| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) |
7. අචින්‌තෙය්‍යසුත්‌තවණ්‌ණනා
7. Acinteyyasuttavaṇṇanā
77. සත්‌තමෙ අචින්‌තෙය්‍යානීති චින්‌තෙතුං අයුත්‌තානි. න චින්‌තෙතබ්‌බානීති අචින්‌තෙය්‍යත්‌තායෙව න චින්‌තෙතබ්‌බානි. යානි චින්‌තෙන්‌තොති යානි කාරණානි චින්‌තෙන්‌තො. උම්‌මාදස්‌සාති උම්‌මත්‌තකභාවස්‌ස. විඝාතස්‌සාති දුක්‌ඛස්‌ස. බුද්‌ධවිසයොති බුද්‌ධානං විසයො, සබ්‌බඤ්‌ඤුතඤ්‌ඤාණාදීනං බුද්‌ධගුණානං පවත්‌ති ච ආනුභාවො ච. ඣානවිසයොති අභිඤ්‌ඤාඣානවිසයො. කම්‌මවිපාකොති දිට්‌ඨධම්‌මවෙදනීයාදීනං කම්‌මානං විපාකො. ලොකචින්‌තාති ‘‘කෙන නු ඛො චන්‌දිමසූරියා කතා, කෙන මහාපථවී, කෙන මහාසමුද්‌දො, කෙන සත්‌තා උප්‌පාදිතා, කෙන පබ්‌බතා, කෙන අම්‌බතාලනාළිකෙරාදයො’’ති එවරූපා ලොකචින්‌තා.
77. Sattame acinteyyānīti cintetuṃ ayuttāni. Na cintetabbānīti acinteyyattāyeva na cintetabbāni. Yāni cintentoti yāni kāraṇāni cintento. Ummādassāti ummattakabhāvassa. Vighātassāti dukkhassa. Buddhavisayoti buddhānaṃ visayo, sabbaññutaññāṇādīnaṃ buddhaguṇānaṃ pavatti ca ānubhāvo ca. Jhānavisayoti abhiññājhānavisayo. Kammavipākoti diṭṭhadhammavedanīyādīnaṃ kammānaṃ vipāko. Lokacintāti ‘‘kena nu kho candimasūriyā katā, kena mahāpathavī, kena mahāsamuddo, kena sattā uppāditā, kena pabbatā, kena ambatālanāḷikerādayo’’ti evarūpā lokacintā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / අඞ්‌ගුත්‌තරනිකාය • Aṅguttaranikāya / 7. අචින්‌තෙය්‍යසුත්‌තං • 7. Acinteyyasuttaṃ
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 7. අචින්‌තෙය්‍යසුත්‌තවණ්‌ණනා • 7. Acinteyyasuttavaṇṇanā
