| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
১০. সল়ৰগ্গো
10. Saḷavaggo
১. অদন্তঅগুত্তসুত্তং
1. Adantaaguttasuttaṃ
৯৪. সাৰত্থিনিদানং । ‘‘ছযিমে , ভিক্খৰে, ফস্সাযতনা অদন্তা অগুত্তা অরক্খিতা অসংৰুতা দুক্খাধিৰাহা হোন্তি। কতমে ছ? চক্খু, ভিক্খৰে, ফস্সাযতনং অদন্তং অগুত্তং অরক্খিতং অসংৰুতং দুক্খাধিৰাহং হোতি…পে॰… জিৰ্হা, ভিক্খৰে, ফস্সাযতনং অদন্তং অগুত্তং অরক্খিতং অসংৰুতং দুক্খাধিৰাহং হোতি…পে॰… মনো, ভিক্খৰে, ফস্সাযতনং অদন্তং অগুত্তং অরক্খিতং অসংৰুতং দুক্খাধিৰাহং হোতি। ইমে খো, ভিক্খৰে, ছ ফস্সাযতনা অদন্তা অগুত্তা অরক্খিতা অসংৰুতা দুক্খাধিৰাহা হোন্তি’’।
94. Sāvatthinidānaṃ . ‘‘Chayime , bhikkhave, phassāyatanā adantā aguttā arakkhitā asaṃvutā dukkhādhivāhā honti. Katame cha? Cakkhu, bhikkhave, phassāyatanaṃ adantaṃ aguttaṃ arakkhitaṃ asaṃvutaṃ dukkhādhivāhaṃ hoti…pe… jivhā, bhikkhave, phassāyatanaṃ adantaṃ aguttaṃ arakkhitaṃ asaṃvutaṃ dukkhādhivāhaṃ hoti…pe… mano, bhikkhave, phassāyatanaṃ adantaṃ aguttaṃ arakkhitaṃ asaṃvutaṃ dukkhādhivāhaṃ hoti. Ime kho, bhikkhave, cha phassāyatanā adantā aguttā arakkhitā asaṃvutā dukkhādhivāhā honti’’.
‘‘ছযিমে, ভিক্খৰে, ফস্সাযতনা সুদন্তা সুগুত্তা সুরক্খিতা সুসংৰুতা সুখাধিৰাহা হোন্তি। কতমে ছ? চক্খু, ভিক্খৰে, ফস্সাযতনং সুদন্তং সুগুত্তং সুরক্খিতং সুসংৰুতং সুখাধিৰাহং হোতি…পে॰… জিৰ্হা, ভিক্খৰে, ফস্সাযতনং সুদন্তং সুগুত্তং সুরক্খিতং সুসংৰুতং সুখাধিৰাহং হোতি…পে॰… মনো, ভিক্খৰে, ফস্সাযতনং সুদন্তং সুগুত্তং সুরক্খিতং সুসংৰুতং সুখাধিৰাহং হোতি। ইমে খো, ভিক্খৰে, ছ ফস্সাযতনা সুদন্তা সুগুত্তা সুরক্খিতা সুসংৰুতা সুখাধিৰাহা হোন্তী’’তি। ইদমৰোচ ভগৰা…পে॰… এতদৰোচ সত্থা –
‘‘Chayime, bhikkhave, phassāyatanā sudantā suguttā surakkhitā susaṃvutā sukhādhivāhā honti. Katame cha? Cakkhu, bhikkhave, phassāyatanaṃ sudantaṃ suguttaṃ surakkhitaṃ susaṃvutaṃ sukhādhivāhaṃ hoti…pe… jivhā, bhikkhave, phassāyatanaṃ sudantaṃ suguttaṃ surakkhitaṃ susaṃvutaṃ sukhādhivāhaṃ hoti…pe… mano, bhikkhave, phassāyatanaṃ sudantaṃ suguttaṃ surakkhitaṃ susaṃvutaṃ sukhādhivāhaṃ hoti. Ime kho, bhikkhave, cha phassāyatanā sudantā suguttā surakkhitā susaṃvutā sukhādhivāhā hontī’’ti. Idamavoca bhagavā…pe… etadavoca satthā –
অসংৰুতো যত্থ দুক্খং নিগচ্ছতি।
Asaṃvuto yattha dukkhaṃ nigacchati;
তেসঞ্চ যে সংৰরণং অৰেদিসুং,
Tesañca ye saṃvaraṇaṃ avedisuṃ,
সদ্ধাদুতিযা ৰিহরন্তানৰস্সুতা॥
Saddhādutiyā viharantānavassutā.
