| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය • Aṅguttaranikāya |
7. අචින්‌තෙය්‍යසුත්‌තං
7. Acinteyyasuttaṃ
77. ‘‘චත්‌තාරිමානි, භික්‌ඛවෙ, අචින්‌තෙය්‍යානි, න චින්‌තෙතබ්‌බානි; යානි චින්‌තෙන්‌තො උම්‌මාදස්‌ස විඝාතස්‌ස භාගී අස්‌ස. කතමානි චත්‌තාරි? බුද්‌ධානං, භික්‌ඛවෙ, බුද්‌ධවිසයො අචින්‌තෙය්‍යො, න චින්‌තෙතබ්‌බො; යං චින්‌තෙන්‌තො උම්‌මාදස්‌ස විඝාතස්‌ස භාගී අස්‌ස. ඣායිස්‌ස, භික්‌ඛවෙ, ඣානවිසයො අචින්‌තෙය්‍යො, න චින්‌තෙතබ්‌බො; යං චින්‌තෙන්‌තො උම්‌මාදස්‌ස විඝාතස්‌ස භාගී අස්‌ස. කම්‌මවිපාකො, භික්‌ඛවෙ, අචින්‌තෙය්‍යො, න චින්‌තෙතබ්‌බො; යං චින්‌තෙන්‌තො උම්‌මාදස්‌ස විඝාතස්‌ස භාගී අස්‌ස. ලොකචින්‌තා, භික්‌ඛවෙ, අචින්‌තෙය්‍යා, න චින්‌තෙතබ්‌බා; යං චින්‌තෙන්‌තො උම්‌මාදස්‌ස විඝාතස්‌ස භාගී අස්‌ස. ඉමානි ඛො, භික්‌ඛවෙ, චත්‌තාරි අචින්‌තෙය්‍යානි, න චින්‌තෙතබ්‌බානි; යානි චින්‌තෙන්‌තො උම්‌මාදස්‌ස විඝාතස්‌ස භාගී අස්‌සා’’ති. සත්‌තමං.
77. ‘‘Cattārimāni, bhikkhave, acinteyyāni, na cintetabbāni; yāni cintento ummādassa vighātassa bhāgī assa. Katamāni cattāri? Buddhānaṃ, bhikkhave, buddhavisayo acinteyyo, na cintetabbo; yaṃ cintento ummādassa vighātassa bhāgī assa. Jhāyissa, bhikkhave, jhānavisayo acinteyyo, na cintetabbo; yaṃ cintento ummādassa vighātassa bhāgī assa. Kammavipāko, bhikkhave, acinteyyo, na cintetabbo; yaṃ cintento ummādassa vighātassa bhāgī assa. Lokacintā, bhikkhave, acinteyyā, na cintetabbā; yaṃ cintento ummādassa vighātassa bhāgī assa. Imāni kho, bhikkhave, cattāri acinteyyāni, na cintetabbāni; yāni cintento ummādassa vighātassa bhāgī assā’’ti. Sattamaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) / 7. අචින්‌තෙය්‍යසුත්‌තවණ්‌ණනා • 7. Acinteyyasuttavaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 7. අචින්‌තෙය්‍යසුත්‌තවණ්‌ණනා • 7. Acinteyyasuttavaṇṇanā
