийни сан̃жарид̇д̇асад̣̇исаанийд̇и.
Sakkesu chabbaggiye ārabbha bhesajjaviññāpanavatthusmiṃ paññattaṃ, sādhāraṇapaññatti, anāṇattikaṃ, tikapācittiyaṃ, natatuttari tatuttarisaññino, vematikassa vā dukkaṭaṃ. Natatuttari natatuttarisaññissa, yehi bhesajjehi pavārito, tato aññehi vā adhikatarehi vā atthe sati, yāsu ca rattīsu pavārito, tā atikkamitvāpi atthe sati yathābhūtaṃ ācikkhitvā viññāpentassa, ye ca ñātake vā puggalikappavāraṇāya pavārite vā apariyantapavāraṇāya vā pavārite, aññassa vā atthāya, attano vā dhanena viññāpenti, tesaṃ, ummattakādīnañca anāpatti. Saṅghapavāraṇatā, tato bhesajjaviññatti, agilānatā, pariyantātikkamoti imānettha cattāri aṅgāni. Samuṭṭhānādīni sañcarittasadisānīti.
махаанаамасигкаабад̣̇аван̣н̣анаа нидтид̇аа.
Mahānāmasikkhāpadavaṇṇanā niṭṭhitā.
8. уяяуд̇д̇асзнаасигкаабад̣̇аван̣н̣анаа
8. Uyyuttasenāsikkhāpadavaṇṇanā
адтамз уяяуд̇д̇анд̇и гад̇ауяяог̇ам̣, г̇аамад̇о нигканд̇анд̇и ад̇т̇о. сзнанд̇и жад̇уран̇г̇иним̣. ан̃н̃ад̇ра д̇ат̇ааруубаббажжаяаад̇и д̇ат̇ааруубз гааран̣з асад̇и гзвалам̣ сзнам̣ д̣̇ассанад̇т̇ааяа г̇ажчад̇о бад̣̇з бад̣̇з д̣̇уггадам̣, д̣̇ассануубажаарз тад̇ваа бассад̇о баажид̇д̇ияам̣. д̣̇ассануубажааро наама яад̇т̇а тид̇о бассад̇и, д̇ам̣ бана виж̇ахид̇ваа бунаббунам̣ бассад̇о баяог̇з баяог̇з баажид̇д̇ияам̣.
Aṭṭhame uyyuttanti katauyyogaṃ, gāmato nikkhantanti attho. Senanti caturaṅginiṃ. Aññatra tathārūpappaccayāti tathārūpe kāraṇe asati kevalaṃ senaṃ dassanatthāya gacchato pade pade dukkaṭaṃ, dassanūpacāre ṭhatvā passato pācittiyaṃ. Dassanūpacāro nāma yattha ṭhito passati, taṃ pana vijahitvā punappunaṃ passato payoge payoge pācittiyaṃ.
саавад̇т̇ияам̣ чаб̣б̣аг̇г̇ияз аараб̣бха сзнаад̣̇ассанавад̇т̇усмим̣ бан̃н̃ад̇д̇ам̣, ‘‘ан̃н̃ад̇ра д̇ат̇ааруубаббажжаяаа’’д̇и аяамзд̇т̇а анубан̃н̃ад̇д̇и, саад̇хааран̣абан̃н̃ад̇д̇и, анаан̣ад̇д̇игам̣, д̇игабаажид̇д̇ияам̣, хад̇т̇иаад̣̇ийсу згамзгам̣ д̣̇ассанааяа г̇аманз вуд̇д̇анаязнзва д̣̇уггадам̣, д̇ат̇аа ануяяуд̇д̇з уяяуд̇д̇асан̃н̃ино, взмад̇игасса жа д̣̇уггадам̣. ануяяуд̇д̇асан̃н̃ино бана, аараамз тад̇ваа ад̇д̇ано тид̇огаасам̣ ааг̇ад̇ам̣, бадибат̇ам̣ ааг̇ажчанд̇ан̃жа бассад̇о, д̇ат̇ааруубаббажжаяз, аабад̣̇аасу, уммад̇д̇агаад̣̇ийнан̃жа анаабад̇д̇и. уяяуд̇д̇асзнам̣ д̣̇ассанад̇т̇ааяа г̇аманам̣, анун̃н̃аад̇огаасад̇о ан̃н̃ад̇ра д̣̇ассанам̣, д̇ат̇ааруубаббажжаяасса аабад̣̇ааяа ваа абхаавод̇и имаанзд̇т̇а жад̇д̇аари ан̇г̇аани. самудтаанаад̣̇ийни зл̣агаломасад̣̇исаани, ид̣̇ам̣ бана логаваж̇ж̇ам̣, агусалажид̇д̇ам̣, д̇ивзд̣̇ананд̇и.