‘‘দিস্ৰান রূপানি মনোরমানি,
‘‘Disvāna rūpāni manoramāni,
অথোপি দিস্ৰান অমনোরমানি।
Athopi disvāna amanoramāni;
মনোরমে রাগপথং ৰিনোদযে,
Manorame rāgapathaṃ vinodaye,
ন চাপ্পিযং মেতি মনং পদোসযে॥
Na cāppiyaṃ meti manaṃ padosaye.
‘‘সদ্দঞ্চ সুত্ৰা দুভযং পিযাপ্পিযং,
‘‘Saddañca sutvā dubhayaṃ piyāppiyaṃ,
পিযম্হি সদ্দে ন সমুচ্ছিতো সিযা।
Piyamhi sadde na samucchito siyā;
অথোপ্পিযে দোসগতং ৰিনোদযে,
Athoppiye dosagataṃ vinodaye,
ন চাপ্পিযং মেতি মনং পদোসযে॥
Na cāppiyaṃ meti manaṃ padosaye.
‘‘গন্ধঞ্চ ঘত্ৰা সুরভিং মনোরমং,
‘‘Gandhañca ghatvā surabhiṃ manoramaṃ,
অথোপি ঘত্ৰা অসুচিং অকন্তিযং।
Athopi ghatvā asuciṃ akantiyaṃ;
অকন্তিযস্মিং পটিঘং ৰিনোদযে,
Akantiyasmiṃ paṭighaṃ vinodaye,
ছন্দানুনীতো ন চ কন্তিযে সিযা॥
Chandānunīto na ca kantiye siyā.
‘‘রসঞ্চ ভোত্ৰান অসাদিতঞ্চ সাদুং,
‘‘Rasañca bhotvāna asāditañca sāduṃ,
অথোপি ভোত্ৰান অসাদুমেকদা।
Athopi bhotvāna asādumekadā;
সাদুং রসং নাজ্ঝোসায ভুঞ্জে,
Sāduṃ rasaṃ nājjhosāya bhuñje,
ৰিরোধমাসাদুসু নোপদংসযে॥
Virodhamāsādusu nopadaṃsaye.
দুক্খেন ফুট্ঠোপি ন সম্পৰেধে।
Dukkhena phuṭṭhopi na sampavedhe;
ফস্সদ্ৰযং সুখদুক্খে উপেক্খে,
Phassadvayaṃ sukhadukkhe upekkhe,
অনানুরুদ্ধো অৰিরুদ্ধ কেনচি॥
Anānuruddho aviruddha kenaci.
‘‘পপঞ্চসঞ্ঞা ইতরীতরা নরা,
‘‘Papañcasaññā itarītarā narā,
পপঞ্চযন্তা উপযন্তি সঞ্ঞিনো।
Papañcayantā upayanti saññino;
মনোমযং গেহসিতঞ্চ সব্বং,
Manomayaṃ gehasitañca sabbaṃ,
পনুজ্জ নেক্খম্মসিতং ইরীযতি॥
Panujja nekkhammasitaṃ irīyati.
‘‘এৰং মনো ছস্সু যদা সুভাৰিতো,
‘‘Evaṃ mano chassu yadā subhāvito,
ফুট্ঠস্স চিত্তং ন ৰিকম্পতে ক্ৰচি।
Phuṭṭhassa cittaṃ na vikampate kvaci;
তে রাগদোসে অভিভুয্য ভিক্খৰো,
Te rāgadose abhibhuyya bhikkhavo,
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ১. অদন্তঅগুত্তৰণ্ণনা • 1. Adantaaguttavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ১. অদন্তঅগুত্তসুত্তৰণ্ণনা • 1. Adantaaguttasuttavaṇṇanā
