| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
7. அசிந்தெய்யஸுத்தவண்ணனா
7. Acinteyyasuttavaṇṇanā
77. ஸத்தமே அசிந்தெய்யானீதி சிந்தேதுங் அயுத்தானி. ந சிந்தேதப்³பா³னீதி அசிந்தெய்யத்தாயேவ ந சிந்தேதப்³பா³னி. யானி சிந்தெந்தோதி யானி காரணானி சிந்தெந்தோ. உம்மாத³ஸ்ஸாதி உம்மத்தகபா⁴வஸ்ஸ. விகா⁴தஸ்ஸாதி து³க்க²ஸ்ஸ. பு³த்³த⁴விஸயோதி பு³த்³தா⁴னங் விஸயோ, ஸப்³ப³ஞ்ஞுதஞ்ஞாணாதீ³னங் பு³த்³த⁴கு³ணானங் பவத்தி ச ஆனுபா⁴வோ ச. ஜா²னவிஸயோதி அபி⁴ஞ்ஞாஜா²னவிஸயோ. கம்மவிபாகோதி தி³ட்ட²த⁴ம்மவேத³னீயாதீ³னங் கம்மானங் விபாகோ. லோகசிந்தாதி ‘‘கேன நு கோ² சந்தி³மஸூரியா கதா, கேன மஹாபத²வீ, கேன மஹாஸமுத்³தோ³, கேன ஸத்தா உப்பாதி³தா, கேன பப்³ப³தா, கேன அம்ப³தாலனாளிகேராத³யோ’’தி ஏவரூபா லோகசிந்தா.
77. Sattame acinteyyānīti cintetuṃ ayuttāni. Na cintetabbānīti acinteyyattāyeva na cintetabbāni. Yāni cintentoti yāni kāraṇāni cintento. Ummādassāti ummattakabhāvassa. Vighātassāti dukkhassa. Buddhavisayoti buddhānaṃ visayo, sabbaññutaññāṇādīnaṃ buddhaguṇānaṃ pavatti ca ānubhāvo ca. Jhānavisayoti abhiññājhānavisayo. Kammavipākoti diṭṭhadhammavedanīyādīnaṃ kammānaṃ vipāko. Lokacintāti ‘‘kena nu kho candimasūriyā katā, kena mahāpathavī, kena mahāsamuddo, kena sattā uppāditā, kena pabbatā, kena ambatālanāḷikerādayo’’ti evarūpā lokacintā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 7. அசிந்தெய்யஸுத்தங் • 7. Acinteyyasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 7. அசிந்தெய்யஸுத்தவண்ணனா • 7. Acinteyyasuttavaṇṇanā
