| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) |
༧. ཨཙིནྟེཡྻསུཏྟཝཎྞནཱ
7. Acinteyyasuttavaṇṇanā
༧༧. སཏྟམེ ཨཙིནྟེཡྻཱནཱིཏི ཙིནྟེཏུཾ ཨཡུཏྟཱནི། ན ཙིནྟེཏབྦཱནཱིཏི ཨཙིནྟེཡྻཏྟཱཡེཝ ན ཙིནྟེཏབྦཱནི། ཡཱནི ཙིནྟེནྟོཏི ཡཱནི ཀཱརཎཱནི ཙིནྟེནྟོ། ཨུམྨཱདསྶཱཏི ཨུམྨཏྟཀབྷཱཝསྶ། ཝིགྷཱཏསྶཱཏི དུཀྑསྶ། བུདྡྷཝིསཡོཏི བུདྡྷཱནཾ ཝིསཡོ, སབྦཉྙུཏཉྙཱཎཱདཱིནཾ བུདྡྷགུཎཱནཾ པཝཏྟི ཙ ཨཱནུབྷཱཝོ ཙ། ཛྷཱནཝིསཡོཏི ཨབྷིཉྙཱཛྷཱནཝིསཡོ། ཀམྨཝིཔཱཀོཏི དིཊྛདྷམྨཝེདནཱིཡཱདཱིནཾ ཀམྨཱནཾ ཝིཔཱཀོ། ལོཀཙིནྟཱཏི ‘‘ཀེན ནུ ཁོ ཙནྡིམསཱུརིཡཱ ཀཏཱ, ཀེན མཧཱཔཐཝཱི, ཀེན མཧཱསམུདྡོ, ཀེན སཏྟཱ ཨུཔྤཱདིཏཱ, ཀེན པབྦཏཱ, ཀེན ཨམྦཏཱལནཱལི༹ཀེརཱདཡོ’’ཏི ཨེཝརཱུཔཱ ལོཀཙིནྟཱ།
77. Sattame acinteyyānīti cintetuṃ ayuttāni. Na cintetabbānīti acinteyyattāyeva na cintetabbāni. Yāni cintentoti yāni kāraṇāni cintento. Ummādassāti ummattakabhāvassa. Vighātassāti dukkhassa. Buddhavisayoti buddhānaṃ visayo, sabbaññutaññāṇādīnaṃ buddhaguṇānaṃ pavatti ca ānubhāvo ca. Jhānavisayoti abhiññājhānavisayo. Kammavipākoti diṭṭhadhammavedanīyādīnaṃ kammānaṃ vipāko. Lokacintāti ‘‘kena nu kho candimasūriyā katā, kena mahāpathavī, kena mahāsamuddo, kena sattā uppāditā, kena pabbatā, kena ambatālanāḷikerādayo’’ti evarūpā lokacintā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཨངྒུཏྟརནིཀཱཡ • Aṅguttaranikāya / ༧. ཨཙིནྟེཡྻསུཏྟཾ • 7. Acinteyyasuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༧. ཨཙིནྟེཡྻསུཏྟཝཎྞནཱ • 7. Acinteyyasuttavaṇṇanā