Sāvatthiyaṃ chabbaggiye ārabbha senādassanavatthusmiṃ paññattaṃ, ‘‘aññatra tathārūpappaccayā’’ti ayamettha anupaññatti, sādhāraṇapaññatti, anāṇattikaṃ, tikapācittiyaṃ, hatthiādīsu ekamekaṃ dassanāya gamane vuttanayeneva dukkaṭaṃ, tathā anuyyutte uyyuttasaññino, vematikassa ca dukkaṭaṃ. Anuyyuttasaññino pana, ārāme ṭhatvā attano ṭhitokāsaṃ āgataṃ, paṭipathaṃ āgacchantañca passato, tathārūpappaccaye, āpadāsu, ummattakādīnañca anāpatti. Uyyuttasenaṃ dassanatthāya gamanaṃ, anuññātokāsato aññatra dassanaṃ, tathārūpappaccayassa āpadāya vā abhāvoti imānettha cattāri aṅgāni. Samuṭṭhānādīni eḷakalomasadisāni, idaṃ pana lokavajjaṃ, akusalacittaṃ, tivedananti.
уяяуд̇д̇асзнаасигкаабад̣̇аван̣н̣анаа нидтид̇аа.
Uyyuttasenāsikkhāpadavaṇṇanā niṭṭhitā.
9. сзнааваасасигкаабад̣̇аван̣н̣анаа
9. Senāvāsasikkhāpadavaṇṇanā
навамз д̇ад̇о жз уд̇д̇арийд̇и д̇ирад̇д̇ад̇о уд̇д̇ари жад̇уд̇т̇ад̣̇ивасз ад̇т̇ан̇г̇ад̇з суурияз сзнааяа д̇идтад̇у ваа нисийд̣̇ад̇у ваа саяад̇у ваа, сажзби аагаасз ид̣̇д̇хияаа ган̃жи ирияаабат̇ам̣ габбзд̇и, баажид̇д̇ияамзва.
Navame tato ce uttarīti tirattato uttari catutthadivase atthaṅgate sūriye senāya tiṭṭhatu vā nisīdatu vā sayatu vā, sacepi ākāse iddhiyā kañci iriyāpathaṃ kappeti, pācittiyameva.
саавад̇т̇ияам̣ чаб̣б̣аг̇г̇ияз аараб̣бха ад̇ирзгад̇ирад̇д̇ам̣ сзнааяа васанавад̇т̇усмим̣ бан̃н̃ад̇д̇ам̣, саад̇хааран̣абан̃н̃ад̇д̇и, анаан̣ад̇д̇игам̣, д̇игабаажид̇д̇ияам̣, уунагад̇ирад̇д̇з ад̇ирзгасан̃н̃ино, взмад̇игасса ваа д̣̇уггадам̣. уунагасан̃н̃исса, д̇ад̇ияааяа рад̇д̇ияаа бураарун̣аа нигкамид̇ваа буна васад̇о, г̇илаанасса ваа г̇илаанагаран̣ийязна ваа васад̇о, бадисзнааруд̣̇д̇хааяа сзнааяа, гзнажи балиб̣уд̣̇д̇хасса, аабад̣̇аасу, уммад̇д̇агаад̣̇ийнан̃жа анаабад̇д̇и. д̇ирад̇д̇аад̇иггамо, сзнааяа суурияасса ад̇т̇ан̇г̇амо, г̇илаанад̇аад̣̇ийнам̣ абхаавод̇и имаанзд̇т̇а д̇ийн̣и ан̇г̇аани. самудтаанаад̣̇ийни зл̣агаломасад̣̇исаанзваад̇и.
