| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
10. сал̣аваг̇г̇о
10. Saḷavaggo
1. ад̣̇анд̇ааг̇уд̇д̇асуд̇д̇аван̣н̣анаа
1. Adantaaguttasuttavaṇṇanā
94. ад̣̇амид̇аад̇и д̣̇амам̣ ниб̣б̣исзванабхаавам̣ анийд̇аа. аг̇обид̇аад̇и сад̇исан̇каад̇ааяа вад̇ияаа на рагкид̇аа. абихид̇аад̇и сад̇игаваадзна на бихид̇аа. жад̇уухиби бад̣̇зхи инд̣̇рияаанам̣ анааваран̣амзвааха. ад̇хигам̣ ваханд̇ийд̇и ад̇хиваахаа, д̣̇угкасса ад̇хиваахаа д̣̇угкаад̇хиваахаа. нираязсу уббаж̇ж̇анагам̣ нзраяигам̣. аад̣̇и-сад̣̇д̣̇зна сзсабаал̣им̣ сан̇г̇ан̣хаад̇и.
94.Adamitāti damaṃ nibbisevanabhāvaṃ anītā. Agopitāti satisaṅkhātāya vatiyā na rakkhitā. Apihitāti satikavāṭena na pihitā. Catūhipi padehi indriyānaṃ anāvaraṇamevāha. Adhikaṃ vahantīti adhivāhā, dukkhassa adhivāhā dukkhādhivāhā. Nirayesu uppajjanakaṃ nerayikaṃ. Ādi-saddena sesapāḷiṃ saṅgaṇhāti.
сал̣зваад̇и ча-гаарасса са-гааро, л̣а-гааро бад̣̇асанд̇хигаро. яад̇т̇аад̇и нимид̇д̇ад̇т̇з бхуммам̣. анавассуд̇аа ад̇инд̇аад̇и рааг̇зна ад̇змид̇аа.
Saḷevāti cha-kārassa sa-kāro, ḷa-kāro padasandhikaro. Yatthāti nimittatthe bhummaṃ. Anavassutā atintāti rāgena atemitā.
ассаад̣̇ид̇анд̇и ассаад̣̇ам̣ ид̇ам̣ убаг̇ад̇ам̣. д̇знааха ‘‘ассаад̣̇аванд̇а’’нд̇и. сукад̣̇угканд̇и идтаанидтам̣. анваяад̇ийд̇и анваяо, хзд̇у. пассод̇и анваяо зд̇ассаад̇и пассанваяанд̇и ааха – ‘‘пассахзд̇уга’’нд̇и. ‘‘авируд̣̇д̇ха’’ид̇и вибхад̇д̇илобзна нид̣̇д̣̇зсо.
Assāditanti assādaṃ itaṃ upagataṃ. Tenāha ‘‘assādavanta’’nti. Sukhadukkhanti iṭṭhāniṭṭhaṃ. Anvayatīti anvayo, hetu. Phassoti anvayo etassāti phassanvayanti āha – ‘‘phassahetuka’’nti. ‘‘Aviruddha’’iti vibhattilopena niddeso.
бабан̃жасан̃н̃аад̇и д̇ан̣хаад̣̇исамад̇хуубасам̣хад̇асан̃н̃аа. д̇знааха ‘‘гилзсасан̃н̃ааяа бабан̃жасан̃н̃аа наама худ̇ваа’’д̇и. бабан̃жасан̃н̃аа зд̇зсам̣ ад̇т̇ийд̇и бабан̃жасан̃н̃аа, ид̇арийд̇араа нараа. бабан̃жаяанд̇аад̇и сам̣саарз бабан̃жам̣ жирааяанам̣ гаронд̇аа. сан̃н̃инод̇и г̇зхассид̇асан̃н̃ааяа сан̃н̃ааванд̇о. маномаяам̣ вид̇агганд̇и гзвалам̣ манасаа самбхаавид̇ам̣ мижчаавид̇аггам̣. ирийяад̇ийд̇и ирияам̣ бадибад̇д̇им̣ ирийяад̇и бадибаж̇ж̇ад̇и.
Papañcasaññāti taṇhādisamadhūpasaṃhatasaññā. Tenāha ‘‘kilesasaññāya papañcasaññā nāma hutvā’’ti. Papañcasaññā etesaṃ atthīti papañcasaññā, itarītarā narā. Papañcayantāti saṃsāre papañcaṃ cirāyanaṃ karontā. Saññinoti gehassitasaññāya saññāvanto. Manomayaṃ vitakkanti kevalaṃ manasā sambhāvitaṃ micchāvitakkaṃ. Irīyatīti iriyaṃ paṭipattiṃ irīyati paṭipajjati.
судту бхаавид̇од̇и судтубхаавам̣ субхааванам̣ ид̇о бхаавид̇абхаавид̇о. пудтасса жид̇д̇анд̇и д̇зна яат̇аавуд̇д̇апассзна пудтам̣ асса жид̇д̇ам̣. на вигамбад̇з гважийд̇и гисмин̃жи идтаанидтаарамман̣з на гамбад̇и. баараг̇аад̇и баараг̇аамино бхават̇а.
Suṭṭhu bhāvitoti suṭṭhubhāvaṃ subhāvanaṃ ito bhāvitabhāvito. Phuṭṭhassa cittanti tena yathāvuttaphassena phuṭṭhaṃ assa cittaṃ. Na vikampate kvacīti kismiñci iṭṭhāniṭṭhārammaṇe na kampati. Pāragāti pāragāmino bhavatha.
ад̣̇анд̇ааг̇уд̇д̇асуд̇д̇аван̣н̣анаа нидтид̇аа.
Adantaaguttasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 1. ад̣̇анд̇ааг̇уд̇д̇асуд̇д̇ам̣ • 1. Adantaaguttasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 1. ад̣̇анд̇ааг̇уд̇д̇аван̣н̣анаа • 1. Adantaaguttavaṇṇanā