Sāvatthiyaṃ chabbaggiye ārabbha atirekatirattaṃ senāya vasanavatthusmiṃ paññattaṃ, sādhāraṇapaññatti, anāṇattikaṃ, tikapācittiyaṃ, ūnakatiratte atirekasaññino, vematikassa vā dukkaṭaṃ. Ūnakasaññissa, tatiyāya rattiyā purāruṇā nikkhamitvā puna vasato, gilānassa vā gilānakaraṇīyena vā vasato, paṭisenāruddhāya senāya, kenaci palibuddhassa, āpadāsu, ummattakādīnañca anāpatti. Tirattātikkamo, senāya sūriyassa atthaṅgamo, gilānatādīnaṃ abhāvoti imānettha tīṇi aṅgāni. Samuṭṭhānādīni eḷakalomasadisānevāti.
сзнааваасасигкаабад̣̇аван̣н̣анаа нидтид̇аа.
Senāvāsasikkhāpadavaṇṇanā niṭṭhitā.
10. уяяод̇хигасигкаабад̣̇аван̣н̣анаа
10. Uyyodhikasikkhāpadavaṇṇanā
д̣̇асамз уг̇г̇анд̇ваа уг̇г̇анд̇ваа зд̇т̇а яуж̇жханд̇ийд̇и уяяод̇хигам̣, самбахаарадтаанассзд̇ам̣ наамам̣. б̣аласса аг̇г̇ам̣ ж̇аананд̇и зд̇т̇аад̇и б̣алаг̇г̇ам̣, б̣алаг̇ан̣анадтаананд̇и ад̇т̇о. сзнааяа вияуухам̣ сзнааб̣яуухам̣, сзнаанивзсассзд̇ам̣ наамам̣. анийгасса д̣̇ассанам̣ анийгад̣̇ассанам̣. анийгам̣ наама ‘‘д̣̇ваад̣̇асабурисо хад̇т̇ий, д̇ибурисо ассо, жад̇уббурисо рат̇о’’д̇ииминаа (баажи. 314) лагкан̣зна д̇аяо хад̇т̇ий бажчимагам̣ хад̇т̇аанийгам̣, ассаанийгарат̇аанийгзсуби зсзва наяо. жад̇д̇ааро бана аавуд̇хахад̇т̇аа бурисаа бажчимагам̣ бад̇д̇аанийгам̣. зд̇зсу яам̣гин̃жи д̣̇ассанааяа г̇ажчад̇о бад̣̇з бад̣̇з д̣̇уггадам̣, д̣̇ассануубажаарз тад̇ваа бассад̇о баажид̇д̇ияам̣, убажаарам̣ бана виж̇ахид̇ваа бунаббунам̣ бассад̇о баяог̇з баяог̇з баажид̇д̇ияам̣. сзсам̣ уяяуд̇д̇асзнаасигкаабад̣̇з вуд̇д̇анаязнзва взд̣̇ид̇аб̣б̣ам̣, аабад̇д̇ибхзд̣̇о банзд̇т̇а над̇т̇зваад̇и.
Dasame uggantvā uggantvā ettha yujjhantīti uyyodhikaṃ, sampahāraṭṭhānassetaṃ nāmaṃ. Balassa aggaṃ jānanti etthāti balaggaṃ, balagaṇanaṭṭhānanti attho. Senāya viyūhaṃ senābyūhaṃ, senānivesassetaṃ nāmaṃ. Anīkassa dassanaṃ anīkadassanaṃ. Anīkaṃ nāma ‘‘dvādasapuriso hatthī, tipuriso asso, catuppuriso ratho’’tiiminā (pāci. 314) lakkhaṇena tayo hatthī pacchimakaṃ hatthānīkaṃ, assānīkarathānīkesupi eseva nayo. Cattāro pana āvudhahatthā purisā pacchimakaṃ pattānīkaṃ. Etesu yaṃkiñci dassanāya gacchato pade pade dukkaṭaṃ, dassanūpacāre ṭhatvā passato pācittiyaṃ, upacāraṃ pana vijahitvā punappunaṃ passato payoge payoge pācittiyaṃ. Sesaṃ uyyuttasenāsikkhāpade vuttanayeneva veditabbaṃ, āpattibhedo panettha natthevāti.
уяяод̇хигасигкаабад̣̇аван̣н̣анаа нидтид̇аа.
Uyyodhikasikkhāpadavaṇṇanā niṭṭhitā.
ажзлагаваг̇г̇о бан̃жамо.
Acelakavaggo pañcamo.
